TERI MERI KAHANI 9
TERI MERI KAHANI (story of you and me)
Chapter 9
Hluhlu-i Khiangte
Zan dang ang lo takin tui takin ka mu a, thawh ka hai hial nia, ka boss ka call a, hna ka kal theih loh tur thu ka hrilh hnu-ah muangchangin ka inbual a, ka inbual zawh hnuah chaw te iin ka insiam a, make-up ka inbel pawh ka uluk hle, inngaizawng ţan tir, inhmu tur phur si, huphurh si ang hi ka intehkhin ber mai, ka mit pawh eyeshadow in ka hnawih tle ve sât sât, ka hmui pawh uluk fahran hian ka hnawih a, ka kawrfual neih nalh ber mai, ka ngainat em em, a pawl dalnrâih chu ha in chapal kaih ka inthawlh a, ka taksaah cream pawh ka chulh uluk hle, ka sling bag neih ve zinga a mawi ka tih ber chu ka ak bawk a, ka inpeih tawh thu Marova chu ka hrikh ta a, min rawn hruai dawn a ni.
Nu Rami pawh ka hrilh lawk lova, ţhawn thut kan tum a ni ber, kan inphur chhuak ta a, Ruatdika te in kawta kan din dat takah chuan ka zâm thar hle. Mahse, zah hun a ni lo, ka insangmar a, hahdam tumin thawk ka la ham ham bawk, an doorbell kan hmet ri ral ral a, rei pawh kan nghah hma-in Nu Ramin kawngkhar a rawn hawng a, min hmu chu mak a ti hle tih ka hria, ngawi renga min en veng veng hnu-ah min kuah chawt pahin, "Nùte, i hmangaih saw va en teh, ka lainat em mai", a ti ţiak a, ka mittui a tling nghal pam mai.
Ruatdika roomah kan kal a, kan kawngka tih rik pawh chu hria angin a awm lo, a cher riak a, a ţhatna erawh ka mitah a chuai chuang lo.
A nu leh Marova kohna chu hria ang pawhin a lang lova, chung lam a melh ngar ringawt.
"Ruatdik", zawite tak takin ka ti sep a, rang fahran hian a rawn hawi a, a mitmengah chuan min thlahlelhna nasa lutuk chu ka hmu thei.
Mahse, "engvanginnge i rawn kal, haw lehbrawh", a ti hrâwk a, ka lo nui mai thung.
'I thu lo bestest, ka pasal tur hi vawiin chu ka awm dawn', ka ti vei hmak a, min melh rum rinawt.
"Nangmah mamawh lo tu che leh duh miah lk tu che mipa zarbuai hi i zak lo'm ni? Damlo lehnghal", a ti deuh zek a, ka na zawk nangin ka haider lui hram hram.
'Ruatdik, nang hian min mamawh, min duh, min hmangaih, ka hmangaih ang chiah che hian', ka ti sep a, a lo ner sawk thung.
'Ka ngaih ang che hian min ngai a, min thlahlelh, thup tum mah la i mitmengah khan ka hre thei, nang hian ka tel lova awm harsa iti', mahni inringtawk takin sawi chhuah ka tum a, ka hlawhchham, ka aw a khur dar dar a, ka ţah a chhuak hle bawk.
Ţawng tuma a kâ a ang ziai chu a bulah ţhu tjlaa khapin, 'Ruatdik, i hlauhna kha dah bo rawh, Pathian kan nei a, Ani khian min thlahthlam lo ang tih ring ang aw, khawngaihin ka kut hi vuan leh rawh, min en la, keimahah hian eng nge i hmuh?' Ka ti a, mit sen rûm hian min en ngur ringawt.
'He hmeichhia, nangmah hmangaihtu che hi en teh, chîk la, eng nge i hmuh? A mitmenga a ngaihna che, a hmangaihna che leh a thlakhlehna che hi i hmu em? A aia thukah en leh teh? Mihring beidawnnaah pawh itan hian Pathian a la beisei fan tih i hmu lo em ni?' Ka ti a, ka aw chu a ri ve hrâk, ka thin a rim rualin ka lainat bawk si.
Chutah, a mit aţangin mittui a rawn tla ta a, a insehruh nasa hle, 'kan pahnihin, nang leh kei hian bei dun ang aw, Pathian chakna kan ring ang a, inthlah tawh lo ang aw', tiin ka ngen ngawih ngawih a, ka mittui pawh ka dangbet duh ta lo.
A kut cher riak chuan ka samah a chûl a, "i â, i â takzet" a ti sup sup reng.
Ruatdika chu kan inkar aţhat leh aţangin a kâng ve awk awk a, dam ţha ang viah chu la ni lo mah se a hmasawnna chu hai rual a ni lo, nitin kan ţawngţai dun ţhin a, "Lalpa, i hnena min hruai mai lovin ka hmangaih hnenah hian rei tak min awmtir rawh aw", tiin Lalpa a dil ziah ţhin.
Thla thum lai a vei hnu-ah chuan dam ţha tawh tak a ni a, kar khatah zan hnih vel chu min rawn rim peih ve tawh, zantin em em chu a taksa in a tuar ang tih ka hlau a, ka khap ţhin, nitin kan inhmu hran lova, nikenga kan inhmuh loh erawh a tlem hle thung.
A natna pawh a insalbeh tir reng tawh bik lova, Biak in lam pan reng thei lo mah se youtube ah sermon kan ngaithla dun ţhin, Missionary testimony te, sermon pangngai te, infuihna thu ţha tinreng ka hmuh phak apiang ka share a, a lo en ve ţhin a, amah pawhin Pathian lakah a rinna a nghat nasa lehzual a, hahdam takin a awm ve thei tawh.
Kum a liam a, kan inzui ngawrh hle, Dr Ruatruati chu tlachhe tawh tak a ni.
Ruatdika kha a lo duh hle a, Ruatdika a duh avangin ka lakah pawh game a lo khel a nih kha, mahse, thilsual ti tute hi chu an thil tihsual in a vuak let a awm ngei ngei, a hnathawhna hmunah damlo chungah mawilo taka a chet avang leh rui chunga a duty avangin ban a ni a, a damlo enkawl ţhenkhat te leh an chhungte lamin an bei let ve nen a mualpho hle a, a hna a chelh tak lohah chuan ruihhlo a khawih nasa a, hmeichhe nalh tak ni ţhin kha a pawr fap mai, keini erawhin amah vangin buaina kan neih zawm ta lo.
Ani pawh a nun insiamţha a, ngaiawh leh turin ka duhsak takzet a ni.
Mak tak maiin Ruatdika chuan Pathian hnen aţang damna a chang hlauh mai a, kan hlimna mittui a tla tam teh e, a taksaah doctor te'n cancer hrik an hmu lo a, vawitam an ennawn hnu-ah pawh a dam viah mai!
Pathian hnenah kan lawmin Pathian chawimawina hun te kan hmang a, lawmpui lo reng reng an awmin ka hre lo.
A dam leh takah chuan a hna ngai te zawm lehin keipawh chips siamna hmunah ka la thawk tluang zel a, kan inhmu khât ve ta deuh, Dr senior tak a la ni hran lo bawk nen a hah ve hle a, night duty a neih chang phei chuan ka men pui ve tawp chang te a awm.
Harsatna lian tham em em kan tawk lova, a patient te thik ka ching zeuh zeuh thung, a lawm zawk emaw tih tur a ni ţhin thung, ka thikthu hi ka thunun thei lo, ninawm leh hneawm pawh ka ni lek lek hialin ka ring, a patient te zingah amah lo hmel duhtu leh text message a be zawmtu an lo awm ve ţhin nen, chàn ka hlau em a ni.
Pathian kan chunga a ţhat zia hriain insum harsa ti viau ţhin mah ila mipat hmeichhiatna kan la hmang lo tluang zel e, han thlen lek lek changte chu nula leh tlangval inhmangaih tak inkarah chuan a awm nameuh mai, amah zawk a insum hmasak loh chuan keiin, "i ţawngţai ang hmiang", tiin ka sawm a, Pathian duh loh zawnga kan awm teuh zia hriain ngaihdam dilin kan ţawngţai a, lawmthu sawina in a tawp kan khar ţhin, ka pa leh ka nau pawh an hna a tluang a, kan in luah ve pawh kan theih tawpin kan cheimawi ve tawh viau mai, mi anga bungraw ţha beng bung ni lo mah se kan mamawh a awm kim a, tin, kan in hi a felfai tawk khawp mai, naupang hmun tihnawk rual kan awm lo bawk nen, ka nun hi a hahdam thlak hi a ni tawp.
Inrinni zan a ni a, Ruatdika'n chaw eichhuah a rawt ve teh mial, ka lo pawm vat a, tunlai chu a hna a rim ve bawk nen kan inhmu khat ve deuh.
Fai taka inbual in uluk takin ka insiam a, kawrfual ka ngainat avangin kawrfual ka khup khuh hret ka ha a, flat ka bun a, mawi ka inti hle, inchei deuh ai chuan simple tak hi ka ngaina a, ka landan tura ka duh pawh a ni, sling bag, Ruatdika min present ngei chu ka ak a, ka flat leh kawrfual nen pawh a inrem nangiang mai.
Khawpui lun hut hut lo laiah min kal pui a, kan kalna hmun chu a nuam hle, a reh lutuk si lo, a bengchheng si lo, a khaikhawmna atan a romantic hle a ni mai, couple ho restaurant ni awm tak a ni, midang kal ve te pawh chu inngaizawng leh nupa ni awm tak an ni tlangpui.
Tui takin zanriah kan eidun a, zanriah kan eikham hnu chuan tlang hmun nuam takah min hruai leh a, kan boruak chu a hahdam in a dai raih mai.
Tui taka ka ţawng siam siam chu min tawp tirna atan min fawp a, ka nui hak mai, ani pawh a nui a, min fawh vawng vawng zawh chuan ril ruihin min en vung vung, ka lai lek lek.
A hmel thutak lutuk leh min en ngur si chu awmdan tur mai ka hre lova, 'eng nge', ka ti chiam, a nui hawk a, zawimuangin ka hmaah chuan a ţhingţhi riai riai!
Hetiang hi ka hre ve thiam, ka kâ ka hup a, "min nei duh ang em Nùte", a ti sup a, ka la ţawng lo.
"Min lentar tir tum suh", a ti hmuk a, ka nui ta hak, ka biang a lum pap bawk.
Lawm tak chungin, 'kei chu kawprem harsa tak ka ni hran lo a, min phatsana min bum a nih loh chuan ka nghet tih i hriat kha, mahse, nupa kan nih hnu-ah pawh kei chuan, inngaihzawn reng ka duh dawn tih hria la, i tlin dawn loh chuan tunah min hlat rawh.
I nupui ka nih hun-ah pawh kan inngaihzawn lai ang tho hian ka thikthu a la chhe dawn a, ni mai love, kha aia nasa khan a la chhe dawn!
Ka ngaihzawng chân ka hlauhna aiin ka pasal hloh ka hlauhna a nasa zawk dawn tih hria la, Pathian malsawmna dawnga i fa ka pai avanga ka taksa a lo itawm ta lo a nih a, duhawmna ka laka i hmuh ţhin an bo zawh tikah pawh, i nupui nih ka la duh dawn a, rinawmna i vawn zawh dawn loh chuan tunah min kalsan rawh.
Min hmangaih thu min fah kha ka rin avangin ka vuan dawn che a ni a, ka thupui ber chu NANG inih dawn avangin mahni hmasial takin i thupui ber nih ve ka duh a, khuareiah min hmangaihna a lo dai a nih a, kei nena chhungkua i din aia nula tituai nalh zawk i lo thlang ta a nih pawhin, min buma min thlim lovin min hrilh la, inphatsanna ai chuan ka tuar thiam zawk ang.
Chu chu i vawng thei a nih chuan inneih puia min sawmna hi ka pawm e', tiin ka nui seih a..
.Thinlung lawm tih hriat taka rawn dingin min kuah vawng vawng a, gold ţhi nalh zet chu min awrh tir ta a.
Chapter 9
Hluhlu-i Khiangte
Zan dang ang lo takin tui takin ka mu a, thawh ka hai hial nia, ka boss ka call a, hna ka kal theih loh tur thu ka hrilh hnu-ah muangchangin ka inbual a, ka inbual zawh hnuah chaw te iin ka insiam a, make-up ka inbel pawh ka uluk hle, inngaizawng ţan tir, inhmu tur phur si, huphurh si ang hi ka intehkhin ber mai, ka mit pawh eyeshadow in ka hnawih tle ve sât sât, ka hmui pawh uluk fahran hian ka hnawih a, ka kawrfual neih nalh ber mai, ka ngainat em em, a pawl dalnrâih chu ha in chapal kaih ka inthawlh a, ka taksaah cream pawh ka chulh uluk hle, ka sling bag neih ve zinga a mawi ka tih ber chu ka ak bawk a, ka inpeih tawh thu Marova chu ka hrikh ta a, min rawn hruai dawn a ni.
Nu Rami pawh ka hrilh lawk lova, ţhawn thut kan tum a ni ber, kan inphur chhuak ta a, Ruatdika te in kawta kan din dat takah chuan ka zâm thar hle. Mahse, zah hun a ni lo, ka insangmar a, hahdam tumin thawk ka la ham ham bawk, an doorbell kan hmet ri ral ral a, rei pawh kan nghah hma-in Nu Ramin kawngkhar a rawn hawng a, min hmu chu mak a ti hle tih ka hria, ngawi renga min en veng veng hnu-ah min kuah chawt pahin, "Nùte, i hmangaih saw va en teh, ka lainat em mai", a ti ţiak a, ka mittui a tling nghal pam mai.
Ruatdika roomah kan kal a, kan kawngka tih rik pawh chu hria angin a awm lo, a cher riak a, a ţhatna erawh ka mitah a chuai chuang lo.
A nu leh Marova kohna chu hria ang pawhin a lang lova, chung lam a melh ngar ringawt.
"Ruatdik", zawite tak takin ka ti sep a, rang fahran hian a rawn hawi a, a mitmengah chuan min thlahlelhna nasa lutuk chu ka hmu thei.
Mahse, "engvanginnge i rawn kal, haw lehbrawh", a ti hrâwk a, ka lo nui mai thung.
'I thu lo bestest, ka pasal tur hi vawiin chu ka awm dawn', ka ti vei hmak a, min melh rum rinawt.
"Nangmah mamawh lo tu che leh duh miah lk tu che mipa zarbuai hi i zak lo'm ni? Damlo lehnghal", a ti deuh zek a, ka na zawk nangin ka haider lui hram hram.
'Ruatdik, nang hian min mamawh, min duh, min hmangaih, ka hmangaih ang chiah che hian', ka ti sep a, a lo ner sawk thung.
'Ka ngaih ang che hian min ngai a, min thlahlelh, thup tum mah la i mitmengah khan ka hre thei, nang hian ka tel lova awm harsa iti', mahni inringtawk takin sawi chhuah ka tum a, ka hlawhchham, ka aw a khur dar dar a, ka ţah a chhuak hle bawk.
Ţawng tuma a kâ a ang ziai chu a bulah ţhu tjlaa khapin, 'Ruatdik, i hlauhna kha dah bo rawh, Pathian kan nei a, Ani khian min thlahthlam lo ang tih ring ang aw, khawngaihin ka kut hi vuan leh rawh, min en la, keimahah hian eng nge i hmuh?' Ka ti a, mit sen rûm hian min en ngur ringawt.
'He hmeichhia, nangmah hmangaihtu che hi en teh, chîk la, eng nge i hmuh? A mitmenga a ngaihna che, a hmangaihna che leh a thlakhlehna che hi i hmu em? A aia thukah en leh teh? Mihring beidawnnaah pawh itan hian Pathian a la beisei fan tih i hmu lo em ni?' Ka ti a, ka aw chu a ri ve hrâk, ka thin a rim rualin ka lainat bawk si.
Chutah, a mit aţangin mittui a rawn tla ta a, a insehruh nasa hle, 'kan pahnihin, nang leh kei hian bei dun ang aw, Pathian chakna kan ring ang a, inthlah tawh lo ang aw', tiin ka ngen ngawih ngawih a, ka mittui pawh ka dangbet duh ta lo.
A kut cher riak chuan ka samah a chûl a, "i â, i â takzet" a ti sup sup reng.
Ruatdika chu kan inkar aţhat leh aţangin a kâng ve awk awk a, dam ţha ang viah chu la ni lo mah se a hmasawnna chu hai rual a ni lo, nitin kan ţawngţai dun ţhin a, "Lalpa, i hnena min hruai mai lovin ka hmangaih hnenah hian rei tak min awmtir rawh aw", tiin Lalpa a dil ziah ţhin.
Thla thum lai a vei hnu-ah chuan dam ţha tawh tak a ni a, kar khatah zan hnih vel chu min rawn rim peih ve tawh, zantin em em chu a taksa in a tuar ang tih ka hlau a, ka khap ţhin, nitin kan inhmu hran lova, nikenga kan inhmuh loh erawh a tlem hle thung.
A natna pawh a insalbeh tir reng tawh bik lova, Biak in lam pan reng thei lo mah se youtube ah sermon kan ngaithla dun ţhin, Missionary testimony te, sermon pangngai te, infuihna thu ţha tinreng ka hmuh phak apiang ka share a, a lo en ve ţhin a, amah pawhin Pathian lakah a rinna a nghat nasa lehzual a, hahdam takin a awm ve thei tawh.
Kum a liam a, kan inzui ngawrh hle, Dr Ruatruati chu tlachhe tawh tak a ni.
Ruatdika kha a lo duh hle a, Ruatdika a duh avangin ka lakah pawh game a lo khel a nih kha, mahse, thilsual ti tute hi chu an thil tihsual in a vuak let a awm ngei ngei, a hnathawhna hmunah damlo chungah mawilo taka a chet avang leh rui chunga a duty avangin ban a ni a, a damlo enkawl ţhenkhat te leh an chhungte lamin an bei let ve nen a mualpho hle a, a hna a chelh tak lohah chuan ruihhlo a khawih nasa a, hmeichhe nalh tak ni ţhin kha a pawr fap mai, keini erawhin amah vangin buaina kan neih zawm ta lo.
Ani pawh a nun insiamţha a, ngaiawh leh turin ka duhsak takzet a ni.
Mak tak maiin Ruatdika chuan Pathian hnen aţang damna a chang hlauh mai a, kan hlimna mittui a tla tam teh e, a taksaah doctor te'n cancer hrik an hmu lo a, vawitam an ennawn hnu-ah pawh a dam viah mai!
Pathian hnenah kan lawmin Pathian chawimawina hun te kan hmang a, lawmpui lo reng reng an awmin ka hre lo.
A dam leh takah chuan a hna ngai te zawm lehin keipawh chips siamna hmunah ka la thawk tluang zel a, kan inhmu khât ve ta deuh, Dr senior tak a la ni hran lo bawk nen a hah ve hle a, night duty a neih chang phei chuan ka men pui ve tawp chang te a awm.
Harsatna lian tham em em kan tawk lova, a patient te thik ka ching zeuh zeuh thung, a lawm zawk emaw tih tur a ni ţhin thung, ka thikthu hi ka thunun thei lo, ninawm leh hneawm pawh ka ni lek lek hialin ka ring, a patient te zingah amah lo hmel duhtu leh text message a be zawmtu an lo awm ve ţhin nen, chàn ka hlau em a ni.
Pathian kan chunga a ţhat zia hriain insum harsa ti viau ţhin mah ila mipat hmeichhiatna kan la hmang lo tluang zel e, han thlen lek lek changte chu nula leh tlangval inhmangaih tak inkarah chuan a awm nameuh mai, amah zawk a insum hmasak loh chuan keiin, "i ţawngţai ang hmiang", tiin ka sawm a, Pathian duh loh zawnga kan awm teuh zia hriain ngaihdam dilin kan ţawngţai a, lawmthu sawina in a tawp kan khar ţhin, ka pa leh ka nau pawh an hna a tluang a, kan in luah ve pawh kan theih tawpin kan cheimawi ve tawh viau mai, mi anga bungraw ţha beng bung ni lo mah se kan mamawh a awm kim a, tin, kan in hi a felfai tawk khawp mai, naupang hmun tihnawk rual kan awm lo bawk nen, ka nun hi a hahdam thlak hi a ni tawp.
Inrinni zan a ni a, Ruatdika'n chaw eichhuah a rawt ve teh mial, ka lo pawm vat a, tunlai chu a hna a rim ve bawk nen kan inhmu khat ve deuh.
Fai taka inbual in uluk takin ka insiam a, kawrfual ka ngainat avangin kawrfual ka khup khuh hret ka ha a, flat ka bun a, mawi ka inti hle, inchei deuh ai chuan simple tak hi ka ngaina a, ka landan tura ka duh pawh a ni, sling bag, Ruatdika min present ngei chu ka ak a, ka flat leh kawrfual nen pawh a inrem nangiang mai.
Khawpui lun hut hut lo laiah min kal pui a, kan kalna hmun chu a nuam hle, a reh lutuk si lo, a bengchheng si lo, a khaikhawmna atan a romantic hle a ni mai, couple ho restaurant ni awm tak a ni, midang kal ve te pawh chu inngaizawng leh nupa ni awm tak an ni tlangpui.
Tui takin zanriah kan eidun a, zanriah kan eikham hnu chuan tlang hmun nuam takah min hruai leh a, kan boruak chu a hahdam in a dai raih mai.
Tui taka ka ţawng siam siam chu min tawp tirna atan min fawp a, ka nui hak mai, ani pawh a nui a, min fawh vawng vawng zawh chuan ril ruihin min en vung vung, ka lai lek lek.
A hmel thutak lutuk leh min en ngur si chu awmdan tur mai ka hre lova, 'eng nge', ka ti chiam, a nui hawk a, zawimuangin ka hmaah chuan a ţhingţhi riai riai!
Hetiang hi ka hre ve thiam, ka kâ ka hup a, "min nei duh ang em Nùte", a ti sup a, ka la ţawng lo.
"Min lentar tir tum suh", a ti hmuk a, ka nui ta hak, ka biang a lum pap bawk.
Lawm tak chungin, 'kei chu kawprem harsa tak ka ni hran lo a, min phatsana min bum a nih loh chuan ka nghet tih i hriat kha, mahse, nupa kan nih hnu-ah pawh kei chuan, inngaihzawn reng ka duh dawn tih hria la, i tlin dawn loh chuan tunah min hlat rawh.
I nupui ka nih hun-ah pawh kan inngaihzawn lai ang tho hian ka thikthu a la chhe dawn a, ni mai love, kha aia nasa khan a la chhe dawn!
Ka ngaihzawng chân ka hlauhna aiin ka pasal hloh ka hlauhna a nasa zawk dawn tih hria la, Pathian malsawmna dawnga i fa ka pai avanga ka taksa a lo itawm ta lo a nih a, duhawmna ka laka i hmuh ţhin an bo zawh tikah pawh, i nupui nih ka la duh dawn a, rinawmna i vawn zawh dawn loh chuan tunah min kalsan rawh.
Min hmangaih thu min fah kha ka rin avangin ka vuan dawn che a ni a, ka thupui ber chu NANG inih dawn avangin mahni hmasial takin i thupui ber nih ve ka duh a, khuareiah min hmangaihna a lo dai a nih a, kei nena chhungkua i din aia nula tituai nalh zawk i lo thlang ta a nih pawhin, min buma min thlim lovin min hrilh la, inphatsanna ai chuan ka tuar thiam zawk ang.
Chu chu i vawng thei a nih chuan inneih puia min sawmna hi ka pawm e', tiin ka nui seih a..
.Thinlung lawm tih hriat taka rawn dingin min kuah vawng vawng a, gold ţhi nalh zet chu min awrh tir ta a.
Comments
Post a Comment