TERI MERI KAHANI 2
TERI MERI KAHANI
(Story of you and me)
Chapter - 2
Hluhlu-i Khiangte
Ka insiam rak rak a, zan thum leh ni thum in lama kan awm hahdam takah chuan damdawi ka ei ţha bawk nen, damdawi min chawh ang la ei zo lo mah ila ka dam angreng tawh khawp a, luak leh taksa nâ te a kiang a, ka harh viau, mahni in lum nge nge chu damdawi pakhat a tling a, tin, an theihtawkin ka pa leh ka nauin min duatin chakna lam pai theitui leh ei leh in min hlui awl lova, ka thau belh hialin a nia ka hriat, dawr lamah an buai bawk nen damdawi chu khi lamah pawh a ei zawm theih tho a tiin chhoh ka tum a ni. In lama ka awm chhung hian kohhran ho ţawngţai puina ka dawng awl lova, kohhran hruaitute an beng a varin min kan a, ţawngţaina te hmangin ka lu chungah kut an nghat a, hriakthih rawngbawlna nen, ka thawhpuite leh ka boss te pawhin ka chin zawtin min phone awl lova, Pathian ţhat zia ka hre nawn awn awn a ni ber mai.
2wheeler Taxi hi hman bik ka neih vangin kan in leh ka hnathawhna hi chu a hre bel khawp a, ka call aţanga rei vak lovah a rawn lang nghal, fare a to uchuak ngai si lova, hmanhmawh thil thu a han hmanah pawh 2wheeler taxi awm hi a ţangkai viauin ka hria. A ngai te te in kan inphur chho leh ta vawk vawk a, rei pawh thang lovin kan han thleng nghal mai, dawr kan thlen chuan an lo buai leh hle a, chet ve nghal ka tum erawh min lo khap thuai hlawm, ka bungraw tlem chu ka indah fel zung zung a, min khap viau mah se thawhpuite buai laia lo awm awl bik chu thil nuam a ni bik der lo.
Buai zual a reh a, khua a tlai leh ta ruih e, Damdawi in awmna hi tlang a nih vangin nipui lai pawhin boruak a lum hulh lova, han awmawl deuh phei chuan a vawt lek lek hial mai. Zanriah kan ei har ţhin avangin rice ka ei hawng hawng a, damdawi ei lai ka la neih vang a ni pakhat, pum ruaka damdawi ei chi ni hek lo le, a tuk ami tur kan inhmakhua bek bek a, buai hut hut ni si lovin awl erawh kan la awm lo.
Naupangho hi alawm chhel ka tih ni, choka lam che, chef, second cook leh keini, ei leh in lam buaipui tute tih loh hi chu an la naupang a, ka nau pawh rual pha lo an ni nawk, Kum 16-18 an ni fur a, khaw hran aţanga rawn kal an ni hlawm lehnghal, anmahni tawkah an hah ve em em a, hna rum tak tak khawiha hei aia hlawh ţha zawk hmu turin an la nau si, lehkha zir rual lek tih dawnin lo neia nitin eichawp zawng te an ni a, fahrah tak tak lah an awm, an phaktawk tiin hah leh chauh pawh sawi lovin an thawk ve ţang ţang a, ka khawngaihin ka theihna ang apiangah ka duat ve ţhin hle, hauh lah ka hau tam narawh e.
Choka lama ka chet ţhin vangin pawn lam boruak ka hmu em em lova, zingkarah damlo awmpui tute thingpui hmeh tur paratha leh Zochhang tal kan nei a, doctor leh nurse night duty te eitur nen, dar ruk(6) ah chuan thingpui thlum leh hang, chhang nen kan ri ap tawh ţhin.
Duty te hi chu an duty na ward ah kan va pe mai ţhin a, damlo awmpui tute hi chuan an rawn lam ţhin, cabin a awm te chu pack sakin kan va deliver ţhin bawk a, ward ah pawh min rawn chah chuan pek chang kan neih tho avangin hnathawk pawh kan tam, mi 10 chuang chu kan awm reng, hmun nghak awm a ngai a, eichawp dawr restaurant sirah awm bawk mah se, neih kim a lo har ve bawk a, damdawi in awmna hi a han fal ve bawk nen ei leh in bakah, an mamawh dang zawng zawng hi neih a ngai a, special menu aţanga buhhawp, dal, chaw leh bai, sa chi hrang hrang, fry, curry leh chhum thlengin neih a ngai a, bai pawh chi thum vel kan nei ţhin.
'Hun lo ţet ţut lutuk', tiin ka phun hlak a, ka mal inkar a rawn lum pup vang a ni, phat rualin ka thla tin dan a rawn chhuak tih ka hre mai, ka thawmhnaw dahna chhuar ka va hai rawk rawk a, karei, pads kawl sa ka nei miah lo.
Chhun buai lai lai chuan inhup deuh ţût ţûtin eichawp dawrah ka va tlan a, pads ka va ban rawk rawk, han tuam mawina hman a awm a, 'lo chhinchhiah la, tlaiah a ni mai', tia ka tlan let leh mai tur chu "Rodawngkim", tih vangin ka phu dawrh a, ka hmanhmawh che phelh bawk nen ka tlu ţhelh. Mahse, ban tha chak takin ka mawngah a lo dawm chawt a, tlu em lo mah ila rem lo zetin ka ding lai hû mai.
Ka hawi chhuah chuan hnai fahranah kha Doctor, ka mitthla a lang ve ziah ţhin Ruatdika khan min lo chhuk bih ngur a, ka ding ngil nghal vat rual chuan a kut ka en ngar thung, ka period bawk si a, a lo tlang hman lo a ni ngei ang, a kut-ah thisen a kai lo!
Ka zak lutuk chu ka sen awp awpin ka ring, hre ve kher lo mah se ka zahna a tlahniam hauh lo, ka hlauthawng bawk, ka lungphu phu dawt dawt ri chu ka hre pha hialin ka hria, ka inveng hman si lo chuan, 'Doctor ve si mi han tihphut chiam', tiin ka tlan nal nal, a hamhaih a ni mahna le a ban a phar hluai, "a damţha tawh em ni tih zawh ka tum a ni reng sia", a tih sup ri chu ka hre hman vuat vuat, ka luh bo hma chuan ka hawi let hram a, min lo melh vung vung, rei en duh lovin choka lamah ka tlan lut a, ka la inpal khut khut zui.
Ka lut chiah chu 'ka zak heavy ultra pro max lutuk', tiin ka au deuh ţhat a, ka thawhpuite an lo hawi ţhup mai.
Inhmelchhe hlawm lutuk tiin bual in lamah ka tlan lut a, an nui ţhû hlawmin ka hria.
Kan bual in bangah hian taksa hmuh kim theihna darthlalang lian zet kan bel a, ka in en vat, ka biang chu a tai sen tek a, ka thlan a chhuak ţiam ţiam bawk. Ka pads ken kha a hmu awm sia, awiiii tiin ka inkek deuh nawk a, mahse hetia inthing nghek hman hi ka ni lo, kan buai lutuk, ka inthlak sawk sawk a, ka panty leh kekawr chu tuia thisen kai ka tleuh nawk nawk hnu-ah bucket pakhatah ka chiah rih tawp, ka su hman rih tlat lo.
Ka va chebuai ve nghal char char a, darkar chanve vel kan au deuh lawng lawng hnu-ah a reh ve ta hram, ka kekawr ka va su zawk zawk a, ka suk lai chuan Doctor Ruatdika ringawt ka ngaihtuah lehnghal, ka ngaihtuah apiangin ka hmai a sa ţawn ţawn ziah a, ka hmu ngam tawh miah lovang tih ka chiang.
Ka mut hmunah chuan hetianga lai leh zak cheih cheiha ka awm loh rei tawh zia ka ngaihtuah a, zawite in ka nui deuh hak.
Ka nunhlui ka mitthlaah an rawn inlar a, ani bulah khan hetiang hian ka awm ţhin, lungleng em emin kan hun hman hlimawm te kha ka dawn kir a, ka mittui a rawn far fap, ka thawhpuite hriat hlau lutukin ka hawi kual a, a ţhenin games khelin a ţhenin vid call an lo hmang, min ngaihsak lo hlauh e, ka mutdan ka siam rem a, ka inlukhuh hmak, an hriat hlau takin ka insût hrâih a, lunglenna nasa lutuk in min tuam mup mup. Rei lo-ah lunglenna chu thinurna leh huatna in a rawn thlak a, ka insehruh ngawt ngawt ringawt.
Ka kut dinglamin ka awm ka khawih a, 'phatsantu vangin na tawh suh', tiin ka inhnem mawlh mawlh. Ngai ka awha ka hawi chhuah meuh chuan ka thawhpuite an lo muhil hnar barh barh tawh, zunram thiara tho lehin ka zawh hnu chuan ka mutna ah mu-in ka blanket chuan ka inlukhuh leh than a, ka chau ngang a ni ang, kar lovah ka muhil a, mang nuam em em ka la mang zui.
Nitin a ngai ang zelin hun ka hmang a, kan buai ţhin hle, kan mut hman meuh chuan dar 11 a hnai kuar tawh ţhin a, han muthilh nghal mai ka ui ţhin avangin youtube ah video en in dar 12 ma meng thleng lui ţalh zel(haha).
Dawrah pawh hmawmsawm lamin ka kal ngam tawh lova, naupang ho ka tir mai zel, Dr Ruatdika hmu-in ka chetchhiat leh ka hlau tawh tlat atin ni.
Mahse eng nge thleng hi, ni danga rawn lut lova eitur rawn chah mai ţhin hi a rawn lut tlat, eitur kan suah sa kan pekchhuakna kawngkhar te ah chuan a rawn dak run a, ka hmingin min rawn ko bawk.
'Ehh, eihhh', ka ti bah nawk a, ka en phawk hra bawk, apron pangngai ha lovin hrukpuan themlem tak ka bih a, kekawrbul ka ha bawk, kan buai deuh chuan thuk lian pui pui alh rengin min hual bawk nen choka chu a lum takzet ţhin a, ka thawmhnaw pawh ka ha duhdah thei hle, lum hi tawrh har ka ti. ka landan chik zeta en kual anv mai hian min melh lawr dan dan a, ka inthuam dan ka hriat chhuah meuh chuan ka ner nawng ringawt, a nui suk a, "Black coffee tak ţha ngek ngawk min lo siam ta che", a ti sup, ka bu nghauh nghauh a, a kal liam thleng pawhin ka thaw lovin ka hria!
'Khatiang te chu intercom aţang pawhin a rawn order thei reng sia', ka ti nang nang reng a, thinrim ru ţunin a thil order chu ka siam sawk sawk😂Ka thawhpui Mawitei lah chuan min lo nuih tet tet a, "in inngaizawng dawnin ka hria", a lo ti lar lar, ka melh rum nghek a, a la nui tak ang uar uar a. A râwl a ring si, aw vin fiak ang chi hi a ni reuh a, staff rawn chawl lut an tam ve ţhin bawk nen an hriat phak ka hlau takzet.
Min fiamna erawh hua ang taka lang siin ka haw lutuk phal der lo, kei hian Doctor Ruatdika hi ka duh tihna em ni ang le?
Vawikhat ka inentir a, ka hming leh veng, kum zat vel damdawi lehkhaah a awm a ngaih vangin ka hming a hria chu a ni phawt a, Mawitei chuan, "ngaihtuah la, tinge a lo chhinchhiah che, i hming te, eitur pe in i chhuak ngai lova, a ngaihven che a nih loh chuan ni khata damlo tamtak a en zingah a chhinchhiah bik chat chhan tur che a awm lo! Mawli", min ti zek a.
'Aw... mi tamtak chu canteen a thawk an ni kher hleinem, hetah ka thawk a, chuvang a ni ang', ka ti ve fan a, mahse ei tur deliver ţhin Tluangtluangi chuan a h Mawitei ţan zetin, "keini pawh nitin eitur kan pe a, min koh dawnin kan hming min zawt ve ziah", a lo ti nang nang, ka nuk tawi tak ringawt.
Zan a lo ni a, a ngai te bawkin mut hmunah chuan ka suangtuahna ka kawm leh a, an sawi ang khan min ngaihven em ni? Ni lo, a ni lo ang, Canteen a thawk mai mai min ngaihven chhan tur a awm lo ka ti thul. Heiham.
Ka beisei deuh si, beisei ngam si lo ang hian ka awmin ka hre ber.
(Story of you and me)
Chapter - 2
Hluhlu-i Khiangte
Ka insiam rak rak a, zan thum leh ni thum in lama kan awm hahdam takah chuan damdawi ka ei ţha bawk nen, damdawi min chawh ang la ei zo lo mah ila ka dam angreng tawh khawp a, luak leh taksa nâ te a kiang a, ka harh viau, mahni in lum nge nge chu damdawi pakhat a tling a, tin, an theihtawkin ka pa leh ka nauin min duatin chakna lam pai theitui leh ei leh in min hlui awl lova, ka thau belh hialin a nia ka hriat, dawr lamah an buai bawk nen damdawi chu khi lamah pawh a ei zawm theih tho a tiin chhoh ka tum a ni. In lama ka awm chhung hian kohhran ho ţawngţai puina ka dawng awl lova, kohhran hruaitute an beng a varin min kan a, ţawngţaina te hmangin ka lu chungah kut an nghat a, hriakthih rawngbawlna nen, ka thawhpuite leh ka boss te pawhin ka chin zawtin min phone awl lova, Pathian ţhat zia ka hre nawn awn awn a ni ber mai.
2wheeler Taxi hi hman bik ka neih vangin kan in leh ka hnathawhna hi chu a hre bel khawp a, ka call aţanga rei vak lovah a rawn lang nghal, fare a to uchuak ngai si lova, hmanhmawh thil thu a han hmanah pawh 2wheeler taxi awm hi a ţangkai viauin ka hria. A ngai te te in kan inphur chho leh ta vawk vawk a, rei pawh thang lovin kan han thleng nghal mai, dawr kan thlen chuan an lo buai leh hle a, chet ve nghal ka tum erawh min lo khap thuai hlawm, ka bungraw tlem chu ka indah fel zung zung a, min khap viau mah se thawhpuite buai laia lo awm awl bik chu thil nuam a ni bik der lo.
Buai zual a reh a, khua a tlai leh ta ruih e, Damdawi in awmna hi tlang a nih vangin nipui lai pawhin boruak a lum hulh lova, han awmawl deuh phei chuan a vawt lek lek hial mai. Zanriah kan ei har ţhin avangin rice ka ei hawng hawng a, damdawi ei lai ka la neih vang a ni pakhat, pum ruaka damdawi ei chi ni hek lo le, a tuk ami tur kan inhmakhua bek bek a, buai hut hut ni si lovin awl erawh kan la awm lo.
Naupangho hi alawm chhel ka tih ni, choka lam che, chef, second cook leh keini, ei leh in lam buaipui tute tih loh hi chu an la naupang a, ka nau pawh rual pha lo an ni nawk, Kum 16-18 an ni fur a, khaw hran aţanga rawn kal an ni hlawm lehnghal, anmahni tawkah an hah ve em em a, hna rum tak tak khawiha hei aia hlawh ţha zawk hmu turin an la nau si, lehkha zir rual lek tih dawnin lo neia nitin eichawp zawng te an ni a, fahrah tak tak lah an awm, an phaktawk tiin hah leh chauh pawh sawi lovin an thawk ve ţang ţang a, ka khawngaihin ka theihna ang apiangah ka duat ve ţhin hle, hauh lah ka hau tam narawh e.
Choka lama ka chet ţhin vangin pawn lam boruak ka hmu em em lova, zingkarah damlo awmpui tute thingpui hmeh tur paratha leh Zochhang tal kan nei a, doctor leh nurse night duty te eitur nen, dar ruk(6) ah chuan thingpui thlum leh hang, chhang nen kan ri ap tawh ţhin.
Duty te hi chu an duty na ward ah kan va pe mai ţhin a, damlo awmpui tute hi chuan an rawn lam ţhin, cabin a awm te chu pack sakin kan va deliver ţhin bawk a, ward ah pawh min rawn chah chuan pek chang kan neih tho avangin hnathawk pawh kan tam, mi 10 chuang chu kan awm reng, hmun nghak awm a ngai a, eichawp dawr restaurant sirah awm bawk mah se, neih kim a lo har ve bawk a, damdawi in awmna hi a han fal ve bawk nen ei leh in bakah, an mamawh dang zawng zawng hi neih a ngai a, special menu aţanga buhhawp, dal, chaw leh bai, sa chi hrang hrang, fry, curry leh chhum thlengin neih a ngai a, bai pawh chi thum vel kan nei ţhin.
'Hun lo ţet ţut lutuk', tiin ka phun hlak a, ka mal inkar a rawn lum pup vang a ni, phat rualin ka thla tin dan a rawn chhuak tih ka hre mai, ka thawmhnaw dahna chhuar ka va hai rawk rawk a, karei, pads kawl sa ka nei miah lo.
Chhun buai lai lai chuan inhup deuh ţût ţûtin eichawp dawrah ka va tlan a, pads ka va ban rawk rawk, han tuam mawina hman a awm a, 'lo chhinchhiah la, tlaiah a ni mai', tia ka tlan let leh mai tur chu "Rodawngkim", tih vangin ka phu dawrh a, ka hmanhmawh che phelh bawk nen ka tlu ţhelh. Mahse, ban tha chak takin ka mawngah a lo dawm chawt a, tlu em lo mah ila rem lo zetin ka ding lai hû mai.
Ka hawi chhuah chuan hnai fahranah kha Doctor, ka mitthla a lang ve ziah ţhin Ruatdika khan min lo chhuk bih ngur a, ka ding ngil nghal vat rual chuan a kut ka en ngar thung, ka period bawk si a, a lo tlang hman lo a ni ngei ang, a kut-ah thisen a kai lo!
Ka zak lutuk chu ka sen awp awpin ka ring, hre ve kher lo mah se ka zahna a tlahniam hauh lo, ka hlauthawng bawk, ka lungphu phu dawt dawt ri chu ka hre pha hialin ka hria, ka inveng hman si lo chuan, 'Doctor ve si mi han tihphut chiam', tiin ka tlan nal nal, a hamhaih a ni mahna le a ban a phar hluai, "a damţha tawh em ni tih zawh ka tum a ni reng sia", a tih sup ri chu ka hre hman vuat vuat, ka luh bo hma chuan ka hawi let hram a, min lo melh vung vung, rei en duh lovin choka lamah ka tlan lut a, ka la inpal khut khut zui.
Ka lut chiah chu 'ka zak heavy ultra pro max lutuk', tiin ka au deuh ţhat a, ka thawhpuite an lo hawi ţhup mai.
Inhmelchhe hlawm lutuk tiin bual in lamah ka tlan lut a, an nui ţhû hlawmin ka hria.
Kan bual in bangah hian taksa hmuh kim theihna darthlalang lian zet kan bel a, ka in en vat, ka biang chu a tai sen tek a, ka thlan a chhuak ţiam ţiam bawk. Ka pads ken kha a hmu awm sia, awiiii tiin ka inkek deuh nawk a, mahse hetia inthing nghek hman hi ka ni lo, kan buai lutuk, ka inthlak sawk sawk a, ka panty leh kekawr chu tuia thisen kai ka tleuh nawk nawk hnu-ah bucket pakhatah ka chiah rih tawp, ka su hman rih tlat lo.
Ka va chebuai ve nghal char char a, darkar chanve vel kan au deuh lawng lawng hnu-ah a reh ve ta hram, ka kekawr ka va su zawk zawk a, ka suk lai chuan Doctor Ruatdika ringawt ka ngaihtuah lehnghal, ka ngaihtuah apiangin ka hmai a sa ţawn ţawn ziah a, ka hmu ngam tawh miah lovang tih ka chiang.
Ka mut hmunah chuan hetianga lai leh zak cheih cheiha ka awm loh rei tawh zia ka ngaihtuah a, zawite in ka nui deuh hak.
Ka nunhlui ka mitthlaah an rawn inlar a, ani bulah khan hetiang hian ka awm ţhin, lungleng em emin kan hun hman hlimawm te kha ka dawn kir a, ka mittui a rawn far fap, ka thawhpuite hriat hlau lutukin ka hawi kual a, a ţhenin games khelin a ţhenin vid call an lo hmang, min ngaihsak lo hlauh e, ka mutdan ka siam rem a, ka inlukhuh hmak, an hriat hlau takin ka insût hrâih a, lunglenna nasa lutuk in min tuam mup mup. Rei lo-ah lunglenna chu thinurna leh huatna in a rawn thlak a, ka insehruh ngawt ngawt ringawt.
Ka kut dinglamin ka awm ka khawih a, 'phatsantu vangin na tawh suh', tiin ka inhnem mawlh mawlh. Ngai ka awha ka hawi chhuah meuh chuan ka thawhpuite an lo muhil hnar barh barh tawh, zunram thiara tho lehin ka zawh hnu chuan ka mutna ah mu-in ka blanket chuan ka inlukhuh leh than a, ka chau ngang a ni ang, kar lovah ka muhil a, mang nuam em em ka la mang zui.
Nitin a ngai ang zelin hun ka hmang a, kan buai ţhin hle, kan mut hman meuh chuan dar 11 a hnai kuar tawh ţhin a, han muthilh nghal mai ka ui ţhin avangin youtube ah video en in dar 12 ma meng thleng lui ţalh zel(haha).
Dawrah pawh hmawmsawm lamin ka kal ngam tawh lova, naupang ho ka tir mai zel, Dr Ruatdika hmu-in ka chetchhiat leh ka hlau tawh tlat atin ni.
Mahse eng nge thleng hi, ni danga rawn lut lova eitur rawn chah mai ţhin hi a rawn lut tlat, eitur kan suah sa kan pekchhuakna kawngkhar te ah chuan a rawn dak run a, ka hmingin min rawn ko bawk.
'Ehh, eihhh', ka ti bah nawk a, ka en phawk hra bawk, apron pangngai ha lovin hrukpuan themlem tak ka bih a, kekawrbul ka ha bawk, kan buai deuh chuan thuk lian pui pui alh rengin min hual bawk nen choka chu a lum takzet ţhin a, ka thawmhnaw pawh ka ha duhdah thei hle, lum hi tawrh har ka ti. ka landan chik zeta en kual anv mai hian min melh lawr dan dan a, ka inthuam dan ka hriat chhuah meuh chuan ka ner nawng ringawt, a nui suk a, "Black coffee tak ţha ngek ngawk min lo siam ta che", a ti sup, ka bu nghauh nghauh a, a kal liam thleng pawhin ka thaw lovin ka hria!
'Khatiang te chu intercom aţang pawhin a rawn order thei reng sia', ka ti nang nang reng a, thinrim ru ţunin a thil order chu ka siam sawk sawk😂Ka thawhpui Mawitei lah chuan min lo nuih tet tet a, "in inngaizawng dawnin ka hria", a lo ti lar lar, ka melh rum nghek a, a la nui tak ang uar uar a. A râwl a ring si, aw vin fiak ang chi hi a ni reuh a, staff rawn chawl lut an tam ve ţhin bawk nen an hriat phak ka hlau takzet.
Min fiamna erawh hua ang taka lang siin ka haw lutuk phal der lo, kei hian Doctor Ruatdika hi ka duh tihna em ni ang le?
Vawikhat ka inentir a, ka hming leh veng, kum zat vel damdawi lehkhaah a awm a ngaih vangin ka hming a hria chu a ni phawt a, Mawitei chuan, "ngaihtuah la, tinge a lo chhinchhiah che, i hming te, eitur pe in i chhuak ngai lova, a ngaihven che a nih loh chuan ni khata damlo tamtak a en zingah a chhinchhiah bik chat chhan tur che a awm lo! Mawli", min ti zek a.
'Aw... mi tamtak chu canteen a thawk an ni kher hleinem, hetah ka thawk a, chuvang a ni ang', ka ti ve fan a, mahse ei tur deliver ţhin Tluangtluangi chuan a h Mawitei ţan zetin, "keini pawh nitin eitur kan pe a, min koh dawnin kan hming min zawt ve ziah", a lo ti nang nang, ka nuk tawi tak ringawt.
Zan a lo ni a, a ngai te bawkin mut hmunah chuan ka suangtuahna ka kawm leh a, an sawi ang khan min ngaihven em ni? Ni lo, a ni lo ang, Canteen a thawk mai mai min ngaihven chhan tur a awm lo ka ti thul. Heiham.
Ka beisei deuh si, beisei ngam si lo ang hian ka awmin ka hre ber.
Comments
Post a Comment