TERI MERI KAHANI 8
TERI MERI KAHANI(story of you and me)
Chapter 8
Hluhlu-i Khiangte
Sawi ve tur reng reng ka hre lo, ka nat dan chu pui tak a ni, nu Rami'n min ţawngkhum khan ka na ngei mai, mahse, hetiang em em hi a ni lo.
Amah, ka hmangaih kâ ngei aţanga hlat tura min duh thu hriat ka hlauh em avangin Mizoram pawh chhuahsan ka tum a ni a, nia, a chhan bul ber a ni alawm, a message pawh ka hawng duh lo reng bawk, mahse, min thlahlel ber awm ang ziazânga lem rawn changin ka hmaah a rawn inlan hnu-ah a talbuai a, tunah ram chhuahsan ka tumna pawh amah vang bawka ţhulh leh phahin a kiangah ka la tâp a, ka â takzet a nih hi!
"Bawiha", Nu Rami chuan a ti hliai a, ka mitmeiin ţawng lo turin ka khap thung, amah, ka hmangaih ngeiin kal turin min ti tawh a, sawi belh tur a awm tawh lo.
Mak takin Nu Rami hi ka lakah a ţha em em a, nizanah mai khan mobile hmangin min rawn bia a, ka laka a thiltih chhan min hrilh vek, ama'n min duh loh vang chu a ni hran lo, tu emaw in a hnenah, kei hi min hrechiang hle anga insawiin dawtin min hek a, Ruatdika nen VIP a kan infawp vawng vawng lai thlalak a lo thawn tel cheu nen ani thusawi chu awihin tikhan min lo ti a ni.
Thu hrilhtu chuan kei hi, inzuar ţhin ang maiin min lo sawi a, mak ka ti takzet a ni, keimah ni awm tak tak mipa hrang hrang nena hotel a kan lut dun tur ni awm tak te, a ţhen chu kil khat a kan inkuah lai ni awm tak te a ni hlawm, mahse, thlalak zawng zawng zingah Ruatdika nena VIP a kan awmna chauh kha keimah, a tak a ni.
Ani, a fapa damlo lehnghal, chutianga hmeichhe inzawrh kual ching laka a inhambuai chu a lo hmu thei bik lova, a sawitu in awihawm takin a sawi bawk nen, "na deuh taka i ti fak a nih loh chuan a sim lovang, mi awm tamna hmun ni se a fuh bawk ang, fianrial a i hmu a i ankhum a nih chuan a tina hreh hauh lo ang che", a lo ti lehzel bawk nen, tikhan dawrah min rawn kal chilh angin a insawina, ka ring thlap bawk, ka hriat danin nu Rami hi kohhran nu ho ah pawh hruaitu nihna an bel tur pawh phâ a, a fate hnehsawh taka kaihhruai duh mi a ni awm e, chutiang khawpa a fate atana an pawimawh laiin, khatiang dawtthu kha awih mai pawh awl tak tur chu a ni.
Ani chu demna ka nei tawh lova, tunah hi chuan Ruatdika hian min tina takzet a ni.
'Ruatdik, hlimna min pekah khan ka lawm e, chuan, natna min pek tel avang pawh hian ka lawm, ka kal e', tiin kawngkhar lam ka pan a, Nu Rami chuan min lo ko, mahse, ka lû ka thing mât mât a, 'Nu Ram, khatiang thu fah tu che kha tunge?' Ka ti ringawt. "DOCTOR REMRUATFELI" a ti ta a! Buk khum nghatin cabin chu ka chhuahsan ta.
Huh, ka hrethiam ta chiah e, Dr Ruatruati hian Ruatdika a duh hle a, Ruatdika lak aţanga min pawh sawn a tumna kawng vek a ni, in ka lut chu ka khumah ka bawk nghal thlawp a, Dr Ruatruati ngawt chu ka ngaihtuah, ka hmakhua ngai tak anga a awm te, a mitmei ka hmuh sual emaw ka tih awm zauh zauh te, phai lama min kal tir a tum te, mawl hi ka inti lutuk, ka sam ţham tawk chungin ka nui hak hak reng a, ka mittui a tla pah reng bawk, Ruatdika khan thudik hmuh tum lovin awlsam takin kal turin min duh a, min kal tir!
Kal lo thei lovin min siam miau a ni.
Ka mangan tawpa ka belh fo ţhin Pathian ka au a, a reh vung vung si, ka thinlung a nat vanglai tak hian Lalpa hi ka mamawh viau a ni, ngatinge a ngawih tlat le?
Ka talbuai fo a, mang maksak tak tak neiin ka zan muhil lai ţap chungin ka harh fova, hnathawh lam a lang lo, ka awmawl si chu ngaihtuahna ka hmang tam lutuk tih hriain hna ka zawng a, ka hnathawhna pangngaia ka let leh a nih chuan Dr Ruatruati ka hmu ang a, Ruatdika nen kan sulhnu te, ka ngam lo a ni.
Thil tisual miah lo zawk mah ni ila tlanchhiat ka mamawh rih, pal lui turin ka huaisen tawk lo a ni.
Chips siamna hmunah hna ka hmu a, Bazarpui maia awm a nih vangin kal lam leh haw lam pawh a awlsam a, ke a kal tham lek a ni bawk nen a fuh takzet.
Nilengin chips kan pack a, a siamtu lam an lo awm bawk a, a sem chhuak pawl an awm bawk a, hna hahthlak tak angin lang lo mah se mawng leh zâng a kham duh hle. Mahse, inngaihtuah ngut ngut ai chuan tiin sum thawhchhuahna a lo ni ve leh zel nen nuam ti takin ka thawk a, ka thawhpuite lah an felin an ţawng duh hlawm a, kawm an nuamin ka rilru kal thui tur min dan sak char char a ni hawt e.
Zanah erawh a ngai ang bawkin suangtuahna ramah bawk ka cheng a, nâ kha a rawn zual a, ka mittui dan kir tum ve ţang ţang ţhin mah ila ka la hlawhchham ziah thung!
Ni a ral a, kâr a liam a, ka lunglenna a reh thei lova, ka ţap reng erawh ka bâng ve ta, ka hmangaih tawh lo tihna erawh a ni lo.
Nu Rami'n min rawn be fova, min be fo lo turin ka hrilh hmiah thung, Ruatdika leh a kaihhnawih ka hre ngam lo a ni, ngaihtuah ngut ngutin ka awm reng phah lo ve a, hlat hmiah hi ka duh a ni, ka thinlung pawh hian nat phah kher lova ngaihtuah a duh ve tawh a, ka hah tawh a ni.
Nu Rami chuan min ankhum chhan zawng zawng kha a hrilh vek a, mahse, Ruatdika thu chu a danglam chuang lo, min hlat a la thlang fan!
Ka mihring chapona hian tlawm a tum bik lova, a rukin na mah ila na lo anga lan ka tum chho ve ta, ka hnathawh loh karah ka nuam tih zawngte ka ti ve ta fova, ka nun chu min rawn hmu tute chuan awhawm an ti ve in ka ring, mahse, ka thinlung nâ erawh thunun zawh loh chang ka la ngah thung.
Zah leh tlawm pawh dawn lova pan ruak ruak a, min kalsan lo tura ngen hial te ka nâp fova, mahse, mihring chapona hian min lo ti chak thei khawp mai, mi min hmuhhniam te hi a lo hlau a, he chapona vang hian ka la tlawm ral ţhak lo mai a ni, chapona ka nei hi ka lawm hial!
Ni lose chu a tel lova ka nun a ruah zia hriain Ruatdika'n min nuihzat lutuk palh ang e.
Ka hmelhmaiah ka nâ a ni tih lanchhuah tir lova awmdan ka thiam tawh a, ka hun hman pawh a ngai reng e, zingah hna ka kal a, hna banah in lamah haw vatin khawsak ka rel a, zan lam erawh ka tei chhuak zeuh zeuh, inkhel te ka en a, in a ka awm chuan zan hun hi rei ka tih ţhin vangin chhuahna awm chu ka hre thei viau!
Mahse, ka chevel uluk taka min thlir rengtu hi awmin ka hre tlat ţhin a, ka hawi kual a ka chik ve pawh hian ngaihbel tur ka hmu si lo, mahse, min thlithlai tu awm hian ka hre ţhin a, ka hlau hran lo naa awm a ti nuam lo ve deuh.
Zanin pawh R. Dengţhuama Indoor Stadium ah Volleyball tournament a awm a, ka en ve lehpek a, hall chhungah chuan chutiang han ngaihbel tur pawh ka nei chuang lo, Tuichangral Volleyball Club chu ţanin ka au nasa ve hle a, mahni khaw chhuahna lam a ni bawk nen ţan a na ve riau, inelna a sang ve tawh bawk nen, inkhel a zo a, ka en chak ve hram, final an lut a, players te ka chhuang hle a, Tuichangral Volleyball Club a hnamdang mipa awm ve erawh awm lo ka ti viau naa ka thuneihna a ni lo ve.
Ka haw kawngah chuan zuirutu nei ang mai hian ka inngai leh tlat a, kan in pan chhohna step zawnah hian Middle school awmna lam pan thlakna a awm ve bawk a, chutah chuan phe zeuh hi ka mitsir in ka hmu ta, ka theih tawka rangin ka tlan phei a, mipa lian lemlo ve deuh hi a lo awm, min lo en chik hle a, tlan sawn nachang erawh ka che phut nen a hre bik lo a ni mahna a hamhaih hmel hle.
"Engvanga min zui ru a, min enthla nge inih?", Ka ti fiak ţhak a, min chhang lo.
"Tu tirh nge inih" tia ka zawhna chu a chhang ve mai a, 'RUATDIKA' tiin.
Kan Ruatdika chu ka haw takzet, min thlauhthlak hnu-ah ka na ngei em tih a hriat theihna atan min enthlati tur a lo ruai a! Huh, ka haw takzet.
Ka ngawi vang vang a, 'chuti em em chuan a ni maw ka na hmel a hmuh chak a, amah ngei lo kalin minhmu thei lova, midang a ruai hial a nia', zawite tak takin ka thaw siai siai.
"Miss, i ngaih ang a ni lo, i ţha em, i him em tih min entir a lawm", a lo ti ve vat, ka awih lo lutuk chu ka nui.
"A mi rawih ringawt ka ni lo, a cousin ka ni, ka pa leh Ruatdika nu hi unau an ni a, ka ni thiltih kha chhuanlamah a hmang mai a ni, Ruatdika hian thih vat a inring tlat a, a vawn tlat che chuan nakinah inhmangaih tak chungin a thihsan turah che a ngai a, a hnem pha tawh dawn lo che, tunah a hmuh phak leh a chin a la hriat theih lai hian tihnat che a, nakinah, amah vanga i nâ te a bo zawh hun-ah ngawi renga pialral pan a tum mek a ni", a ti zawi sup sup a, mak ka ti lutuk ringawt.
Chuvang chuan maw min kal tir, huh, hma hun kan sawi thei lo, a fate hmangaihtu kan Pathian khian a fate dilna min chhan sak ka ring tlat, reife kan inkawm a, Ruatdikan midang bula a sawi duh loh a rilru hahna te a share ber ţhin a ni, a hming chu Rochungnunga a ni a, Maro tia ko turin min hrilh, a natna vang leh hmalam hun ngaihtuah avang ringawt chuan ka kalsan lo ang tiin ka hrilh a, ka thutak viau bawk.
Ani pawh chuan chu chu ka laka a beisei a ni bawk tih a sawi a, a tuka Ruatdika hmu dun tura intiam in kan inmangţha ta a.
Chapter 8
Hluhlu-i Khiangte
Sawi ve tur reng reng ka hre lo, ka nat dan chu pui tak a ni, nu Rami'n min ţawngkhum khan ka na ngei mai, mahse, hetiang em em hi a ni lo.
Amah, ka hmangaih kâ ngei aţanga hlat tura min duh thu hriat ka hlauh em avangin Mizoram pawh chhuahsan ka tum a ni a, nia, a chhan bul ber a ni alawm, a message pawh ka hawng duh lo reng bawk, mahse, min thlahlel ber awm ang ziazânga lem rawn changin ka hmaah a rawn inlan hnu-ah a talbuai a, tunah ram chhuahsan ka tumna pawh amah vang bawka ţhulh leh phahin a kiangah ka la tâp a, ka â takzet a nih hi!
"Bawiha", Nu Rami chuan a ti hliai a, ka mitmeiin ţawng lo turin ka khap thung, amah, ka hmangaih ngeiin kal turin min ti tawh a, sawi belh tur a awm tawh lo.
Mak takin Nu Rami hi ka lakah a ţha em em a, nizanah mai khan mobile hmangin min rawn bia a, ka laka a thiltih chhan min hrilh vek, ama'n min duh loh vang chu a ni hran lo, tu emaw in a hnenah, kei hi min hrechiang hle anga insawiin dawtin min hek a, Ruatdika nen VIP a kan infawp vawng vawng lai thlalak a lo thawn tel cheu nen ani thusawi chu awihin tikhan min lo ti a ni.
Thu hrilhtu chuan kei hi, inzuar ţhin ang maiin min lo sawi a, mak ka ti takzet a ni, keimah ni awm tak tak mipa hrang hrang nena hotel a kan lut dun tur ni awm tak te, a ţhen chu kil khat a kan inkuah lai ni awm tak te a ni hlawm, mahse, thlalak zawng zawng zingah Ruatdika nena VIP a kan awmna chauh kha keimah, a tak a ni.
Ani, a fapa damlo lehnghal, chutianga hmeichhe inzawrh kual ching laka a inhambuai chu a lo hmu thei bik lova, a sawitu in awihawm takin a sawi bawk nen, "na deuh taka i ti fak a nih loh chuan a sim lovang, mi awm tamna hmun ni se a fuh bawk ang, fianrial a i hmu a i ankhum a nih chuan a tina hreh hauh lo ang che", a lo ti lehzel bawk nen, tikhan dawrah min rawn kal chilh angin a insawina, ka ring thlap bawk, ka hriat danin nu Rami hi kohhran nu ho ah pawh hruaitu nihna an bel tur pawh phâ a, a fate hnehsawh taka kaihhruai duh mi a ni awm e, chutiang khawpa a fate atana an pawimawh laiin, khatiang dawtthu kha awih mai pawh awl tak tur chu a ni.
Ani chu demna ka nei tawh lova, tunah hi chuan Ruatdika hian min tina takzet a ni.
'Ruatdik, hlimna min pekah khan ka lawm e, chuan, natna min pek tel avang pawh hian ka lawm, ka kal e', tiin kawngkhar lam ka pan a, Nu Rami chuan min lo ko, mahse, ka lû ka thing mât mât a, 'Nu Ram, khatiang thu fah tu che kha tunge?' Ka ti ringawt. "DOCTOR REMRUATFELI" a ti ta a! Buk khum nghatin cabin chu ka chhuahsan ta.
Huh, ka hrethiam ta chiah e, Dr Ruatruati hian Ruatdika a duh hle a, Ruatdika lak aţanga min pawh sawn a tumna kawng vek a ni, in ka lut chu ka khumah ka bawk nghal thlawp a, Dr Ruatruati ngawt chu ka ngaihtuah, ka hmakhua ngai tak anga a awm te, a mitmei ka hmuh sual emaw ka tih awm zauh zauh te, phai lama min kal tir a tum te, mawl hi ka inti lutuk, ka sam ţham tawk chungin ka nui hak hak reng a, ka mittui a tla pah reng bawk, Ruatdika khan thudik hmuh tum lovin awlsam takin kal turin min duh a, min kal tir!
Kal lo thei lovin min siam miau a ni.
Ka mangan tawpa ka belh fo ţhin Pathian ka au a, a reh vung vung si, ka thinlung a nat vanglai tak hian Lalpa hi ka mamawh viau a ni, ngatinge a ngawih tlat le?
Ka talbuai fo a, mang maksak tak tak neiin ka zan muhil lai ţap chungin ka harh fova, hnathawh lam a lang lo, ka awmawl si chu ngaihtuahna ka hmang tam lutuk tih hriain hna ka zawng a, ka hnathawhna pangngaia ka let leh a nih chuan Dr Ruatruati ka hmu ang a, Ruatdika nen kan sulhnu te, ka ngam lo a ni.
Thil tisual miah lo zawk mah ni ila tlanchhiat ka mamawh rih, pal lui turin ka huaisen tawk lo a ni.
Chips siamna hmunah hna ka hmu a, Bazarpui maia awm a nih vangin kal lam leh haw lam pawh a awlsam a, ke a kal tham lek a ni bawk nen a fuh takzet.
Nilengin chips kan pack a, a siamtu lam an lo awm bawk a, a sem chhuak pawl an awm bawk a, hna hahthlak tak angin lang lo mah se mawng leh zâng a kham duh hle. Mahse, inngaihtuah ngut ngut ai chuan tiin sum thawhchhuahna a lo ni ve leh zel nen nuam ti takin ka thawk a, ka thawhpuite lah an felin an ţawng duh hlawm a, kawm an nuamin ka rilru kal thui tur min dan sak char char a ni hawt e.
Zanah erawh a ngai ang bawkin suangtuahna ramah bawk ka cheng a, nâ kha a rawn zual a, ka mittui dan kir tum ve ţang ţang ţhin mah ila ka la hlawhchham ziah thung!
Ni a ral a, kâr a liam a, ka lunglenna a reh thei lova, ka ţap reng erawh ka bâng ve ta, ka hmangaih tawh lo tihna erawh a ni lo.
Nu Rami'n min rawn be fova, min be fo lo turin ka hrilh hmiah thung, Ruatdika leh a kaihhnawih ka hre ngam lo a ni, ngaihtuah ngut ngutin ka awm reng phah lo ve a, hlat hmiah hi ka duh a ni, ka thinlung pawh hian nat phah kher lova ngaihtuah a duh ve tawh a, ka hah tawh a ni.
Nu Rami chuan min ankhum chhan zawng zawng kha a hrilh vek a, mahse, Ruatdika thu chu a danglam chuang lo, min hlat a la thlang fan!
Ka mihring chapona hian tlawm a tum bik lova, a rukin na mah ila na lo anga lan ka tum chho ve ta, ka hnathawh loh karah ka nuam tih zawngte ka ti ve ta fova, ka nun chu min rawn hmu tute chuan awhawm an ti ve in ka ring, mahse, ka thinlung nâ erawh thunun zawh loh chang ka la ngah thung.
Zah leh tlawm pawh dawn lova pan ruak ruak a, min kalsan lo tura ngen hial te ka nâp fova, mahse, mihring chapona hian min lo ti chak thei khawp mai, mi min hmuhhniam te hi a lo hlau a, he chapona vang hian ka la tlawm ral ţhak lo mai a ni, chapona ka nei hi ka lawm hial!
Ni lose chu a tel lova ka nun a ruah zia hriain Ruatdika'n min nuihzat lutuk palh ang e.
Ka hmelhmaiah ka nâ a ni tih lanchhuah tir lova awmdan ka thiam tawh a, ka hun hman pawh a ngai reng e, zingah hna ka kal a, hna banah in lamah haw vatin khawsak ka rel a, zan lam erawh ka tei chhuak zeuh zeuh, inkhel te ka en a, in a ka awm chuan zan hun hi rei ka tih ţhin vangin chhuahna awm chu ka hre thei viau!
Mahse, ka chevel uluk taka min thlir rengtu hi awmin ka hre tlat ţhin a, ka hawi kual a ka chik ve pawh hian ngaihbel tur ka hmu si lo, mahse, min thlithlai tu awm hian ka hre ţhin a, ka hlau hran lo naa awm a ti nuam lo ve deuh.
Zanin pawh R. Dengţhuama Indoor Stadium ah Volleyball tournament a awm a, ka en ve lehpek a, hall chhungah chuan chutiang han ngaihbel tur pawh ka nei chuang lo, Tuichangral Volleyball Club chu ţanin ka au nasa ve hle a, mahni khaw chhuahna lam a ni bawk nen ţan a na ve riau, inelna a sang ve tawh bawk nen, inkhel a zo a, ka en chak ve hram, final an lut a, players te ka chhuang hle a, Tuichangral Volleyball Club a hnamdang mipa awm ve erawh awm lo ka ti viau naa ka thuneihna a ni lo ve.
Ka haw kawngah chuan zuirutu nei ang mai hian ka inngai leh tlat a, kan in pan chhohna step zawnah hian Middle school awmna lam pan thlakna a awm ve bawk a, chutah chuan phe zeuh hi ka mitsir in ka hmu ta, ka theih tawka rangin ka tlan phei a, mipa lian lemlo ve deuh hi a lo awm, min lo en chik hle a, tlan sawn nachang erawh ka che phut nen a hre bik lo a ni mahna a hamhaih hmel hle.
"Engvanga min zui ru a, min enthla nge inih?", Ka ti fiak ţhak a, min chhang lo.
"Tu tirh nge inih" tia ka zawhna chu a chhang ve mai a, 'RUATDIKA' tiin.
Kan Ruatdika chu ka haw takzet, min thlauhthlak hnu-ah ka na ngei em tih a hriat theihna atan min enthlati tur a lo ruai a! Huh, ka haw takzet.
Ka ngawi vang vang a, 'chuti em em chuan a ni maw ka na hmel a hmuh chak a, amah ngei lo kalin minhmu thei lova, midang a ruai hial a nia', zawite tak takin ka thaw siai siai.
"Miss, i ngaih ang a ni lo, i ţha em, i him em tih min entir a lawm", a lo ti ve vat, ka awih lo lutuk chu ka nui.
"A mi rawih ringawt ka ni lo, a cousin ka ni, ka pa leh Ruatdika nu hi unau an ni a, ka ni thiltih kha chhuanlamah a hmang mai a ni, Ruatdika hian thih vat a inring tlat a, a vawn tlat che chuan nakinah inhmangaih tak chungin a thihsan turah che a ngai a, a hnem pha tawh dawn lo che, tunah a hmuh phak leh a chin a la hriat theih lai hian tihnat che a, nakinah, amah vanga i nâ te a bo zawh hun-ah ngawi renga pialral pan a tum mek a ni", a ti zawi sup sup a, mak ka ti lutuk ringawt.
Chuvang chuan maw min kal tir, huh, hma hun kan sawi thei lo, a fate hmangaihtu kan Pathian khian a fate dilna min chhan sak ka ring tlat, reife kan inkawm a, Ruatdikan midang bula a sawi duh loh a rilru hahna te a share ber ţhin a ni, a hming chu Rochungnunga a ni a, Maro tia ko turin min hrilh, a natna vang leh hmalam hun ngaihtuah avang ringawt chuan ka kalsan lo ang tiin ka hrilh a, ka thutak viau bawk.
Ani pawh chuan chu chu ka laka a beisei a ni bawk tih a sawi a, a tuka Ruatdika hmu dun tura intiam in kan inmangţha ta a.
Comments
Post a Comment