TERI MERI KAHANI 7
TERI MERI KAHANI (story of you and me)
Chapter 7
Hluhlu-i Khiangte
Ka ka deuh hau mai!
Eng nge ka tih ang ka hre lo, lai deuh takin ka ding zum zû ringawt a, Ruatdika chu chau tih hriat takin a thaw halh halh a, a cherin a dawldang hle, a vun te chu a dâng em em a, a chau tih a hai theih hlawl loh. Mahse, ka hmuh rual chuan ka na vawng vawng a, nâ kha a zual a, thawk a ti har ta hial a, ka awmzawn ka ţham tawk mai.
Thei leh thei lo hian din chhuah a tum a, a wheelchair vawnban vuanin a indawm ding a, a ding mar thei lo, a kun deuh khal mai a, tar chaklo tawh tak te pawh a ang e, a rinchhan chu thlahin ka lam panin a rawn pen hnai dawn a, pen hnih bak a pen hman lo, a tlu ta mai a, au ţhawt ri ka hria, a nu a ni ngei ang, eng nge ka tih ka ngaihtuah hman lo, ka luggage ka vawnna chu thlah thuaiin a lam panin ka tlan nghal vat a, rang taka kaitho in harsa ti zetin ka ţhut fel tir ta a.
Dr Ruatruati chuan a rawn pan ve vat a, "Ruatdik, i ţha em? Hospital ah kal ang aw", tiin a bawihsawm vat vat a, kei erawh tih tur ka hre lo.
A nu pawh chu a chiai nge a dâng var pap a, min ngaihsak lo, a fapa chu enin rilru nâ tih hriat tak hian a inhnît deuh hraih a, an kianga ka awm reng chhan tur ka hre lo, ka ngaihzawng a no tawh lova, tin, ka lut vat lo a nih chuan flight ka nang lo mai dawn!
Ka tawlhhnung hrat a, mahse, Ruatdika chu thaw ri hrâwkin, "kal suh, min kalsan suh", a ti a, a aw rik dan aţang chuan a harh chiang lo tih ka hre ve thiam, ţawngvai ţawng bual bual ang mai hian a aw chu a ri a, rilru na thup tum zeta ip chawihin ka hnungchhawn a, ka ngaihdan chuan hetah tih tur ka nei lo! Amah ngaihsak turin Dr Ruatruati a awm a, a nu a awm bawk, ka kal zawm leh mai chu a nu chuan, "Min ngaidam rawh Nute, khawngaihin ka fapa ngenna che kha zah sakin a kiangah awm rawh", a ti chuai raih a, kei erawh ka nâ a zual sauh thung, ka thin a rim et et bawk.
An lam hawi chuan ka inher riai riai a, mittui tling pama min lo melhtu chu za lo taka ţhen khum sakin, 'i fapa hlata awm turin min duh viau a ni lo'm ni?' Ka ti a, ka aw-ah chuan rilru natna leh thinrimna lang chhuakin a ri deuh hrâwk, ka aia upa daih mah ni se ka ţawngkam hman avang chuan inthiamlohna leh pawi tihna ka nei lo, zâm hmel tak hian a ding zum zût a, pawi tihna a hmelah ka chhiar thei.
"Ka tihpalh, min ngaidam thei lo mah la i hmangaih em em ka fapa Ruatdika vang tal hian kal suh", a ti leh a, hnial leh tumin ka kâ ka àng leh hman ziau tihah chuan Dr Ruatruati chu mangan hmel fe hian a rawn ţawng a, "Ruatdika hi a thaw tawh lovin ka hria", a rawn ti buai nuai.
Ka inngaihtuah hman tawh lo, hlauhthawnna nasa lutuk in min rawn tuam nghal a, Ruatdika lam chu panin ka kuahbet nghal rawk rawk.
'Ruatdik, min kalsan thei lo, kalsan lo tur che-in min ti a, nangpawh i kal thei lo', tiin ka be mawlh mawlh a, ka mittui a tla miah lo chu thil mak a ni hial ta ve ang!
Ka mangchhe man ţhin kha ka mitthlaah a rawn inlâr zung zung a, ka hlauthawng takzet a ni.
Ka talbuai dawn dawn a, mahse, talbuai thei ka ni lo, Ruatdika hi a thi tur a ni lo ti rilru in a nu lam ka hawi a, hospital ah chuan kal ang ka ti ve ta sawk sawk.
Damdawi in kan tlan luh chuan doctor leh nurse ten an lo bawihsawm nghal mawlh mawlh a, a thawk a mumal lo viau a, a changin a marphu an hmu lo leh vang vang a, fiah lo riai in an hmu leh ţhin bawk, an enkawlna damdawi in chu an thawhna hmun a nih loh avangin ICU chhungah chuan Dr Ruatruati pawh a lut thei bik lova, pawnah ţhu hle hle thei hlawm lovin kan vei tawn sek ringawt.
Phone call an hmang zauh zauh a, kei erawhin Pathian ka au mawlh mawlh thung.
Tlai lam dar 3 vel bawrah chuan Doctor a rawn chhuak chiah a, a la harh chuang lo, ICU ah a awm rih a ngaih thu a sawi a, mahse lungngaihna tur a awm tawh lo tih min hrilh, a thusawi lah chuan min hnem eih lo lehnghal, tihtheih nei hek lo, ka luggage te nen chuan kan in lamah ka haw leh ta a, in ka thlen chuan ka thlan a tla nasa bawk nen zingkarah inbual tawh mah ila ka intleuh leh zuai, ka inbual zawh chuan ka mu a, ngaihtuah tur ber pawh ka hrethiam lo, ka pa lo haw chi chinchang ka hrilh a, Ruatdika chu a va zialo ve tih bak a sawi lo.
Han kal ve pawh ni ila tihtheih ka nei chuang lova, zan lam pawh ka kal lo, khua a var chiah erawh hma takah thovin ka insiam a, damdawi in lam ka pan vat.
Mak tak maiin Ruatdika chu zankhat thilthu ah a lo kâng awk mai a, naktuk maiah ICU aţang pawhin a chhuak thei der nia!
A chhung lehkhat te chuan min hre ve hlawm lova, a nu leh a unau pianpui te bak chuan, a nu, Nu Rami erawh chuan min care em em a, mikhual dûkin ka awm bik lo, a mizia hi mak ka ti takzet, a hma-in khati khawp khan mualpho pawh pawi ti lovin min rawn ti chiam a, a hnu-ah erawh heti hian a awm leh si a, Ruatdika ka lo ngaihdan kha a dik lo a nih ka ring ta, Ruatdika hian min duh ve takzet a, mahse, a nu hian min duh lo ngei, khang min rawn ankhumna thu hla kha chu lo dahţha ta ila, Ruatdika lak ata min hnawhbo na atan a tih te pawh a ni mahna le.
Mahse, Ruatdika a zual a, tikhan dam ţha ve tawh taka a awm kha kan inţhen hnu-ah a rawn zual leh ta mai a nih ka ring a, khatia a zualkai takah khan kei min be thei si lo rilru hrehawm kha a fapa tan bawk ka hmaah a tlawm leh a, nimin lama Airport ah phei kha chuan ngaihdam min dil hial a nih kha!
Ka ngaihtuah kual dan vel chu a thawnthu riauin ka hria a, za lo tak hian ka nui ta vel mai mai.
Nilengin Damdawi in lamah ka awm a, Ruatdika pawh a harh tawh a, chim huk erawh an remti rih lo thung, zanin chu ICU lamah la riak se an tih vangin ka haw a, ka haw hma-in aman min hmuh duh vangin doctor ten ICU min luh tir a, ICU chhung ka hmu chu ka mur uai uai, khawl eng eng emaw a awm ţuk ţuk a, a ri deuh ţet ţet te a awm bawk nen ka hmun ngainat zawng a ni hauh lo.
Ruatdika bulah chuan ka ţhu a, a hmai ka dawm veng veng, mutchhuah hmel tak hian a lo meng diar diar a, a biang che deuhah chuan a nui tih ka hre thei, "ka ngai che", a ti a, a aw ri chhuak ţha lo mah se a hmui phun aţangin ka hre thei, ka nuih let a, keipawhin ka ngaih thu ka hrilh.
Ţawng tuma a kâ a an apiangin ka lo khap a, hun rei tak awm theih a ni lo nen ka chhuak leh vat, 'engmah la sawi rih suh, nakin lamah inbiak chu, naktukah cabin ah i insawn thei dawn a, ka lo kal ang', ka chhuah hma-in ka ti a, a nui leh mai.
Zan a nih chuan lungleng takin ka khumah ka let kual sek a, Ruatdika ka ngai a ni.
Pathian hnenah lawmthu sawiin ka ţawngţai a, Ruatdika nunna min laksak loh vang leh hmasawnna ropui min hmuh tir avangin ka lawm takzet a ni.
A tukah chuan cabin lamah kan awm nileng a, amah damlo chau a ni rih nen nu Rami nen chiah kan awmpui, nu Rami lah chuan, "i awm bawk a, ka zu chhuak harh lawk, in lamah pawh ka haw zuai maithei", tiin min chhuahsan a, Ruatdika nen chuan thu tam sawi lo mah ila kan inthlakhlehna leh kan induhtawnna chu kan mitmeng hmangin kan infah mawlh mawlh a, ţawng tir chiam chu a chauh ka hlau a ni.
Kan boruak a nuam hle a, keipawh ka nui ka nui mai.
Kan inkar a chhiat chungchang chu kan sawi lang lo ve ve a, a mitmengah chuan sawidun a duh tih ka hria, mahse, thil dangah ka pakai zel a, a nu min ţawngkhum dan zawng zawng ka sawi a nih chuan nâ a ti lutuk palh ang, tihian theihnghilh in hlim takin awm ila ka duh ber.
Nu Rami a rawn let tawh a, keipawh haw a hun mai dawn, nupa em kan la ni lova, inriah pui em chu a awm lo ka ti deuh nen haw mai ka tum, nu Rami chuan min chelh leh rih a, a fapa hmaah ngei chuan ngaihdam min dil leh ta, Ruatdika ngei pawh chu ngaihdam a dil a, Ruatdika chuan a hrethiam hlawl lo tih ka hria.
A nu chuan a fapa mitmeng chu hmu thiamin min ţawngkhum dan zawng zawng te chu a hrilh ta a, ka thinrim puak chhuakin ka va call ţuma ka va ankhum dan te pawh a hrethiam tawh ang chu.
Ruatdika hmelah chuan mak tihna, awih ngam lohna a inlâr zut zut a, nu Ramin a sawi zawh hnu chuan Ruatdika kâ aţangin he thu hi a chhuak hmasa ber, "ka tihpalh Nûte", tih hi, ani tihsual a awm lova, mak ti deuh hian ka en haw mai.
"Ka nu rilru ka lo hre lova, kei leh nang kan i kawp hi ka nu duhdan a nih loh chuan ka kalsan ang che, min kalsan rawh", a tih chuan min ţhawng hle.
Nu leh pa te thuhnial chu a malsâwm lo tih ka hre ve reng. Mahse, engtinnge khatiang khan min tih theih, min kalsan duh pawh nise, a nu in engvanga min duh lo nge a nih tih te zawt ve sela, tin, amah hian ka hmeichhiatna hmachhuanin ka vehthlem ngai lo tih a hre vek a, khang ţawngkam thlawn, dawt ngialngan taka puh ka nihna te kha engtinnge ni ve dawn?
Ka mak ti lutuk chu ka mittui pawh a tla lo!
Ka nui mawle, ni e, ka nui, ka â vek a, nat vang hian a lo nuih theih an tih hi ka tawng ve ta a nih hi!
Chapter 7
Hluhlu-i Khiangte
Ka ka deuh hau mai!
Eng nge ka tih ang ka hre lo, lai deuh takin ka ding zum zû ringawt a, Ruatdika chu chau tih hriat takin a thaw halh halh a, a cherin a dawldang hle, a vun te chu a dâng em em a, a chau tih a hai theih hlawl loh. Mahse, ka hmuh rual chuan ka na vawng vawng a, nâ kha a zual a, thawk a ti har ta hial a, ka awmzawn ka ţham tawk mai.
Thei leh thei lo hian din chhuah a tum a, a wheelchair vawnban vuanin a indawm ding a, a ding mar thei lo, a kun deuh khal mai a, tar chaklo tawh tak te pawh a ang e, a rinchhan chu thlahin ka lam panin a rawn pen hnai dawn a, pen hnih bak a pen hman lo, a tlu ta mai a, au ţhawt ri ka hria, a nu a ni ngei ang, eng nge ka tih ka ngaihtuah hman lo, ka luggage ka vawnna chu thlah thuaiin a lam panin ka tlan nghal vat a, rang taka kaitho in harsa ti zetin ka ţhut fel tir ta a.
Dr Ruatruati chuan a rawn pan ve vat a, "Ruatdik, i ţha em? Hospital ah kal ang aw", tiin a bawihsawm vat vat a, kei erawh tih tur ka hre lo.
A nu pawh chu a chiai nge a dâng var pap a, min ngaihsak lo, a fapa chu enin rilru nâ tih hriat tak hian a inhnît deuh hraih a, an kianga ka awm reng chhan tur ka hre lo, ka ngaihzawng a no tawh lova, tin, ka lut vat lo a nih chuan flight ka nang lo mai dawn!
Ka tawlhhnung hrat a, mahse, Ruatdika chu thaw ri hrâwkin, "kal suh, min kalsan suh", a ti a, a aw rik dan aţang chuan a harh chiang lo tih ka hre ve thiam, ţawngvai ţawng bual bual ang mai hian a aw chu a ri a, rilru na thup tum zeta ip chawihin ka hnungchhawn a, ka ngaihdan chuan hetah tih tur ka nei lo! Amah ngaihsak turin Dr Ruatruati a awm a, a nu a awm bawk, ka kal zawm leh mai chu a nu chuan, "Min ngaidam rawh Nute, khawngaihin ka fapa ngenna che kha zah sakin a kiangah awm rawh", a ti chuai raih a, kei erawh ka nâ a zual sauh thung, ka thin a rim et et bawk.
An lam hawi chuan ka inher riai riai a, mittui tling pama min lo melhtu chu za lo taka ţhen khum sakin, 'i fapa hlata awm turin min duh viau a ni lo'm ni?' Ka ti a, ka aw-ah chuan rilru natna leh thinrimna lang chhuakin a ri deuh hrâwk, ka aia upa daih mah ni se ka ţawngkam hman avang chuan inthiamlohna leh pawi tihna ka nei lo, zâm hmel tak hian a ding zum zût a, pawi tihna a hmelah ka chhiar thei.
"Ka tihpalh, min ngaidam thei lo mah la i hmangaih em em ka fapa Ruatdika vang tal hian kal suh", a ti leh a, hnial leh tumin ka kâ ka àng leh hman ziau tihah chuan Dr Ruatruati chu mangan hmel fe hian a rawn ţawng a, "Ruatdika hi a thaw tawh lovin ka hria", a rawn ti buai nuai.
Ka inngaihtuah hman tawh lo, hlauhthawnna nasa lutuk in min rawn tuam nghal a, Ruatdika lam chu panin ka kuahbet nghal rawk rawk.
'Ruatdik, min kalsan thei lo, kalsan lo tur che-in min ti a, nangpawh i kal thei lo', tiin ka be mawlh mawlh a, ka mittui a tla miah lo chu thil mak a ni hial ta ve ang!
Ka mangchhe man ţhin kha ka mitthlaah a rawn inlâr zung zung a, ka hlauthawng takzet a ni.
Ka talbuai dawn dawn a, mahse, talbuai thei ka ni lo, Ruatdika hi a thi tur a ni lo ti rilru in a nu lam ka hawi a, hospital ah chuan kal ang ka ti ve ta sawk sawk.
Damdawi in kan tlan luh chuan doctor leh nurse ten an lo bawihsawm nghal mawlh mawlh a, a thawk a mumal lo viau a, a changin a marphu an hmu lo leh vang vang a, fiah lo riai in an hmu leh ţhin bawk, an enkawlna damdawi in chu an thawhna hmun a nih loh avangin ICU chhungah chuan Dr Ruatruati pawh a lut thei bik lova, pawnah ţhu hle hle thei hlawm lovin kan vei tawn sek ringawt.
Phone call an hmang zauh zauh a, kei erawhin Pathian ka au mawlh mawlh thung.
Tlai lam dar 3 vel bawrah chuan Doctor a rawn chhuak chiah a, a la harh chuang lo, ICU ah a awm rih a ngaih thu a sawi a, mahse lungngaihna tur a awm tawh lo tih min hrilh, a thusawi lah chuan min hnem eih lo lehnghal, tihtheih nei hek lo, ka luggage te nen chuan kan in lamah ka haw leh ta a, in ka thlen chuan ka thlan a tla nasa bawk nen zingkarah inbual tawh mah ila ka intleuh leh zuai, ka inbual zawh chuan ka mu a, ngaihtuah tur ber pawh ka hrethiam lo, ka pa lo haw chi chinchang ka hrilh a, Ruatdika chu a va zialo ve tih bak a sawi lo.
Han kal ve pawh ni ila tihtheih ka nei chuang lova, zan lam pawh ka kal lo, khua a var chiah erawh hma takah thovin ka insiam a, damdawi in lam ka pan vat.
Mak tak maiin Ruatdika chu zankhat thilthu ah a lo kâng awk mai a, naktuk maiah ICU aţang pawhin a chhuak thei der nia!
A chhung lehkhat te chuan min hre ve hlawm lova, a nu leh a unau pianpui te bak chuan, a nu, Nu Rami erawh chuan min care em em a, mikhual dûkin ka awm bik lo, a mizia hi mak ka ti takzet, a hma-in khati khawp khan mualpho pawh pawi ti lovin min rawn ti chiam a, a hnu-ah erawh heti hian a awm leh si a, Ruatdika ka lo ngaihdan kha a dik lo a nih ka ring ta, Ruatdika hian min duh ve takzet a, mahse, a nu hian min duh lo ngei, khang min rawn ankhumna thu hla kha chu lo dahţha ta ila, Ruatdika lak ata min hnawhbo na atan a tih te pawh a ni mahna le.
Mahse, Ruatdika a zual a, tikhan dam ţha ve tawh taka a awm kha kan inţhen hnu-ah a rawn zual leh ta mai a nih ka ring a, khatia a zualkai takah khan kei min be thei si lo rilru hrehawm kha a fapa tan bawk ka hmaah a tlawm leh a, nimin lama Airport ah phei kha chuan ngaihdam min dil hial a nih kha!
Ka ngaihtuah kual dan vel chu a thawnthu riauin ka hria a, za lo tak hian ka nui ta vel mai mai.
Nilengin Damdawi in lamah ka awm a, Ruatdika pawh a harh tawh a, chim huk erawh an remti rih lo thung, zanin chu ICU lamah la riak se an tih vangin ka haw a, ka haw hma-in aman min hmuh duh vangin doctor ten ICU min luh tir a, ICU chhung ka hmu chu ka mur uai uai, khawl eng eng emaw a awm ţuk ţuk a, a ri deuh ţet ţet te a awm bawk nen ka hmun ngainat zawng a ni hauh lo.
Ruatdika bulah chuan ka ţhu a, a hmai ka dawm veng veng, mutchhuah hmel tak hian a lo meng diar diar a, a biang che deuhah chuan a nui tih ka hre thei, "ka ngai che", a ti a, a aw ri chhuak ţha lo mah se a hmui phun aţangin ka hre thei, ka nuih let a, keipawhin ka ngaih thu ka hrilh.
Ţawng tuma a kâ a an apiangin ka lo khap a, hun rei tak awm theih a ni lo nen ka chhuak leh vat, 'engmah la sawi rih suh, nakin lamah inbiak chu, naktukah cabin ah i insawn thei dawn a, ka lo kal ang', ka chhuah hma-in ka ti a, a nui leh mai.
Zan a nih chuan lungleng takin ka khumah ka let kual sek a, Ruatdika ka ngai a ni.
Pathian hnenah lawmthu sawiin ka ţawngţai a, Ruatdika nunna min laksak loh vang leh hmasawnna ropui min hmuh tir avangin ka lawm takzet a ni.
A tukah chuan cabin lamah kan awm nileng a, amah damlo chau a ni rih nen nu Rami nen chiah kan awmpui, nu Rami lah chuan, "i awm bawk a, ka zu chhuak harh lawk, in lamah pawh ka haw zuai maithei", tiin min chhuahsan a, Ruatdika nen chuan thu tam sawi lo mah ila kan inthlakhlehna leh kan induhtawnna chu kan mitmeng hmangin kan infah mawlh mawlh a, ţawng tir chiam chu a chauh ka hlau a ni.
Kan boruak a nuam hle a, keipawh ka nui ka nui mai.
Kan inkar a chhiat chungchang chu kan sawi lang lo ve ve a, a mitmengah chuan sawidun a duh tih ka hria, mahse, thil dangah ka pakai zel a, a nu min ţawngkhum dan zawng zawng ka sawi a nih chuan nâ a ti lutuk palh ang, tihian theihnghilh in hlim takin awm ila ka duh ber.
Nu Rami a rawn let tawh a, keipawh haw a hun mai dawn, nupa em kan la ni lova, inriah pui em chu a awm lo ka ti deuh nen haw mai ka tum, nu Rami chuan min chelh leh rih a, a fapa hmaah ngei chuan ngaihdam min dil leh ta, Ruatdika ngei pawh chu ngaihdam a dil a, Ruatdika chuan a hrethiam hlawl lo tih ka hria.
A nu chuan a fapa mitmeng chu hmu thiamin min ţawngkhum dan zawng zawng te chu a hrilh ta a, ka thinrim puak chhuakin ka va call ţuma ka va ankhum dan te pawh a hrethiam tawh ang chu.
Ruatdika hmelah chuan mak tihna, awih ngam lohna a inlâr zut zut a, nu Ramin a sawi zawh hnu chuan Ruatdika kâ aţangin he thu hi a chhuak hmasa ber, "ka tihpalh Nûte", tih hi, ani tihsual a awm lova, mak ti deuh hian ka en haw mai.
"Ka nu rilru ka lo hre lova, kei leh nang kan i kawp hi ka nu duhdan a nih loh chuan ka kalsan ang che, min kalsan rawh", a tih chuan min ţhawng hle.
Nu leh pa te thuhnial chu a malsâwm lo tih ka hre ve reng. Mahse, engtinnge khatiang khan min tih theih, min kalsan duh pawh nise, a nu in engvanga min duh lo nge a nih tih te zawt ve sela, tin, amah hian ka hmeichhiatna hmachhuanin ka vehthlem ngai lo tih a hre vek a, khang ţawngkam thlawn, dawt ngialngan taka puh ka nihna te kha engtinnge ni ve dawn?
Ka mak ti lutuk chu ka mittui pawh a tla lo!
Ka nui mawle, ni e, ka nui, ka â vek a, nat vang hian a lo nuih theih an tih hi ka tawng ve ta a nih hi!
A tawi thei eee
ReplyDelete