TERI MERI KAHANI 11
TERI MERI KAHANI(story of you and me)
Chapter 11
Hluhlu-i Khiangte
Ka harh leh chuan ka mutna pindan chu ka thlek kual a, cabin a ni tih ka hrethiam mai, ka mittui rawn tlak leh tum chu duh lovin ka hru tawk a, ka thinlung a na vawng vawng.
Kan hmangaihte'n min hriat loh hi hetiang khawpin a lo nâ a ni maw ka ti hial a, kei hi ka zuau bik nge ka na reng mai a nih hi, hlimna hi rei tak ka tem ve thei lo reng reng a nih hi!
Ka beidawng em em a, ka hma hun suangtuah dan tur mai pawh ka hre ta lo.
Ka innghahna chuan huatna mitmeng nen min thlir a ni a, na hi ka va ti tehlul em.
Ngun takin ka inngaihtuah a, hetiang hian ka hmangaih hi ka chan tur a ni lo tih chu ka thutlukna a ni, ka tho a, ka bana hriau invit pawh chu ka pawt phelh ta hmak, chau a mu mai mai hman ka ni lo.
Damlo kawr hak tir ka nih vangin inthlak duh viau mah ila ka mutna sira mo kawr var mawi thianghlim zet mai chauh chu inbel tur ka nei si a, damlo thawmhnaw nen chuan ka chhuaknta tawp, Ruatdika kan kal puina Hospital kha a ni tih ka hria, ka zawiin ka tha a khur ru dar dar naa haider in ka kal zel a, Ruatdika awmna pindan pawh ka thleng hlawl, pawnah chuan tumah an lo awm tawh lova, zam tak chungin Ruatdika pindan kawngkhar chu ka hawng riai riai.
Mahse, ka thil hmuh chuan nâ bawk min siam leh, Dr Ruatruati ngei mai leh ka pasal chu an lo infawp a mih chu!
Ruatdika chu a mu a, Dr Ruatruati zu kunhniamin a zu fawp a ni mahna le, zawite hian ka thaw hrâih a, ka lû a hai deuh mup mai.
An lo hawi a, Ruatruati chuan min nuih sak, a bawrchhawr hmel hmuh tur a awm tawh lova, a chhelo takzet.
Ruatdika pawh chuan min en ve run a, "eng nge i rawn tih leh dawn?", A ti nghut, min lawm hlawl lo tih chu ka hre chiang lutuk tlat, mahse, ka luhlul ka chhuah a ngai, ka tlawm thiang lo bur.
Pen luh pahin, 'ka lo kan che', ka ti fiah kâk.
"Ruatruat, lo va chhuak rawh, he nu hi thil ka'n sawi pui ang e", a ti chang leh fuk a, HE NU maw? Ka na zawk mai.
Na lo ang taka lan tumin ka nui lui hak bawk.
Ruatruati chuan hlauhthawn hmel lek lek hian a en vang vang a, Ruatdika chuan a buk khum nghut ringawt, a chhuak tur chuan min rawn su her nawk kher leh ta nghal a, ka haw takzet, Dr Ruatruati chhuah hnu chuan kan ngawi vang vang a, min en run a, keipawhin ka en let kalh bawk.
Mak tak maiin ka ţah a chhuak lova, ka thin a rim et et thung.
'Kha nu kha chu i la hria a?' Ka ti sep a, natna a ri tel lova hriain ka lawm ru hle.
A bu nghut, "mahni nupui hual te an theihnghilh ngai em ni?" A tih chuan engemaw in min deng chawrh ang mai hian ka ni nghal chhû mai, ka thin chu na thip vawt vawt mah se ka ţhen lui sak sak a, ka thinrim lutuk chu ka mit leh hnar bawr te chu a sa ham ham thei.
Nupui hual ka ti ve sep a, a lo nui mai a, 'kei chu min hre tawh lo tiraw?' Ka ti a, ka aw ri pawh a hnawk ţiak mai, Ruatdika hian min hre lo mah se a laka ka pangchanna leh ka hmangaihna a reh si lo hian min tihah hluah hluah a ni.
A lo bu leh mai a, ka nui seih mai, kan pahnih inkar pawhchhiat tumtu, dawtthu a min puh a, amah Ruatdika ngei mai ka chan phah ţhelhna chu a la hria a, chu mai ni lo, a nupui hual angin a ngai bawk, kha nu vang bawk khan ka hmangaih chu chan hlen thei dinhmunah ka ding leh a, ka hneh lo a ni e, Remruatpuii lakah hian ka lo va te vawn vawn tehlul em.
'I nupui hual ka ni a sin, engatinge kha nu i hriat laia kei hi min hriat loh, i accident ni kha kan inneih ni tur a ni a, Biak in pana in kalkawngah truck in a su che u a, chuvanga innei rih lo kan ni, mahse, ka pasal ini a, i nupui ka ni bawk, i hrethiam em?' Ka ti a, ka thusawi chu hrethiam se tiin ka thumal lam pawh a fiah fek fawk hlawm hle, mahse, ka sawi zawh rual rualin a thinur hmel min hmuh tir a, kan inhualna zungbun hmuh tir turin min ti, mahse, zungbun hmuh tur ka nei lo, inneih puia min sawm laia a ţhi min pek chu ka hmuh tir dawn a, eng ţhi mah ka lo awrh lo a nih chu!
Ka indap rak rak a, ka ţhi kha min awrhtir ni aţang khan ka la phelh lo, ka inbual dawn pawhin ka phelh ngai miah lo, engtik laia ka nghawng aţanga awm sawn nge pawh ka hre lo.
Mangang takin ka bag ka hai rak rak a, ka thlan a tla phat phat thei, nuihzathmel tak hian min en a, "a hriatna hloh chu remchangah laa hnaih ka tum thu a sawi, ka rilru a ni lo lutuk tih ka sawi chuan "Dawtheinu" tiin min ko!
"Ruatruati nen khan training na thuhmun ni lo mah ila kan inhmu fo ţhin, kan zir chhuah hnu-ah hospital pakhatah kan thawk dun a, inneih puia ka sawm lai leh kan inngaihzawn lai hre chiang lo mah ila hmangaih tak ka nei tih ka hria, ka nupui tur pawh a ni, Ruatruati khan zungbun a bun a, ka pek a ni tih a sawi, a chhung lamah R&R tih a chuang a, ka hming leh a hming, gold ţhi nalh zet mai, chutiang hawrawp awm tho chu a awrh bawk, nang chuan i thusawi te kha fiahna tur i nei lo", a ti fak fak.
Ka thinlung tina turin thu tam a sawibelh a ngai tawh lo, ka ţhi chu Ruatruatin a lo awrh a nih chu, Ruatdika'n min pek khan kan hming bul ve ve tih ka hria, mahse, ka tihbo lai ka hre lo, ni e, ka tibo lo reng bawk a, ruk sak ka ni a nih chu, ruk sak ka nih lai reng reng ka hre lova, ka thiamloh pawh a ni, mahse, ka bei a dawng takzet tawh, ka na tawk tawh e.
Ruatdika pawh ka haw hle a, a accident vanga hriatna hloh pawh nise thudik hriatchhuah a tum tur a ni.
'I lo hriat ve mai maiah, Rodawngkimi ka ni e, chuan, engkim i hriat chhuah hun-ah inchhir suh', tiin ka chhuahsan ta.
Ruatdika chu ka ngai em em a, mahse, ka chapona neih ve te hian tlawm turin min duh si lo.
Ruatruati nen an thawm riva ka hre ve reng a, ka lungleng hian social media lama a inphochhuahna hi ka hriat loh karin ka lo lut hman leh ţhin, zanriah an ei dunna te, tkang thengthaw nuam taka an lendun na te a ni fur a, hun an hmang dun tam tih hi a hriat ngawih ngawih, kei chuan mualpho leh zah ka phur a, kan vengchhungah, kohhran leh khawtlangah tam lo mah ila dan puitling ngeia pasal ka neih dawn avang khan hriat ka ni ve a, kan heti leh ta mai si nen min en hrek hrek reng hlawmin ka hria, ka hmaichhana ka rilru awmdan tur min vengthawng lo leka min zawt phawng phawng lah bo lo, khua hi a va var lo tehlul em.
Mahse, chung thil te chu chauh phahna atan hman a, rum tlawk tlawk ringawt ka tum tawh lo, thil tisualtu ka ni lova, ka thiamlohna awmloah ka inkiltawih tawh lovang, hna ka kal a, ka inkhawm a, kohhran ţhalai thiltihnaah nise ka hman phawt chuan ka kal a, chutiang bawkin YMA hnatlannaah pawh nise, ka hlim lova, lungngaihna pawh ka insalbeh tir hek lo, ka nung ve tawp a ni ber mai, ka thil ei a tui lova, mahse, chaw ka thlah lo thung, ka nam liam vel mai mai a, ka chau tur pawh nasa takin min pui a ni, ka pa in calcium leh vitamin min lei sak a, ka ei reng bawk a, chhiat phah ka tum lo, Pathian ka au tam em em a, ka thinlung nâ min lak kiansak a nih loh pawha chak taka ka hmachhawn theihna atan chakna thar ka dil ziah ţhin, lawm nachang ka hriat theihna atan ka dil fo bawk a, a chhan pawh ka nunah hian lawma hlimpui tur ka hmu tlat lo a ni.
Zan khat chu ka ţhian kawmngeih ve tak, khaw hmun kan nih loh avanga ka hmuh tam theih loh hi ka harsatna phone call in ka hrilh vek a, ani chuan Pathian ka mamawh thu min hrilh, ka ring thlap bawk, Lalpa, Lalpa tiin ka au chamchi a, Ruatdika ka hnena lo kir tir tur erawh chuan ka dil ngai lo, a remruat a nih phawt chuan ka kalsan a, ka hriat chhuah chang pawha thinlung na miah lova ka hriatreng theihna atan ka dil ţhin...
Pathianin ka ţawngţaina a chhang ka ti dawn nge, nat vawng vawng chang nei fo mah ila mahni inkhawngaihna sualah ka tlulut tawh lova, hma hun thlir hram hram ka tum a, tumruhna leh chakna thar tamtak ka nei bawk, chung avang chuan lawmthu ka sawihmaih ngai hek lo.
Tuk khat chu Ruatdika hnen aţangin call ka dawng hlawl a, mak ti deuh hian ka pick-up ve mai bawk. "Engatinge, engvanginnge min thah i tum? Min hmangaih thlawt lo a, min neih i hreh viau a nih pawhin ţha takin sawi mai ta che, i hlimna hi ka duh ber tih i hria a ni lo'm ni? I hlimna atan chuan harsa ti mah ila ka kalsan thei dawn che a sin, engvanginnge ka nunna lak i tum, i tumna kawngah ka unaupa, ka ţhianţha ber ni bawkin a nunna a chan phah tih te hi i la hre ve reng em? Nge ni a, i hlim hle tawh zawk" A rawn ti a, a aw ah chuan thinurna avanga a aw khur hluk hluk chu a len hle rualin natna a ri tel nasa zawk mah.
A thusawiin min ţhawn em avnag chuan sawitur ka hre miah lo, ka nghing lawih lawih ringawt.
Chapter 11
Hluhlu-i Khiangte
Ka harh leh chuan ka mutna pindan chu ka thlek kual a, cabin a ni tih ka hrethiam mai, ka mittui rawn tlak leh tum chu duh lovin ka hru tawk a, ka thinlung a na vawng vawng.
Kan hmangaihte'n min hriat loh hi hetiang khawpin a lo nâ a ni maw ka ti hial a, kei hi ka zuau bik nge ka na reng mai a nih hi, hlimna hi rei tak ka tem ve thei lo reng reng a nih hi!
Ka beidawng em em a, ka hma hun suangtuah dan tur mai pawh ka hre ta lo.
Ka innghahna chuan huatna mitmeng nen min thlir a ni a, na hi ka va ti tehlul em.
Ngun takin ka inngaihtuah a, hetiang hian ka hmangaih hi ka chan tur a ni lo tih chu ka thutlukna a ni, ka tho a, ka bana hriau invit pawh chu ka pawt phelh ta hmak, chau a mu mai mai hman ka ni lo.
Damlo kawr hak tir ka nih vangin inthlak duh viau mah ila ka mutna sira mo kawr var mawi thianghlim zet mai chauh chu inbel tur ka nei si a, damlo thawmhnaw nen chuan ka chhuaknta tawp, Ruatdika kan kal puina Hospital kha a ni tih ka hria, ka zawiin ka tha a khur ru dar dar naa haider in ka kal zel a, Ruatdika awmna pindan pawh ka thleng hlawl, pawnah chuan tumah an lo awm tawh lova, zam tak chungin Ruatdika pindan kawngkhar chu ka hawng riai riai.
Mahse, ka thil hmuh chuan nâ bawk min siam leh, Dr Ruatruati ngei mai leh ka pasal chu an lo infawp a mih chu!
Ruatdika chu a mu a, Dr Ruatruati zu kunhniamin a zu fawp a ni mahna le, zawite hian ka thaw hrâih a, ka lû a hai deuh mup mai.
An lo hawi a, Ruatruati chuan min nuih sak, a bawrchhawr hmel hmuh tur a awm tawh lova, a chhelo takzet.
Ruatdika pawh chuan min en ve run a, "eng nge i rawn tih leh dawn?", A ti nghut, min lawm hlawl lo tih chu ka hre chiang lutuk tlat, mahse, ka luhlul ka chhuah a ngai, ka tlawm thiang lo bur.
Pen luh pahin, 'ka lo kan che', ka ti fiah kâk.
"Ruatruat, lo va chhuak rawh, he nu hi thil ka'n sawi pui ang e", a ti chang leh fuk a, HE NU maw? Ka na zawk mai.
Na lo ang taka lan tumin ka nui lui hak bawk.
Ruatruati chuan hlauhthawn hmel lek lek hian a en vang vang a, Ruatdika chuan a buk khum nghut ringawt, a chhuak tur chuan min rawn su her nawk kher leh ta nghal a, ka haw takzet, Dr Ruatruati chhuah hnu chuan kan ngawi vang vang a, min en run a, keipawhin ka en let kalh bawk.
Mak tak maiin ka ţah a chhuak lova, ka thin a rim et et thung.
'Kha nu kha chu i la hria a?' Ka ti sep a, natna a ri tel lova hriain ka lawm ru hle.
A bu nghut, "mahni nupui hual te an theihnghilh ngai em ni?" A tih chuan engemaw in min deng chawrh ang mai hian ka ni nghal chhû mai, ka thin chu na thip vawt vawt mah se ka ţhen lui sak sak a, ka thinrim lutuk chu ka mit leh hnar bawr te chu a sa ham ham thei.
Nupui hual ka ti ve sep a, a lo nui mai a, 'kei chu min hre tawh lo tiraw?' Ka ti a, ka aw ri pawh a hnawk ţiak mai, Ruatdika hian min hre lo mah se a laka ka pangchanna leh ka hmangaihna a reh si lo hian min tihah hluah hluah a ni.
A lo bu leh mai a, ka nui seih mai, kan pahnih inkar pawhchhiat tumtu, dawtthu a min puh a, amah Ruatdika ngei mai ka chan phah ţhelhna chu a la hria a, chu mai ni lo, a nupui hual angin a ngai bawk, kha nu vang bawk khan ka hmangaih chu chan hlen thei dinhmunah ka ding leh a, ka hneh lo a ni e, Remruatpuii lakah hian ka lo va te vawn vawn tehlul em.
'I nupui hual ka ni a sin, engatinge kha nu i hriat laia kei hi min hriat loh, i accident ni kha kan inneih ni tur a ni a, Biak in pana in kalkawngah truck in a su che u a, chuvanga innei rih lo kan ni, mahse, ka pasal ini a, i nupui ka ni bawk, i hrethiam em?' Ka ti a, ka thusawi chu hrethiam se tiin ka thumal lam pawh a fiah fek fawk hlawm hle, mahse, ka sawi zawh rual rualin a thinur hmel min hmuh tir a, kan inhualna zungbun hmuh tir turin min ti, mahse, zungbun hmuh tur ka nei lo, inneih puia min sawm laia a ţhi min pek chu ka hmuh tir dawn a, eng ţhi mah ka lo awrh lo a nih chu!
Ka indap rak rak a, ka ţhi kha min awrhtir ni aţang khan ka la phelh lo, ka inbual dawn pawhin ka phelh ngai miah lo, engtik laia ka nghawng aţanga awm sawn nge pawh ka hre lo.
Mangang takin ka bag ka hai rak rak a, ka thlan a tla phat phat thei, nuihzathmel tak hian min en a, "a hriatna hloh chu remchangah laa hnaih ka tum thu a sawi, ka rilru a ni lo lutuk tih ka sawi chuan "Dawtheinu" tiin min ko!
"Ruatruati nen khan training na thuhmun ni lo mah ila kan inhmu fo ţhin, kan zir chhuah hnu-ah hospital pakhatah kan thawk dun a, inneih puia ka sawm lai leh kan inngaihzawn lai hre chiang lo mah ila hmangaih tak ka nei tih ka hria, ka nupui tur pawh a ni, Ruatruati khan zungbun a bun a, ka pek a ni tih a sawi, a chhung lamah R&R tih a chuang a, ka hming leh a hming, gold ţhi nalh zet mai, chutiang hawrawp awm tho chu a awrh bawk, nang chuan i thusawi te kha fiahna tur i nei lo", a ti fak fak.
Ka thinlung tina turin thu tam a sawibelh a ngai tawh lo, ka ţhi chu Ruatruatin a lo awrh a nih chu, Ruatdika'n min pek khan kan hming bul ve ve tih ka hria, mahse, ka tihbo lai ka hre lo, ni e, ka tibo lo reng bawk a, ruk sak ka ni a nih chu, ruk sak ka nih lai reng reng ka hre lova, ka thiamloh pawh a ni, mahse, ka bei a dawng takzet tawh, ka na tawk tawh e.
Ruatdika pawh ka haw hle a, a accident vanga hriatna hloh pawh nise thudik hriatchhuah a tum tur a ni.
'I lo hriat ve mai maiah, Rodawngkimi ka ni e, chuan, engkim i hriat chhuah hun-ah inchhir suh', tiin ka chhuahsan ta.
Ruatdika chu ka ngai em em a, mahse, ka chapona neih ve te hian tlawm turin min duh si lo.
Ruatruati nen an thawm riva ka hre ve reng a, ka lungleng hian social media lama a inphochhuahna hi ka hriat loh karin ka lo lut hman leh ţhin, zanriah an ei dunna te, tkang thengthaw nuam taka an lendun na te a ni fur a, hun an hmang dun tam tih hi a hriat ngawih ngawih, kei chuan mualpho leh zah ka phur a, kan vengchhungah, kohhran leh khawtlangah tam lo mah ila dan puitling ngeia pasal ka neih dawn avang khan hriat ka ni ve a, kan heti leh ta mai si nen min en hrek hrek reng hlawmin ka hria, ka hmaichhana ka rilru awmdan tur min vengthawng lo leka min zawt phawng phawng lah bo lo, khua hi a va var lo tehlul em.
Mahse, chung thil te chu chauh phahna atan hman a, rum tlawk tlawk ringawt ka tum tawh lo, thil tisualtu ka ni lova, ka thiamlohna awmloah ka inkiltawih tawh lovang, hna ka kal a, ka inkhawm a, kohhran ţhalai thiltihnaah nise ka hman phawt chuan ka kal a, chutiang bawkin YMA hnatlannaah pawh nise, ka hlim lova, lungngaihna pawh ka insalbeh tir hek lo, ka nung ve tawp a ni ber mai, ka thil ei a tui lova, mahse, chaw ka thlah lo thung, ka nam liam vel mai mai a, ka chau tur pawh nasa takin min pui a ni, ka pa in calcium leh vitamin min lei sak a, ka ei reng bawk a, chhiat phah ka tum lo, Pathian ka au tam em em a, ka thinlung nâ min lak kiansak a nih loh pawha chak taka ka hmachhawn theihna atan chakna thar ka dil ziah ţhin, lawm nachang ka hriat theihna atan ka dil fo bawk a, a chhan pawh ka nunah hian lawma hlimpui tur ka hmu tlat lo a ni.
Zan khat chu ka ţhian kawmngeih ve tak, khaw hmun kan nih loh avanga ka hmuh tam theih loh hi ka harsatna phone call in ka hrilh vek a, ani chuan Pathian ka mamawh thu min hrilh, ka ring thlap bawk, Lalpa, Lalpa tiin ka au chamchi a, Ruatdika ka hnena lo kir tir tur erawh chuan ka dil ngai lo, a remruat a nih phawt chuan ka kalsan a, ka hriat chhuah chang pawha thinlung na miah lova ka hriatreng theihna atan ka dil ţhin...
Pathianin ka ţawngţaina a chhang ka ti dawn nge, nat vawng vawng chang nei fo mah ila mahni inkhawngaihna sualah ka tlulut tawh lova, hma hun thlir hram hram ka tum a, tumruhna leh chakna thar tamtak ka nei bawk, chung avang chuan lawmthu ka sawihmaih ngai hek lo.
Tuk khat chu Ruatdika hnen aţangin call ka dawng hlawl a, mak ti deuh hian ka pick-up ve mai bawk. "Engatinge, engvanginnge min thah i tum? Min hmangaih thlawt lo a, min neih i hreh viau a nih pawhin ţha takin sawi mai ta che, i hlimna hi ka duh ber tih i hria a ni lo'm ni? I hlimna atan chuan harsa ti mah ila ka kalsan thei dawn che a sin, engvanginnge ka nunna lak i tum, i tumna kawngah ka unaupa, ka ţhianţha ber ni bawkin a nunna a chan phah tih te hi i la hre ve reng em? Nge ni a, i hlim hle tawh zawk" A rawn ti a, a aw ah chuan thinurna avanga a aw khur hluk hluk chu a len hle rualin natna a ri tel nasa zawk mah.
A thusawiin min ţhawn em avnag chuan sawitur ka hre miah lo, ka nghing lawih lawih ringawt.
Hei ai hian sei deuh se.
ReplyDeleteSorry, last ka update e
Delete