TERI MERI KAHANI 10
TERI MERI KAHANI
Chapter - 10
Hluhlu-i Khiangte
Inneih puia min sawmna ka pawm hnu-ah chuan rei rial lovin palai hmel ka hmu a, ka pa te pawh ka hrilh lawk vek tawh naa mawihnaiah chhungkua kan lo inrawnkhawm ang tiin an thlah a, Khawzawl lama ka ni te leh ka pi te pawh rawn zin thla nghalin kan ri ve laih laih mai, kan in a te bawk nen tawt ţha mep mep tak kan ni, chhuatah mutna kan phah a, kan mu tlar dul, nupuia min neitu tur chu Doctor a ni tih te an hria a, amah ngei an han hmu bawk a, an hmin zân tih an mitmengah ka hre thei, chutihruala an mitmeng thuk taka insitna chu ka hmuhhmaih hek lo.
Ka nî, ka pa chhangtu chiah phei chuan Ruatdika hnenah, "A fùr a ţhâla, beka thlan tui luang zawih zawih chunga kan thawk chung pawhin, hausakna hmel kan hmu ve ngai lova, zirna sang tak thleng lah kan fanu hian a kai hek lo, mahse, kan tan chuan kan lunghlu a ni a, i hmangaih takzet nia kan hriat vanga i neih remti tur kan ni. I nupui zahawmna chu nangmahah a innghat tih hria la, a mittui itih tla a nih pawhin hlimna vang ni rawh se, kan fanu hi hmuhsit tuar tura thlahliam kan ni dawn lova, hmuhsitna leh diriamna a tuar a nih chuan lo neitu kut thap hrâp hian eng nge a tihtheih i hre mai ang?", Tiin fuih titih, vau titih hian a ti hial a!
Ni e, ka ni fanu upa ber hian khawpuiah, khawsak pawh harsa lo fahran chhungkuaah pasal neiin a lawi ve a, a pasal chuan a hmusit a ni lo, mahse, a pasal chhungte leh a ţhenrual ţha te chuan an hmusit em em a, Khawzawl kha District a la ni lo bawk nen, lo neia eizawng an lo ni leh zel a, a rilru na lutuk a rawn tlan haw tawp tawh a ni.
An rawn koh leh pawhin, "hmui hmer chitin reng eia hmuhsit tuar reng ai chuan, chi chauh pawh liak ila min hmangaih tute kiangah hian ka hlim e", a lo ti hmiah reng a, a pasal lah chuan a chhungte rilru puthmang sàwi danglam sak thei hek lo, ka unaunu a hmangaih bawk si chu a rawn luhkhung leh tawp mai a ni.
In puiah an awm ren rawn a, chumi hnu-ah makpa chhungkhung a awm ngawt chu tiin in an luah a, ţhenawm khawvengte duhsakna leh anmahni tumruhna ni pah fawmin in leh lo pawh an pual liau liauin an nei ve tawh, fa pali, mipa hlir neiin an hlim hle tawh a ni.
Khatiang hmuhsitna kha ka tawrh ve an hlau em em a, kei chauh ni lo, kan unau kual hmeichhia te chu mi hausa pasalah nei lo turin min fuih chiam te an ching ţhin, ka unaunu kha a talbuai hman em a, khatiang kha tumahin tuar ve lo se tih hi min duhsakna a ni.
Ruatdika pawh chuan chutiang min tawrhtir loh tur thu a sawi ve sup sup a, palai thawh hnihna chu kan rem thu-in kan lo thlah ta, inneih ni tur pawh an ruat fel nghal a, April ni 4 ah ka ni ropui ber chu a thleng dawn e.
Thla khat erh awrh chiah inbuatsaihna hun kan nei a, keini ang rual tan chuan chhawm tur pawhin rilru a tihah ve phian, mahse, ka pa unau te ho an ţang a, ka nu unau te ho nen, mi angin chhawm ţha bung bung dawn lo mah ila zahpuiawm lo tawk chuan ka mawi ve e, chhungkua hi chu a va hlu em.
Innei mai tawh tur kan ni bawk nen inneihnaa mamawh vel tur bazarin kan chhuak deuh reng a, ţhian han tih em em tur ka neih loh vangin ka u in min din pui dawn a, Ruatdika erawh Maroa'n a din pui dawn thung.
Inneih ni a lo thleng ta, zan lamah ka mu ţha lova, ka helhhawlh atalangin ka muhil hleithei lo, pasal nei tur dang pawh hi an nih ve fo ka ring, mahse, ka chau miah lo, ni chhuak te chu tuk dang zawng aiin a mawi a, khawvel hi a thar sur maiin ka hre hial.
Chawhnu dar 1 ah kan inkutsuih dawn a, tukţhuan pawh hma takah kan ei hlawm, fai ser sawrin ka inbual a, ni dang zawng aia ulukin ka inbual vel mawle😂
Ka u chuan ka hmai min chei sak a, simple zet, mawi em em siin min chei a, ka lawm hle, ka mo thuam, kan hawh chu ka inbel a, pheikhawk sang lutuk lo ka bun bawk, a tawpna atan veil ka khim ta a, hmeichhe thianghlim te khim tur veil ka khim ve chuan min tihlim a, Pathian hnenah ka nun kawng min hruai sak avangin lawmthu ka hrilh bawk.
Ka nu ka ngai zual hle a, ka mittui erawh ka ti tla bik lo, inneihna hunserh a zawh hun-ah ka nu thlanah kan kal dawn a ni.
Ruatdika cousin ve tho, Sangpuian min rawn hruai a, second tinin a hun a hnai zel e, mahse, thu rapthlak tak kan hre thut mai le.
Ruatdika te'n Biak-in an panna kawngah accident an tawk a, Marova a hmunah a thi nghal a, Ruatdika pawh thi lo mah se a dam chhuah a rinawm loh tih thu chu!
Sangpuian min hrilh a, ka mitsulh a, ka mang nghal dûk.
Hospital ah kan kal a, mokawr nen, in lamah min awmtir an tum naa ka zui lui ve, Nu Rami a ţap a ţap a, ka mokawr ka hum tawmna kut khur dar dar leh ka hamhaih lutuk meng à riai te chu min ţah khum tlawk tlawk.
Kei erawh ka ţap lo a, huatna in ka khat, Ruatdika te car chuanna kha truck in a su a, Truck chu a tlan bo zui nghal, mahse, an chhui zui nghal ang, an hmu ngei.tur a ni.
Ka hlauthawng em em a, ka ngaihtuah ber ka hre mai lo, ka ngaihtuahna in Lalpa hnen a thleng phak lova, auh nachang pawh ka hre lo, Ruatdika ah ringawt ka rilru ka dah a, amah tina tu hi ka haw ngawih ngawih.
Ka tha khur a reh thei lova, ipik zek hian ka thaw chhuak leh hawk ţhin, ka hrawkah hian hnawhtu awm ang maiin thawk lak a harsa a, ka hrawk a na ngut ngut bawk.
Operation an ti char char a, Doctor pawh pathum ngawt an lut, an rawn chhuak thei malek lehnghal a, an rawn chhuah hun-ah a ţhat thu chiah hriat ka duh bawk.
Rei tak kan nghah hnu-ah doctor pakhat chu a rawn chhuak ve ta hram e, kan lo hnaih nghal thuai a, "kan theihtawp kan chhuah a, Pathian zarah kan inchhan thei e", a tih chuan kan lawm lutuk chu kan ri hak a, keipawh ka mittui a tla ve ta, ka lawm a ni, Nu Rami nen chuan kan inkuah nghal thlawp bawk.
Mahse, chu doctor chuan kal ta mai lo chuan, "mahse", a ti leh rih a, kan en leh ţhap, "a lû hi a sawh na em a, a hriatna lam a tibuai maithei", a ti ta a, kan hlim thawm ri nak nak kha a reh nghal ţhuap, kan inhnem liam liam hlawm a, amah ber a dam te chuan, chung thil te chu a pawi lo zawk, a dam kha a hlu ber kei ngei pawhin ka ti.
Rei tak harh lovin a awm a, kei chu pawnah ka mo thuam nen ka awm tlawk tlawk, midang pawh inneihna lama kal tura inthuam an nih hlawm avangin inthlak turin an haw sap sapin an rawn kal leh thuai hlawm a, nu Rami leh kei erawh kan awm reng, kan inthlakna tur an rawn keng ve tak naa ka pasal hi ka mokawr ha chung ngeia a harh lai hmachhawn ka duh, a ta ka ni tih leh ka ta a ni tih a hriat reng loh ka hlau a ni.
Inneih hunserh hmang hman lo mah ila ka pasal a ni tawh tih chu ka pawmdan a ni.
Zankhua in hmuh an remti lova, chiang lo ruaiin a rawn harh a, a luna avangin an chiu mu lehnghal tih erawh min hrilh, ka mut a chhuak lova, ka ţah pawh a chhuak hek lo, ka meng kar a, zunram thiar tur pawhin ka tho chhuak eih lo hrim hrim.
A tukah pawh min la hmuh tir phal lo fova, ka thin a ur takzet tawh.
Mahse, chawhnu lam dar 2 chuan a lo harh thu leh hmuh pawh an remtih thu kan hre ta a, mahse, luh huk an la remti lo cheu, kei chu min lut hmasa ber turin min ti a, ka hnial lo chiang viau mai.
Nu Rami luh hmasak tir chu ţha ka ti viau naa ka tlawmngai peih hran lo, ka hmu ngei ngei duh tlat.
Ka ţhutna aţanga ka thawh chuan ka taksa chu a na kham ţhem ţhum vek, ka zi mar ar ar a, ka pasal awmna pindanah chuan ka lut ta, a mit a lo chhing chialna, a insawhna avangin a vûng deuh bâr a, an tuam lûk bawk nen a hmuhnawm tehchiam loh, mahse, ani hi ka hmangaih em em, ka pasal a ni.
Ka pan hnai a, ka thawm hriain a rawn meng ruai ruai a, min en vung vung, mittui tling pam chungin hmangaih em em hian ka lo melh a, mahse, a mitmeng ka en chiang chu ka kehsawm vek, mak tih hmel takin min en mai a ni lo, huatna mitmeng a tel!
"Tunge inih", bul hmukin a ti a nih chu!
Sawitur ka hre lova, ka mittui erawh a baw hawk thung.
Ka ngawih vang vang hnu-ah, 'i nupui', ka ti sep a, awih loh hmel deuh hian a nui hawk!
Rawn thawh tumin a taksa chu a ti che a, a accident vanga a taksa nâ in a dang thung, a duh anga a che thei lo chu thinrim puiin aw fiak em em hian a nu a au a, nu Rami a rawn tlan lut nghal.
"Ka nu, he nu hi tunge a nih? Hmelhriatloh ka pindana lo luh tir ka duh lo tih ka hrilh lo che em ni? Ka nupui a thikthu a chhia a, hmeichhe dang hrim hrim nang tih loh an lo lut thiang lo", a ti ram hmuk hmuk.
Ka na et et a, ka mittui a tla reng bawk, "Bawiha, hei hi i nupui chu a ni alawm", a nu ngeiin a tih pawh chuan a awih lo!
Nu Rami nen chuan rum em emin min entawn sek a, ka tuar thei lo, hetianga ka hmangaih em emin min huatna mitmeng nena min en hi nâ ka ti lutuk.
Zawite a ka ke penin ka chhuak a, ka chhuahsan chiah chu tha reng ka nei ta lo, ka ţhingţhi hnawk a, ka ţap chhuak thei ta lo, ka mittui a tla reng a, ka hrawka hnawhtu awm nasa lutuk erawh a veng thei lo, ka âwm a tawt vek a, ka chum dawt dawt naa ka thaw thei lo, min rawn hnaih nghal huk tih ka hria, mahse, ka kutin thei leh thei lovin min hnaih lo turin ka lo dang a, ka talbuai chiam hnu-ah chuan ka khawhmuh a phe a, ka tawp riai riai, vawilehkhatah a thim ta mup mai.
Chapter - 10
Hluhlu-i Khiangte
Inneih puia min sawmna ka pawm hnu-ah chuan rei rial lovin palai hmel ka hmu a, ka pa te pawh ka hrilh lawk vek tawh naa mawihnaiah chhungkua kan lo inrawnkhawm ang tiin an thlah a, Khawzawl lama ka ni te leh ka pi te pawh rawn zin thla nghalin kan ri ve laih laih mai, kan in a te bawk nen tawt ţha mep mep tak kan ni, chhuatah mutna kan phah a, kan mu tlar dul, nupuia min neitu tur chu Doctor a ni tih te an hria a, amah ngei an han hmu bawk a, an hmin zân tih an mitmengah ka hre thei, chutihruala an mitmeng thuk taka insitna chu ka hmuhhmaih hek lo.
Ka nî, ka pa chhangtu chiah phei chuan Ruatdika hnenah, "A fùr a ţhâla, beka thlan tui luang zawih zawih chunga kan thawk chung pawhin, hausakna hmel kan hmu ve ngai lova, zirna sang tak thleng lah kan fanu hian a kai hek lo, mahse, kan tan chuan kan lunghlu a ni a, i hmangaih takzet nia kan hriat vanga i neih remti tur kan ni. I nupui zahawmna chu nangmahah a innghat tih hria la, a mittui itih tla a nih pawhin hlimna vang ni rawh se, kan fanu hi hmuhsit tuar tura thlahliam kan ni dawn lova, hmuhsitna leh diriamna a tuar a nih chuan lo neitu kut thap hrâp hian eng nge a tihtheih i hre mai ang?", Tiin fuih titih, vau titih hian a ti hial a!
Ni e, ka ni fanu upa ber hian khawpuiah, khawsak pawh harsa lo fahran chhungkuaah pasal neiin a lawi ve a, a pasal chuan a hmusit a ni lo, mahse, a pasal chhungte leh a ţhenrual ţha te chuan an hmusit em em a, Khawzawl kha District a la ni lo bawk nen, lo neia eizawng an lo ni leh zel a, a rilru na lutuk a rawn tlan haw tawp tawh a ni.
An rawn koh leh pawhin, "hmui hmer chitin reng eia hmuhsit tuar reng ai chuan, chi chauh pawh liak ila min hmangaih tute kiangah hian ka hlim e", a lo ti hmiah reng a, a pasal lah chuan a chhungte rilru puthmang sàwi danglam sak thei hek lo, ka unaunu a hmangaih bawk si chu a rawn luhkhung leh tawp mai a ni.
In puiah an awm ren rawn a, chumi hnu-ah makpa chhungkhung a awm ngawt chu tiin in an luah a, ţhenawm khawvengte duhsakna leh anmahni tumruhna ni pah fawmin in leh lo pawh an pual liau liauin an nei ve tawh, fa pali, mipa hlir neiin an hlim hle tawh a ni.
Khatiang hmuhsitna kha ka tawrh ve an hlau em em a, kei chauh ni lo, kan unau kual hmeichhia te chu mi hausa pasalah nei lo turin min fuih chiam te an ching ţhin, ka unaunu kha a talbuai hman em a, khatiang kha tumahin tuar ve lo se tih hi min duhsakna a ni.
Ruatdika pawh chuan chutiang min tawrhtir loh tur thu a sawi ve sup sup a, palai thawh hnihna chu kan rem thu-in kan lo thlah ta, inneih ni tur pawh an ruat fel nghal a, April ni 4 ah ka ni ropui ber chu a thleng dawn e.
Thla khat erh awrh chiah inbuatsaihna hun kan nei a, keini ang rual tan chuan chhawm tur pawhin rilru a tihah ve phian, mahse, ka pa unau te ho an ţang a, ka nu unau te ho nen, mi angin chhawm ţha bung bung dawn lo mah ila zahpuiawm lo tawk chuan ka mawi ve e, chhungkua hi chu a va hlu em.
Innei mai tawh tur kan ni bawk nen inneihnaa mamawh vel tur bazarin kan chhuak deuh reng a, ţhian han tih em em tur ka neih loh vangin ka u in min din pui dawn a, Ruatdika erawh Maroa'n a din pui dawn thung.
Inneih ni a lo thleng ta, zan lamah ka mu ţha lova, ka helhhawlh atalangin ka muhil hleithei lo, pasal nei tur dang pawh hi an nih ve fo ka ring, mahse, ka chau miah lo, ni chhuak te chu tuk dang zawng aiin a mawi a, khawvel hi a thar sur maiin ka hre hial.
Chawhnu dar 1 ah kan inkutsuih dawn a, tukţhuan pawh hma takah kan ei hlawm, fai ser sawrin ka inbual a, ni dang zawng aia ulukin ka inbual vel mawle😂
Ka u chuan ka hmai min chei sak a, simple zet, mawi em em siin min chei a, ka lawm hle, ka mo thuam, kan hawh chu ka inbel a, pheikhawk sang lutuk lo ka bun bawk, a tawpna atan veil ka khim ta a, hmeichhe thianghlim te khim tur veil ka khim ve chuan min tihlim a, Pathian hnenah ka nun kawng min hruai sak avangin lawmthu ka hrilh bawk.
Ka nu ka ngai zual hle a, ka mittui erawh ka ti tla bik lo, inneihna hunserh a zawh hun-ah ka nu thlanah kan kal dawn a ni.
Ruatdika cousin ve tho, Sangpuian min rawn hruai a, second tinin a hun a hnai zel e, mahse, thu rapthlak tak kan hre thut mai le.
Ruatdika te'n Biak-in an panna kawngah accident an tawk a, Marova a hmunah a thi nghal a, Ruatdika pawh thi lo mah se a dam chhuah a rinawm loh tih thu chu!
Sangpuian min hrilh a, ka mitsulh a, ka mang nghal dûk.
Hospital ah kan kal a, mokawr nen, in lamah min awmtir an tum naa ka zui lui ve, Nu Rami a ţap a ţap a, ka mokawr ka hum tawmna kut khur dar dar leh ka hamhaih lutuk meng à riai te chu min ţah khum tlawk tlawk.
Kei erawh ka ţap lo a, huatna in ka khat, Ruatdika te car chuanna kha truck in a su a, Truck chu a tlan bo zui nghal, mahse, an chhui zui nghal ang, an hmu ngei.tur a ni.
Ka hlauthawng em em a, ka ngaihtuah ber ka hre mai lo, ka ngaihtuahna in Lalpa hnen a thleng phak lova, auh nachang pawh ka hre lo, Ruatdika ah ringawt ka rilru ka dah a, amah tina tu hi ka haw ngawih ngawih.
Ka tha khur a reh thei lova, ipik zek hian ka thaw chhuak leh hawk ţhin, ka hrawkah hian hnawhtu awm ang maiin thawk lak a harsa a, ka hrawk a na ngut ngut bawk.
Operation an ti char char a, Doctor pawh pathum ngawt an lut, an rawn chhuak thei malek lehnghal a, an rawn chhuah hun-ah a ţhat thu chiah hriat ka duh bawk.
Rei tak kan nghah hnu-ah doctor pakhat chu a rawn chhuak ve ta hram e, kan lo hnaih nghal thuai a, "kan theihtawp kan chhuah a, Pathian zarah kan inchhan thei e", a tih chuan kan lawm lutuk chu kan ri hak a, keipawh ka mittui a tla ve ta, ka lawm a ni, Nu Rami nen chuan kan inkuah nghal thlawp bawk.
Mahse, chu doctor chuan kal ta mai lo chuan, "mahse", a ti leh rih a, kan en leh ţhap, "a lû hi a sawh na em a, a hriatna lam a tibuai maithei", a ti ta a, kan hlim thawm ri nak nak kha a reh nghal ţhuap, kan inhnem liam liam hlawm a, amah ber a dam te chuan, chung thil te chu a pawi lo zawk, a dam kha a hlu ber kei ngei pawhin ka ti.
Rei tak harh lovin a awm a, kei chu pawnah ka mo thuam nen ka awm tlawk tlawk, midang pawh inneihna lama kal tura inthuam an nih hlawm avangin inthlak turin an haw sap sapin an rawn kal leh thuai hlawm a, nu Rami leh kei erawh kan awm reng, kan inthlakna tur an rawn keng ve tak naa ka pasal hi ka mokawr ha chung ngeia a harh lai hmachhawn ka duh, a ta ka ni tih leh ka ta a ni tih a hriat reng loh ka hlau a ni.
Inneih hunserh hmang hman lo mah ila ka pasal a ni tawh tih chu ka pawmdan a ni.
Zankhua in hmuh an remti lova, chiang lo ruaiin a rawn harh a, a luna avangin an chiu mu lehnghal tih erawh min hrilh, ka mut a chhuak lova, ka ţah pawh a chhuak hek lo, ka meng kar a, zunram thiar tur pawhin ka tho chhuak eih lo hrim hrim.
A tukah pawh min la hmuh tir phal lo fova, ka thin a ur takzet tawh.
Mahse, chawhnu lam dar 2 chuan a lo harh thu leh hmuh pawh an remtih thu kan hre ta a, mahse, luh huk an la remti lo cheu, kei chu min lut hmasa ber turin min ti a, ka hnial lo chiang viau mai.
Nu Rami luh hmasak tir chu ţha ka ti viau naa ka tlawmngai peih hran lo, ka hmu ngei ngei duh tlat.
Ka ţhutna aţanga ka thawh chuan ka taksa chu a na kham ţhem ţhum vek, ka zi mar ar ar a, ka pasal awmna pindanah chuan ka lut ta, a mit a lo chhing chialna, a insawhna avangin a vûng deuh bâr a, an tuam lûk bawk nen a hmuhnawm tehchiam loh, mahse, ani hi ka hmangaih em em, ka pasal a ni.
Ka pan hnai a, ka thawm hriain a rawn meng ruai ruai a, min en vung vung, mittui tling pam chungin hmangaih em em hian ka lo melh a, mahse, a mitmeng ka en chiang chu ka kehsawm vek, mak tih hmel takin min en mai a ni lo, huatna mitmeng a tel!
"Tunge inih", bul hmukin a ti a nih chu!
Sawitur ka hre lova, ka mittui erawh a baw hawk thung.
Ka ngawih vang vang hnu-ah, 'i nupui', ka ti sep a, awih loh hmel deuh hian a nui hawk!
Rawn thawh tumin a taksa chu a ti che a, a accident vanga a taksa nâ in a dang thung, a duh anga a che thei lo chu thinrim puiin aw fiak em em hian a nu a au a, nu Rami a rawn tlan lut nghal.
"Ka nu, he nu hi tunge a nih? Hmelhriatloh ka pindana lo luh tir ka duh lo tih ka hrilh lo che em ni? Ka nupui a thikthu a chhia a, hmeichhe dang hrim hrim nang tih loh an lo lut thiang lo", a ti ram hmuk hmuk.
Ka na et et a, ka mittui a tla reng bawk, "Bawiha, hei hi i nupui chu a ni alawm", a nu ngeiin a tih pawh chuan a awih lo!
Nu Rami nen chuan rum em emin min entawn sek a, ka tuar thei lo, hetianga ka hmangaih em emin min huatna mitmeng nena min en hi nâ ka ti lutuk.
Zawite a ka ke penin ka chhuak a, ka chhuahsan chiah chu tha reng ka nei ta lo, ka ţhingţhi hnawk a, ka ţap chhuak thei ta lo, ka mittui a tla reng a, ka hrawka hnawhtu awm nasa lutuk erawh a veng thei lo, ka âwm a tawt vek a, ka chum dawt dawt naa ka thaw thei lo, min rawn hnaih nghal huk tih ka hria, mahse, ka kutin thei leh thei lovin min hnaih lo turin ka lo dang a, ka talbuai chiam hnu-ah chuan ka khawhmuh a phe a, ka tawp riai riai, vawilehkhatah a thim ta mup mai.
Comments
Post a Comment