LALAWMPUII
LALAWMPUII
Hluhlu-i Khiangte
(Ka ţhiannu Lalawmpuii, 25.12.2k21 a thawhlehna ni nghak tura min muthilhsan tu tan ka hlan a, thawnthu ziah ka tum zet a, heti zawng zawk hian ka ziak ta mai, ka hmangaih ka ţhiannu tana ka tihtheih awmchhun a ni si a.)
"Hluhlute, eng nge ka lo hawn ang che?", Ti tu chu tudang ni lovin ka ţhiannu Awmawmi ngei a ni, a day off a a len chhuah dawn apiangin ka duh min zawt fo ţhin a, min hmangaih em em tih ka hai lo, a ngai te bawka chhangin Food Court ami ngei mai Chicken Steam Momo leh chicken mushroom soup ka sawi leh a, min lo hawn dawn tih ka chiang.
Kei aiin kum 3 in a upa a, ka laizawn nen an inrual chiah, û enin ka en tak naa ka koh naah ka u ngai chuang lo, covid hluar laia haw runpui awm lai khan anni chu an haw a, an haw hma, an hnathawhna hmun Havelock aţanga Portblair a an rawn intawhkhawm kha ka hmuh hmasak ber a ni a, kan hnathawhna hmun La Bella ah Sâwtei nen rawn kalin wai wai zawrhna hmun min rawn zawt a, a ţawng zawnga a hmui phun dan neuh neuh te kha ka lawm em avanga ka chhinchhiah nghal kha a ni. A ngainatawm tih kha a lang chiang nghal em em.
An han haw a, keini bik chu Pathian zarah haw kher ngai lovin hna kan la kal thei zel a, kan hun hman dan khawlhkham deuh mah se a zia phian e.
An haw aţangin hun rei pawh a liam hman meuh lo, Awmawmi chu keini ang tho-in chhungkaw khawsak harsat vang leh hah rau raua hlawk zawk zawnna te pawh a ni ang chu, Mizorama awm reng thei a ni bik lova, a rawn let leh a, a hmaa a hnathawhna hmuna let lovin kan hnenah, kan kiangah a rawn thawk ve ta a, a rawn thlen tirh phat aţangin pindan pakhat kan inţawm nghal, kan awmna hmun hi in pangngai a ni a, luah man hi kan pu te'n an tum ţhin thung a, a nuamin a changtlung angreng khawp mai, ei leh in leh chenna tur in kan dawng ţha a, tin, kan hnathawhna hmunah lah kan ţhiannu Madhuri tih loh chu Mizo hlir kan awm khawm bawk nen, kan hlimin nuam kan ti ţhin hle, a awm ho zingah ka naupang ber a, duat rawn ka ni ţhin, ka harsatna engkim an hriat ţhin laiin kei chuan an harsatna leh an hrehawmna ka hre ve ngai lo, an tan khan ka lo hahthlak ţhinin ka ring, mahse, chhungkua ang maiin kan inkawmngeih a, kan inthlawp ţha bawk, thla khatah ţum hnih ţum thum te zanriah ei chhuakin hotel lamah kan kal ve ţhin a, a bak chu a zo thei ang berin khawsak kan rel ţang ţang ţhin.
Kan chhungte an inpe zo hlawm a, thlai rep eng eng emaw min rawn thawn fo a, Awmawmi phei chu an rawn thawn zing zual, Dawlrep leh Mautuai rep phei chu kan nghei ngai lo tluk a ni, khawsak rel a thiam em em a, thlan tla hluam chunga bai a chhuan tawh chuan kan chil a put nghal mai zel.
Thawnthu ka ziah ţhin avangin kan zingah ka inti ţawngkam thiam fal em em a, anni lah chuan ka hnual lohna atan min fuih chamchi ţhin, thu tawi phuah te nuam ka ti a, ka chhungte, ka ţhiante vang khan ziakmi zinga tel ta hialah ka inngai lek lek fo, mi ropui ber ang maiin min chhawnchhaih ţhin a, ka va lawm tehlul em.
Kei hi ngaihtuah tawi tak, rilru tlem, hmachhawp leh hmathlir nei thiam lo, ka huntawn ang mil zela awm mai, ngawi mual mual fo, ka nel tawh vek vek te lakah chuan an beng a kham tawh ang em le tih vang vang na tur khawpa tlak duah ţhin leh thung ka ni a, ka thusawi leh ka titi ho tete te kha Awmawmi mai bakah, Hlimi, Nicholas, Sila Aruati leh Ahrili te ho khan ngaihnawm tih hmel takin min ngaihthlak sak ţhin, naute ang maiin min dimdawi a, min duat a, pangchan chintawk ka hre lo fo reng a ni.
Aw le, a kual thui mai mai e, Harsatna lian tham em em tawk lovin kan khawsa ho naw naw a, Kum 2021, August thla a lo inher chhuak ta, Ka chhungkua, ka hmangaih em em te kianga ka haw ni a lo thleng a, inngai tak chungin kan inthlah liam ta, Andaman and Nicobar Island chu ka thlawh chhuah san ta a, darkar hnih aia tam mah kan thlawh hnu-ah Kolkata khawpuiah kan ţum ta vang mai, ka ţhianten ka hotel thlenna tur hmun min biak lawk sak sa vek chu call in ka thlen tawh thu ka hrilh a, auto in min rawn hruai ta vuah vuah mai, ka ţhiante khan keimaha zinkawng ka zawh avangin ka hlauh an hlau a, min ngaihtuah a, an theih ang tawk tawk ka tan an ti a lo ni, an va hlu em, ka thlen tluan thu phone call hmanga ka hrilh hnu-ah, a tuk lama Mizoram lam pan lehnghal tur ka nih avanga thawh hai hlau tak chungin ka intifai a, zanriah te eiin mutmu ka tuah nghal.
Thawh chu hai ta em lovin Mizoram tluang takin ka thleng a, covid lai ngang a la ni a, hmuaktu ka neih chu hnar hawlh tute kha an ni ta mai awm e, Taxi hmangin Aizawl lam panin kan tlan leh ta a, ka thla a muang ta suai suai mai, ramhnuai rim tr ka hria a, thing te hian rim tui tak an lo chhuah tih ka hriat belh bawk, Vairama ui bauh chuah chuah te kha bengchheng ka tih nen Mizoram ui bauh chu a ri a lo mawi em em mai a, baibing rim nam ram ram chang te, Vawkchaw an chhum a ni maw tih theih mai tura kan tlan pelh zawnga Vawkchaw rim rawn nam leh ţhin te kha a vaiin, pakhat te mah hmaih theih lohin ka va ngai em.
Kan veng, kan in pan chhohna step bulah Taxi chu a ding ta a, ka nu a lo awm vah tawh, ka bungrua kan nufa in kan thiar chho a, khunghran ka nih ve dawn vangin ka pa erawh hna ţhulh thei a ni si lo, ka u te nupa kianga min khunghran chhunga awm ve turin zing lamah min lo liam san tawh.
Tuchuan, Mizoram lamah awmin ka hlim hle a, Andaman lama ka chungte nen pawh whatsapp group kan siam aţang emaw, vid call hmang te in kan inbe fo ţhin, kan inngai ţhin hle a, mahse, chenho reng a theih bik ţhin si lo.
Hun chu a pangngaiin a kal zel a, a mimal ang zawng chuan thil chi hrang hrang, inang lo tak tak kan tawngin kan pal ţheuh ang chu, hunpui a lo hnai ta, mitin te tana lawmna ni nia ka ngaih ţhinah chuan thu thinţhawng tak mai, min nghawr nghing lawihtu, na taka min siamtu thu pakhat te mai hian ka hnen a rawn thleng ta, Awmawmi thih thu chu!
Kan nghahfak, kan nghahhleh, kan Lalpa, kan tana a lo kal avanga kan lawmna ni, Christmas tuk a lo ni a, Andaman and Nicobar Island lama ka u tia ka koh ngat, kan chenpui, kan u ni bawk Nicholas-a missed call a lo awm kiau a, Masi chibai min buk a tum ngei a nih hi tih ringin ka call back ta a.
Mahse maw, kan Nicholas-a chuan, 'Papui(min koh duatna a ni), Awmawmi thih thu kha i hre tawh em?' A rawn ti ta mai a, nat nachang ka hre lo.
Mipa tuarchhel tak, a mittui a sen ka la hriat loh khan min rawn ţahkhum a, a thih dan tak pawh zawh nachang ka hre ta nge ta lo, kan ţawngkam hman pawh ka hre kim lo!
Ka mang vek a ni ber, phone kan dah hnu-ah ka na chho ţan a, ka mobile a amah Awmawmi nena kan lan dunna thlalak ho hai letin ka nui vur vur!
'Chhungkua' tia inchhal kan ni a, chengho, ei-a in za ţhin, hauh kan ngai a nih pawhin kan inhau mai, kan hmanhmawh deuh leh inbual pawh inbual ho mai ţhin kan ni a, na tak taka infiam ngam kan nih avangin Masi túkah berkher min rawn tihder a nih ka ring ta a, ka ţhiante status ka en kual, Awmi chanchin awm lo, min tihder a nih ka rinna a zual sawt a, lû ka sûn e pawh ka la ti duh lo.
Sila Aruati ka call leh a, mahse, amah Sila-i pawh Mizoram lama ka rawn haw hmaa chengho tho kan ni a, dawt a sawi pui ka la ring tho!
Andaman and Nicobar Island a Mizo awm te leh awm tawh lo te ho inkawm khawmna group-ah ka lut a, post a awm lo, 'min tihder a nih chiah hi', tiin ka thinrim a, thihna hmanga intihder kher tia chhal ka tum, amah Awmi pawh ka call, a la thei lo, mahse maw, Andaman a awm lai mek kan Pastor, Pu Dawngtea te call in anni thusawi pawh ka la awih phal lo cheu a, Mizo Welfare president ni mek Pu Mawia number te min pe a, anni chu ka call takah chuan, tihder ka ni lo tih ka hre chiang ta, mahse, ka la awih ngam lo a, a thlalak tal ka phut leh hram!
Mahse, thlalak phal loh a lo nih avangin ka dawng thei ta lo a, mahse, Andaman a Mizo lo awm ve ţhin, kei nena inkawm vak lo te pawhin, 'an in lamah kan kal, kalna i nei em?' Tih tea min rawn biak takah chuan an chenna in chu ka pan ve rawih a, mi zawt chawpin kan kal a ni, ka thlen phei chuan ka ţhiante chu an lo haw hman chiah vel a ni, a pi khan min lo ţahkhum a, hah taka a thawhchhuah ve aţanga inchhungkhur ngaipawimawh a a bungraw lei te min kawhhmuhin mittui kan seng a. Nitin mai, duty kar lakah phone call hmanga a biak ziah, a hmangaih tih kan hai miah loh a pi ţap ri chuan min ti nâ a sin, amah hmuah naah kal ve ngei ka tum thu te sawiin kan inthlah kha a ni a.
'Awmawm, i pi khan in kawtkaiah ka remti lo chung min thlahin min han ţah khum leh a nih kha.
A ţawngkam thiam inti ber kei hian sawitur ka hre lo, i hmangaih i pi hnunga chùl mai loh kha chu.
Ka tihtheih tawk tiin, ka lo hmuak ang che aw, ni danga kan inhmuh dan nen a dang dawn mang e tiraw, ţhatnaa thuam tiin ka fak dawn lo che aw, ka lung iti awi lo em mai, i rawngbawl tui ti taka kan ei lai te, kan inbual ho lai te kha ţah titamtu a ni ta mai tur te, damlohna pawh nei lawk lova min ţhawn thut vang te hian ka hua che aw.' Tiin a thla ka hau mawlh mawlh.
Ka haw san tak ka chhungkua tia ka sawi ţhin te pawhin ngui nghiaiin, mittui luang zawih zawih chungin a luggage an siam sak a, a va runthlak em!
Flight a awm loh avangin Ni 26 ah an rawn phur haw thei lova, ni 27 ah a khamphei zawngin a ram a rawn lut ta, Lengpui Airport ah mi ţhahnem tak hmuak turin kan kal a, Andaman and Nicobar Island a a awmpui ţhin te, a ţhiante, a thawhpui Mizoram lama lo awm tawh te pawh kan kim viau mai, ţhenkhat in an chenna in lam, Republic veng lamah an lo nghak bawk a, amah rawn haw puitu Nicholas leh Hlimi pawhin an tuar tawk a ni tih hriat takin pawr phengin an rawn pen chhat chhat a, kan han inhmu khawm zet zawng, intawhkhawm a zawnga lungngaihna chhum a pik ţum ber ni awm hial a mawi a ni, kan inkuah a, kan ţap rawih rawih bawk, "A MAK, tih leh A PAWI VAWNG VAWNG", tih bak khang mi tamtak zingah khan sawitur hria kan awm lo nia mawle.
Kan ţhiannu, kan laizawn, kan hmangaih, a lunghnur hmel aia a hlim hmel hmuh tur tam zawk ţhin, kan Awmawmi chu hnamdang karah riang taka a thlarau in a taksa a thlah hnu-ah, a ram a rawn dai lut a, mahse maw, kan hmangaih chu bungrua ang maiah an ngai em mawni? bawm lian tak pakhatah dahin an rawn nawr chhuak a, nâ tih hian a nat zia a sawi fiah zo mawlh lo. Airport aţanga an chenna in lam kan pan zet zawng, a biak nin theih loh a *ama* ţah hla khan min vel asin, "Awmawm, hun dangah chuan i pi leh i unaute nen chiah kan hmuak ţhin che a, tunah chuan hmuaktu i ngah a sin, enteh", tiin sawi chhunzawm hlei thei lovin a awm a, ni e, ngatinge kan hun hnuhnung berah chiah hian hlut kan nihna hi fiahin a awm ţhin le? Hringmi dan a ni mahna le.
Kan hmangaih aia nasa a min hmangaihtu Awmawmi chu a hun tawp berah a hmel chauh takngial pawh a mi hmangaihte hmuh theih loh tura Kuanga chhin hnanin thlah liam a ni a, keimahnia na thei lai zawng zawng hi nâ-in a tuam chhuak vek ni hialin ka hria.
Rawl chhuah meuha ţap rawih rawih chi ka ni lova, ka chhungrilah hian ka tawt em em ringawt, ka mittui erawh dan rual lohin a luang zung zung thung a, kha hun kha ka hringnun lo pal tawh zawng zawnga rapthlak ka tih ber pawl a ni awm e.
Lawmna ni tura kan ngaihah lungngaih mittuiin min chiahpiah a, Christmas hun liamin kumthar kan chuangkai dawn ta, kum dang leh hun danga phur em em ţhin kei ngei pawh Awmawmi min hmangaih ang em in hmangaih ve zo lo mah ila, amah hmangaihtu zinga ka tel miau avangin hlimna reng reng ka hmu zo lova, ka kaa lut reng reng lah tui ka ti hek lo, an zalhna hmun a thlana kan kal lahin, a ngainat em em cold drinks kan han ken sak a, lawm taka bantu tur a awm tawh si lo, sawi hian a siak lo a ni ber e.
2021, ni hnuhnung ber zanah an veng lamah kum liam tura fam chang ta te zawng zawng sunna hun hman a nih dawn avangin kan inkhawm ve a, puanchei nen ngat han inthuam ve mah ila phurna ka va nei si lo em. Mahse, mim liamsan ta sa sa tiin ka inti paukhauh a, aw....Awmawm, i ngaih ban theih loh i pi kha a va ropui em, lungngaihna karah khan Pathian, min siamtu fakin zu lam thei a mawle! A enkawltu che kha Pathian fa a ni miau a, i nun a mawi em em mai te kha a awm hi ka ti ta hliah hliah a, tlai khawhnu-ah ka ngaisang kher mai che.
Ni thar, kum thar, hun thar kan chuangkai a, zingkarah i zalna hmun panin ka rawn kal, i hmangaih em em Api leh Ama kha an lo ţap rawih rawih a, kumthar chibai ka tihna che pawh min chhang tu tur i awm si lo.
Nâ ka tih em em bawk chu, kum sawm(10) dawn rim taka i thawh hnu ah, harsatna in a hrual len leh a hrual chhel ini a, nuam sa zawkin kan awm ve thei ang a tih beiseiin thiannu Hlimi nen inkawpin business in han run ve a, thla khat erh awrh bak inhawn hma in i lei taksa kha i thlarau in a kalsan ta si a.
I hlimthla biak a, kan thlalak dunna te, kan chhungkaw chaw ei chhuahnaa kan thlalak leh videos zawng zawng te hi thlir nin tik ka nei dawn lo a nih hi, hlimna ni-ah hriat chhuah ini a, lungngaihna ka neih changin ngaih i zual, min fuih melh melh lai te, engkim mai hian nang min hriat chhuah tir a, chhuahna tur pawimawh ka neih avanga make-up ka hmaia ka tah chang lehzel pawhin mawle hriat chhuah inih a, mittui min sen tir leh fo ni.
I bungrua/luggage kan hawng a, cheng sangkhat man pawh tling hlei lo i piancham a ka pek ve che wallet sendang pakhat ve mai, roh leh hlut tih hriat taka mawi em ema a lo awm khiau te khan ka mittui a ko chhuak a, i inhmeh ka tih em em ţhin i thuam ho zawng zawng te kha a neitu, nang tel lo chuan a lo va chul em!
I kutchhuak hnuhnung ber i laphiar te chen khan mittui an ko chhuak si maw.
Hlimna min neih tir ţhintu nang chu, lungngaihna ko chhuaktu ah i ţang ta si a, kum 4 lai a liam ta, ngaih che erawh kan bang mawlh si lo, khuarei an tih hi a lo awm lo a nih hi tia insawh tau chungin kan ţap leh ringawt zel zawng a nih hi.
Hlim taka nui ho ţhin pawh ni lo, inhre ngai reng reng lo, hrin hran ţhah, hmasawnna beisei avanga hnathawka kan awmna hmuna inhre chawp mai mai, khati khawpa chhungkua tia kan inchhal a, kan inhmangaihna te kha a par tlan i la kham bik hian ka ring mawlh lo, Kum dangah chuan Christmas leh Good Friday, Kristian te tana hun pawimawhah kan chhungkua khan chanvo neiin Mizo welfare inkhawmnaah te kan zai ho del del ţhin a, Good friday a kan thawmhnaw hak tur zawnga ruah sur hnuaia nui uar uar chunga kan bazar hun lai te kha aw.....
Sawi tur a tam, sawi sen pawh a ni lo, mite angin kan tette aţang kan inkawm tih tur ni lo mah ila, khang ho inhmangaihna ai khan kan inhmangaihna kha a nep bik chuang hauh lova, kan inngaihna kha a tlem bik hauh lo, i lung a lengin chhungkua, ţhiante ngai em em reng ini si a, i khua a va har dawn em, tunah chuan i lei taksa chu hmuh tlak awm lovin a ţawih ral tawh ngei ang a, mahse, kan thinlungah hian nang hian hmun, thuk takin i chang reng dawn a ni.
Mihring rilru sual a lo thawh chang chuan maw, a chhe lam zawngin ka thlir a, ka vui a, ka ngui a, ka tha a tho lova, ka phurna zawng zawng hi a reh ţhin, i reh vawng vawng ta mai si a, i hlim nui ri thangkhawk erawh kan bengah i tuh nghet lawi si.
Tunah pawh hei, Hunpui, lawmna ni kan lo hnaih ta, ngaih i bang lova, nangmah hmangaihtute tan chuan he ni hi a runthlak em a, phurna leh thathona pawh kan nei zo ve ta lo.
Engpawhnise Awmawm, thih hnu piahlam ram hi engtinnge a awm ka hre lova, i rauthla tala min lo thlir tak hlauhin, heti hian ka thlah ang che aw, 'hlut ini a, voh ini, roh ini a, hmangaih ini tel cheu!'
A tawpna atan, i ţhiante'n i chenna in a hriatrengna thuziak kan dah kha kan zep tel hram ang e.
I tel lo chuan zîng ni chhuak hian kan tan ênna a thlen zo lova, chhemdam thlifim pawh hian eng damna mah a pai lo. Malsawm ruahtui pawhin lungngaih mittui a ko chhuak dawn ta si a. Kan ui che a, Kan nâ a sin.
MAHSE.....
Damna kim i chang ta, muangte'n châwl ang che. Lalawmpui, kan awmpui i ngai ta lo, Lalpan a awmpui si che a.
Happy Christmas in heaven Awmawm🥺
Hluhlu-i Khiangte
(Ka ţhiannu Lalawmpuii, 25.12.2k21 a thawhlehna ni nghak tura min muthilhsan tu tan ka hlan a, thawnthu ziah ka tum zet a, heti zawng zawk hian ka ziak ta mai, ka hmangaih ka ţhiannu tana ka tihtheih awmchhun a ni si a.)
"Hluhlute, eng nge ka lo hawn ang che?", Ti tu chu tudang ni lovin ka ţhiannu Awmawmi ngei a ni, a day off a a len chhuah dawn apiangin ka duh min zawt fo ţhin a, min hmangaih em em tih ka hai lo, a ngai te bawka chhangin Food Court ami ngei mai Chicken Steam Momo leh chicken mushroom soup ka sawi leh a, min lo hawn dawn tih ka chiang.
Kei aiin kum 3 in a upa a, ka laizawn nen an inrual chiah, û enin ka en tak naa ka koh naah ka u ngai chuang lo, covid hluar laia haw runpui awm lai khan anni chu an haw a, an haw hma, an hnathawhna hmun Havelock aţanga Portblair a an rawn intawhkhawm kha ka hmuh hmasak ber a ni a, kan hnathawhna hmun La Bella ah Sâwtei nen rawn kalin wai wai zawrhna hmun min rawn zawt a, a ţawng zawnga a hmui phun dan neuh neuh te kha ka lawm em avanga ka chhinchhiah nghal kha a ni. A ngainatawm tih kha a lang chiang nghal em em.
An han haw a, keini bik chu Pathian zarah haw kher ngai lovin hna kan la kal thei zel a, kan hun hman dan khawlhkham deuh mah se a zia phian e.
An haw aţangin hun rei pawh a liam hman meuh lo, Awmawmi chu keini ang tho-in chhungkaw khawsak harsat vang leh hah rau raua hlawk zawk zawnna te pawh a ni ang chu, Mizorama awm reng thei a ni bik lova, a rawn let leh a, a hmaa a hnathawhna hmuna let lovin kan hnenah, kan kiangah a rawn thawk ve ta a, a rawn thlen tirh phat aţangin pindan pakhat kan inţawm nghal, kan awmna hmun hi in pangngai a ni a, luah man hi kan pu te'n an tum ţhin thung a, a nuamin a changtlung angreng khawp mai, ei leh in leh chenna tur in kan dawng ţha a, tin, kan hnathawhna hmunah lah kan ţhiannu Madhuri tih loh chu Mizo hlir kan awm khawm bawk nen, kan hlimin nuam kan ti ţhin hle, a awm ho zingah ka naupang ber a, duat rawn ka ni ţhin, ka harsatna engkim an hriat ţhin laiin kei chuan an harsatna leh an hrehawmna ka hre ve ngai lo, an tan khan ka lo hahthlak ţhinin ka ring, mahse, chhungkua ang maiin kan inkawmngeih a, kan inthlawp ţha bawk, thla khatah ţum hnih ţum thum te zanriah ei chhuakin hotel lamah kan kal ve ţhin a, a bak chu a zo thei ang berin khawsak kan rel ţang ţang ţhin.
Kan chhungte an inpe zo hlawm a, thlai rep eng eng emaw min rawn thawn fo a, Awmawmi phei chu an rawn thawn zing zual, Dawlrep leh Mautuai rep phei chu kan nghei ngai lo tluk a ni, khawsak rel a thiam em em a, thlan tla hluam chunga bai a chhuan tawh chuan kan chil a put nghal mai zel.
Thawnthu ka ziah ţhin avangin kan zingah ka inti ţawngkam thiam fal em em a, anni lah chuan ka hnual lohna atan min fuih chamchi ţhin, thu tawi phuah te nuam ka ti a, ka chhungte, ka ţhiante vang khan ziakmi zinga tel ta hialah ka inngai lek lek fo, mi ropui ber ang maiin min chhawnchhaih ţhin a, ka va lawm tehlul em.
Kei hi ngaihtuah tawi tak, rilru tlem, hmachhawp leh hmathlir nei thiam lo, ka huntawn ang mil zela awm mai, ngawi mual mual fo, ka nel tawh vek vek te lakah chuan an beng a kham tawh ang em le tih vang vang na tur khawpa tlak duah ţhin leh thung ka ni a, ka thusawi leh ka titi ho tete te kha Awmawmi mai bakah, Hlimi, Nicholas, Sila Aruati leh Ahrili te ho khan ngaihnawm tih hmel takin min ngaihthlak sak ţhin, naute ang maiin min dimdawi a, min duat a, pangchan chintawk ka hre lo fo reng a ni.
Aw le, a kual thui mai mai e, Harsatna lian tham em em tawk lovin kan khawsa ho naw naw a, Kum 2021, August thla a lo inher chhuak ta, Ka chhungkua, ka hmangaih em em te kianga ka haw ni a lo thleng a, inngai tak chungin kan inthlah liam ta, Andaman and Nicobar Island chu ka thlawh chhuah san ta a, darkar hnih aia tam mah kan thlawh hnu-ah Kolkata khawpuiah kan ţum ta vang mai, ka ţhianten ka hotel thlenna tur hmun min biak lawk sak sa vek chu call in ka thlen tawh thu ka hrilh a, auto in min rawn hruai ta vuah vuah mai, ka ţhiante khan keimaha zinkawng ka zawh avangin ka hlauh an hlau a, min ngaihtuah a, an theih ang tawk tawk ka tan an ti a lo ni, an va hlu em, ka thlen tluan thu phone call hmanga ka hrilh hnu-ah, a tuk lama Mizoram lam pan lehnghal tur ka nih avanga thawh hai hlau tak chungin ka intifai a, zanriah te eiin mutmu ka tuah nghal.
Thawh chu hai ta em lovin Mizoram tluang takin ka thleng a, covid lai ngang a la ni a, hmuaktu ka neih chu hnar hawlh tute kha an ni ta mai awm e, Taxi hmangin Aizawl lam panin kan tlan leh ta a, ka thla a muang ta suai suai mai, ramhnuai rim tr ka hria a, thing te hian rim tui tak an lo chhuah tih ka hriat belh bawk, Vairama ui bauh chuah chuah te kha bengchheng ka tih nen Mizoram ui bauh chu a ri a lo mawi em em mai a, baibing rim nam ram ram chang te, Vawkchaw an chhum a ni maw tih theih mai tura kan tlan pelh zawnga Vawkchaw rim rawn nam leh ţhin te kha a vaiin, pakhat te mah hmaih theih lohin ka va ngai em.
Kan veng, kan in pan chhohna step bulah Taxi chu a ding ta a, ka nu a lo awm vah tawh, ka bungrua kan nufa in kan thiar chho a, khunghran ka nih ve dawn vangin ka pa erawh hna ţhulh thei a ni si lo, ka u te nupa kianga min khunghran chhunga awm ve turin zing lamah min lo liam san tawh.
Tuchuan, Mizoram lamah awmin ka hlim hle a, Andaman lama ka chungte nen pawh whatsapp group kan siam aţang emaw, vid call hmang te in kan inbe fo ţhin, kan inngai ţhin hle a, mahse, chenho reng a theih bik ţhin si lo.
Hun chu a pangngaiin a kal zel a, a mimal ang zawng chuan thil chi hrang hrang, inang lo tak tak kan tawngin kan pal ţheuh ang chu, hunpui a lo hnai ta, mitin te tana lawmna ni nia ka ngaih ţhinah chuan thu thinţhawng tak mai, min nghawr nghing lawihtu, na taka min siamtu thu pakhat te mai hian ka hnen a rawn thleng ta, Awmawmi thih thu chu!
Kan nghahfak, kan nghahhleh, kan Lalpa, kan tana a lo kal avanga kan lawmna ni, Christmas tuk a lo ni a, Andaman and Nicobar Island lama ka u tia ka koh ngat, kan chenpui, kan u ni bawk Nicholas-a missed call a lo awm kiau a, Masi chibai min buk a tum ngei a nih hi tih ringin ka call back ta a.
Mahse maw, kan Nicholas-a chuan, 'Papui(min koh duatna a ni), Awmawmi thih thu kha i hre tawh em?' A rawn ti ta mai a, nat nachang ka hre lo.
Mipa tuarchhel tak, a mittui a sen ka la hriat loh khan min rawn ţahkhum a, a thih dan tak pawh zawh nachang ka hre ta nge ta lo, kan ţawngkam hman pawh ka hre kim lo!
Ka mang vek a ni ber, phone kan dah hnu-ah ka na chho ţan a, ka mobile a amah Awmawmi nena kan lan dunna thlalak ho hai letin ka nui vur vur!
'Chhungkua' tia inchhal kan ni a, chengho, ei-a in za ţhin, hauh kan ngai a nih pawhin kan inhau mai, kan hmanhmawh deuh leh inbual pawh inbual ho mai ţhin kan ni a, na tak taka infiam ngam kan nih avangin Masi túkah berkher min rawn tihder a nih ka ring ta a, ka ţhiante status ka en kual, Awmi chanchin awm lo, min tihder a nih ka rinna a zual sawt a, lû ka sûn e pawh ka la ti duh lo.
Sila Aruati ka call leh a, mahse, amah Sila-i pawh Mizoram lama ka rawn haw hmaa chengho tho kan ni a, dawt a sawi pui ka la ring tho!
Andaman and Nicobar Island a Mizo awm te leh awm tawh lo te ho inkawm khawmna group-ah ka lut a, post a awm lo, 'min tihder a nih chiah hi', tiin ka thinrim a, thihna hmanga intihder kher tia chhal ka tum, amah Awmi pawh ka call, a la thei lo, mahse maw, Andaman a awm lai mek kan Pastor, Pu Dawngtea te call in anni thusawi pawh ka la awih phal lo cheu a, Mizo Welfare president ni mek Pu Mawia number te min pe a, anni chu ka call takah chuan, tihder ka ni lo tih ka hre chiang ta, mahse, ka la awih ngam lo a, a thlalak tal ka phut leh hram!
Mahse, thlalak phal loh a lo nih avangin ka dawng thei ta lo a, mahse, Andaman a Mizo lo awm ve ţhin, kei nena inkawm vak lo te pawhin, 'an in lamah kan kal, kalna i nei em?' Tih tea min rawn biak takah chuan an chenna in chu ka pan ve rawih a, mi zawt chawpin kan kal a ni, ka thlen phei chuan ka ţhiante chu an lo haw hman chiah vel a ni, a pi khan min lo ţahkhum a, hah taka a thawhchhuah ve aţanga inchhungkhur ngaipawimawh a a bungraw lei te min kawhhmuhin mittui kan seng a. Nitin mai, duty kar lakah phone call hmanga a biak ziah, a hmangaih tih kan hai miah loh a pi ţap ri chuan min ti nâ a sin, amah hmuah naah kal ve ngei ka tum thu te sawiin kan inthlah kha a ni a.
'Awmawm, i pi khan in kawtkaiah ka remti lo chung min thlahin min han ţah khum leh a nih kha.
A ţawngkam thiam inti ber kei hian sawitur ka hre lo, i hmangaih i pi hnunga chùl mai loh kha chu.
Ka tihtheih tawk tiin, ka lo hmuak ang che aw, ni danga kan inhmuh dan nen a dang dawn mang e tiraw, ţhatnaa thuam tiin ka fak dawn lo che aw, ka lung iti awi lo em mai, i rawngbawl tui ti taka kan ei lai te, kan inbual ho lai te kha ţah titamtu a ni ta mai tur te, damlohna pawh nei lawk lova min ţhawn thut vang te hian ka hua che aw.' Tiin a thla ka hau mawlh mawlh.
Ka haw san tak ka chhungkua tia ka sawi ţhin te pawhin ngui nghiaiin, mittui luang zawih zawih chungin a luggage an siam sak a, a va runthlak em!
Flight a awm loh avangin Ni 26 ah an rawn phur haw thei lova, ni 27 ah a khamphei zawngin a ram a rawn lut ta, Lengpui Airport ah mi ţhahnem tak hmuak turin kan kal a, Andaman and Nicobar Island a a awmpui ţhin te, a ţhiante, a thawhpui Mizoram lama lo awm tawh te pawh kan kim viau mai, ţhenkhat in an chenna in lam, Republic veng lamah an lo nghak bawk a, amah rawn haw puitu Nicholas leh Hlimi pawhin an tuar tawk a ni tih hriat takin pawr phengin an rawn pen chhat chhat a, kan han inhmu khawm zet zawng, intawhkhawm a zawnga lungngaihna chhum a pik ţum ber ni awm hial a mawi a ni, kan inkuah a, kan ţap rawih rawih bawk, "A MAK, tih leh A PAWI VAWNG VAWNG", tih bak khang mi tamtak zingah khan sawitur hria kan awm lo nia mawle.
Kan ţhiannu, kan laizawn, kan hmangaih, a lunghnur hmel aia a hlim hmel hmuh tur tam zawk ţhin, kan Awmawmi chu hnamdang karah riang taka a thlarau in a taksa a thlah hnu-ah, a ram a rawn dai lut a, mahse maw, kan hmangaih chu bungrua ang maiah an ngai em mawni? bawm lian tak pakhatah dahin an rawn nawr chhuak a, nâ tih hian a nat zia a sawi fiah zo mawlh lo. Airport aţanga an chenna in lam kan pan zet zawng, a biak nin theih loh a *ama* ţah hla khan min vel asin, "Awmawm, hun dangah chuan i pi leh i unaute nen chiah kan hmuak ţhin che a, tunah chuan hmuaktu i ngah a sin, enteh", tiin sawi chhunzawm hlei thei lovin a awm a, ni e, ngatinge kan hun hnuhnung berah chiah hian hlut kan nihna hi fiahin a awm ţhin le? Hringmi dan a ni mahna le.
Kan hmangaih aia nasa a min hmangaihtu Awmawmi chu a hun tawp berah a hmel chauh takngial pawh a mi hmangaihte hmuh theih loh tura Kuanga chhin hnanin thlah liam a ni a, keimahnia na thei lai zawng zawng hi nâ-in a tuam chhuak vek ni hialin ka hria.
Rawl chhuah meuha ţap rawih rawih chi ka ni lova, ka chhungrilah hian ka tawt em em ringawt, ka mittui erawh dan rual lohin a luang zung zung thung a, kha hun kha ka hringnun lo pal tawh zawng zawnga rapthlak ka tih ber pawl a ni awm e.
Lawmna ni tura kan ngaihah lungngaih mittuiin min chiahpiah a, Christmas hun liamin kumthar kan chuangkai dawn ta, kum dang leh hun danga phur em em ţhin kei ngei pawh Awmawmi min hmangaih ang em in hmangaih ve zo lo mah ila, amah hmangaihtu zinga ka tel miau avangin hlimna reng reng ka hmu zo lova, ka kaa lut reng reng lah tui ka ti hek lo, an zalhna hmun a thlana kan kal lahin, a ngainat em em cold drinks kan han ken sak a, lawm taka bantu tur a awm tawh si lo, sawi hian a siak lo a ni ber e.
2021, ni hnuhnung ber zanah an veng lamah kum liam tura fam chang ta te zawng zawng sunna hun hman a nih dawn avangin kan inkhawm ve a, puanchei nen ngat han inthuam ve mah ila phurna ka va nei si lo em. Mahse, mim liamsan ta sa sa tiin ka inti paukhauh a, aw....Awmawm, i ngaih ban theih loh i pi kha a va ropui em, lungngaihna karah khan Pathian, min siamtu fakin zu lam thei a mawle! A enkawltu che kha Pathian fa a ni miau a, i nun a mawi em em mai te kha a awm hi ka ti ta hliah hliah a, tlai khawhnu-ah ka ngaisang kher mai che.
Ni thar, kum thar, hun thar kan chuangkai a, zingkarah i zalna hmun panin ka rawn kal, i hmangaih em em Api leh Ama kha an lo ţap rawih rawih a, kumthar chibai ka tihna che pawh min chhang tu tur i awm si lo.
Nâ ka tih em em bawk chu, kum sawm(10) dawn rim taka i thawh hnu ah, harsatna in a hrual len leh a hrual chhel ini a, nuam sa zawkin kan awm ve thei ang a tih beiseiin thiannu Hlimi nen inkawpin business in han run ve a, thla khat erh awrh bak inhawn hma in i lei taksa kha i thlarau in a kalsan ta si a.
I hlimthla biak a, kan thlalak dunna te, kan chhungkaw chaw ei chhuahnaa kan thlalak leh videos zawng zawng te hi thlir nin tik ka nei dawn lo a nih hi, hlimna ni-ah hriat chhuah ini a, lungngaihna ka neih changin ngaih i zual, min fuih melh melh lai te, engkim mai hian nang min hriat chhuah tir a, chhuahna tur pawimawh ka neih avanga make-up ka hmaia ka tah chang lehzel pawhin mawle hriat chhuah inih a, mittui min sen tir leh fo ni.
I bungrua/luggage kan hawng a, cheng sangkhat man pawh tling hlei lo i piancham a ka pek ve che wallet sendang pakhat ve mai, roh leh hlut tih hriat taka mawi em ema a lo awm khiau te khan ka mittui a ko chhuak a, i inhmeh ka tih em em ţhin i thuam ho zawng zawng te kha a neitu, nang tel lo chuan a lo va chul em!
I kutchhuak hnuhnung ber i laphiar te chen khan mittui an ko chhuak si maw.
Hlimna min neih tir ţhintu nang chu, lungngaihna ko chhuaktu ah i ţang ta si a, kum 4 lai a liam ta, ngaih che erawh kan bang mawlh si lo, khuarei an tih hi a lo awm lo a nih hi tia insawh tau chungin kan ţap leh ringawt zel zawng a nih hi.
Hlim taka nui ho ţhin pawh ni lo, inhre ngai reng reng lo, hrin hran ţhah, hmasawnna beisei avanga hnathawka kan awmna hmuna inhre chawp mai mai, khati khawpa chhungkua tia kan inchhal a, kan inhmangaihna te kha a par tlan i la kham bik hian ka ring mawlh lo, Kum dangah chuan Christmas leh Good Friday, Kristian te tana hun pawimawhah kan chhungkua khan chanvo neiin Mizo welfare inkhawmnaah te kan zai ho del del ţhin a, Good friday a kan thawmhnaw hak tur zawnga ruah sur hnuaia nui uar uar chunga kan bazar hun lai te kha aw.....
Sawi tur a tam, sawi sen pawh a ni lo, mite angin kan tette aţang kan inkawm tih tur ni lo mah ila, khang ho inhmangaihna ai khan kan inhmangaihna kha a nep bik chuang hauh lova, kan inngaihna kha a tlem bik hauh lo, i lung a lengin chhungkua, ţhiante ngai em em reng ini si a, i khua a va har dawn em, tunah chuan i lei taksa chu hmuh tlak awm lovin a ţawih ral tawh ngei ang a, mahse, kan thinlungah hian nang hian hmun, thuk takin i chang reng dawn a ni.
Mihring rilru sual a lo thawh chang chuan maw, a chhe lam zawngin ka thlir a, ka vui a, ka ngui a, ka tha a tho lova, ka phurna zawng zawng hi a reh ţhin, i reh vawng vawng ta mai si a, i hlim nui ri thangkhawk erawh kan bengah i tuh nghet lawi si.
Tunah pawh hei, Hunpui, lawmna ni kan lo hnaih ta, ngaih i bang lova, nangmah hmangaihtute tan chuan he ni hi a runthlak em a, phurna leh thathona pawh kan nei zo ve ta lo.
Engpawhnise Awmawm, thih hnu piahlam ram hi engtinnge a awm ka hre lova, i rauthla tala min lo thlir tak hlauhin, heti hian ka thlah ang che aw, 'hlut ini a, voh ini, roh ini a, hmangaih ini tel cheu!'
A tawpna atan, i ţhiante'n i chenna in a hriatrengna thuziak kan dah kha kan zep tel hram ang e.
I tel lo chuan zîng ni chhuak hian kan tan ênna a thlen zo lova, chhemdam thlifim pawh hian eng damna mah a pai lo. Malsawm ruahtui pawhin lungngaih mittui a ko chhuak dawn ta si a. Kan ui che a, Kan nâ a sin.
MAHSE.....
Damna kim i chang ta, muangte'n châwl ang che. Lalawmpui, kan awmpui i ngai ta lo, Lalpan a awmpui si che a.
Happy Christmas in heaven Awmawm🥺
Lung Len thlak hle mai a
ReplyDelete