PHUBA LAKNA RUNTHLAK 2
Part 2
Biaka O' Renthlei
KA PA BORAL DAN CHU: Lehkhabu ka lo chhiar tawh thin atang a ka hriat 'zu hmunah hian thuruk hriat tur a tam duh' tih chu ka ringa, zu in mi ni lo mah ila kan hnathawhin a zir a, han lem ve zeuh chang ka nei thin, chuvangin zu in ngawr ngawr chu ka harsat lem lo. Zu hmunah chuan thian tamtak ka chhar a, chung zinga pakhat chu ka ni (aunty, ka pa û) pasal Pa Thanga pawh a tel ve a ni, Pa Thanga hi makpa chhungkhung kan tih mai ang hi niin, ka pian ve hma daihin ka ni chu luhkhungin ka pa te nen pawh an lo khawsa ho ve fe tawh a ni. Chhunah nilengin kan hna lamah buai thin mah ila tlai lamah chuan Pi Dengi, a zu a dal theih em avanga deng-dali an tih mai te inah chuan zu in tur leh Pa Thanga thiana siam tum chuan ka lut ziaha, rui khawp chuan in ve ngai lo mah ila, sum erawh a hek duh phian mai. Pa Thanga ka hriat dan pawh hi zu in tura a rawn lan loh tumin chulai vela zu in ve thin te ho chuan fiamthu titih hian,"Rosum it vanga mahni nupui a naute pawh dah tha duh, zuheh-a hi a rawn kal dawn lo em maw ni le?" an tih vel atang chuan a ni a, kei chuan ka nu chungchang a phuba lak leh inhnamhnawih ho chhui chhuah mai kha ka tum a ni a, chutia ka pa chungchang sawi rik zeuh ka hriat takah chuan ruahmanna siam danglam hretin ka pa thih dan pawh chhui tel ka tum ta a ni.
Chutiang teh nuaih a nih chhoh tak avang chuan ka pa thih dan chungchang chu ngunthluk leh zuala chian ka duh avangin Pa Thanga chu ka kawmngeih sauh sauh va, ka in luahah te hruaiin zu ka khilai fo mai, han zawh dawt chu duh lo mah ila ka sawi thawi leh zoh thin a, Pa Thanga hian uisa a duh hle maia, chu chu remchangah la in ka in lamah uisa ei turin ka hruai zing chho tawlh tawlh a, ani pawh chuan thian thaah min ngaiin min ngaina ve hle a ni. Kei hi zu duh ve tak leh mi ngaihsam tak anga ka lan theih nan hmaihmul ka zuah deuh chhup renga, tin, a pawng atak a tawng liam puat puat chi ka nih loh avangin ka kum phu lo va upa turah min ngaia, chu chuan thian siam a tih awlsam phah viauin ka hria. Kan hnathawhna thil vangin ka zin chhuak leh zeuh thin a, a changin Silchar lamah a changin Guwahati lamah, pu te duhsakna zarah a senchi hawn theihna lam a ka kal fo avangin Pa Thanga pawh hian min be tha in an in (ka pa leh ka pi leh pu te ruang lo chhuah tawhna hmun) ah chuan min hruai lut fo va, Pa Thanga hi pa lianpui mah nise zu a in nasa tih hriat takin a palen ngaihtuah chuan tharum lam a tlachham tih alang reng a, ka ni (Ka pa u) pawhin chutia an in a chuangkai fo na na na chu min be chhe duh bik lem lo va, tin, an in a ka kal dawn hi chuan ka lo intuaihnum ve deuh bawk thin nen, ka ni hian min melh tai lek lekin ka hre thin. Tunge ka nih min hre ngat se zawng kan buai ve viau maithei a ni, chutia thla hnih/thum vel Pa Thanga nen kan inzui hnu hnu tak fo hnu chuan tumkhat kan hnathawhna lama kan khawl chian loh zarah Silchar ka zu kal leh chu a senchi case khat ka hawn tel theih hlauh mai a, hemi tum hi chuan ruahmanna mumal deuh hlek siamin chu zu hmang chuan Pa Thanga chu inpuan tir ka tum a ni, zu heh ve tak mah nise atan a pawi thei tur ang chi hi a sawi tha duh ngai hauh lo mai a, tumkhat an nupa inhauh tumin ka ni chuan Pa Thanga chu chhuak turin a ti a ni awm e, chumi tum chuan Pa Thanga chuan ka pa thih dan chungchang a sawi ri zauh va, ka ni chuan inthen chu ngam leh lovin an la in uichuang kawl vel mai mai tih te chu a hretu mi tlemte zing ami sawi chhuah, mi sawi chhawn ka hre ve leh Ti khian ka bula a sawi dan leh thil thlen hunlaia a sawi dan chu a inang lo tih a hriat theih maia, ka pa chu thah ngei a ni tih a chiang ta tih chu ka vawng nghet bur, ka ni te nupa ruahmanna pawh a langtlang ruak nachungin anmahni inpuanna ngei hriat ka duh tlat si a, bakah ka nu chunga lainatna nei lo ho te zawn chhuah kim vek ka la hmabak bawk si, hmanhmawh theih a ni lo. Ka nu, thluak dik lo khawpa a lu a zu bur hmanga chhutu chu hre tawh mah ila 'khami ni a tel ve ho zawng zawng kha chu ka hmaih dawn lo hrim hrim' tiin rilru ka siam sauh sauh a.
PA THANGA leh KA PA THLARAU: Hei hi sawi tel loh atan chuan ka ui riau, chutia Pa Thanga'n ka pa boral thu min hrilh lai chuan ka pa thlarauin a tih buai fo thu a sawi tel zauh maia, kei chuan ka lo notice nghal var! Ka'n zawt chiang deuha a zawng zawng chu min hrilh lo mahse tiang deuh hiana sawi a,"Chutia li a kan zawn chiam hnu chuan zan dar 10 velah ruang chu a rawn lang chhuak hlawl maia, kei chu tui hleuh thiam lo tih takah lungpui chung atang chuan Torch light in ka lo chhun a, ruang rawn lanna lai tak chu ka chhunna lai tak a ni nghe nghe, a rawn lang thut chu ka phu deuh zuk, mahse, chu ai nasa a min tiphu nasa tu a awm, ruang chu bawkkhup zawnga rawn lang nisi a ring chu a herh deuh a, a mit lehlam chu chiang takin ka va hmu thei, min nuih sawh mitmeng a ni tih ka hrethiam nghal mai, ka phu dawrh a, ka torch light ken lai chu ka thlauh a, li-ah a tlak phah, midang chuan ruang rawn lang ka hmuh vanga chiai thutah min ngaia, mahse, a ni lo, kha mitmeng kha a rapawm a, a tihbaiawm a, ka tirilah min manin ka kaihza tha hi midang hriatpui si loh vin a khur zawih zawih mai a ni. A hnu deuhah chuan hlang siamsaah dahin ruang chu phurh haw turin kawngpui lamah kan zawn chhuak a, hnatlanga kan kalna jeep-ah chuan kan hlanga kei pawh an makpa ka nih miau avangin thahnemngai ber nih atul bakah a ruang dimdawi taka hlan te chu ka tih ve turah ngaiin ruang lu lam chu ka vuan a, jeep-a kan hlan kai mek lai chuan ruang chuan ka banrekah min rawn hmer tih chiangtakin ka hria, ka phu nasa hle mai. Khatih hun chhung kha a rei lo, second khat pawh a tling lo maithei, ka hlang vawn lai chu ka thlah thelh nghe nghe a, chutia ka phu zukin hlang ka ti awn deuh chu midang rawn hmuh ve dan a ni mai a, ka hlang tih awn vanga mitthi ruang ban chu rawn tla chhuak zawk niin an ngai hlawm a, kei chuan ka banrekah min rawn hmer tih ka kutzungchal ka hriat tluk zet hian ka hre chiang a ni"
"Kan in a ruang kan thlenpui hnu atang chuan ruang hnaih lamah chuan ka awm tha duh lo va, ka thauah hian min man tlat! Kan invui zo va, inlengte pawh an tiltiak tan tan maw tihah chuan zankhat chu zanlai dar 1 velah tuitak maia ka muhil lai hi min tung tho hlawltu an awm tih hriat lutuk hian ka thu tung hlawl maia, min tung tho tu in ka tukhum a dawmna pawh ka la feel thei hial, kan nu em maw ni chu ka tia, mahse, alo ni hauh lo, kan nu chu tuitakin a muhil bawrh bawrh a, rizaiin nghet fahran hian alo in tuam hlun si! Mak ka ti ngei mai, hei chu hlauh nachang ka hre lo, mak tihna lamah a kal mah zawk, room light chu ka on a, off tawh chuang lo vin ka mu leh mai a, chutia ka muhil leh chu eng emaw hian min ti harh leh a, min ti harh ti ila ka mang hriat ruai te pawh a ni mah ang chu ka hnar zawnah hian eng emaw hian min thawkkhum lum pup pup maia, ka rilru chuan 'eheu' tih pahin ka han meng chhuak chu leh! Hmanni lawka kan vui liam tak, kan nu nau 'Thapuia' chuan ka mit zawnah tak mai chuan hmai si deuh thaw hian min lo en kuau mai anih chu mawle! Ka va han hlau tak em! Au chhuah vak ka tum a, ka thei thak lo, tlemin Thapuia chu a tawlh hla hreta, eng emaw sawi tum hian a ka a ang zuau va, chutih lai chuan tu emaw hian min rawn sawi vak avangin ka thu chhuak hlawl mai a, kan nu chuan i va rum nasa em em ve, maimizial in i awm a ni maw? Alo ti hu a, maimizial e zial lo e lam ka ngaihtuah tawh lo, ka thil hmuh kha a tak ngei a ni tih ka taksa in a dawnsawn dan atang chuan ka hre chiang khawp mai. Chuta tang chuan Thapuia chu ka hmu ta fo maia, a changin mang lamah ka hmu a, a changin kan room kawngka atanga a chhuak chiah te, zanah han len chhuah ve chang te hian kawia a liam tur chiah te hi ka hmu ta fo mai a, chutiang vang chuan ngaihtuah loh tur tur ka ngaihtuah nasa a, ka mutthilh theih loh phah thin. Chuvangin zu in lamah ka tlaka, chatthla hmawk khawpa zu ka in loh chuan ka hmu zantin ta mai a ni. Chutiang teh nuaih ka nih tak avang chuan kan veng zu ngawlvei lar ber ka lo nih phah ta a nih hi," a ti nuah nuah a, kei chuan ka rilru te te in,"Mmmmmm... That lo la chu chutiang chuan i hmu fo lo ang," ka lo ti neuh neuh a.
ka duhthusam takah chuan Pa Thanga chu reh hlum nghal a, a taksa chu chansawm a, hmun hrang hranga paih darh mai ka chak khawp mai, mahse, chu ngawt zawng ala hun lo a ni e. Duh thal a ka chet chhuah hunah zawng, in chan hian maian chan pawh ava tluk lo dawn rua em!
BUAI BELHCHHAH: Ka pa chanchin chu ka duh ang ka hre kim tawhin ka hria a, ka hriat loh pawh ngaihruatna in a hmuh tlang theih ruak tho mai. Engvanga that nge an nih tih chu a chiang viau a, mahse, anmahni ka ngei atanga hriat ka duh tlat. Ka nu pawh TNT lamah ala awm tluang zel a, va kan rengin awmzia nei lo mahse mahni nu te na na na chu a hriselna dinhmun hriat hrim hrim nan pawh ka tlawh reng tho va, min hre lo va, min be peih lo bawk a, mahse phuba ka lak zawh hunah chuan hla takah ka hruai anga, eng anga mianglo pawh nise ka nu anih angin a hlimna tur a nih phawt chuan ka tihsak zel ang tiin rilru ka siam sauh sauh a.
Pa Thanga nen pawh tlaitin Dengdali te in lamah kan kal dun thin a, veng thenawm lawka awm ka ni bawk a, inthurual a harsa hran lo. Min ringtawk a, ka khilai sa a rui tlaitin a ni ta bawk nen an in lamah pawh ka chuangkai ngunin ka ni lah chuan min lo pak huam zel mai si a, pasal zu ngawlvei nei ta chu, a pasal hnen atang khum laizawla a chanvo hmuh tur a hmu ngai lo tih a hriat mai, a intuaifai pur reng a, a nu lianin a tituai ala mam nalh nasa mai si a, a mitmei min hmuh dan ka ngaihtuah neuh neuh hian a uire fo ang tih chu ka ring thiam mai. Tum khat chu ka phone number min dil leh a, ka phone chhiat thu a ka phat zin tawh em avangin pha buai duh tawh lem lo vin ka hrilh ve ta ngawt a, kha zan zet kha zawng pui mep mep tak a ni, ka ni chuan a pasal laka a lungawi loh dan leh then a duhthu te min rawn hrilh chiam a, tin, min hmangaih tlat nia a inhriat thu te chu min rawn hrilh chiam a, engtin nge ka phat zui tak ka hre chiang tawh mai lo, mahni pa te u tunge ngaizawng tuk tuk ngai? A chi hian a chi loh hrim hrim.
Tumkhat Pa Thanga ka va sawm leh chu zu zawrhna lamah alo kal daih tawh niin, ka ni chauh chu alo awm a, alo awm sexy ngei mai, leng thu rih turin min sawma, Dengdali zu in kher ngai lo vin amah chuan a kawl thu te min hrilh siam siam a, pindanah va lut zawkin Old monk umkhat chu a rawn lek chhuak va va a, kal mai ka tum pawh chuan eng eng emaw min zawtin ka kal loh dan tur ringawt a ngaihtuah tih ka hrethiam mai. chhuar a glass no chu la in titi mawlh mawlh pah chuan zu chu a thli karh karh a, a mut kawr hak pante chhanah chuan a bra leh underpant hak rawng thleng chuan a lang chiang ngei mai. Mahse, henu hi ka hmelma a ni, ka nu hreawm taka nun tirtu leh ka pa thattu a ni, mahse, insum ava har si ve!
Biaka O' Renthlei
KA PA BORAL DAN CHU: Lehkhabu ka lo chhiar tawh thin atang a ka hriat 'zu hmunah hian thuruk hriat tur a tam duh' tih chu ka ringa, zu in mi ni lo mah ila kan hnathawhin a zir a, han lem ve zeuh chang ka nei thin, chuvangin zu in ngawr ngawr chu ka harsat lem lo. Zu hmunah chuan thian tamtak ka chhar a, chung zinga pakhat chu ka ni (aunty, ka pa û) pasal Pa Thanga pawh a tel ve a ni, Pa Thanga hi makpa chhungkhung kan tih mai ang hi niin, ka pian ve hma daihin ka ni chu luhkhungin ka pa te nen pawh an lo khawsa ho ve fe tawh a ni. Chhunah nilengin kan hna lamah buai thin mah ila tlai lamah chuan Pi Dengi, a zu a dal theih em avanga deng-dali an tih mai te inah chuan zu in tur leh Pa Thanga thiana siam tum chuan ka lut ziaha, rui khawp chuan in ve ngai lo mah ila, sum erawh a hek duh phian mai. Pa Thanga ka hriat dan pawh hi zu in tura a rawn lan loh tumin chulai vela zu in ve thin te ho chuan fiamthu titih hian,"Rosum it vanga mahni nupui a naute pawh dah tha duh, zuheh-a hi a rawn kal dawn lo em maw ni le?" an tih vel atang chuan a ni a, kei chuan ka nu chungchang a phuba lak leh inhnamhnawih ho chhui chhuah mai kha ka tum a ni a, chutia ka pa chungchang sawi rik zeuh ka hriat takah chuan ruahmanna siam danglam hretin ka pa thih dan pawh chhui tel ka tum ta a ni.
Chutiang teh nuaih a nih chhoh tak avang chuan ka pa thih dan chungchang chu ngunthluk leh zuala chian ka duh avangin Pa Thanga chu ka kawmngeih sauh sauh va, ka in luahah te hruaiin zu ka khilai fo mai, han zawh dawt chu duh lo mah ila ka sawi thawi leh zoh thin a, Pa Thanga hian uisa a duh hle maia, chu chu remchangah la in ka in lamah uisa ei turin ka hruai zing chho tawlh tawlh a, ani pawh chuan thian thaah min ngaiin min ngaina ve hle a ni. Kei hi zu duh ve tak leh mi ngaihsam tak anga ka lan theih nan hmaihmul ka zuah deuh chhup renga, tin, a pawng atak a tawng liam puat puat chi ka nih loh avangin ka kum phu lo va upa turah min ngaia, chu chuan thian siam a tih awlsam phah viauin ka hria. Kan hnathawhna thil vangin ka zin chhuak leh zeuh thin a, a changin Silchar lamah a changin Guwahati lamah, pu te duhsakna zarah a senchi hawn theihna lam a ka kal fo avangin Pa Thanga pawh hian min be tha in an in (ka pa leh ka pi leh pu te ruang lo chhuah tawhna hmun) ah chuan min hruai lut fo va, Pa Thanga hi pa lianpui mah nise zu a in nasa tih hriat takin a palen ngaihtuah chuan tharum lam a tlachham tih alang reng a, ka ni (Ka pa u) pawhin chutia an in a chuangkai fo na na na chu min be chhe duh bik lem lo va, tin, an in a ka kal dawn hi chuan ka lo intuaihnum ve deuh bawk thin nen, ka ni hian min melh tai lek lekin ka hre thin. Tunge ka nih min hre ngat se zawng kan buai ve viau maithei a ni, chutia thla hnih/thum vel Pa Thanga nen kan inzui hnu hnu tak fo hnu chuan tumkhat kan hnathawhna lama kan khawl chian loh zarah Silchar ka zu kal leh chu a senchi case khat ka hawn tel theih hlauh mai a, hemi tum hi chuan ruahmanna mumal deuh hlek siamin chu zu hmang chuan Pa Thanga chu inpuan tir ka tum a ni, zu heh ve tak mah nise atan a pawi thei tur ang chi hi a sawi tha duh ngai hauh lo mai a, tumkhat an nupa inhauh tumin ka ni chuan Pa Thanga chu chhuak turin a ti a ni awm e, chumi tum chuan Pa Thanga chuan ka pa thih dan chungchang a sawi ri zauh va, ka ni chuan inthen chu ngam leh lovin an la in uichuang kawl vel mai mai tih te chu a hretu mi tlemte zing ami sawi chhuah, mi sawi chhawn ka hre ve leh Ti khian ka bula a sawi dan leh thil thlen hunlaia a sawi dan chu a inang lo tih a hriat theih maia, ka pa chu thah ngei a ni tih a chiang ta tih chu ka vawng nghet bur, ka ni te nupa ruahmanna pawh a langtlang ruak nachungin anmahni inpuanna ngei hriat ka duh tlat si a, bakah ka nu chunga lainatna nei lo ho te zawn chhuah kim vek ka la hmabak bawk si, hmanhmawh theih a ni lo. Ka nu, thluak dik lo khawpa a lu a zu bur hmanga chhutu chu hre tawh mah ila 'khami ni a tel ve ho zawng zawng kha chu ka hmaih dawn lo hrim hrim' tiin rilru ka siam sauh sauh a.
PA THANGA leh KA PA THLARAU: Hei hi sawi tel loh atan chuan ka ui riau, chutia Pa Thanga'n ka pa boral thu min hrilh lai chuan ka pa thlarauin a tih buai fo thu a sawi tel zauh maia, kei chuan ka lo notice nghal var! Ka'n zawt chiang deuha a zawng zawng chu min hrilh lo mahse tiang deuh hiana sawi a,"Chutia li a kan zawn chiam hnu chuan zan dar 10 velah ruang chu a rawn lang chhuak hlawl maia, kei chu tui hleuh thiam lo tih takah lungpui chung atang chuan Torch light in ka lo chhun a, ruang rawn lanna lai tak chu ka chhunna lai tak a ni nghe nghe, a rawn lang thut chu ka phu deuh zuk, mahse, chu ai nasa a min tiphu nasa tu a awm, ruang chu bawkkhup zawnga rawn lang nisi a ring chu a herh deuh a, a mit lehlam chu chiang takin ka va hmu thei, min nuih sawh mitmeng a ni tih ka hrethiam nghal mai, ka phu dawrh a, ka torch light ken lai chu ka thlauh a, li-ah a tlak phah, midang chuan ruang rawn lang ka hmuh vanga chiai thutah min ngaia, mahse, a ni lo, kha mitmeng kha a rapawm a, a tihbaiawm a, ka tirilah min manin ka kaihza tha hi midang hriatpui si loh vin a khur zawih zawih mai a ni. A hnu deuhah chuan hlang siamsaah dahin ruang chu phurh haw turin kawngpui lamah kan zawn chhuak a, hnatlanga kan kalna jeep-ah chuan kan hlanga kei pawh an makpa ka nih miau avangin thahnemngai ber nih atul bakah a ruang dimdawi taka hlan te chu ka tih ve turah ngaiin ruang lu lam chu ka vuan a, jeep-a kan hlan kai mek lai chuan ruang chuan ka banrekah min rawn hmer tih chiangtakin ka hria, ka phu nasa hle mai. Khatih hun chhung kha a rei lo, second khat pawh a tling lo maithei, ka hlang vawn lai chu ka thlah thelh nghe nghe a, chutia ka phu zukin hlang ka ti awn deuh chu midang rawn hmuh ve dan a ni mai a, ka hlang tih awn vanga mitthi ruang ban chu rawn tla chhuak zawk niin an ngai hlawm a, kei chuan ka banrekah min rawn hmer tih ka kutzungchal ka hriat tluk zet hian ka hre chiang a ni"
"Kan in a ruang kan thlenpui hnu atang chuan ruang hnaih lamah chuan ka awm tha duh lo va, ka thauah hian min man tlat! Kan invui zo va, inlengte pawh an tiltiak tan tan maw tihah chuan zankhat chu zanlai dar 1 velah tuitak maia ka muhil lai hi min tung tho hlawltu an awm tih hriat lutuk hian ka thu tung hlawl maia, min tung tho tu in ka tukhum a dawmna pawh ka la feel thei hial, kan nu em maw ni chu ka tia, mahse, alo ni hauh lo, kan nu chu tuitakin a muhil bawrh bawrh a, rizaiin nghet fahran hian alo in tuam hlun si! Mak ka ti ngei mai, hei chu hlauh nachang ka hre lo, mak tihna lamah a kal mah zawk, room light chu ka on a, off tawh chuang lo vin ka mu leh mai a, chutia ka muhil leh chu eng emaw hian min ti harh leh a, min ti harh ti ila ka mang hriat ruai te pawh a ni mah ang chu ka hnar zawnah hian eng emaw hian min thawkkhum lum pup pup maia, ka rilru chuan 'eheu' tih pahin ka han meng chhuak chu leh! Hmanni lawka kan vui liam tak, kan nu nau 'Thapuia' chuan ka mit zawnah tak mai chuan hmai si deuh thaw hian min lo en kuau mai anih chu mawle! Ka va han hlau tak em! Au chhuah vak ka tum a, ka thei thak lo, tlemin Thapuia chu a tawlh hla hreta, eng emaw sawi tum hian a ka a ang zuau va, chutih lai chuan tu emaw hian min rawn sawi vak avangin ka thu chhuak hlawl mai a, kan nu chuan i va rum nasa em em ve, maimizial in i awm a ni maw? Alo ti hu a, maimizial e zial lo e lam ka ngaihtuah tawh lo, ka thil hmuh kha a tak ngei a ni tih ka taksa in a dawnsawn dan atang chuan ka hre chiang khawp mai. Chuta tang chuan Thapuia chu ka hmu ta fo maia, a changin mang lamah ka hmu a, a changin kan room kawngka atanga a chhuak chiah te, zanah han len chhuah ve chang te hian kawia a liam tur chiah te hi ka hmu ta fo mai a, chutiang vang chuan ngaihtuah loh tur tur ka ngaihtuah nasa a, ka mutthilh theih loh phah thin. Chuvangin zu in lamah ka tlaka, chatthla hmawk khawpa zu ka in loh chuan ka hmu zantin ta mai a ni. Chutiang teh nuaih ka nih tak avang chuan kan veng zu ngawlvei lar ber ka lo nih phah ta a nih hi," a ti nuah nuah a, kei chuan ka rilru te te in,"Mmmmmm... That lo la chu chutiang chuan i hmu fo lo ang," ka lo ti neuh neuh a.
ka duhthusam takah chuan Pa Thanga chu reh hlum nghal a, a taksa chu chansawm a, hmun hrang hranga paih darh mai ka chak khawp mai, mahse, chu ngawt zawng ala hun lo a ni e. Duh thal a ka chet chhuah hunah zawng, in chan hian maian chan pawh ava tluk lo dawn rua em!
BUAI BELHCHHAH: Ka pa chanchin chu ka duh ang ka hre kim tawhin ka hria a, ka hriat loh pawh ngaihruatna in a hmuh tlang theih ruak tho mai. Engvanga that nge an nih tih chu a chiang viau a, mahse, anmahni ka ngei atanga hriat ka duh tlat. Ka nu pawh TNT lamah ala awm tluang zel a, va kan rengin awmzia nei lo mahse mahni nu te na na na chu a hriselna dinhmun hriat hrim hrim nan pawh ka tlawh reng tho va, min hre lo va, min be peih lo bawk a, mahse phuba ka lak zawh hunah chuan hla takah ka hruai anga, eng anga mianglo pawh nise ka nu anih angin a hlimna tur a nih phawt chuan ka tihsak zel ang tiin rilru ka siam sauh sauh a.
Pa Thanga nen pawh tlaitin Dengdali te in lamah kan kal dun thin a, veng thenawm lawka awm ka ni bawk a, inthurual a harsa hran lo. Min ringtawk a, ka khilai sa a rui tlaitin a ni ta bawk nen an in lamah pawh ka chuangkai ngunin ka ni lah chuan min lo pak huam zel mai si a, pasal zu ngawlvei nei ta chu, a pasal hnen atang khum laizawla a chanvo hmuh tur a hmu ngai lo tih a hriat mai, a intuaifai pur reng a, a nu lianin a tituai ala mam nalh nasa mai si a, a mitmei min hmuh dan ka ngaihtuah neuh neuh hian a uire fo ang tih chu ka ring thiam mai. Tum khat chu ka phone number min dil leh a, ka phone chhiat thu a ka phat zin tawh em avangin pha buai duh tawh lem lo vin ka hrilh ve ta ngawt a, kha zan zet kha zawng pui mep mep tak a ni, ka ni chuan a pasal laka a lungawi loh dan leh then a duhthu te min rawn hrilh chiam a, tin, min hmangaih tlat nia a inhriat thu te chu min rawn hrilh chiam a, engtin nge ka phat zui tak ka hre chiang tawh mai lo, mahni pa te u tunge ngaizawng tuk tuk ngai? A chi hian a chi loh hrim hrim.
Tumkhat Pa Thanga ka va sawm leh chu zu zawrhna lamah alo kal daih tawh niin, ka ni chauh chu alo awm a, alo awm sexy ngei mai, leng thu rih turin min sawma, Dengdali zu in kher ngai lo vin amah chuan a kawl thu te min hrilh siam siam a, pindanah va lut zawkin Old monk umkhat chu a rawn lek chhuak va va a, kal mai ka tum pawh chuan eng eng emaw min zawtin ka kal loh dan tur ringawt a ngaihtuah tih ka hrethiam mai. chhuar a glass no chu la in titi mawlh mawlh pah chuan zu chu a thli karh karh a, a mut kawr hak pante chhanah chuan a bra leh underpant hak rawng thleng chuan a lang chiang ngei mai. Mahse, henu hi ka hmelma a ni, ka nu hreawm taka nun tirtu leh ka pa thattu a ni, mahse, insum ava har si ve!
Comments
Post a Comment