CHRISTMAS CHIBAI
NANG CHU LO FIMKHUR TEH AW.
(thawnthu a ni lo)
'Chibai, Hluhlu-i Khiangte i ni tiraw?' Tih message ka dawn chuan a engamah hma-in a whatsapp dp ka en nghal a, a hmel a hmang lo tih ka hre nghal, a chhan pawh ani kha Zawhte vâr sar a ni thei lo hrim hrim.
Ţha taka ka nih thu hrilhin kan inbe zui nghal a, thawnthu ka ziak ve ţhin tih hriain min rawn bia hi a lo ni a, a nun min hrilh a, ka thu hmanga midang fuih a duh tih a sawi, ka insit phah deuh ngial a, kei hi midang fuihna thu ziaktu atan chuan iaiawm ka inti, mahse, min ring ngamin a chanchin chipchiar takin min hrilh a, a thuchah duh che u hi ka tawn angin ka sawi mai dawn a ni. Hming lem ka hmang bawk ang a, hmunhma pawh dawtin ka sawi dawn.
Hetiangin :-
Kei hi tunah hian nula kum sawmhnih leh pali mi ka ni mek a, nu leh pa leh unau te la neiin khawsak harsa tak ni lo mah ila mi hausa kan ni lo, a rem rem kan thawk hlawm a, miin min hriat ka duh loh avangin kan chhungkaw chanchin chu sawi ka tum em em lo.
Nulat tlangval ka hre hma em em a, ruihhlo leh sex ah pawh ka tal ngap viau, zahpuiawm intih chang ka nei a, mahse, vawikhat daisual tawh chuan, nawn leh a lo awl khawp.
ka nun a ngap avangin natna ţha lo leh lar tak HIV natna ka lo vei ta hial a, ka natna ka hriat khan ka nui tawp, inchhir nachang ka hre lo a, 'keimah aţang chuan midangin kai suh se', tih ngaihdan ka nei.
Mahse maw, hun a lo kal a, ka damdawi la tura Damdawi in kal te kha ka zakin hrehawm ka ti chho a, tin, hmangaih em em mipa te ka tawng chho ta, ka natna chuan min phuar si a nun kha hrehawm ka va ti em, ka nu leh pa te hnenah ka thlen ngam lo a, mahse, fuihtu ţha tak Damdawi in lama thawk ka tawn avangin rei tak, ka thup ngar ngar hnu-ah ka chhungte ka hrilh a, hrehawm an ti tih ka hria, mahse, fate na nâ na chu, min ensan phah lo a, min hmangaihna kha a nasat ngaiin a la nasa reng mai.
Kawppui neih ka ngam lo a, tunhma anga talhiar ka chakna lah a reh chuang lo, Lalpa te ka dem dawn lek lek a, kei ai maha misual te hian ka natna ang hi an pai bik lo a sin tia inngaihtuah lungpuam chang lah ka ngah narawh e, nuih ka duh a, ka nui thei zel, mahse, a ruka ka mittui ka hruk chang hi a tam tho!
Nang chu fimkhur turin ka duh em mai che, he natna hi pawngpaw ngam chi a ni lo.
Damdawi a thlawnin i la thei ang a tiraw? Dan-in a voh che ang a, mahse, i nun kha a rethei dawn a sin, tunlaiah chuan tunhmaa he natna lo vei te tawrh ang kha a ni tawh lo, miin tenna mitmeng nen min en mai lovin min fuihin min dawm tawh, mahse, mahni insit, mahni inten tluka hrehawm hi a awm dawn bik em ni?
I lo kai tawh a nih pawhin zam lola, beidawng suh aw, siamţhat theih tawh loh vanga nun tihhrehawm a ngai lo e, mipat hmeichhiatna invenna tel lova i hman chuan maw, i dinhmun hre turin han test ve bawk teh aw ka ţhian.
Kei chu ka dam tawh a sin, ka thinlung a dam a, he natna hi pai mah ila thuawihin ART ka la ţha a, ka hlim a sin, tunhma anga thinchhia a, talhiar mai mai tur kha he ka natna hian min dang a, ka ţawngkam hman duh dan thlengin a danglam tawh nia mawle, ka tan chuan, he anchhia hi malsawmna a chang hleuh tawh, ihmaw ka ţhian, min be hreh suh aw, nakinah, hun te han kal leh se, he natna do tura inthup miah lova ka ke ka pen hun te pawh a la thleng mahna.
Pathian ta ka nih zia hriain ka invawng tawh bawk a sin, ka thikawm tiraw?
Nun a sawp chauh theih dan ka lo hriain ka lo tem tawh a, he natna lakah hian nang chu lo fimkhur mawlh teh aw.
Tin maw,
Kan Lalpa Pathian, Isua Krista lo pian avanga Krista ringtute buatsaih, Krismas ni hi engtinnge i hman dawn le? Amah, kan tana lo kal fakna hun atan i hmang dawn nge, sual Setana duhzawng ruihhlo nen zawk?
Nawmchenna hun a ni lo, ngaihzawng nen, Khawvel thil taka lawm i tum a nih chuan, he Christmas hian i nun a vaw chhe hlauh ang e aw!
Hlimhlawp bawlna hun ni miah lo hi hlimhlawp bawlna atan leh, humsual dai phahna atan i hmang thei a nia.
Khawtlang hruaitute hian an chhungkua nen, an ţhen leh rual te nen hlim taka hman an thlahlel ve, mahse, keini avang hian a ni an chhungkua an uap theih loh ţhin, hlima, damin, Lalpa Pathian lo piang kan hmuak a ni tih hriain, hlim tak, hnawksak si lovin aw.
Ka lawm e.
(thawnthu a ni lo)
'Chibai, Hluhlu-i Khiangte i ni tiraw?' Tih message ka dawn chuan a engamah hma-in a whatsapp dp ka en nghal a, a hmel a hmang lo tih ka hre nghal, a chhan pawh ani kha Zawhte vâr sar a ni thei lo hrim hrim.
Ţha taka ka nih thu hrilhin kan inbe zui nghal a, thawnthu ka ziak ve ţhin tih hriain min rawn bia hi a lo ni a, a nun min hrilh a, ka thu hmanga midang fuih a duh tih a sawi, ka insit phah deuh ngial a, kei hi midang fuihna thu ziaktu atan chuan iaiawm ka inti, mahse, min ring ngamin a chanchin chipchiar takin min hrilh a, a thuchah duh che u hi ka tawn angin ka sawi mai dawn a ni. Hming lem ka hmang bawk ang a, hmunhma pawh dawtin ka sawi dawn.
Hetiangin :-
Kei hi tunah hian nula kum sawmhnih leh pali mi ka ni mek a, nu leh pa leh unau te la neiin khawsak harsa tak ni lo mah ila mi hausa kan ni lo, a rem rem kan thawk hlawm a, miin min hriat ka duh loh avangin kan chhungkaw chanchin chu sawi ka tum em em lo.
Nulat tlangval ka hre hma em em a, ruihhlo leh sex ah pawh ka tal ngap viau, zahpuiawm intih chang ka nei a, mahse, vawikhat daisual tawh chuan, nawn leh a lo awl khawp.
ka nun a ngap avangin natna ţha lo leh lar tak HIV natna ka lo vei ta hial a, ka natna ka hriat khan ka nui tawp, inchhir nachang ka hre lo a, 'keimah aţang chuan midangin kai suh se', tih ngaihdan ka nei.
Mahse maw, hun a lo kal a, ka damdawi la tura Damdawi in kal te kha ka zakin hrehawm ka ti chho a, tin, hmangaih em em mipa te ka tawng chho ta, ka natna chuan min phuar si a nun kha hrehawm ka va ti em, ka nu leh pa te hnenah ka thlen ngam lo a, mahse, fuihtu ţha tak Damdawi in lama thawk ka tawn avangin rei tak, ka thup ngar ngar hnu-ah ka chhungte ka hrilh a, hrehawm an ti tih ka hria, mahse, fate na nâ na chu, min ensan phah lo a, min hmangaihna kha a nasat ngaiin a la nasa reng mai.
Kawppui neih ka ngam lo a, tunhma anga talhiar ka chakna lah a reh chuang lo, Lalpa te ka dem dawn lek lek a, kei ai maha misual te hian ka natna ang hi an pai bik lo a sin tia inngaihtuah lungpuam chang lah ka ngah narawh e, nuih ka duh a, ka nui thei zel, mahse, a ruka ka mittui ka hruk chang hi a tam tho!
Nang chu fimkhur turin ka duh em mai che, he natna hi pawngpaw ngam chi a ni lo.
Damdawi a thlawnin i la thei ang a tiraw? Dan-in a voh che ang a, mahse, i nun kha a rethei dawn a sin, tunlaiah chuan tunhmaa he natna lo vei te tawrh ang kha a ni tawh lo, miin tenna mitmeng nen min en mai lovin min fuihin min dawm tawh, mahse, mahni insit, mahni inten tluka hrehawm hi a awm dawn bik em ni?
I lo kai tawh a nih pawhin zam lola, beidawng suh aw, siamţhat theih tawh loh vanga nun tihhrehawm a ngai lo e, mipat hmeichhiatna invenna tel lova i hman chuan maw, i dinhmun hre turin han test ve bawk teh aw ka ţhian.
Kei chu ka dam tawh a sin, ka thinlung a dam a, he natna hi pai mah ila thuawihin ART ka la ţha a, ka hlim a sin, tunhma anga thinchhia a, talhiar mai mai tur kha he ka natna hian min dang a, ka ţawngkam hman duh dan thlengin a danglam tawh nia mawle, ka tan chuan, he anchhia hi malsawmna a chang hleuh tawh, ihmaw ka ţhian, min be hreh suh aw, nakinah, hun te han kal leh se, he natna do tura inthup miah lova ka ke ka pen hun te pawh a la thleng mahna.
Pathian ta ka nih zia hriain ka invawng tawh bawk a sin, ka thikawm tiraw?
Nun a sawp chauh theih dan ka lo hriain ka lo tem tawh a, he natna lakah hian nang chu lo fimkhur mawlh teh aw.
Tin maw,
Kan Lalpa Pathian, Isua Krista lo pian avanga Krista ringtute buatsaih, Krismas ni hi engtinnge i hman dawn le? Amah, kan tana lo kal fakna hun atan i hmang dawn nge, sual Setana duhzawng ruihhlo nen zawk?
Nawmchenna hun a ni lo, ngaihzawng nen, Khawvel thil taka lawm i tum a nih chuan, he Christmas hian i nun a vaw chhe hlauh ang e aw!
Hlimhlawp bawlna hun ni miah lo hi hlimhlawp bawlna atan leh, humsual dai phahna atan i hmang thei a nia.
Khawtlang hruaitute hian an chhungkua nen, an ţhen leh rual te nen hlim taka hman an thlahlel ve, mahse, keini avang hian a ni an chhungkua an uap theih loh ţhin, hlima, damin, Lalpa Pathian lo piang kan hmuak a ni tih hriain, hlim tak, hnawksak si lovin aw.
Ka lawm e.
Comments
Post a Comment