atlop zo tawh

ATLOP



'Eng natna pawh nei la, eng anga nasa pawhin chhiat phah dawn mah ila ka kalsan dawn lo che, ka hmangaih che tih i hre lo em ni?Nangmah i nih chhung chu ka hmangaih reng ang che, i hria em? Eng natna ,eng ang a natna runthlak leh ka tawrh phahna tur pawh nise kalsan tur che chuan min ti suh Tabrett', tia ka dara min vuan chunga ka kalsan hlen hlau zet chunga min be mawlh mawlh tu ka ATLOP chu rilru na tak chungin ka en ngawih ngawih a, ka mittui a tla zung zung, 'Austin, ka kalsan mai che a ngai, min ngaidam rawh', tiin ka inher a, ka kalsan hlawk hlawk! 'Hrep tak che hian Tabrett Vanlalhriatpui, i duh chuan kal rawh, kei ai hmangaih tu i tawng ngút ang e maw chu. Kal mawlh rawh, ka tel loin i hlim meuh ang maw? Kan en ang chu', tiin ring fahranin min au a, hawilet lo turin ka insúm nasat a ngai viau.



                (Kum sawm liam taah khan)



'Hrep che hian', min ti hrawkin ka chhip samah min ţhàm a, min hnúk dawr dawr!
Ruah a súr nasa viau a, ruah tla bengchheng nen ka au thawm tumahin an hre lo ,dím lo taka min hnuh miau avangin ka ţang ve pah bawk nen lei nàlah ka tlu zawt a, ka chhip a ţhamna a kut erawh a phelh phah chuang hauh lo!
In chhia leh ram zet, a bang dàp hmang a siam, a chung ràngva, a chhuatphah atana a hman thingzai pawh tlabal ve fahran, kaw heu huau tawhah chuan min hnúk lutin chhuatah min theh hlawm tawp a, rang taka thawh a tlanchhiat ka tum meuh chuan chemte hriam hmel zetin min tin ràn tawh! Hlauh luat avangin ka ţang ngam tawh lo, khúr dawt dawtin ka en a, ka mittui ka ti tla ngam lo, inpetruh fan fanin ka en a, a in chhung thim ruai mai, khawnvar éng fahran lo chauh éng awm hnuaiah chem hriam hmel zet nen a min tina min vau beh ràn takah chuan ka chil takngial pawh ka lem ngam eih lo!




'Tualthah ka hreh hauh lo a nia, a ţul a nih phawt chuan Bawihte', ti supin Lalrinchhana chu a nui pah suk a, rapthlak ti lutuk in ka melh ngawt ngawt.
Duat hmel fahran a min kuah thoin a khumah min ţhut tir a, hlauh luat vangin ka mang vek a, a tih ang angin ka awm tawp!
'Kha, hei hi in rawh', tiin ka hmai zawn ah no a rawn lek a, ka phut dawrh chuan phun hlukin ka khabeah na zeta dawmin min kuai dàk a, ka kà min àn tirin no a a thlit khah sa, zû chu min tulh bawrh bawrh a nih chu!




Nasa takin ka khuh bawrh bawrh a, ka hnunga min chúl sam hliau hliauin Lalrinchhana chuan thuawih taka awm mai turin min hrilh pah mawlh mawlh. Mittui tla deuh pàr khawpin ka khuh a, ka khuh chhuak lutuk leh ka hrawk za lutuk a reh hnu rei vak loah ka mut a chhuak ngawih ngawih ta mai. Ka story chhiar ţhin ami misual tak ang khan ka chungah he Lalrinchhana, ka bialpa ka lo tih ve ţhin hi a khawsa mek tih ka hai hauh lo, ka in turah khan damdawi engemaw a pawlh a ni.
A khum dúp nuam fahran loa min mut lai te chuan ka taksa chét turin thahrui pakhat mah ka nei hauh lo. Kawrfual ka khúp khuh tawk chauh thawmhnaw inbel ka neih miau avang leh ţankhawh tura chakna ka neih loh vangin ka kawrfual chu awlsam zetin a hlíp a ,ít hmel fahrana min melh vawng vawng hnu-ah ka taksa, a rem lai apiang a fawh a, a liah kual vel chuan ka íp zawr zawr a, ka mit chhingin ka dawh ngawt ngawt tawp.




A rík deuh ruk ruk hnu-a ka bawp kuaikau a ka hmeichhiatna min sawngbawl sak lai te chuan ka hlau lutuk chu ka thin a phu dawt dawt, mahse ka mit chhin a, ka tha neih ve ang ang hmang a insehruh bak tih theih ka nei lo.
A mipatna hmanga ka chunga nunrawn a chhuah chiah chuan a na em em a, ka na tuar hmel chu hmu-in, 'a rei lo ang', tih pahin ka bek ah min fawp vawng vawng a, dimdawi takin che zawm mah se ka na ngawih ngawih tho.
Ka bialpa, ka pasal ni tura ka lo rin ve hial, ka pangchana ka tihtauh khum bar bar ţhin khan ka phalna tel miah loh chu sawi loh, ka duh lo chungin ka neih hlut ber min chhuh a sin, ka thianghlimna ngei mai chu!



Ka taksa na hi chu nép tak a ni, ka rilru hi a na lutuk, ka serh chhungah eng thil emaw hi a rawn lum lut pup a, rúm hrawk chungin ka sirah rawn let thla tapin ka taksa zawi nguai mai chu min kuah khawm nghal hlún a ,chau tak chungin men pawh meng lo in, 'Min nghak la, i nupui ka nih hunah i ta tur tho a ni a sin le', ka ti thàm ţiak a, na zet a thawk la hawkin min kuah nghet sauh a, ka mit mengin ka khap fak fak a, harh hram ka duh, ka zawi em em lawi si chu ka haw takzet. Ka in tura damdawi a pawlhin min hneh deuh bawk a ni mahna ka muthilh lai reng ka hre lo.




Âr khuang ri leh ui bauh chuah chuah thawmah chuan ka harh a, khua ala var chiang hauh lo, ka mit ka nuai niap niap a, engemaw ka kiu in a va sik chuan rang zetin ka en a, tui fahranin Lalrinchhana a lo muhil a nih chu, nizan thil thleng ka mitthlaah a rawn inlar dawt nghal zut a, ka mittui a luang nghal pap. Thawm dim takin ka tho ţhem ţhem a, ka kawrfual ka lo ha diam, nizana ka mutthilh hnuah min hak tir a ni mahna, ka chapal pawh bun lo in ka khai a, dingdihlip àk àkin a in chu ka chhuahsan.




Ral aţang chuan ka thianghlimna ka channa hmun, pawngsual ka nihna, ka bialpa, ka pasal tur nia ka ngaih ve ţhin, tihluihna hmanga min khawihtu, tui taka a mut na in chu mittui vanga khawhmuh phé riai chungin ka thlir a, 'mangţha', tia phun sapin ka hnungchhawn a, khaw pawn lam panin ke ka pén nghal chhat chhat.
'Mami, khawi lamah nge i kal dawn', ti ri-ah chuan ka phu zawk a, hawi à heu chung a min be tu ka en chuan, nú, la valai tak leh a pasal ni awm tak hian mak tih hmel zetin min lo thlir a, ka hawikual a, khaw kar kawngah ka lo la ţhu reng, ka kalna tur min zawh chuan, 'Khawzawl ah', tiin ka phun sap a, an kalna tur a nih ve thu sawia an ruala kal ve tur a min sawm chuan 'aw', ti vatin ka ding a, ka zui ve hnak hnak.





Arro leh Khawzawl inkar hi kilometre sarih vel a ni a, lirthei hmang kher lo in ké in kan in zin pawh pha reng, lehlànga mamawh chàkkhai lam a Khawzawl rawn kal pawh nitin deuhthaw an awm. Kalkawngah chuan min titi pui siam siam a, 'Lalnunpuii ka ni a, ka pasal hi Lalnunfela a ni thung, nu Manun min ti la, ka pasal hi pa Fel iti mai dawn nia', tiin an hming te min hrilh a, 'Tabrett Vanlalhriatpuii ka nia, Tabrett min ti mai rawh u', ka ti ve sep ringawt, Kolasib khua an nih thu leh Kolasibah chuan Diakkawn vengah an awm tih te min hrilh a, a pasal, pa Fela hna vanga Khawzawl a rawn awm an nih thu te sawiin a pasal chu P.H.E Department a S.D.E.O anih thu te, hmanni lawk a an rawn zawm thu leh quarter a an khawsak thu te bakah ,fa pahnih an neih thu leh Arro khua a an hna thil a an kal thu te a sawi a, 'ngatinge in motorin in kal loh', tia ka zawh chuan nui hak hakin, 'ni e, haw lam hi chu kawng chhuk deuh vek a nih vang hian ké a han haw ve reng reng kan han chàk deuh mawle ,kan fa te chu driver nen chhun lamah rawn haw an tum a nih kha, zingkar boruak thianghlim han híp pah a, ramhnuai rim hriat te kan chak ve a', a tih chuan ka lo nui ve hak hak.
Ni e, ramhnuai rim thiang tak mai, boruak thianghlim em em, thing rim nam chàk chàk, zíngkar boruak ngei mai han híp a, sava hràm chiah chiah thawm han ngaihthlak pah hi chuan nun a ti hlimin min ti harh ve bawk asin.




Keipawh zan lam thil thleng ngaihtuah lo lékin nu Manuni titi-ah chuan ka nui ve hak hak reng a, pa Fela'n nu Manuni titi zawm lo zetin kan sir tawn tawna thingkung chi hrang hrang hming te chu a lo sawi ve ţhin a, sava kan hmuh phaka lo lang te chu kawkin an hming a sawi zat zat thei, an titi intuha lo lutuk chu ka lo nuih pui ve lehchhawng a, Chaltheikawn kan thlen meuh chuan nu Manuni a túm vuau tawh, Chaltheikawn a ţhut hahdamna an siamah chuan ţhu in an tui pai te kan in a, Chalthei rah hun lai a nih vangin tho lawkin a kungah ka lawn a, a hmin ţha ţha bawr thum vel thliakin ka chhuk leh a, hahchawlh pahin kan ei mial mial, a thlum tui vei phian mai.




'Bawihte, eng nge a awmzia? i pu Rinchhana khan naktuk lamah a rawn thlah haw tur thu che kha a sawi si a', mangan hmel zetin ka nu in inchhung ka luh veleh alo ti sawk sawk a, 'nu, ka mu leh lawk dawn, nakinah ka hrilh ang che', tiin mut pindan lam ka pan a, 'aw, ni teh se, in inti taurau peih si a, nangpawh hi i putea lakah hian pangchang lutuk ţhin suh, ka vawkchaw chhum ka va vil ang e', ti sawk sawkin ka pa in a sak in té, vawk chaw chhumna bakah, kan Ar ho in atana a tihah chuan a kal a, keipawh pindanah lutin ka khumah ka mu nghal hnawk a, Rinchhana nen kan chanchin ka ngaihtuah nghal rauh rauh.
Ni e, Rinchhana hi ka nu nen hian unau an ni a, Rinchhana pa leh ka nu pa, ka pu hi unau an ni, Rinchhana hian nupui neiin fa pakhat an nei a, mahse a nupui chuan uire sanin pasal dang úm in a chhuahsan a, a rilru na leh khawhar lutuk kha ka nu te hian an manganpui miau avangin a khawhar hnemtu ni turin a kiangah min dah a, kum khat ţha zet zawt kan inchenchilh hnu chuan kan innel in kan inpawh viau tawh, ani pawh a rilru na lutuk te a zia chho a, hna te thawkin a sawhthing hmun te chu a enkawl ve leh thei ta a, chutiang a nih hnu pawh chuan rei fe chu ka la awm pui, a sawhthing hmun te enkawl puiin kan feh dun rak rak ţhin a, kei hi kum la naupang tak, kum 17 mi chauh ni mah ila ram lam hnathawh chu ka ti thei ve viau mai.



Thingtlang lo nei mi kan ni miau a, Khawzawl aţanga kilometre 9 zet a hla Khuailui ram kan tih ah lo kan nei a, buh leh thlai chi hrang hrang kan ching a, kan khamkhawp chu kan thar ve ţhin, kan chhungkua hi pariat kan ni a, unau paruk lai niin ka nu leh pa te'n Pathian khawngaihna zarah min la dampui a, min la uap lum a ni, ka nu hi Vanthangpuii niin Thangbawih tiin an ko ţhin a, ka pa hi Lalremzuala niin Rema tiin an ko mai ţhin ,pawl 10 ka kal ţumin ka dam lo chiam a, hostel ah pawh awm hleithei lo in Khawzawl Damdawi in lamah kan inphur lut deuh reng a, ka hriselna a ţhat loh ém avangin exam pawh pe thei lovn zirna lamah ka zuih ral ta ngawt.



Kan naupang ber Lalawmpuii pawh kum kaw(9) mi a ni ve tawh a, kei hi a upa ber dawttu niin ka u ah hian mipa, Lalremruata a awm a, ka nau te ho Lalrinzuali ,Vanlalţanpuii leh Jones Lalrinmawia an awm bawk, kan unau hi kan kum inkarah kum hnih ţheuh a tla a, kumchhirin piang lo mah ila kan chhang a zing viau mai.



Naupang te te e ti lo in kuthnathawh lam chu kan thei phian hlawm a, hmeichhe fa pali ngawt kan awm avang hian ka nu thu rolum pakhat chu, 'khawi hmunah pawh mo ila, khawiah pawh khawsa ila, an chetphung, an khawsa zia hi kan thiamin kan in siamrem thei ve tur a ni', tih hi a ni, buhthlei, thingphurh, thing eh, la phiar leh puan tah(kut tah) kan thiam vek a, tin, kan lo hi mau hmun a ni a, lo vahna ah pawh kan theih ang ang min tih tir ve mai ţhin, an thà ang pui pui thawh ve thei lo mahila kan theih tawk ţheuh hna, tihtur min tuk sak ţhin. Hlo an thlawh lai a nih erawh chuan thlai leh thlai lo kan hriathran thiam miau loh avangin tui te kan lo chawi ve mai ţhin, kan lo thlang a lui te luang, thiang kàk mai kan ring a, chakai leh kaikuang te man in nuam kan ti tlang viau ţhin. Tin, ka nu hi nu taima tak a ni a, lo nei chungin vawk pathum a vulh bawk a, a chaw tur bahra leh changel te la a chanin, ţhenawm khawveng te chawnawi kan dawh a, vawkchaw pek thlengin kan ti vek ţhin a, kan buai ve thei nak nak viau mai.




Buai thei viau e ti lo in unau, chhung leh kua hmangaih mi tak ka nu leh pa te an nih avangin ka putea hi min awmpui tir a ni a, ka pute Rinchhana hi kum 30 mi niin min duat thei hle ,keipawhin kan inchenchilh takah chuan ka nel lehzual em em a, ka pangchang in ka tihtauh khum bàr bàr ţhin, duattu leh hmangaihtu lakah chuan naute chumchiap takngial pawh an pangchang miau a lawm le.





Chutia kan inchenchilh a kan inngainat tak viau hnu-ah chuan pu leh a tunu inhmangaihna, in ngainatna ramri khamin inngaihzawnnaah kan tlu lut ta hial a, a tirah chuan han duh lo ve mah ila duattu na nâ na chu ka hnar reng bik lo, mahse, mawi lo leh tenawm zawngin ka chungah a khawsa ngai lo, a kiangah ka mu a, a bàn lukham a min hman tirin nghet takin min kuah a, a kiangah thlamuang takin, tui zetin ka muhil siai siai ţhin, ka âwmbawr takngial pawh khawih a tum ngai lo a, ka biangah leh ka chala min fawhsak a ching viau thung.




Amah a harh a, a ţhat tak viau hnu, a hmel a lungngaihna leh khawharna mai ni lo, hlim hmel te a lan a, nui hmel te a put takah chuan ram leh in lamah kan buai ve deuh bawk nen ka nu te chuan min hruai haw ta a, ka ngaiin ka thlahlel viau ţhin, ka ngaih ang bawkin min ngai ve a, an khua aţangin Khawzawl a hla vak lo bawk nen min rawn tlawhpawh deuh reng, kan in hi assam type niin inchung leh inhnuai a awm a, inhnuai hi ka unau dang te hian mutna pindanah hmangin inchung lamah ka nu leh pa bakah, ka mutna tur pindan a awm a, kan tam tham bawk a kan muk ve viau.




'Au Thangbawih, u Rem, Tabrett bawihtei hi kan khaw lamah rawn kal lawk se ka ti a, ka vawkpui saw ka talh dawn a, kan khaw chhungah ka hralh zo thei maiin ka ring, in sà tur te rawn la pahin min pui se ka ti deuh a, zanhnih lek rawn riakin rawn kal lawk teh se', tiin ka nu leh pa a dil a, phal takin a rei lo bawk a min kal tir ve mai bawk kha a ni a, kei lah ta pek chuan ka ngaih a, ka thlakhlelh ém avangin phur zetin ka kal mai bawk a, mahse, khatiang khan ka chungah a che ta si a nih kha.
Ka mittui tla chu hru tawk tawkin ţah rik hlau zetin ka insút hràih a, ka serh bawr nâ pawh ka ngaihsak thei lo ,a ai chuan, ka thinlung hi a na ngawih ngawih ém a sin.




Engtianga rei nge ka mut kawm reng pawh ka hre lo, ka nu in ,'Bawihi,ti tawh, túkţhuan i kíl tawh ang u', tiin min rawn ko a, ka che peih chuang lo, 'Bawihi', tih pahin min rawn sawi che dat dat a, ka mu zawi nguai ringawt, 'ehe bawihte, i pang a sa a nih hi, khawi damdawi ka lo lak ang che, i nuam lo a nih te chuan sawi ta che', ti chunga phe vat vatin damdawi leh tui a la a, min kuai ţhu-in damdawi min barh a, tui min tulh hnuah ka sam min chúl sak a ,ka rilru a ti no lehzual vek, ka khawsik, damlo ai mah chuan ka rilru na lutuk chu a kaitho lehzual sauh a, inhnít hlawp hlawpin a kawngah ka kut rawlh lutin ka kuah a, a âwm lum nuam taka bei hle hle in ka ţap hlawp hlawp.





'Nula inih tawh kha, lo kal rawh ,chaw tlem tal bar la, i mu hahdam leh dawn nia Bawihi', min tiin min kaitho a, hnial lovin ka zui ve mai bawk, ka u Remruata lah pek chuan ,'nula ve uaih tawh khawsik vanga ţah vak tur a ni ngai lo, i nau te i ti hrilhhai alawm', alo ti hluk a, ka pa in a lo khap vat thung.
'Ka rawn haw rualpui te khan electric veng lam a S.D.E.O rawn awm thar te an nia, an hna thilah Arro ah an kal ve a nih kha, ka zing tho teihawi nen kan inhmu fuh a, ke a haw an tum tih an sawi khan ka chak ve bawk nen ka rawn zui ve ringawt', ka tih chuan ka nu a chek tlat tlat a ,ka pa leh ka u an lo nui huk thung. Thil ka ngaihven tawh leh ka ngaihsak tawh chu ka ti thet thet zel a, dawhtheihna ka tlachham viau, ka phur thut chuan ka ri leh hluai mai ţhin a, min hauh a min zilh tamna ber pawh a ni réng bawk.
Ka nau te sikul an kal a, ka nu leh pa bakah ka u feh turin an kal thung, hla ve viau mah se balu la tur motor hi nitin a kal ţhin a, an chuang ve mai ţhin, ka nu in min awmpui tum viau mah se lo lam hna ţul lai a ni si a, ngaihţha lo tak chungin ka tihluih miau vangin min feh san ta a, an kal hnu lawkah ka mu leh thlawp a, thil hrang hrang ngaihtuahin ka ngaihtuahna a vak kual ruai a, ka van a duai bik zia te ka ngaihtuah a, lungawi hi har ka ti ngawih ngawih.



'Ka nunah hian eng thil fakau nge la thleng leh tur? Eng harsatna nge min tawn tir leh dawn?', ti a mittui luang ngiai ngiai chungin in chung lam ka melh a, Pathian ka au mawlh mawlh.
'Vawi khat, vawikhat pawngsual ka tawrh kha a tawk iti lo em ni? Ka hlutna ti tlahniam lehzual turin, khua ka hawi ngam loh na turin i thlen nawntir leh ngat a tiraw? I ropui e, i ropui lutuk, naupang te ka nih laia mawi lo taka min khawih tu kha hrehawm takin a thi a, kha kha ka chung a a tihsual vanga i hremna nia ka ngaih laiin tunah min tawrh nawn tir leh a ,i hlim em? Kha pawngsualna ka tawn vang khan inten a insit ka tum ngai lo, hmeichhe thianghlim ka la ni tiin ka inhrilh ţhin, nangin min hrem sak niin ka ngai bawk a, mahse tunah ka insit a, ka inten ngawih ngawihna tur i thlen nawn tir leh ngat ', tia be mawlh mawlhin ka vui a ,ka dem takzet.




In ngaihtuah harh thutin ka inperh tho zawk a, bual in lamah luta ka intleuh thuak thuak hnu-ah ka insiam a, suitcase hring dal riai, kan neih ţhat ve ber mai chu la a hawngin ka thawmhnaw ka dah lut sawk sawk ,ka nu te pindan lamah ka lut de de a, thawmhnaw dahna bawm hawngin a chhung a safe ka hawng leh a, pawisa cheng sangnga ngawt mai ka lak hnu-ah ka suitcase khaiin ka chhuak a, kan in chu tala hmanga kalh in chabi chu bawlhhlawh bawm hnuaiah ka rawlh zeuh a, rei pawh ka din hmain Champhai Sumo, Aizawl lam pan tur a rawn tlan a, ka lo phar vat a, a ding ve mai bawk, ka tel ve thei em tih te ka zawh hnu-ah an lo thawl nuam ang reng viau a, rem an ti khawp mai.




Sumo khalh tu-in ka suitcase a hlan lai chuan kan in chu ka thlir vang vang a, eng thil nge ka tawh ang a, eng thil nge ka hmaah lo awm ang tih ngaihtuah lovin thu ka ti tlu a, ka nih nih ka ni tawh mai a ni ang chu. A hlan fel hnuah chuan, 'Mami, ţhu lut rawh le', min ti a, keipawh rang zetin ka ţhu lut ve vat, a hnung ber veilam pang tukverh bul ah ka ţhu a, ka bulah mi pahnih an ţhu bawk, ka khua a sik a, a vawt ka tih vangin shawl lum ka sin hlàn a, kan tlan chhuak ta.





Ţawngţaina hmun tlanpelin Chaltheikawn kan thleng thla a, Chaltheikawn a ţhut hahdamna hmunah chuan Lalrinchhana a lo ţhu rún anih chu!
A lo ţhutna lamah ka awm avangin min hriat hlau zetin shawl hmang chuan ka mit leh chal chauh langin ka hmai ka thup ta ngawt a, kan tlan pelh chhung rei lo viau mahse amah leh amah a thil awm kha ka hmu kim hman viau.
Kan tlanpel chiah chu thaw huaiin ka mit ka chhing a, ngawi reng in ka ţhu chawrh chawrh a, Khuailui, kan ram neih na kan tlan pelh chuan ka mittui ka khap per sawk a, ka chuanpui te chuan min hmuh hlauin ka hru vat, ka nu leh pa, ka chhungkua ka tlansan a, ka neihchhun te nen hlim taka hah pawh sawi lo a hna kan thawh ho na ţhin, kan lo kan tlanpel chuan min ti na ngut ngut ,nidang a kan tlanpelh chuan let leh turin kan kal ţhin kha a ni a, tun a ka pelh dan erawh a dan a dang zar. Ka chunga thil thleng ka chhungte kiang ah ka hrilh thei lo a, an rilru a na lutuk dawn tlat, kan in-a ka awm reng a nih chuan Rinchhana a rawn kal anga, ka chungah mawi lo takin a che leh ang tih ka hlau si, kal lo thei niin ka inhre tlat lo.
Kawlkulh kan thleng a, tukţhuan ei lo a Champhai aţanga an rawn zing chhuah avangin chaw ei turin an chhuk sang sang a, kei erawh min sawm na a Khawzawl a ka ei tawh thu hrilhin ka hnar a, an chaw ei nghah pahin keimahin ka lo ţhu ngawt ngawt tawp.




An puar hnu chuan an rawn ţhu lut leh sang sang a, kan tlan leh ta, ka mitchhingin ka ţhu rem sauh sauh a, inngaihtuah duh lo in an hla play chu ka ngaithla a, eng hla nge an play pawh ka hriat si loh! Eng anga nasa pawhin ngaihtuah loh tum mah ila Rinchhana ngawt ka ngaihtuah a, 'Tabrett, ka zahpui vang che a ni lo ,i putea ka ni a, langsar taka kan inkawp a kan induh na leh hmangaihna kan tih lan chuan mi te min hmuh dan tur ka dawn a, min kawk ang a, min sél ang a, min diriam hlawm dawn, ka tan mai a ni lo, ka naute ,nangma tan asin thup ka tih, hmeichhia ini a, naupangté ila ni bawk, chutiang harsatna, a putea, a nu nuţa a ngaizawng tiin an sel che anga, midang kawh rawn inih ka duh loh vang alawm, hriatthiam tum la aw naute, kan thup hlen dawn hleinem', tia kan inkawp, kan induh na kan tihlan a rem lo a tih avanga pangchan chhuah a ka tihtauh khum bar bar lai a duat tak leh dawhthei taka min thlem hauh hauh lai te leh nizan lawka ka chunga rawng taka a chet dan te, min duat a min naute cheibawl em em tu in min tihnat zia te ka ngaihtuah a, ka mitthla ah kan hlim lai te a lang dawt zut. Ka mit mengin tukverh lam ka thlir a, kan tlanpelh zut zut ramhnuai, thing leh mau te, thing a sava fú te leh hràm chiah chiah te chu mawi ka tih theih tehlul nen a mawina réng ka hre hauh lo.




Kan nun a hlim a ,kan lawm a, kan lungawi chuan kan hmaa chhuak thil hi kan hmu mawi mai a lo nih hi maw!


Harsatna em em tawk loin thim thet thetah Aizawl kan thleng a ,Champhai sumo counter ah chhuk in an kal darh sang sang hlawm a, kalna mai tur ka hriat loh vangin ka suitcase chu counter a dah rih ka dil a, rem an lo ti ve mai bawk. Ke in ka tei kual sek a ,tukţhuan ka ei bak engmah zinkawng ah ka ei lo nen ka ril a ţam viau mai ,ka ei tam vak lo bawk nen ka pu damlo kan kalpui ţum a ka ni leh ka nu in .in chawlhpui na thingpui dawr, CHHUANG CHHUANG ah chuan lutin sanpiau leh chow ka lam a, inkhar tumin an lo inbuatsaih mek chu niin, mahse ,ka ei tur zat awm chu an lo la neih hlauh vangin rang takin min rawn pe a, lawmthu ka hrilh hnu-ah ka ţam tawh bawk nen ka ei bawrh bawrh, pakhat mah bang lo a ka ei fai kélh hnu chuan puar tak ka ni, ka thil ei man te pe felin ka chhuak a, ka suitcase la turin power house lam ah ka kal leh hnak hnak a, bazarpui chu a lun in an au chuah chuah mai, duh vang ni lo in kan in su leh nawk ţhin a, lû a na bur thei hial.





Counter aţang ka suitcase ka la a, taxi hmangin hotel man tlawm ve deuh a min hruai turin ka ti a, min dahna hmun chu khawi veng nge a nih pawh ka hrelo, Aizawl ah hian vawikhat chauh ka la kal a, chupawh ka pu damdawiin a kan hruai in a ni ,kum 15 mi lek ka nih lai a ni a, damlo awmpui kan nih vangin kan vak nasa lo viau, kan haw dawn hnaih a bazarpui a kan kal bak chu kan chhuak lo a, chuvang a bazarpui hria ka ni nghe nghe.




Ka chuanna taxi driver chu chuan man pek tumin ka bag ah, hlui ve fahran tawh chu ka hai rak rak a, ka pawisa ah ve chhun tlem tham zet kha alo awm tawh miah lo! 5000/- aţang khan cheng 500/- sumo chuan man ah ka pe a, thil ka ei a a man ka pek pawh khan ka la ak reng si a, ka hui pap a, ka thlan a tla bat bat.




Khawzawl aţanga kal ka nih thu leh ka pawisa ka tih bo thu te ka hrilh a, a chek tlat tlat a, thinrim zet a min ankhum bawrh bawrh te chuan zah luat vangin ka kun ngar ngar. Kan sir a veivak te chuan thil awmzia an rawn zawt leh sap sap ţhin a, chuan man ka pek theih loh thu thinrim takin a hrilh bawrh bawrh chuan min en hrek hrekin min kalsan hlawm a ,ţhenkhatin min lo hau ve pah bawk, ka hrehawm ti lutuk chu ka mittui a far fap fap a, rei fe kan in dinchilh rén rawn hnu ah pa pakhat ,la valai ve takin ka chuan man min pek sak hram. Zaktheilo tih hmel fahran a min en in min kalsan a, min ţanpui tu chuan thil awmzia min zawt in keipawhin ka huntawn dan tlangpui chu ka mittui hru chungin ka hrilh ve sap sap.





Ka huntawn ka hrilh chuan khawngaih hmel fe a min en hnu ah kalna tur ka nei lo tih hrethiam in an in a thleng rih turin min sawm a, hnial duhin tlawmah la ru viau mahila ka zui lo thei lo, hotel a riahna man ka nei lo a, zak tak leh inthlahrung tak chungin ka zui mawl ve tawp.




Durtlang ah an awm thu min hrilhin kan awmna veng aţang chuan a la hlat deuh thu a sawi a, taxi la in kan inphur chho a, chhungkaw member pali an nih thu te, a fa te pathum nen an khawsak thu leh a nupui chu a boral tawh thu te min hrilh a, keipawhin ka chung a ţhat a chhuah vangin ka thiam ang tawkin lawmthu ka hrilh ve mawlh mawlh.
An in kan thleng a, keimah ang rual vel tur mipa leh ka nau te rual tur hmeichhe naupang pahnih an lo awm a, lehkha an lo zir a, mipa chuan khawsak a lo rel ve mek thung, khawsak nuamsa tak an nih vak bik hmel loh, an in chu nu chenchilh loh tih hriat takin a hnawk ve kher mai, assam type ah awmin pindan pahnih a awm a, pa berin pindan hran neiin a fa te pathum in pindan pakhat an inţawm thung, an in chu zau fahran lo a ni a, ka suitcase chu a fate pindan lamah min dah luh sakin inbual ka duh leh duh loh min zawt a ,ka duh avangin aw ka pawh vat.





Bual in awmna te min kawhhmuh a, ka suitcase hai rak rakin ka thawmhnaw hak tur ka la chhuak a, hmanhmawh taka inbual in ka inha fel a, ka chhuah hnuah a fapa, Austin tia a koh mai chu puih a ngaih leh ngaih loh ka zawt a, a ngaih loh thu leh a zawh ţep thu min hrilh chuan hmunphiah awmna zawtin in chu ka phiat sawk sawk a, ka ti fel ve nghal bawrh bawrh.




An zingah ka khawsa ve ta reng a, thla hnih ngawt chu ka awm ve ta reng mai, mobile ka neih loh vangin ka chhungten min biak ngaihna an hre dawn lo a, engtinnge an awm anga, eng ang in nge ngawireng a ka kalbo chu an dawnsawn ang tih ngaihtuahin zantin ka mittui a tla ţhin.
Ka awmna pa chu Lalrinawma niin pu Valpui tiin an ko tlat lawi a, keipawhin pa Valpui tiin ka ko ve mai ţhin, a fa te chu Austin Lalawmpuia, Lalduhsangi leh Laldinpuii an ni a, Duhsangi leh Dinpuii chuan min u en in min ngaina viau, Austin erawh chuan min nel hmel vak loh, kei aiin kum hnihin a upa a ,Duhsangi kum 15 mi niin Dinpuii erawh kum 13 mi a ni.





Pa Valpuia chu hnathawkin a chhuak nitin a, a fa te erawh sikul kalin an chhuak ziah thung ,an awm loh laiin in te lo ti felin, la te ka lo phiar mai ţhin a, khawvawh hun lai a nih dawn vangin lukhum lum leh mawza an chhung in kim tur phiar ka tum a ni, zawh pawh ka zo har tawh lo ang, ka laphiar na hmanrua chu an nu ber boral tawh, nu Mawitei ta a ni a, pa Valpuia pindan ka tihfai na a ka hmuh a ni nghe nghe.
La pawh ţhahnem tak a awm tel a, la chhuak a ka phiar mawlh mawlh lai a Austin-a te unau sikul bang an rawn haw khan min en ngawih ngawih hlawm a nih kha, Austin chuan thinrim taka min panin ka laphiar lai mek chu min pawhthlak sak a, 'ka nu bungrua engvangin nge i khawih?', Tiin min au khum ţhawt a nih kha, min dinchilh reng a, a zawhna ngai min zawh sek hnu-ah pa Valpuia a rawn haw hlauh a, thil awmzia min zawh hnuah a pawi loh thu a hrilh sup hlawm.




'An nu in min dam pui rei lo lutuk a, a bungrua engmah hi kan tifai a nih loh chuan kan khawih sawn ngai lo, an ngaihlu em em a, i hrethiam a ni ang chu', tiin min hrilh a, a hnu-ah min ko khawm in a fate nen kan hmaah thu a sawi dap dap a, ţha taka a sawi hnuah laphiar pawh min phalsak in, a fa te pawh an lung a dam ta deuh a ni ang, innel takin kan khawsa ho leh a nih kha, Austin-a erawh chuan huat hmel takin min la en fo ţhin a, mahse, tunah erawh chuan min hua nge haw lo pawh ka hre lo, hriatthiam har zet hian min melh leh vung vung ţhin.





'Tbrett, ka duh che' ,tia zawi taka phun sup a min be tu chu mak ti zetin ka melh haw a, ka nui hak hak, 'i rui deuh a ni lo maw?' Tiin ka zawt hâ a, duh lo zetin a lu a thing nghut thung.
Nuih hak hak chungin a pang ka dek a, mahse ,a chetdan chuan min ti hamhaih kher mai, nghet zetin min kuah thut a nih chu!
'Austin, min thlah teh, eng thil nge maw i hriat le?', Tiin ka au ţhat a, min kuahna aţanga chhuah tumin ka tàl fat fat bawk, thà ka pek nasat poh leh min kuah nghet tulh tulh a. 'Ka duh che, ka duh tak tak che', ti mawlh mawlhin min fawh a tum a, duh lo lutuk in ka lu ka thing nawk nawk.




A thà a thlah dul deuh ni a ka hriat veleh rang zetin a lak aţanga tal chhuak in amah hlat thei turin ka tawlh hnung dawrh ,'nang hian min ten em ni?' Thinrim hmel taka ti chunga min pan hnaih leh chuan hlauh luat vangin ka khur dawt dawt a, ding nghet thei ngang lo in chhuatah ka ţhu hnawk.



A mit kha Lalrinchhana mitmeng ang khan a awm ve!
Tenawm taka min khawih a tharum hmanga min sawngbawl laia a mitmeng put ang chiah, pawisak nei lo lutuk mitmeng, kha ramhuai mitmeng kha Austin-a mitah ka hmu!
Hlau lutukin ka mit ka chhing a ,ka mit hupin ,'khawngaihin' ,tiin ka phun mawlh mawlh.




Tu emaw in min rawn kuah khawm vek chuan ka ţap chhuak hawk a ,pawngsual tawk nawn leh turin ka chak tawk lo, 'Tabrett, tihpalh, ka ti hlau che a' ,ti a min kuah khawm vek tu a phun sup chuan Austin a ni tih ka hria, inthiamloh na awka leh min duatna aw ri a kà aţanga a chhuah miau avangin ka rilru a ti no zual a ,a awm khauh ţang a bei chungin chhuak lutuk in ka ţap zawih zawih.
'Amah kha, amah ang khan i awm ve', bah nakin ka ti chhuak nawk nawk a, thaw hawkin min kuah nghet sauh sauh thung. A hnu rei lote ah chuan thlamuang takin a âwmah ka bei a ,ngaihdam min dil nawn leh sup paha ka hmui a min rawn fawh chuan eng thil nge ka hriat pawh ka hre lo, enginnge min thunun tih pawh hriat lohin ka fawp let ve a, ka kuah let ve sauh sauh bawk, duhthawh tak leh kan thiam ang tawkin huamhauh fahran in kan infawp ngawng ngawng.




'Nangni kha eng thil nge maw intih hrep le', ti ţhawt ri-ah kan phu dawrh a, rang taka inthlah a kan hawichhuah chuan pa Valpuia'n thinrim hmel fe in min lo melh khui khui a, a bul lawkah mak min tih hmel zetin Duhsangi leh Dinpuii chuan min lo en ve kiau bawk.
Austina'n hamhaih tih hriat takin 'pa' a ti sup a, a fapa biakna hre lo ang hmak a awm in pa Valpuia chuan min pan in ka banrek ah min rawn vuan a, min kaiin kan riahna pindanah min luhpui a, 'i bungrua la la, min chhuahsan ang che, khawngaih che in ka tuamhlawm che a, mi tlahlang, tunge i chhungte pawh hriat loh hi ka kawl dawn tawh lo che, ka fa te hmakhuaah nang vangin risk ka la ngam lo, ka fapa i lo khawsak pui duh dan te kha', ti a ten hmel zet a min en in a chek hluk a ,'hmanhmawh ang che", ti leh nghutin min chhuahsan a, ka in, ka ta a nih miau loh avangin ka hnial thei lo, rilru na tak chungin ka thawmhnaw ka rem lut mawlh mawlh a, ka mittui far fap fap te chu ka haw hlur.
 Ka suitcase lian fahran lo leh hlui ve zet tawh chu khaiin pindan aţang ka chhuak a, ţhutkhawmna pindanah pa Valpuia chauh a lo awm, a fa te awmna ka zawt ngam lo a, zawt ngam tur pawh ka ni hek lo, ka chhuah hma-in a lam ka hawi a, chanchinbu a lo bih ngur, aw thian kharh in ka ko sep a, muang fahran hian a rawn hawi chhuak a, a mitko a sàn àk duh lek!




'Engkim avang khan ka lawm e', ka ti sap a , 'umm' tih zawngin min chhang ,kawngkhar hawngin ka chhuak a, khawilam nge ka pan dawn ka hrelo a, an in a ka khawsak chhung reiloteah khan ţhenawm dawr-ah mamawh lam a ka chhuah bak ka chhuak ngai meuh lo a, chinchang ka hre lo viau mai.




Ka hmazawnah ka kal mawp mawp a, ka ngaihtuahna a bing mum mum, ka hmakhua a thim ngawih ngawih lutuk chu ka hah a, ngaihtuahna hman dan tur ka hre lo ,ka kalna kawng ber pawh ka hre lo a, eng veng panna nge, khawilam kawng nge tih pawh hre lo in ka ke ka pen miah miah ringawt.
Ka inchhuih khut a, ka petek dawrh, ka suitcase khai lai ka thlauh bawk, ka mittui tla chu ka ban a hru tawkin ka suitcase chu ka chhar a, ka hawikual chuan ka bul vel ah in reng reng a lo awm lo, ka dinglam ah mihring kalna atan an siam ni awm tak kawng té hi a awm a ,a sirah thirlen a in zar duai bawk, thla a én ţhat em avanga hmu thei ka ni ,ka hma zawn ka thlir a ,ramhnuai vek ni maiin ka hria, ka hawi kual az ral ah chuan in eng tuar chu a awm, mahse, chung in-ah chuan ka leng ve leh chuang lo ang, kal ngaihna hre lovin ka ţhu ta ngawt a, a khat mawi tawkin lirthei a rawn tlan zeuh zeuh, vawt tih vangin ka khur a, ka khabe a inkhawng dat dat bawk.




Ka suitcase hawngin shawl ka hai rak rak a, ka hmu hlawl, la chhuak vatin ka silh a, a zia phah chuang lem lo kher leh nghal.





'Ţhiannu', hmeichhe aw in a ti ri ah ka harh a, chet mai ka tum a, ka taksa a khawng titih, ka harsatna hria ni awm fahran in min pui sawk sawk a ,'lo kal teh', ti a vin hlarin tu emaw a ko bawk. 'A vawt ti lutuk a khawng a nih hi', mipa aw in a ti sup a, ka ban leh ka ke min hmeh sak chuan ka khawng lutuk pawh ka zia hawk, mahse ,hrehawm tak chu a la ni tho mai.




'Vodka kan la neih kha, lem hlek se a lum deuh mai ang', hmeichhia chuan a ti a, an motor chhungah harsa tak chungin min hruai lut a, pawn khawvawt a awm ai chuan a zia viau tawh, ka hma a no a rawn lek chu lak ka tum a, ka kut a khurh nasat vangin amah zawk chuan dimdawi zetin min tulh! Ka tui a hal em avangin ka in khawlh khawlh a ,a thlum dek dek reuh si a, tui ka ti viau ,ka tuihal a la reh miau loh vangin ka duh belh em tih min zawh chuan ka bu nghat a, vodka an tih, theitui úm mawi zet, darthlalang a siam ami chu no-ah an thli chhuak leh a, tuisik tam lo te pawlh leh in min in tir leh a, theitui ka in aţanga rei vak lo-ah chuan ka vawt tih a reh ţan mai bawk.




Chutiang a hmelhriat miah loh, ramhnuai kawngsir a lo mu hlawm ve tawp, an laina hnai ka nih chu sawi loh an laina te laina veleh chhawng takngial pawh ka ni lo chunga min buaipui a, duat taka ka vawt ti lutuk reh na atan theitui tui zet min tulh te chuan a hnuk a ulh ţún a, hnukulh e ti lo in ka ţap thei chuang hauh lo.
'Ka lawm lutuk, ka lawm takzet', ka ti ţiau a, nui var varin min en a, an bu nghat nghat.
In lian ţha tak mai, ka cheng ve anga, a chhung ka lut ve ngai ang ti pawh a ka suangtuah ngam loh khawp a in ropui tak, kawtzawl zau tak nei, chhawng tamtak in chherchhuan ve lawih si lo, mawi danglam takah chuan an motor chu an khalh lut a, motor dahna in bik lian fahranah khalh lutin an chhuk a, keipawh ka chhuk ve vat, anmahni zui turin min ti a, ka suitcase khai in khawr ru tak chung leh zàm tak chungin inchhung ah chuan ka zui lut a, kawngkhar lian zet mai an hawng ruai ruai a ,inchhung ah lut tur a min sawm chuan ka pen lut a, ropui ka ti lutuk chu mi à ang maiin ka kà ka àng pam, ka hawi kual ruai a, TV vel a film hmuhnawm tak kan en, kan ţah pui ţhin, misual ho in ropui tak ang mai kha a ni, mahse, anni chu misual an ni hauh silo, vawikhat min hmuh na ah theihtawp a min ţanpuiin an in ah thleng min hruai haw a ni a, hetiang mihring hi misual an ni ngai lo.




Mutna pindan lian leh fai ţha zetah min hruai lutin chu pindan chu riahna atana hmang turin min hrilh hnu-ah min chhuahsan a, 'naktuk lamah chanchin kimchang zawk kan inhrilh dawn nia', a tih tak kha, pindan chhungah bawk chuan kawngkhar dang awm lehin bualin zau ţha hek hawk ala awm cheu bawk, ka thawmhnaw hakthlak tur ka suitcase aţanga la chhuakin ka hrukpuan hlui fahran chu ka phawrh bawk a ,ka thawmhnaw hlipin hrukpuan chuan ka intuam ţat a ,bual inah ka lut chu ka bo ta map. Ţin a tui dah a ,no a suak chhuak a kan in leih a kan inbual ţhin vangin an bualin hman dan te chu ka thiam hauh lo! Herh tur hmun 4 velah awm nawk in a eng ber chu nge herh tur ka hre miau lo.




Ka hakthlak tur a ka ken luh thawmhnaw chu inbel leh sawk sawkin bualin aţangin ka chhuak a, inthlahrung leh thawm siam rin hlau zetin ka mut pindan tur a min buatsaih sak kawngkhar chu ka hawng ţhem ţhem.
In kan luh tirh a mipa zawk a luh nghal vut na pindan chu ka kik karh karh a, chhang tu ka neih miau loh vangin ka thaw hap.





Kawngkhar chu ka nam deuh a, a inhawng riai riai ,éng dal riai mai a lo inchhî a, mihring hmuh tumin ka pen lut zel a, ka veilam sir a thawm awm rak chuan ka beng a verh zar, pan hnaiin ka thawm hriatna pindan chhung a pindan hran awm lehna kawngkhar chu ka hawng a, ka hawng chiah chu ka mak ti zetin ka ka hau ringawt.
Hmeichhe pahnih, saruak ngalngat a awm te chu chhuat ah hurherh zetin rimawi ri riai riai karah an lo insawngbawl dun nasa mai a, mak tak a ni.
An piah deuha khuh kharh ri ka hriat chuan ka hawi vat a, hmuhnawm tih hmel zetin min ţanpui tu te khan no mawi tak mai dawm chungin an lo thlir dauh dauh a nih chu!




Ka thil hmuh tehhrep avang chuan ka bing mum mum a ,ka lû a hai a, ka dang a ro vangin ka chil ka lem khalh. Chutah, ţawngkam bawlhhlawh tak tak phuh chhuakin an han che zui mawlh mawlh a, rapthlak ti lutukin ka kat dawrh a, kawngkhar chu ka ngheng rawk rawk a, ka thawm hriain an pali chuan an thiltih lai chawl meuhin an rawn hawi rual ţhap.




'Kan naute thar pawh a lo tel ve a ni maw', ti a hmeichhe aw tliang nalh zetin a tih lang lang chuan ka chil lem khalh in ka en a ,ka lam a rawn pan chuan ka khur dawt dawt thei, mipa zawk pawh chu rawn tho chhuak ruai ruaiin ka lam a rawn pan a, min hnaih takzet ta maw tih ah lehhawi in an thiltih lai chhunzawm turin hmeichhe pahnih ,hurherhna in a bawmkhah ni awma mawi te chu a hrilh sup, thuawih zetin an chhunzawm leh mial mial bawk.
Ka kiang an rawn thlen chuan aw khur dar dar in, 'ih, ka tihpalh, bualin a tuiherh haw na saw ka thunun thiam lo a, lo zawh che u ka tum a', ka ti bah nawk nawk a, mipa zawk aw rawl thum tak a a nuih hawk hawk chuan hmeichhia zawk pawh chu a nui ri ve har har. Min kaiin min hruai chhuak a, ka mutna pindan lam a min kalpui lai te chuan ka la khur ru der der.
Bualin a min hruai lut in tuiherh na awm deuh ţhap chu min hrilhfiah a ,inbual zo vat a, ka inbual zawh a inbiak kan ngaih thu sawiin min chhuah san a, keipawh ka thawmhnaw hlip in ka inbual sawk sawk a, ka inbual chhung zawng chuan kha pindan a thil thleng kha ka mitthla in ka hmu reng, bualin a ţanga ka chhuah chuan pindan chhung a khum dup nuam zet, ka la hmuh ngailoh vanga min hruai luh tirh a ka ţhut chhin vel naah chuan an lo ţhu dun a, an kiang a dawhkan lian fahran lo ah chuan no pathum hungin theitui min pek ang chi kha an lo hung bawk a, no an lo dawm dun ran.





Ka chhuak tih a hriat chuan hmeichhia chu ka lam lo hawiin a nui var var a, an kianga ţhu ve turin min sawm zui sap, ka lu tuamna hrukpuan pawh phelh lovin an bulah chuan ka ţhu a, mipa zawk chuan ka hrukpuan hlip turin min hrilh a, mak ti zeta ka en chuan damloh a hlauhawm tiin a sawi sup, thuawih tak a hlip in an kiang ah ka ţhu leh a, theitui chu vodka ti a sawiin in turin min ti a, a tui zia ka hriat tawh miau avangin engmah sawibuai lo in ka in ve mai bawk.





A tui em vangin ka in mawlh mawlh a, no nga lai ka in tawh ,ka lû a hai a ,ka irhfiak ak ak, u Rintei thusawi chu rapthlak ka ti takzet, irhfiak reng chungin ka ngaithla a, mahni an inzuar ţhin a nih chu!




Officer lian tak tak leh sumdawng lian te hmaah an thuamhnaw ui hauh lo a hlipin an ti lawm a ,an tih lungawi miau avangin chung sumdawng hausa leh officer ho chuan an sum in an vur ţhin thung, fimkhur takin an sumdawnna inzawrh hna chu an kalpui a ,Mizoram mai ni lo, hna thil a Mizoram a rawn zin sumdawng mi lian tak tak te pawh anmahni dawrtu hlun an ni, anmahni Rintei leh a pasal Sanga hian bul an ţan a, nupa an ni nghe nghe, an hnuaiah mahni inzuar hmeichhe tamtak bakah hmeichhia chang nilo, mipa pawh ţhahnem tak an awm tih an sawi te chuan mak ka ti takzet.





'Mahse, mipa chu engtinnge an lei theih a?', Tiin ka zawt sap a, 'mi hausa tak tak te hi an awhawm kher lo a nia Bawihi, an nupui pasal te lakah lungawina hmu lovin an pasal te'n nula tituai nalh tak tak an sum hmangin nuam an chenpui a, an nupui te lah bang bik hek suh, an pasal te thawhchhuah sa hmangin nuam an chen ve mai mawle', tia min hrilh chuan mak ka ti lutuk chu ka kâ hau reng.




Nupa an ni tawh a, nupui/pasal neih tawh hnu a chutianga midang laka hlimna leh lawmna an um chu a rapthlak ka ti takzet.
An sumdawnna chanchin min hrilh zawh hnu-ah min chhuah sanin nichin a nasa taka che dun hmeichhe pahnih chu an rawn lut a, kan riak ho dawn a nih hmel.




Hmelţha dun tak an ni ,incheina rimtui tak tak an hmai ah an bel nual a, mipa tan chuan an mit la tak tur an nih ka ring nghet hmiah ,kei, an hmeichhiat pui ngei pawhin mittla lo lékin ka thlir ngawih ngawih chu a ni si a, ka hming te min zawtin an hming te min hrilh a, sam kir chiat mai, khal nalh zet chu Rinawmi niin, cher lam pawl mah, ria sang zaih mai ,sam ngil tle siau chu Juniper a ni thung.





Kan theitui in ang chu an rawn hum ran chu niin, kan in ho a, kan titi pah mawlh mawlh, 'hetiang theitui hi a tui hle mai', ka tih chuan za em em hian an nui dun a, mak ti zetin phí riai in ka en a, engvanga nui nge an nih ka zawt hau.
'Hei hi theitui a ni hleinem Tabb, vodka a ni a, zu chi khat a nih hi', nuihza insum tak chungin Juniper chuan min hrilh a ,inmelh kual hrek hrek in za lutuk in kan nui hlawm hawk hawk, kei phei chu ka hre lo lutuk chu mawl hi ka inti ngawih ngawih a, ka nui nasa lutuk chu ka mittui a tla zawih zawih thei. Hei vang hi a nih dawn hi ka taksa vawt te a tih lum a, ka lû te hai a ka thaw a ven vâk ni.




An unau chanchin min hrilh chuan ka mittui tla chu ka dang seng lo, ka ţap hlawp hlawp a, ka khawngaihin an unau hetiang a an khawsa hi demna ka nei ta reng reng lo.
'Keini hi phir kan ni a ,phir e ti lo in kan inang lo viau, ka sam a kir chiat laiin ka unaunu sam erawh ka nu sam ang mai a ngil tle siau a ni thung, ka nu hi a damlai hmel kan hmu hman lo a, kan unau kan pian hnu lawkah hian a thi a ni, ka pi leh ka pa in min enkawl chho a, ka pi chuan min duat viau ţhin, ka pa in ka nu thlalak takngial pawh min hmuh tir phalloh ţhin lai pawh khan ka pi chuan a rukin, ka pa hnathawk a a chhuah hlanin min en tir ţhin a, hrehawm kan ti thei lutuk.
Kum sawmpakhat mi chauh kan la ni, ka pi in nat lawkna pawh nei lem oin min boral san thut a, he khawvel a hmangaih taka kuangkuah tu kan neihchhun kan pi, kan nu nih bakah kan pa nih fawm bawk tu, kan engkim a engkim khan min kalsan a ni a, ka pi boral pawh sún hman lo lékin ka pa in min tiduhdah a, kut min thlak a, min sawisak ţhin chu sawi loh tenawm takin, a ril a rah te pahnih, la naupang tak te kha min sual ţhin, kan hringtu pa ngeiin min sual anih chu!', tiin Rinawmi chuan a sawi a, ka mittui a tla zung zung.





An nunhlui an ngaihtuah let tih hriat takin an unau chuan an in kuah a, an insút dun hlap hlap chu lainat zetin ţap chungin ka lo thlir veleh chhawng.
Chutah, Juniper zawkin sawi zawm lehin, 'Ţhanthi pawh kan neih hma hauh a sawisak tuar chunga nunrawng taka kan hringtu pa ngeiin min sual luih ţhin miau avangin keimahni ah dik lo a awm a, mihring nihphung tur ai bakin hurna sualin min bawm khat nasa a, kan pa in min sual te chu nuam ti takin kan dawh heuh heuh ta ţhin. Darkar tlemte a ka pian hmasak zawk vangin ka nau Rinawmi hi ka theihtawp in ka duat ve a, tisa châknaa a khah chang pawhin keimah hian ka sawngbawl mai ţhin, mahse, zankhat chu ka pa a hnathawh na aţangin alo haw tlat lo, mak ti leh ngahkhlel zetin kan lo thlir a, kawngka pui aţangin alo haw hun a min sawngbawl leh dan tur te kan lo suangtuah! Mahse, zinglam dar hnih lai a nih pawh chuan alo haw hauh lo.
Beidawng rilru zetin kan unau a kan mut pindan ah kan mu a, zing khua a lo var a, thawm bengchheng takah kan harh dun hlawl, ka pa a nih ringin phak zetin kan tho chhuak a, kan pindan chhuah sana ka pa room lam kan pan chuan kawngka alo inhawng huau a, pindan chhungah chuan duhthawh leh uar fahran in ka pa leh hmeichhe pakhat, nasat hmel zet chu an lo khawsa dun a nih chu! Mak tih vangin kan thaw dun halh a ,ka nau Rinawmi nen in melh zeuhin kan lut a ,'pa' tiin kan ko rual ţhawt.
An thiltih lai chawl meuh a rawn hawi chhuakin min en dun ràn a, ka pa chu thinrim zet a rawn tho chhuakin kan chhipsam ah min hrawm nawk a, a pindan aţangin min hnuk chhuak rawk rawk, kan unau pindan lam a min hnuk lutin nasa zet a min sual hnu ah in aţanga chhuak turin min ti a, hrilhhai zet a ka pa melh tlawk tlawk bak tihtheih kan nei lo.'



Uluk thei ang berin ka lo ngaithla a, rapthlak tih bakin ka sawifiah thiam lo!




A nui lui tih hriat takin min en a, a hmui liak lepin, 'tichuan, kan unau in thawmhnaw pakhat te mah, hak khat mah pawh min ken tir phal loa hnawhchhuah kan nih takah chuan mangang in kan baihvai a ni dér mai, mahse, mak tak a Sir Sanga leh Miss Rintei te nupa nen intawng in an chenna in ah hian min hruai lut a, kan chanchin pawh zep ţhen awm hauh lo in kan hrilh fai kelh ,tichuan min khawngaihin hna, kan tana nuam em em, sum kan hai luh na ni pah bawk si min kawhhmuh a, mi hausa intihhlimna hmunah te kalin an hmuhnawm tihtur in kan unau in kan in sawngbawl ţhin ,chu mai ni loin, ţhenkhat ,an nupui te zei loh luat vanga nupa nun a hlimna hmu lo te tan kan thawk bawk a, kan taksa ui hauh lo a kan pek miau avangin kan tan sum an ui ngai hek lo, tichuan tun hun hi kan thleng ta a, kan unau tan chuan Miss Rintei leh Sir Sanga hi kan harsatna aţanga min hruai chhuak tu, kan hma min hruai sak tu kan pathian ang hial an ni', tia sawi leh mial mialin a thusawi a ti tawp.





Ka chanchin min zawh chuan ka chanchin engkim mai chu ka hrilh ve ta vek a, min lainat hmel zetin min lo thlir a, 'keini chu pahnih kan ni a, kan chak loh chang a in thlamuan tur kan la in nei tawn, nang phei chu pakhat chauh ini a, hrehawm iva ti dawn tak', tiin Rinawmi a lo phun ve sap bawk a, bang kil a sana kan en chuan zinglam dar 2:30am alo ri der tawh.




Mu tur a inruahman in kan zu no vel te chu kan seng fel a, kei chu ka lu a hai in ka pai nasa cha cha viau mai, min nuih bawk bawkin lo ţhu mai turin min ti ta nge nge a, an unau a an zu no senghawi chu an cigarette lak kai sa thiam lo taka lo zu ve a, lo si ve hlat hlat chungin ka lo thlir veng veng.
Khumah kan pathumin kan mu tlar dal a, Rinawmi leh Juniper chuan min laitat a, a lum nuam viau, ka lam rawn hawi ve ve in min kuah a, in khan deuh ar ar hi nuam ka tih miau vangin ka hau hran lo ,mahse, eng thil nge thleng hi, Rinawmi zawkin ka hnute ţham in Juniper chuan ka hmeichhiatna a rawn khawih anih chu!





Ka rinphak bak, ka ti ve ngai pawh a ka rinloh chu sawiloh, midang tih atan pawh a rin ngaihna pawh ka hriatloh ,Rinawmi leh Juniper khawsak phung ka mit ngei a ka hmuh avanga an ti ţhin tih darkar tlemte liam ta a ka hriat chauh chu an unau chuan min tem tir ve a, ka zu in in hna a thawk ţha bawk nen nuam ti zet a dawh harh harh in ka lo rum vei ham ham!





'Hmeichhiate u, tho tawh rawh ule, vawiinah Tabrett hi parlour ah hruai ula, nalh takin chhuah ang che u, zaninah ramdang mi customer in nei ang, mi hausa ho party naah in kal ang', tiin kan muhil tui lai chu u Rintei chuan min kaiharh hlawm a, rang taka ka thawh vut chuan ka lu a nat ngut ngut vangin ka lu dawmin khumah ka ţhu leh tlawk tlawk, damdawi mum lian vak lo min pe in no a tui thlit sa nen min pe a, ka lu na rehna tur ani tih a sawi chuan ka dawlh ve mai bawk a, inbual harh turin min ti a, rang taka tho in bual in ka pan a,tuilum herh haw na aţanga tui lum herh haw in ka inbual sar sar a, ka inbual zawh meuh chuan ka harh kàk tawh.





Parlour ah min hruaiin nileng deuhthaw hun kan hmang a, ka hne lutuk chu ka ţah a chhuak thei hial.
Ka mithmul, ka sam, ka hmai, ka ketin ,ka kuttin thlengin min khawih sak vek a, kan zawh meuh chuan ka taksa a na vel vek thei, darthlalang lian zet hmaah min din tir a, ka in en meuh chuan mak tih vangin ka meng phawk hra.




Ka sam dum hlap ţhin chu a buang thâng a, ka hmel zawng zawng nen ka dang zar, hetiang a keimah, keimah ngei ka chhuah theih ka ring ngailo ,'Sexy lutuk Tabb' ,tiin Juniper chuan ka mawng, mahni tawk a khal nalh ve lah chu a rawn beng thlawp a ,ka nui hak hak, Rinawmi phei chu a che uchuak leh ngei mai, min rawn pan hnaiin ka tukkhum sam ah a ţham a, minute khat dawn min fawp ngawr ngawr nia!




Keipawhin ka fawp let ve mai a, mahse, kan awmna hmun hrechhuak thutin ka nam sawn dawrh a, ka hawikual chuan min lo nuih ţhaw hlawm, ka hre ta, he parlour pawh hi an zing ami ho pan bik a nih chiah hi ,nileng a min buaipui tu nu 'Merabi' tia an koh nu chuan min rawn pan in ka biangah a fawp zauh a, 'mitmeng sexy tak i neih bakah i hmui hian mipa nasa takin a hip dawn tih ka chiang Tabrett', tiin min hrilh sap a, ka nuih var var ringawt.





Nizan kan khawsak dan ka ngaihtuah let a, min hmangaihtu ni a ka hriat mahin tihluihna hmang a min sual a nih chuan engah nge ka nun nawmna atan, sum ka hai luh phah na atan chuan ka taksa ka hman mai loh ang tiin thu ka ti tlu fel hmak.
Chuta ţang chuan ka taksa zuarin sum ka hailut a, nawmna nasa tak ka hlawh tel bawk, hlawh lah ţha bawk, thil tamtak, hlu tak tak ka nei a, tunah phei chuan Aizawl ah ngei mai, Spa(massage centre) hawngin hnathawk ka chhawr nual a, ka chenna in pawh lian ţha tak, compound zau nuam tak a ni, keimah ang a mi tla hrang, awmna tur nei lo tak tak te, nun beidawng ve tak tak, huntawn inang lo tak te, an inchhung a leng lo khawp a lian, khawlai a mi te thinhrik ho ka huikhawm a, chung ho chu ka unau, ka chhungkua te an ni, ka dawr ah thawkin kei ang bawkin an inzuar a, massage an khawih piahlam ah nuam dang chen telin sum an hailut ziah a nih chu. Mahse, massage centre nei mah ila ka sumdawn bul ka ţanna ka la thlah chuang lo, a nazawngah ka chhuak tawh lo mai chauh a ni.





'Zanin chauh aw, a bak chu ka regular customer bak ka mutpui tawh dawn lo', ka tih chuan u Rintei pawhin aw min pawh ve mai a, keipawh phur taka inchei in ka kal ve nghal, kan hun a thleng a, chu pa chuan Vawk rilţamkn a rilţamna hnemtu tur chaw a hap ang maiin a hapin min hap hlawih hlawih a ni ber e, a rum pah ham ham a, a chet duhdan chu dangdai ka tiin zauthauna nasa tak min pe ,nasa leh dangdai zet a kan chet hnuah kan chau tawngkhawng a ni a nge, mutthilh zai kan rel a.
Thawmhnaw mumal inbel hauh lo in hotel pindan a khum dup nuam zetah chuan ruih vanga zawi zet chungin ka mu a, ka phí chiai a, ka hawi à deuh ruai, nichin lawk a duhthawh taka nuam nasa tak min chenpui tu kha Austin a ni!
A tirah khan ka hre hauh lo, kan hmel leh pianzia a lo inthlak tawh a ni mahna, a card hnutchhiah ka hmuh vanga amah tih hria ka ni!




A card chu paih phal lo in ka khal nauh nauh a, ka be duh si lo, biak ka chak si, a hma a min duh ang khan min la duh ang em? Teuh lo, kha hun a min duhna kha chu tleirawl àt vang mai a ni tih ka pawm hmiah, engtinnge hun a hman chhoh ang? Kum 28 bawr lek niin sumdawnna lian tak a nei a nih hmel si a, mak ka ti viau mai, a hma a an chhungkaw khawsak kha awlsam leh nuam lutuk a ni bik mawlh si lo.





Hun a kal a, a liam zel a, Austin nen kan mutdunna pawh thla hnih dawn a liam ta, ka be pawp lo a, ani in min biakna tur engmah a nei hek lo, ka nunhlui a ka vahvaih dan hre tu a ni a, hetiang hian ka khawsa a ni tih hre ta se eng ang in nge min ngaih ang le? 'Tabrett, i à ta em ni?Midang thusawi ah i buai ngai loh kha, i ngaipawimawh ngai lo a, dik nia i hriat emaw, dik lo tih i hriat reng pawh nise i duhzawng a nih chuan i bawh mai ţhin ,i tleirawl lai a vawikhat fawp che a, hmanni lawk a sum hmang a mutpui tu pakhat ve mai a ni', tih thu mahni leh mahni inhrilh in ka lû ka thing nawk nawk.





Ni e, ka nunah ka chhungkua kalsan in thutlukna ka siam tawh a,mi min hmuh dan a buai tur ka ni lo e. 'Hello, miss Tabrett', ti ri ah ka ngaihtuahna aţangin ka harh zawk a, phawk zet a ka hawi chhuah dawrh chuan za zetin Thomasa'n minlo nuih hawk hawk, Thomas hi ka ţhianţha em em a ni a, ka sumdawnna engkim hre tu a ni, ani hi ka sumdawnna ang tho a sumdawng ve ţhin a ni a, ani erawh Pathian-ah harh chhuahna changin a nunhlui a kalsan tawh thung.




Min kawm a ţhulh phah lo a, a nun ang a nung a, danglam ve turin min duhsak hle tih ka hria, mahse ka tana ngaihthlak harsa leh nuam lo ka tih phahna turin ţawngkam a chhakchhuak ngai hauh lo, a lo dai ve tawh, a lo paltlang ve tawh nun neitu ka ni miau a, a tawng ve lo tu ai chuan a chhung a luhchilh tu chuan min hrethiam nge nge ţhin a nih hi maw.





Ka nui ve hak hak a ,ţhian a neih thu min hrilh chuan mak ka ti viau, ţhian a lo hruai ngai tlat lo, mak ti zetin zawhna mitmeng nen ka melh haw a, a mitko min san khum zetin a ţhian chu sawmin a ko lut a ,mahse , pakhat chauh a ni hauh lo, a thlalak min hmuh fo ţhin hmeichhe duhawm zet, a tette aţanga a kawmngeih, a nun kalsual avanga a thlah tak, mahse beidawng duh lo a hmangaih a dawmkang ţang ţang tu hmeichhe duhawm zet, a ţhianţha tia a chhal ngat ţhin Duhawmi bulah chuan Austin a rawn tel ve a nih chu!





Hamhaih takin ka thlir a, kan hming ţheuh sawi a min inhmelhriattir chuan ka harh zawk a, hlim hmel pu in ka chibai dun, Duhawmi pawhin hlim zet in min chibai let a ,a sambuang thàng mi chu a inhmeh takzet, Thomasa'n ka hming a sawi rual a Austin-a mitmeng danglam chu ka theihnghilh leh tawh ngailo ang.




Hamhaihna, mak tihna leh natna zawng zawng inpawlh nuai in a meng a ,min chibai turin a kut phar chhuah nachang pawh hre lovin min melh tlawk tlawk a, a hamhaihna mitmeng thlakin thinrim hmel a pu a ,engkhaw sawi set set lo in a chhuak nal nal.
Hamhaih takin kan thlir a, Duhawmi harhchhuak in a umzui vat ,hui pap in ka chair ah ka ţhu thla dawt a, 'ani kha a nia', ka ti sap.





Ka zawng zawng ka hrilh tlemte zing ami a ni miau a, a man thiam nghal vek tih hriat takin a thaw hrawih. Ni e, keipawhin Austin kha ka duh alawm, ka ngaihtuah chhuak fo a, ka thinlung a a khahliam ţhin miau avangin ka tawt lutuk ziaawm nan ka ţhianţha ka hrilh ţhin kha a ni a, 'intawng leh ila tih hi ka duhthusam a ni, mahse kei chu nawhchizuar ka ni a, tumah beisei ngam tur ka ni tawh lo', tiin ka sawi hial ţhin.
Ka tawn leh chak, ka hmuh leh chak kha ka mithmuhah a rawn inlar a, mahse, duhthu ava sam si lo ém.

(Austin P.O.V)

Ka hmaa hmeichhe tleirawl duhawm tak, ka rilru ka pek hmasak ber, duat taka ka fawh ngawih ngawih Tabrett Vanlalhriatpuii kha he hmeichhia, nawhchizuar ve mai hian min hriatchhuah tir a, ka nupui hual, a hming ang mai a duhawm tak, fel em em mai theihnghilh hialin nasa takin ka khawsak pui hial a nih kha.

Tunah kha nu kha ka vei hmasak ber, ka engkim a hmasa ber, ka fawh, ka mutpui hmasak ber kha Tabrett a ni tih ka hria a, chumai a ni lo ,ka hma ngeiqh dingin hlimhmel pu sàrhin min chibai tumin a kut a phar chhuak!

Ka hamhaihna rehin thinrimna in min tuam mup mup a, ka chhuahsan hlawk hlawk, ka motor changkang tak chu la chhuakin ka inkhalh chhuak a, ka lungngaihna leh ka hahdamna zawng zawng ka hrilh na ţhin ka nu thlan ka pan a, ka nu thlan kiangah ţhu ngawt ngawtin ka rilru in thu tamtak ka nu chu ka hrilh mawlh mawlh.

Ka dar a min sawi tu awm chu ka vai per lawp a, a ràk ţhat, mittui tling pam a min melh tu ka nupui hual Duhawmi chu ka melh ngur a, 'engmah sawi ka duh rih lo', ka ti nghut. Hnungchhawn vutin ka pen sawn hlawk hlawk a, ka hnung lam aţanga min kuah chawt a ţap hlawp hlawp tu an awm avang chuan ka chawl dat, 'hun min pe rawh Duhawm', ti hrawkin min kuahna a bân chu ka phelh sak a ,ka car lam panin ka kal a ,ka inkhalh chhuak lehnghal vut. Darthlalang aţang chuan Duhawmi beidawn hmel zet a ţap rawih rawih chu ka hmu, mahse, ka ngaihtuahna hi a nu but miau a, fim takin ka awm thei rih lo.

'Eng natna pawh nei la, eng anga nasa pawhin chhiat phah dawn mahila ka kalsan dawn lo che ,ka hmangaih che tih i hre lo em ni?Nangmah i nih chhung chu ka hmangaih reng ang che ,i hria em? Eng natna, eng ang a natna runthlak leh ka tawrh phahna tur pawh nise kalsan tur che chuan min ti suh Tabrett' tia a dàr a vuan chung a, min kalsan hlau taka tlawm tak chung a ka ngenna a hnawl!

'Austin, ka kalsan mai che a ngai, min ngaidam rawh' ,tiin a inher a, min kalsan hlawk hlawk! 'Hrep tak che hian Tabrett Vanlalhriatpui, i duh chuan kal rawh ,kei ai hmangaih tu i tawng ngút ang e maw chu? Kal mawlh rawh, ka tel lovn i hlim meuh emaw kan en ang chu', tiin ring fahranin ka au a, luhlul takin rawn hawi let miah lo in a kal ngaiin a la kal ngar a nih chu mawle. Hrep hian!

Ni e, ka theihnghilh theih loh nia ka ngaih, thla hnih erh awrh chauh ka chenpui, ka vei zui tak avanga ka hma hun a tihchhiat hlau a ka pa in kan in aţanga a chhuahtir tak ,kum sawm dawn hnu a ka hmuh leh chauh Tabrett Vanlalhriatpuii hi ka bawh buai tawh lo ang ,min kalsan a chak zek zek bawk a, kal rawh se, a nun zawng zawng ka hria, puih ka inhuam bawk, a nun amah leh a mah a inhmuh hniam lutuk avangin min kalsan!Ka tan a tlawmthlak lutuk.

Ka nupui hual Duhawmi ngaihsak lek lo in ka umkawi a, mahse, min hnawl!

Hmeichhe pakhat vanga lungngai a ka indawmkun reng nachhan tur ka hre ta bik lo.

Biak in kawngka a rawn pen lut a, mokawr fual mawi tak ha chung a zàm hmel taka rawn pen lut, ka nupui nimai tur Duhawmi chu ka en a, ka hrilhlawk angin keimahah a mit a fu a, ka lo kiai khum suk. Zawi tea nui seihin a rawn kal a, inneih thutiam kan chham lai chuan ka rilru ah Tabrett ala awm ta fo!

Hunserh hmang zo in thlalakna hun kan hmang a, hlim takin kan nui dun var var reng, ka nupui chu chau mahse a thinlung a hlim takzet tih ka hre thei, min nei miau a, hmangaih ber kan neih tluk a hlimawm a awm dawn em ni?

Car ah kan ţhu lut fel a, kan inkhalh chhuah hma chuan car tukverh aţangin Biak in lam ka hawi zawk a, Tabrett mittui tling pam a nui lui var var hmel ka hmu! Midang ta ka ni tawh, na leh tur siin engahnge min kalsan luih kher le? Ka hrethiam nek lo e, ka lainat lutuk ,a nunhlui vanga mahni insit a, mahni inten a, ka tana tling lo nia inngai a ni tih ka hria, mahse amah anih chhung, amah a nih phawt chuan ka pawm thu ka hrilh lo em ni? Min kalsan lui a nih kha, ka nupui chu nuih var varin a biang ka fawp zeuh a, kan ţhiante pahnih an lo nui hawk hawk.

                    (Rinchhana P.O.V)

Ka naute, ka fanu ngei ka hmangaih a, a vun mam hen mai, tituai nalh tak, a hmui senno chék mai te ,a mitmeng nalh zet leh a keţhiah mawi tak mai te hi ka it vel vek, mahse tihnat ka duh lo a, ka duh ngai hek lo ang, ka kiangah a mu a, tui takin, ka mipatna chu thunun har ka ti lutuk, ka naute in duhdah zetin min khan bawk si,huiham.

Mahse, ka tum loh dan lutuk in ka che, ka nupuiin min uire san khan ka na lutuk a, mumal nei lovin rei tak ka awm, ruihhlo ka tih phah a, ka naute hian min enkawl tawp ,ka inthin harh a hmalam ka pan hnuah pawh hian ruihhlo ka thlah tawp thei si lo, ka fanu hriat loh in ka ti ru fo a, ţumkhat erawh ka rui sual chhiava, ka tihnat phal loh ka duat em em ka naute kha tihluihna in a zahawmna ka tihbawrhban aak, kha thil thlen lai a a mit a natna lang te leh mittui chhuak te khan min ti so bawrh bawrh, duhthawh zetin ka khawsa a nih kha.

A tuk ka harh chuan a lo awm tawh hauh lo, Khawzawl lamah a kal anih ka ring nghal. Lu na bûrin ka tho a ,inchhirna in ka khat a ,rang taka insiam in Khawzawl lam panin ka chhuak hlawk hlawk, mahse, ka thlen chuan ka naute alo awm hauh lo, an in chu pawn lamah alo inkalh a ,an chabi dah ţhinna ka hriat avangin an chabi ka la a, kawngkhar hawngin inchhung ka pen lut.

Mahse, rawn haw tih reng reng a nei lo, ţhangkhat lian dawn a ni ta, inchhir reng reng a hun hmangin ka tihsual ngei hmangin ka rilru ka ti na a, ka hmangaih ka fanu, ka naute kha a chin pawh hriat loh lekin a bo hmiah, biakpawh ngaihna kan hre lo a, zawn na tur hmun kan hriat ang ang kan zawng, beidawngin kan rum tlawk tlawk a, a chunga ka khawsak dan ka u te nupa hnen a ka hrilh chuan ka u Thangbawihi rilru na hmel kha hmuh nuam a ni hauh lo, nasa takin a ţap hawm hawm a, a fanu duat chunga ka khawsak dan kha rilru nat pui loh chi pawh ni lo chuan, ka u Remzuala erawh chuan chempui la lawkin min sah a tum a, dan pawh tum lo in ka phutawk tiin ka dawh tawp.

A chempui ken a min vai tumin min tin uaih tawh tih ah a ban a dahthla leh ruai ruai a, muang tak leh nghet takin ,'Pathianin a hrem ang che', tiin min kalsan.

Ni e, ka tihsual a nasa em a ,tunah hian khumbet a ka natna kum hnih a pum dér tawh, dam si lo, thi si loin ka awm a, Pathian min hremnaah ka pawm hmiah, ka naute nun ka tihchhiatsak a, hei aia hremna na zawk hi ka la phu.

Enkawltu ka nei lo a, an fanu chunga ka khawsak dan avangin min haw viau mah se rilru dam lo chungin enkawl a tuamhlawm tu ka neih miau loh avangin ka u te chhungkua in min enkawl, an hmai sa min hmuh lo mahse inthiamlohna leh in kiltawihna in ka khat a, ka zah ngawih ngawih reng, mahni a zunram pawh thiar thei lo a ka awm hnu ah phei chuan thih vat ka chak ţhin, mahse, Lalpa hian ka hremna tuar hi tawk ala ti lo a ni mahna le.

Ka ţawngţaina leh ka duhthusam chu ka boral hma a ka naute, ka fanu, na taka ka hliam, ka vanga a chhungkua thlauhthla a, min hlauh vanga tlanbo, engtinnge a nun a hman zui zel tak tih pawh kan hriat zui loh Tabrett Vanlalhriatpuii kha hremna min pe a, ka bawrhsawm avanga min hnuaichhiah a, min nuihsawh tur talin vawikhat chauh hmuh ka chakin ka duh a ni, Pathian hnen a nitin a ka thlen pawh a ni.

(Tabrett P.O.V)

Ka hmangaih em em ,ka nunhlui chhuanawm loh zet avanga ka kalsan tak chuan hmalam min pan sana ,ni e, amah, Austin Lalawmpuia, ka ATLOP khan hmalam min pan san.

A hming ang mai a hmeichhe duhawm zet, rilru ţha tih hriat ngawih ngawih, a der a nui hmel pu ve ngai lo, ka ATLOP nupui ni ta Duhawmi leh Austin ding dun ,hlimdun hmel chu ka thlir a, mittui tla chungin ka nui, ni e, ka nui alawm.

Duhawmi chu ka thik a ,a tan ka tlin tawk miau loh vanga ka kalsan ka ATLOP nupui a ni bik! Ka tan thik loh theih a ni lo, Austin, ka hmangaih ,ka suangtuahna ram chauh a ka pasal ni ve thei tur chuan a nupui chu duat hmel zetin a en a, a biang sen tai tek chu a fawp zeuh, ka ip zawk a, ka thin chhung a na vawng vawng, car ah lutin an tlan chhuak a, an tlanchhuah hma a Austin ka lam rawn hawi chu mittui nen ka lo nuih var var, ka lawmpui takzet.

'Duhawm, ka hmangaih kha ka hmangaih thei lo a, a nupui ni a, a rawngbawl sak a, amah duat a, atan fa tamtak hrinsak ka chak, mahse, ka ti thei lo, min tiam rawh khawngaihin, ti hlim la, a hriselna ngaihpawimawh sak la ,hmangaihna nen vuan tlat la, atan ka tihsak theih loh tamtak hi tih sak rawh aw', tiin ka hma a ţhu chu ka ngen ngawih ngawih a, mittui tling pam a min en in ngaihdam min dil a nih chu!

Hetiang hmeichhe rilru ţha lutuk hi an piang leh tawh pawhin ka ring lo.

Ka sumdawnna ka titawp a, nun thar ka neihna kum khat lai a liam ta ,ka neih sa pawh a tam tawk tawh viau, ka dawr pawh ka nau te hnenah hralhin ka kalsan a, ka nunhlui ka kalsan duh miau. Kalsan mah ila ka hmangaih tan ka la tling chuang lo. Ka kalsan a, na tak chungin.

Kan in, ni e, kan in ka thleng a ,mitthi awm ang maiin khuang an lo vaw tleng tleng a, lunglen hmel fahran in an lo zai! Ţap ri hawm hawm ka hriat chu ka nu aw a ni, mak ti zetin ka hawi phawk hra a ,pawn lama silpauline hnuai a ţhu ho chuan min en hra hlawm bawk, ka luggage pawh ngaihsak lovin inchhungah ka tlan lut a, hlauhthawnna in ka khat, ka unau te, ka pa te zingah boral an awm ka hlau ,ni e, ka hlau, mahse, tu emaw ber a thi tih tichiang turin mitthi in ang maiin kan in an sawngbawl a, ka nu ţap ri ka hre bawk.

Mipui chep tak karah ka tlan lut a, mak tih hmel zetin min en hlawm a, mahse, anni chu ka ngaihsak lo ,Mitthi ruang an dahna ţhin kuang an hun na lam chu mipui chep tak kar ah ka thleng phei a, ka nu ţap ri rawih rawih chu a dar a khawihin 'nu' ka ti sap.

'Bawihte, Ka naute ,ka Tabrett, ka fanu, enteh, i putea hi, inchhir luat vangin nun nuam a nei ngai lo a, a thih hma lawk khan i hming a lam asin, Mama, lo tho leh teh, hei, duhthu i sam a Pathian hnena i dil ţhin kha i fanu hnen a ngaihdam dilna hun neih a ni lo em ni? Hei a rawn thleng a sin, kan fanu a rawn haw tawh, lo tho la ,i rilru a awm te kha fah ta che', tiin min kuah chungin a ţap rawih rawih a ,ka mittui a tla ve zung zung.

Rinchhana thihna vanga ţap a ka mittui seng ka ni lo a, kha hun ,pawngsual ka nih zan hun kha ka mitthlaah a lo lang miau atin ni.

Ka pute Rinchhana thlan an vur ,la tharlam zet chu ka en a, A lehkha, ziak tur pawh a a chaktawk tawh loh vanga ka nu in a damloh laia a ziahsak chu ka chhiar miau avangin ka ngaidam lo thei lo ,ni lo, ka ngaidam thei lo zawk.

'Ngaihdam min dil tur tal pawhin rawn tho leh rawh, ka sawisak tur talin rawn tho la, Naute ,tiin min ko leh rawh, ţhingţhi a ngaihdam min dil ka phut, khatiang thil tehhrep ka chunga i thlen tir avang khan rawn tho la, ngaihdam min dil rawh, engvanginnge ka phalna la lo a i kal ,i inchhir takmeuh a, ka hnen a ngaihdam i dil duh a nih chuan rawn tho rawh, a nih loh chuan ka ngaidam lo ang che', ti a au tuar in ka ţap chhuak hawk hawk.

Ka dar a min sawi tu an awm chuan mit thip vek chungin ka hawi chhuak a, Duhawmi leh Austin an lo ding ran a, min khawngaih hmel zetin minlo en dun ran a nih chu!

Inngaihtuah hman hauh loin Duhawmi chu ka kuah thlawp a ,ka insut hlawp hlawp a, ani chuan ka hnungzanga min ben sak thek thekin duat zetin min kuah a, Duhawmi pawh hmeichhe rilru ţha leh lungno tih takah a insut ve hlawp hlawp tho, Austina'n kan pahnih a min pawt hnaiin min kuahkhawm a, a hma aia nasa zawkin ka ţap hawm hawm.