THLARAU DEPRESSION NEI
THLARAU DEPRESSION NEI
#SHORT(FUNNY)
Hluhlu-i Khiangte
Rawlthar ţhian inkawmngeih tak mai pathum te chu an zantin hna ngai bawk ti lehin an veng thlanmual hnaih deuh taka Bung kung bulah chuan dispo no ah Amawii an thli karh karh a, tam tham an neih loh vangin an ren viau, chuta karah a thli tu ber Rfa chuan a la thli baw zui, Sangpuia leh Hmahruaia an lo lo phun hluk, inthlahrun avanga a ţhiante pahnih melh zek zek chungin Rfa chuan a nuih tlawn deuh hui a, Sangpuia chuan, 'i chhe mang e, um khat chauh a nih kha, uluk nasa rawh', a lo ti hluk.
Um khat chu reilo-ah an in zo ta mai reng a, rui hnâp lo mah se an kai nuam tawk ve fu tho a, mahse an la kham lo tlang hle.
'Um khat tal ngaihtuah belh hram ang u, Sangpuia hian vawikhatmah a la ba ve lo', Hmahruaia chuan a ti a, Sangpuia a lo pha nghal zat, a ţhiante pahnihin tihtakzeta an nawr hnu-ah chuan aw a pawh ve hram a, an ţhian thum zinga ze zawi ber a nih vangin zu man bat chu a huphurh viau naa ani pawhin a kham bik mawlh lo chu a ni.
An lak na ţhin Dengpharvari in lam panin an kal ta ţham ţham a, dawrtu a la ngah nge a in thlen hma aţang tawhin inchhung lam thawm ţha tak chu a hriat theih, zak zo lovin an lut a, tuman an uksak lem lo, Sangpuia a tel ve vang nge Dengpharvari chuan a lo chhawn ţha viau a, a ngaizawng reng bawk lah tak a, um khat lek bat a dil pawh chuan a ţhiante pahnih chu nise a inleng te zawng zawng hriata bat a phal loh thu a sawi leh dawn nen engmah sawibuai eih lovin um khat mai ni lo um thum ngawt a pe a, an ni ţhian thum lawmah a lo tla, haw haw chungin an rel ruk hrep ţhin Dengpharvari chu an zawn ta mai, an thawm a ţha teh e, Ruathahmaibala'n Dengpharvari a lo ngaizawng ve kher nen buaina a chhuak ţhelh a, mahse a hnu-ah chuan ţha te te a 'Bro' inti chungin an inthlah ve leh mai bawk a.
An spot na ngai bawk an pan leh a, an thaw nuam tlang hle, an zozial, thingtlangpa kephah hlai ţha hlep hlawp, bal khâk zet leh khi ţuam mai in dim lo baksak a a chil suah suah, an veng pitar Zahnuni'n khâk chhak pherh pherh paha a chhun nawi ngei mai chu an pak pah talh talh a, titi phawhraw pui pui chhak chhuakin tam ni lo mah se tudang an ngai bil lo. A lem khawlh khawlh lam tui pui an ni bawk a, Amawii pian hmaa Biaksailovi chungchang an rual u zawk te sawi chu han rim chhin ve an chak thu te sawiin an ri lê lû a, an luruh a ring hlawm bawk nen an pathum thawm chuan mi 10 a hen han han. Mipa ngang an ni bawk a, an mit chu a ţha lengin lêm tlang hek, Biaksailovi aţang pakai zelin an veng lama kum hmasa mai a rawn pem thar, Pathlawi zakzum pu Chunglura fanu nula hmelţha chanchin an sawi a, an zinga khabe sep thiam ber Hmahruaia'n a duh tawk maia a sawi tak tak mai chu an chilthli a far lo chauh a ni ber e.
Chutia an veng nula hmai fai veng vawng, mite ngaihzawn rawn Sentherengi an lo sep rawtui lai tak chuan an awmna bul bung kung chu thawklehkhatah thli na takin a nuai ang mai chuan a rawn ri ta sung sung mai. An titi kal lai a chawl a, an inen hrek hrek ringawt, thawm a awm chhunzawm tak mai lo ah chuan an thil in hnathawh nge an titi leh mam mam tawh a, um hnih an ruah leh ta, meng phi chiai chungin 'ka la rui lo', an ti sehchilh nak hlawm a, ni e, an rui mawlh lo.
An nula rim Amawii chu a puantlang deh phak ngei tumin la bang um khat la awm chu an han ţhet leh ta, a zahve dawn an in ta tihah chuan 'ka rui lo' ti pawr ber mai Rfa chu a chatthla ta hual mai le, amah chuan chatthla nih duh lovin, 'ka meng peih lo', a ti leh ngei awm si a, Sangpuia leh Hmahruaia pawhin an nuihzat thei bik lo ang, anni pawh eng ual an ni bik chai si lova.
Chutia an ţhianpa meng peih tawh lo bung kung nghenga muhil hnar bawrh bawrh pawh chu ngaihsak lova an nula rim Amawii ringawt an ngaihtuah lai chuan an piah lawk thlanmual aţang chuan, 'thih ka duh', hmeichhe awrawl ngeiin ţahchhuak hmel fe-a a ti ri an hre ta mai le, an hawi rual ţhawt a, thla engin a chhun aţang chuan lungngaih hmel taka thlanlung pakhat kianga nula ţhu kun ngal chu an hmu ta a, nun beidawng, thih chak ngawih ngawih a nih ringin chuan an theihtawpa hnem tumin an mi hmuh lamah chuan an pai phei ţuang ţuang a.
Chu nu chuan Sangpuia te ţhiandun thawm pawh chu hria angin a lang lo, pen sawmhnih vel awrh mah ni se an lû a kai bawk nen pen sawmnga velah an inchhuih thleng ve ta mai bawk a, inla polite zetin chu hmeichhe hnung aţang chuan Sangpuia chuan, 'ţhiannu, thih i duh maw? Ih, inawhhlum i duh em ni? Hrui i valh thiam lova puih i ngai tihna mi?', A ti ta mai.
Hmahruaia chu a lo chek tlat tlat a, Sangpuia zei lo lutuk chu a tukhumah a nem dawrh bawk, Sangpuia lah mahni pawh ding nghet zo lo a lo ni bawk nen chu nula chu a bawh ta mai, a nem tu zawk lah eng ruai ni bik hek suh, a pai ţuang ţuang a, slow motion ngei mai chuan a tlu ve ruah tho, an nawi lutuk chu thih duh-i chuan a lawm ngang ni tur a ni, za em em hian a lo nui a, anni ţhiandun pawh chu lai zetin an nui keh ve hui bawk.
An nuih ho bawk bawk hnu-ah Hmahruaia chuan, 'Nula, tinge thih duh a i ţah mai le', a ti ta a, nula nui hmel chu chawplehchilhin a tawp nghal riai riai, 'ka thi thei lo hi ka buaina a ni', a tih chuan an in en hê hâw a, Sangpuia bawk chuan 'tinge i thih theih loh?' A lo ti leh chut.
'A chhan chu kei hi ka thi tawh a ni', a tih chuan Sangpuia te ţhiandun chu an nui leh huk, chutah thinrim fe hian 'nangni hian min nuih a maw', tiin a insiam chhe ta vak vak mai, a khabe te chu nghet lo tih hriat tak hian a kau huau a, a mit te lah chu a kawrawng rung mai bawk, a hmai vun leh a taksa te reng reng pawh chu chhe tawh tih hriat tak hian a rawn ţawih uih nghur mai a, anni ţhiandun lah chuan ka deuh hau hian an lo en a, an nuihzatna chu a reh chiang kher mai.
An khur zaih zaih a, chet leh ţawng nachang pawh hre lovin an riat nawi nak nak a, reife chutia an awm hnu chuan Sangpuia chuan chu nula thlarau chuan hahdamna a hmu thei lo niin a hre ta tlat a, 'nula, eng nge i buaina min han hrilh teh, kan pui thei ang che ngem', la khur ru hlak hlakin a ti ta a, chu nula chuan a hmel pangngai pu leh nghal vatin a chanchin chu a sawi ta a.
'Tunlai natna lar tak Depression vang a ni', a ti a, a ngawih leh vang vang hnu-ah, 'rilru hahna leh buaina ka tawh nasat vangin ka huntawn chuan min nghawng em em a, ka hawina lam apiangah beidawnna tur ka hmu, ka huntawn zawng zawng hi a tam thamin sawi vek sen pawh a ni lova, beidawng tura huaisen a ngaih zia hi tia sawi ţhin khan beisei tur reng reng ka hriat tak lohah chuan ka nunna pawh zah zo lovin ka chhat ta mai a ni, thih hnu piahlam ram hi a nawm ka ring hran hauh lo, mahse, ka dam ve kha a ţulna ka hre lova, hnawksak leh thinhrik niin ka inhre tlat a, mahni nunna lak chu a ţha lo tih ka hre ve tho naa nun kha ka thlahlel tlat lo, khawvel hrehawmna tlansana ka lei taksa hlatsan kha ka duh ber a ni mauh mai a, mahse thil atthlak tak ka ti a lo ni.'
'Ka harhchhuah meuh chuan ka lei taksa, ka thlakhlelh loh ngei kai chu ka thlahlel a, a eng zawnga thil thlir ţang ţang lova a thim zawng hlira ka thlir rah chu keimah tho-in ka lo tuar reng hi a lo ni a, thlarau mai ka nih hnu-ah chuan ka dam laia hrehawm bik ni a ka inngaihna tr kha a reh a, kei aia tuar nasa, an tawrhna nasa tak pawh a eng zawnga thlir lui a, an natna pawh malsawmna a chhiar hram hram sang tamtak ka hmu a, chutiang nun nei aia hausa chu ka hre lo, chung mite anga nun hman ve chu ka chak a, mahse, eng anga nasa pawhin kir leh a nun bul ţan ţhat duh leh mah ila, ţap ţap mah ila ka kir thei tawh si lo, he ka thlarau hi thi se ka ti a, mahse a thi thei si lo, kham sang takah zuangthla ila ka thi thei si lo, motor eng anga tlanchak pawhin min tihlum thei tawh bawk hek lo, hetiang reng renga dam si lo, thi hlen miah si lova nâ pawh hre thei tawh lo, thinlung na em em bawk si a awm reng ai chuan, vawikhat chauh tal pawh ka lei taksa kha neih let leh a, khuaiin vawikhat chauh pawh min zûk se, kha khuaiin min zûk vanga ka taksa na tur kha ka thlahlel ngawih ngawih a ni. Sawt tawh si lo ngaiin ka rum reng a. Ka hne leh ka nin em em ngaiin ka ţap fo a nih hi.' A ti ta a, a ţap pah hlap hlap bawk.
Sangpuia chuan, 'Anih nula, i depression chuan i thih hnu-ah hian a kiansan chuang lo che tihna a ni ang maw?' A tih chuan chu nula chu a lo bu nghat nghat a, Sangpuia leh Hmahruaia pawhin tihngaihna hre hek lo, an lo buk khum ve nghut ringawt.
Ni e, BEIDAWNG tur hian HUAISEN a ngai a sin, mahni nunna la khawpa dawihzep tiin mahni nunna la te hi an sawi fo a, mahse, kei chuan huaisen ka ti a ni.
Siamtu in min buatsaih sak Vanram nuam an chang dawn lo tih hrereng chungin an ti lui ngam a, chu aia huaisenna chu a awm em ni? Lei nun hrehawm, thlarau nun lah chu aia hrehawm lehzual tur hian nang chu huaisen ve suh aw, beidawng tur khawpin huaisen ve suh aw ka ţhian.
🔥Next-ah funny ngawr ngawr 'HLUHLU-I KEŢHIAH HRÂNG' a awm ang, a rei ka ring lo🙊🔥
#SHORT(FUNNY)
Hluhlu-i Khiangte
Rawlthar ţhian inkawmngeih tak mai pathum te chu an zantin hna ngai bawk ti lehin an veng thlanmual hnaih deuh taka Bung kung bulah chuan dispo no ah Amawii an thli karh karh a, tam tham an neih loh vangin an ren viau, chuta karah a thli tu ber Rfa chuan a la thli baw zui, Sangpuia leh Hmahruaia an lo lo phun hluk, inthlahrun avanga a ţhiante pahnih melh zek zek chungin Rfa chuan a nuih tlawn deuh hui a, Sangpuia chuan, 'i chhe mang e, um khat chauh a nih kha, uluk nasa rawh', a lo ti hluk.
Um khat chu reilo-ah an in zo ta mai reng a, rui hnâp lo mah se an kai nuam tawk ve fu tho a, mahse an la kham lo tlang hle.
'Um khat tal ngaihtuah belh hram ang u, Sangpuia hian vawikhatmah a la ba ve lo', Hmahruaia chuan a ti a, Sangpuia a lo pha nghal zat, a ţhiante pahnihin tihtakzeta an nawr hnu-ah chuan aw a pawh ve hram a, an ţhian thum zinga ze zawi ber a nih vangin zu man bat chu a huphurh viau naa ani pawhin a kham bik mawlh lo chu a ni.
An lak na ţhin Dengpharvari in lam panin an kal ta ţham ţham a, dawrtu a la ngah nge a in thlen hma aţang tawhin inchhung lam thawm ţha tak chu a hriat theih, zak zo lovin an lut a, tuman an uksak lem lo, Sangpuia a tel ve vang nge Dengpharvari chuan a lo chhawn ţha viau a, a ngaizawng reng bawk lah tak a, um khat lek bat a dil pawh chuan a ţhiante pahnih chu nise a inleng te zawng zawng hriata bat a phal loh thu a sawi leh dawn nen engmah sawibuai eih lovin um khat mai ni lo um thum ngawt a pe a, an ni ţhian thum lawmah a lo tla, haw haw chungin an rel ruk hrep ţhin Dengpharvari chu an zawn ta mai, an thawm a ţha teh e, Ruathahmaibala'n Dengpharvari a lo ngaizawng ve kher nen buaina a chhuak ţhelh a, mahse a hnu-ah chuan ţha te te a 'Bro' inti chungin an inthlah ve leh mai bawk a.
An spot na ngai bawk an pan leh a, an thaw nuam tlang hle, an zozial, thingtlangpa kephah hlai ţha hlep hlawp, bal khâk zet leh khi ţuam mai in dim lo baksak a a chil suah suah, an veng pitar Zahnuni'n khâk chhak pherh pherh paha a chhun nawi ngei mai chu an pak pah talh talh a, titi phawhraw pui pui chhak chhuakin tam ni lo mah se tudang an ngai bil lo. A lem khawlh khawlh lam tui pui an ni bawk a, Amawii pian hmaa Biaksailovi chungchang an rual u zawk te sawi chu han rim chhin ve an chak thu te sawiin an ri lê lû a, an luruh a ring hlawm bawk nen an pathum thawm chuan mi 10 a hen han han. Mipa ngang an ni bawk a, an mit chu a ţha lengin lêm tlang hek, Biaksailovi aţang pakai zelin an veng lama kum hmasa mai a rawn pem thar, Pathlawi zakzum pu Chunglura fanu nula hmelţha chanchin an sawi a, an zinga khabe sep thiam ber Hmahruaia'n a duh tawk maia a sawi tak tak mai chu an chilthli a far lo chauh a ni ber e.
Chutia an veng nula hmai fai veng vawng, mite ngaihzawn rawn Sentherengi an lo sep rawtui lai tak chuan an awmna bul bung kung chu thawklehkhatah thli na takin a nuai ang mai chuan a rawn ri ta sung sung mai. An titi kal lai a chawl a, an inen hrek hrek ringawt, thawm a awm chhunzawm tak mai lo ah chuan an thil in hnathawh nge an titi leh mam mam tawh a, um hnih an ruah leh ta, meng phi chiai chungin 'ka la rui lo', an ti sehchilh nak hlawm a, ni e, an rui mawlh lo.
An nula rim Amawii chu a puantlang deh phak ngei tumin la bang um khat la awm chu an han ţhet leh ta, a zahve dawn an in ta tihah chuan 'ka rui lo' ti pawr ber mai Rfa chu a chatthla ta hual mai le, amah chuan chatthla nih duh lovin, 'ka meng peih lo', a ti leh ngei awm si a, Sangpuia leh Hmahruaia pawhin an nuihzat thei bik lo ang, anni pawh eng ual an ni bik chai si lova.
Chutia an ţhianpa meng peih tawh lo bung kung nghenga muhil hnar bawrh bawrh pawh chu ngaihsak lova an nula rim Amawii ringawt an ngaihtuah lai chuan an piah lawk thlanmual aţang chuan, 'thih ka duh', hmeichhe awrawl ngeiin ţahchhuak hmel fe-a a ti ri an hre ta mai le, an hawi rual ţhawt a, thla engin a chhun aţang chuan lungngaih hmel taka thlanlung pakhat kianga nula ţhu kun ngal chu an hmu ta a, nun beidawng, thih chak ngawih ngawih a nih ringin chuan an theihtawpa hnem tumin an mi hmuh lamah chuan an pai phei ţuang ţuang a.
Chu nu chuan Sangpuia te ţhiandun thawm pawh chu hria angin a lang lo, pen sawmhnih vel awrh mah ni se an lû a kai bawk nen pen sawmnga velah an inchhuih thleng ve ta mai bawk a, inla polite zetin chu hmeichhe hnung aţang chuan Sangpuia chuan, 'ţhiannu, thih i duh maw? Ih, inawhhlum i duh em ni? Hrui i valh thiam lova puih i ngai tihna mi?', A ti ta mai.
Hmahruaia chu a lo chek tlat tlat a, Sangpuia zei lo lutuk chu a tukhumah a nem dawrh bawk, Sangpuia lah mahni pawh ding nghet zo lo a lo ni bawk nen chu nula chu a bawh ta mai, a nem tu zawk lah eng ruai ni bik hek suh, a pai ţuang ţuang a, slow motion ngei mai chuan a tlu ve ruah tho, an nawi lutuk chu thih duh-i chuan a lawm ngang ni tur a ni, za em em hian a lo nui a, anni ţhiandun pawh chu lai zetin an nui keh ve hui bawk.
An nuih ho bawk bawk hnu-ah Hmahruaia chuan, 'Nula, tinge thih duh a i ţah mai le', a ti ta a, nula nui hmel chu chawplehchilhin a tawp nghal riai riai, 'ka thi thei lo hi ka buaina a ni', a tih chuan an in en hê hâw a, Sangpuia bawk chuan 'tinge i thih theih loh?' A lo ti leh chut.
'A chhan chu kei hi ka thi tawh a ni', a tih chuan Sangpuia te ţhiandun chu an nui leh huk, chutah thinrim fe hian 'nangni hian min nuih a maw', tiin a insiam chhe ta vak vak mai, a khabe te chu nghet lo tih hriat tak hian a kau huau a, a mit te lah chu a kawrawng rung mai bawk, a hmai vun leh a taksa te reng reng pawh chu chhe tawh tih hriat tak hian a rawn ţawih uih nghur mai a, anni ţhiandun lah chuan ka deuh hau hian an lo en a, an nuihzatna chu a reh chiang kher mai.
An khur zaih zaih a, chet leh ţawng nachang pawh hre lovin an riat nawi nak nak a, reife chutia an awm hnu chuan Sangpuia chuan chu nula thlarau chuan hahdamna a hmu thei lo niin a hre ta tlat a, 'nula, eng nge i buaina min han hrilh teh, kan pui thei ang che ngem', la khur ru hlak hlakin a ti ta a, chu nula chuan a hmel pangngai pu leh nghal vatin a chanchin chu a sawi ta a.
'Tunlai natna lar tak Depression vang a ni', a ti a, a ngawih leh vang vang hnu-ah, 'rilru hahna leh buaina ka tawh nasat vangin ka huntawn chuan min nghawng em em a, ka hawina lam apiangah beidawnna tur ka hmu, ka huntawn zawng zawng hi a tam thamin sawi vek sen pawh a ni lova, beidawng tura huaisen a ngaih zia hi tia sawi ţhin khan beisei tur reng reng ka hriat tak lohah chuan ka nunna pawh zah zo lovin ka chhat ta mai a ni, thih hnu piahlam ram hi a nawm ka ring hran hauh lo, mahse, ka dam ve kha a ţulna ka hre lova, hnawksak leh thinhrik niin ka inhre tlat a, mahni nunna lak chu a ţha lo tih ka hre ve tho naa nun kha ka thlahlel tlat lo, khawvel hrehawmna tlansana ka lei taksa hlatsan kha ka duh ber a ni mauh mai a, mahse thil atthlak tak ka ti a lo ni.'
'Ka harhchhuah meuh chuan ka lei taksa, ka thlakhlelh loh ngei kai chu ka thlahlel a, a eng zawnga thil thlir ţang ţang lova a thim zawng hlira ka thlir rah chu keimah tho-in ka lo tuar reng hi a lo ni a, thlarau mai ka nih hnu-ah chuan ka dam laia hrehawm bik ni a ka inngaihna tr kha a reh a, kei aia tuar nasa, an tawrhna nasa tak pawh a eng zawnga thlir lui a, an natna pawh malsawmna a chhiar hram hram sang tamtak ka hmu a, chutiang nun nei aia hausa chu ka hre lo, chung mite anga nun hman ve chu ka chak a, mahse, eng anga nasa pawhin kir leh a nun bul ţan ţhat duh leh mah ila, ţap ţap mah ila ka kir thei tawh si lo, he ka thlarau hi thi se ka ti a, mahse a thi thei si lo, kham sang takah zuangthla ila ka thi thei si lo, motor eng anga tlanchak pawhin min tihlum thei tawh bawk hek lo, hetiang reng renga dam si lo, thi hlen miah si lova nâ pawh hre thei tawh lo, thinlung na em em bawk si a awm reng ai chuan, vawikhat chauh tal pawh ka lei taksa kha neih let leh a, khuaiin vawikhat chauh pawh min zûk se, kha khuaiin min zûk vanga ka taksa na tur kha ka thlahlel ngawih ngawih a ni. Sawt tawh si lo ngaiin ka rum reng a. Ka hne leh ka nin em em ngaiin ka ţap fo a nih hi.' A ti ta a, a ţap pah hlap hlap bawk.
Sangpuia chuan, 'Anih nula, i depression chuan i thih hnu-ah hian a kiansan chuang lo che tihna a ni ang maw?' A tih chuan chu nula chu a lo bu nghat nghat a, Sangpuia leh Hmahruaia pawhin tihngaihna hre hek lo, an lo buk khum ve nghut ringawt.
Ni e, BEIDAWNG tur hian HUAISEN a ngai a sin, mahni nunna la khawpa dawihzep tiin mahni nunna la te hi an sawi fo a, mahse, kei chuan huaisen ka ti a ni.
Siamtu in min buatsaih sak Vanram nuam an chang dawn lo tih hrereng chungin an ti lui ngam a, chu aia huaisenna chu a awm em ni? Lei nun hrehawm, thlarau nun lah chu aia hrehawm lehzual tur hian nang chu huaisen ve suh aw, beidawng tur khawpin huaisen ve suh aw ka ţhian.
🔥Next-ah funny ngawr ngawr 'HLUHLU-I KEŢHIAH HRÂNG' a awm ang, a rei ka ring lo🙊🔥
Comments
Post a Comment