HLUHLU-I KEŢHIAH HRÂNG
HLUHLU-I KEŢHIAH HRÂNG
Hluhlu-i Khiangte
Hluhlu-i chu hmeichhe hmel ţha lem lo tak a ni a, mahse khawngaihna nena en chuan a ngaihdam ve theih mai, a taksa ah chuan ser hi a khat a ni hrim a, a chalah ser nung sei lian tak a awm a, a biangah a awm bawk, a khabe ah a harh vang liau liauin ser nung a awm bawk a, a hmel tichhe zual turin a hmai a bawl a, a bawl rehna hnuhma lah chu a la duk zawm zel tho.
A mit hi en chian deuh chuan a kalh deuh hâ a, mahse chhelo erawh hre thei tak a ni, a hnar aiin a hmui a te a, kareh zim te nei e ti lovin a tlak thui thei phian tho mai, a ha lah hi chhiat naran pawh ni mai lovin a chhe namen a, amah lah hi a thau hmek reuh a, a dul a la kiar zui, amah leh amah hi a insawimawi chawp ţhin naah chuan, 'ka thau lo, ka chum', a ti ve tlat ţhin.
Ngaihzawng te hi a nei ve thei phian a, mahse, nupui a duhtu erawh nula damrei a nih tawh nen a la hmu lo thung, ani erawh chuan phat mawi na'n 'ka hmangaih tak ka la tawng lo', ti ve tlat ţhin mah se a ngaihzawng te hi a ţhen hmasak an la awm lova, a inrinloh lai taka a zing tho hlim an rawn hmuh hian an ţhen leh mai ţhin, a taksa pengah hian a kut hi a duh ve ber a, duat pawh a duat narawh e, a hmai aiin a kut a no a, a tin pawh a sei ve sang ţhin, mahse chu pawh chuan sawiselna tur a ngah tho a, a kawi ngal mai, amah chuan ka elh nasat vang a ti ve tlat lawi.
A khel a lian a, a kawng a fek eih lo, a hnute aiin a dul a kawh zawk a, engtiklai mai pawha nau thla sarih mi pai ang reng a ni. A mawng aiin a mal a lian zawk zui, amah hian barrel a tiat a, a la chen lo cheu, tehsuala ft5 tling ve awrh a ni a, chuti chung chuan a la hawisang ve fû, a hawisan luat avangin bawk ek leh ui ek a rap pherh fo a, a râk nasa ţhin teh e.
A ke lah hi a hmutu te chuan vawk ke nen an khaikhin ţhin a, a ke tak hian vawk ke pawh a la tluk lo cheu, vawk ke te chu tui ti takin a la ei theih tal a, a inhnem ve na awmchhun chu 'hmun hla tak min kalpui thei ve tho', tih a ni tlawng!
A keţang hi a inchen ţhap a, a kezungpui hi a thau ber a ni naa a inthlahrung ber a, birukna tur zawngin a kezungchal phenah a thle lel mai a, a lainat duhtu tan chuan a lainatawm kher bawk, a an ber chu satel lû hi a ni a, a tawi a tawiin a chum lawk lel mai a, mit nei se chuan satel lû nen danglamna a awm lo a tihtheih ang chu.
a kezungchal leh zunglai, zungte û hi chu a zia ve phian a, nalh ti a sawi tur erawh an ni lo tlang hle.
A kezungte hi a nau ţap thlem na'n a hmang ţhin a, nasa eltianga thih ngama a ţah pawhin a kezungte hi a nau in a hmuh chuan thlem chawp ngai lovin mittui tla phungin a nuih pui uar uar thei.
Tin a awm lova, nghalpui no nen hian a inang ngel ngual khawp, a kemit a lian em em a, pheikhawk bun uih a chin vang erawh chuan a ke chu a ţhing a ţhingin a no vei phian thung.
A keţhiah hi tawi fel taka sawi na'n chuan, 'Vual chiah chiah', ti ila sawinawi theih a ni lo ang.
Chuvang chuan keţhiah nalh hi Hluhlu-i keţhiah chuan a haw em em a, ani a nalh loh tehlul nen keţhiah dang an nalh bik tur a ni lo tih hi a thu rolum a ni, huatna nasa tak leh thikna nasa eltiang a pai avangin a hrâng ta hial a, amah aia keţhiah nalh tawh phawt chu rikrap a chak hlur a ni mai.
Ke zawng zawng a ke aiin nalh hek, keţhiah zawng zawng hrân khum chu a mission ropui ber a ni hrim a, amah lah chu huatna a pai nasat avangin a chhia chhia in nung sar thei hek lo, chul tlawhpawh duh tawh loh ang mai hian a ro ruap a ni hrim a, chu te chuan a huatna pai a tizual telh telh thung.
Huatna leh mahni insitna a pai nasat avangin Hluhlu-i keţhiah chuan depression leh anxiety te a nei ta a, Multiple Personality Disorder natna hial a nei chho ta, Hluhlu-i muthilh hlanin a keţhiah chu a inthlawn a, mi rikrap turin tukverh aţangin a chhuak ru ta ţhin a ni.
A vawikhat chhuah naah chuan amah aia keţhiah nalh Teresy, Ramthar veng a awm mutna khum bulah tak chuan a va awm ta chat mai, a sawt chho tharh a, Teresy keţhiah pawisawi lo chu a duhtawkin a pawngsual ta a, Amah Teresy phei chu a keţhiah mangang thlabara a awm lai chuan tui tak hian a mu hnar suk suk mai a.
A duhtawk a tih hnu chuan Hluhlu-i keţhiah pawh chu nui var var chungin a neitu Hluhlu-i ke ah a ava invuah fel leh ta than mai.
Chutiang reng reng chuan kartluan maiin amah aia keţhiah mawi leh nalh ho chu a rikrak chamchi mai a, a ke neitu berin hre ţhin hek lo, a zingtho te hi zan lama a ketak lo tlan chhuak tu ţhin nghawng nge ni, a sil ţhem ţhum ţhin mai a, han hauh a tum lahin inthlahrung zetin an thle ve lel ţhin bawk nen a hauh tum pawh chu a ţhulh leh ringawt ţhin a, a rikrap ho lah chu a ţhen tinhna thi phung te, a ţhen keţhian ngil em em sawisak an tawh avanga lo kawi ta ngul mai te in an chhuak ta zel mai a, keţhiah ţhenkhat lah an zahawmna a lo tihbawrhban sak vei rawl nen, Tuithiang leh a chhehvel veng te chu keţhiah thlahrang hlauin an kimki chawih chawih hlawm a ni ber a, zan khatah keţhiah pakhat chauh rikrap duhtawk lovin keţhiah pali panga a khuainuai ţhin bawk nen, puithu na atthlak ring mi te phei chuan Arpa hluisen te'n an lo inthawi bawk a, Hluhlu-i keţhiah lah chu sualna nei lo ang maiin chhungril kha tak, pawnlam mawi chuang si lovin a vawk lal len hi a ni hrim a.
Chutianga a khawsa lah chu inchhirna a nei hek lo, fimkhurna hloh ţhaka chet chang te a nei chho ta zel a, zankhat chu Hluhlu-i mutui lai chu a harh hlawl mai a, keţhiah mangang au thawmin a tiharh chu niin!
A ke chu a en a, a ketak chu a lo invuah reng reng lo mai, miin an tan chhum niin ngai dawn se pakhat mah a na si lo!
Chutia mak ti leh hamhaih taka a awm lai chuan a piah lawka a nu te mutna khum aţang chuan keţhiah mangang thawm chu chiang takin a rawn ri leh a, rang taka tho a a nu te khum lam pan a tum chu pen pui tur ke a lo awm si lo, a tlu bawkkhup thlawrh mai a, a hmai a la sawh zui, a rak ţhawt.
Amah nei tu Hluhlu-i rak ţhawt ri-ah chuan Hluhlu-i ke pawh chuan tu au thawm nge a nih hai hek lo, Hluhlu-i nu ke a lo sawisa lai chu a tawp chawt a, Hluhlu-i lam pan chuan a kal ta vat a, lainat em em hian a pi, kal thei lo chu a va bawihsawm hnu-ah ţha takin a ke-ah chuan a va invuah fel thân a, Hluhlu-i erawh a ke khawsak dan chuan a ti lawm lo bawk nen, a tlukna ah. aha hmai a sawh bal kher nen lungchhe zet hian a ţap ta ruah ruah mai.
A thawmah chuan a nu leh pa te chu an rawn tho vat a, thil awmzia an han zawh chuan ţap ţawng zuah zuahin Hluhlu-i chuan a ke khawsak phung leh an veng leh an veng ţhenawm te keţhiah ti thlabar tu chu ama ke ngei a nih thu rilru na fe hian a lo hrilh a, sawi tur an hre lo tlang bawk a ni ang, boruak a reh tlawk tlawk, sana chek ri lah hriat tur awm lovin an sana battery a lo chhe bawk nen, khuavang mai ni lo Kutchuk kal lai ang mai chuan a reh tlawk tlawk mai a, a tawp a tawpah chhungkaw pa ber keţhiah chu a rawn ţawngchhuak ta.
'Hei, mitin mai hi kan nihna leh kan pianphung, kan neih rosum ah hian kan lungawi lo fo a, a nei te lahin neih belh zel an duhna, a nei lo zawk te lah chuti bawk, mahni mawina hi kan zawng vek a ni hrim a, Hluhlu-i ke pawh khan a bik takin lo ngaithla uluk la, keipawh ka mawiin ka famkim bik hauh lo, ka nu ke lah a mawi bik pawh a ni lo, nang aia ţha zawk leh mawi zawk te kha awt la, chu chu a pawi lo, mahse, anmahni aia i bet bik a ni emaw, an aia i lo rethei zawk emaw, i lo ţhing zawk a nih pawhin anmahni khûm ngei tumin ţan ila tur a ni, anmahni tibuai a rikrap lovin, hah leh rim takin thawk la, i tin te enkawl uluk la, a lanmawi na atan fai takin dah la, nail polish te pawh hnawih rawh, chutiang ni lova hmasawn tumna rilru pu si lova midang i er chuan, nangmah kha i hlim famkim thei chuang lovang.'
'I theihtawpin thawkrim la, mi zawng zawng chungah i leng thei kher lo ang, amaherawhchu, i thawhrim phawt chuan i rah seng kha mi neihnun leh mi neih tlem lam a ni lo, i thawhrim rah rawn chhuak chuan a tihlim em em dawn che a ni'. A ti dap dap a. Hluhlu-i keţhiah pawh chu a bu nghauh nghauh, inchhir tak hmel a pu a. Chutah Hluhlu-i chu rawn ţawng chhuak ve-in, 'Ka ke ini a, thui tak, kawng bumboh leh nâl, ke dang nalh tak tak, no tak takin a nei tu te an tluk pui naah pawh nang chuan ka tluk loh na'n min kal pui ţhin a, nghet takin i ding ţhin, i mawina diktak chu i pawnlam landanah a ni lova, a keţhiah a ţhing bik e tih tur nei ve lo kebul tamtak an awm laiin, kei hian ka zahpui phal hauh lo che, ka chhuang zawk em em che a ni. I ţangkaina turah tak i ţangkaina kha a ni i mawina dik tak chu.' A ti ve dap dap a, Hluhlu-i keţhiah pawh chuan a lo khawsak tawh dan vanga inchhirna tak tak rilru pu chungin a mittui a lo hru ve nuap nuap.
'Mahse, ih, pawnlam landan a ni lo, iti a, chhungril duhdan hi alawm pawnlamah par chhuak ţhin', a tih ve sup chuan Hluhlu-i chuan, 'a dik e, i pawnlam landanah chuan ţhingin mi angin nalh zuah lo mah la, i chhungril a huatna i pai te, i chhungrila mi itsikna i neih nasat tak te kha i paih bo vang vang a, mahni dinhmuna lawm nachang i hriat hun-ah i hlim ang a, i pawnlam landanah par chhuakin midangte'n i hlimna avanga i hmel eng sar sar chu hmuhnawm ti takin an la thlir ang', a tih chuan midangte rikrap tawh lo tur leh fel taka awm tlat a tum tawh thu sawiin Hluhlu-i keţhiah chu a intiam ta charh charh a.
🔥He thawnthu aia ho hi ka la hre lo e, Vala'n 'Hluhlu-i Kezungpui Hrâng' ziak la min ti a, ka keţhiah ah rau rau pawh inthlahrung ka Kezungpui bik ka ti phal lo a, a keţhiah ang zawngin ka ti ta mai, ho tik tek tak a ni, ho viau mah se ka kutzungpui, i thawkrim e, hei hi alawm i hna🔥
Hluhlu-i Khiangte
Hluhlu-i chu hmeichhe hmel ţha lem lo tak a ni a, mahse khawngaihna nena en chuan a ngaihdam ve theih mai, a taksa ah chuan ser hi a khat a ni hrim a, a chalah ser nung sei lian tak a awm a, a biangah a awm bawk, a khabe ah a harh vang liau liauin ser nung a awm bawk a, a hmel tichhe zual turin a hmai a bawl a, a bawl rehna hnuhma lah chu a la duk zawm zel tho.
A mit hi en chian deuh chuan a kalh deuh hâ a, mahse chhelo erawh hre thei tak a ni, a hnar aiin a hmui a te a, kareh zim te nei e ti lovin a tlak thui thei phian tho mai, a ha lah hi chhiat naran pawh ni mai lovin a chhe namen a, amah lah hi a thau hmek reuh a, a dul a la kiar zui, amah leh amah hi a insawimawi chawp ţhin naah chuan, 'ka thau lo, ka chum', a ti ve tlat ţhin.
Ngaihzawng te hi a nei ve thei phian a, mahse, nupui a duhtu erawh nula damrei a nih tawh nen a la hmu lo thung, ani erawh chuan phat mawi na'n 'ka hmangaih tak ka la tawng lo', ti ve tlat ţhin mah se a ngaihzawng te hi a ţhen hmasak an la awm lova, a inrinloh lai taka a zing tho hlim an rawn hmuh hian an ţhen leh mai ţhin, a taksa pengah hian a kut hi a duh ve ber a, duat pawh a duat narawh e, a hmai aiin a kut a no a, a tin pawh a sei ve sang ţhin, mahse chu pawh chuan sawiselna tur a ngah tho a, a kawi ngal mai, amah chuan ka elh nasat vang a ti ve tlat lawi.
A khel a lian a, a kawng a fek eih lo, a hnute aiin a dul a kawh zawk a, engtiklai mai pawha nau thla sarih mi pai ang reng a ni. A mawng aiin a mal a lian zawk zui, amah hian barrel a tiat a, a la chen lo cheu, tehsuala ft5 tling ve awrh a ni a, chuti chung chuan a la hawisang ve fû, a hawisan luat avangin bawk ek leh ui ek a rap pherh fo a, a râk nasa ţhin teh e.
A ke lah hi a hmutu te chuan vawk ke nen an khaikhin ţhin a, a ke tak hian vawk ke pawh a la tluk lo cheu, vawk ke te chu tui ti takin a la ei theih tal a, a inhnem ve na awmchhun chu 'hmun hla tak min kalpui thei ve tho', tih a ni tlawng!
A keţang hi a inchen ţhap a, a kezungpui hi a thau ber a ni naa a inthlahrung ber a, birukna tur zawngin a kezungchal phenah a thle lel mai a, a lainat duhtu tan chuan a lainatawm kher bawk, a an ber chu satel lû hi a ni a, a tawi a tawiin a chum lawk lel mai a, mit nei se chuan satel lû nen danglamna a awm lo a tihtheih ang chu.
a kezungchal leh zunglai, zungte û hi chu a zia ve phian a, nalh ti a sawi tur erawh an ni lo tlang hle.
A kezungte hi a nau ţap thlem na'n a hmang ţhin a, nasa eltianga thih ngama a ţah pawhin a kezungte hi a nau in a hmuh chuan thlem chawp ngai lovin mittui tla phungin a nuih pui uar uar thei.
Tin a awm lova, nghalpui no nen hian a inang ngel ngual khawp, a kemit a lian em em a, pheikhawk bun uih a chin vang erawh chuan a ke chu a ţhing a ţhingin a no vei phian thung.
A keţhiah hi tawi fel taka sawi na'n chuan, 'Vual chiah chiah', ti ila sawinawi theih a ni lo ang.
Chuvang chuan keţhiah nalh hi Hluhlu-i keţhiah chuan a haw em em a, ani a nalh loh tehlul nen keţhiah dang an nalh bik tur a ni lo tih hi a thu rolum a ni, huatna nasa tak leh thikna nasa eltiang a pai avangin a hrâng ta hial a, amah aia keţhiah nalh tawh phawt chu rikrap a chak hlur a ni mai.
Ke zawng zawng a ke aiin nalh hek, keţhiah zawng zawng hrân khum chu a mission ropui ber a ni hrim a, amah lah chu huatna a pai nasat avangin a chhia chhia in nung sar thei hek lo, chul tlawhpawh duh tawh loh ang mai hian a ro ruap a ni hrim a, chu te chuan a huatna pai a tizual telh telh thung.
Huatna leh mahni insitna a pai nasat avangin Hluhlu-i keţhiah chuan depression leh anxiety te a nei ta a, Multiple Personality Disorder natna hial a nei chho ta, Hluhlu-i muthilh hlanin a keţhiah chu a inthlawn a, mi rikrap turin tukverh aţangin a chhuak ru ta ţhin a ni.
A vawikhat chhuah naah chuan amah aia keţhiah nalh Teresy, Ramthar veng a awm mutna khum bulah tak chuan a va awm ta chat mai, a sawt chho tharh a, Teresy keţhiah pawisawi lo chu a duhtawkin a pawngsual ta a, Amah Teresy phei chu a keţhiah mangang thlabara a awm lai chuan tui tak hian a mu hnar suk suk mai a.
A duhtawk a tih hnu chuan Hluhlu-i keţhiah pawh chu nui var var chungin a neitu Hluhlu-i ke ah a ava invuah fel leh ta than mai.
Chutiang reng reng chuan kartluan maiin amah aia keţhiah mawi leh nalh ho chu a rikrak chamchi mai a, a ke neitu berin hre ţhin hek lo, a zingtho te hi zan lama a ketak lo tlan chhuak tu ţhin nghawng nge ni, a sil ţhem ţhum ţhin mai a, han hauh a tum lahin inthlahrung zetin an thle ve lel ţhin bawk nen a hauh tum pawh chu a ţhulh leh ringawt ţhin a, a rikrap ho lah chu a ţhen tinhna thi phung te, a ţhen keţhian ngil em em sawisak an tawh avanga lo kawi ta ngul mai te in an chhuak ta zel mai a, keţhiah ţhenkhat lah an zahawmna a lo tihbawrhban sak vei rawl nen, Tuithiang leh a chhehvel veng te chu keţhiah thlahrang hlauin an kimki chawih chawih hlawm a ni ber a, zan khatah keţhiah pakhat chauh rikrap duhtawk lovin keţhiah pali panga a khuainuai ţhin bawk nen, puithu na atthlak ring mi te phei chuan Arpa hluisen te'n an lo inthawi bawk a, Hluhlu-i keţhiah lah chu sualna nei lo ang maiin chhungril kha tak, pawnlam mawi chuang si lovin a vawk lal len hi a ni hrim a.
Chutianga a khawsa lah chu inchhirna a nei hek lo, fimkhurna hloh ţhaka chet chang te a nei chho ta zel a, zankhat chu Hluhlu-i mutui lai chu a harh hlawl mai a, keţhiah mangang au thawmin a tiharh chu niin!
A ke chu a en a, a ketak chu a lo invuah reng reng lo mai, miin an tan chhum niin ngai dawn se pakhat mah a na si lo!
Chutia mak ti leh hamhaih taka a awm lai chuan a piah lawka a nu te mutna khum aţang chuan keţhiah mangang thawm chu chiang takin a rawn ri leh a, rang taka tho a a nu te khum lam pan a tum chu pen pui tur ke a lo awm si lo, a tlu bawkkhup thlawrh mai a, a hmai a la sawh zui, a rak ţhawt.
Amah nei tu Hluhlu-i rak ţhawt ri-ah chuan Hluhlu-i ke pawh chuan tu au thawm nge a nih hai hek lo, Hluhlu-i nu ke a lo sawisa lai chu a tawp chawt a, Hluhlu-i lam pan chuan a kal ta vat a, lainat em em hian a pi, kal thei lo chu a va bawihsawm hnu-ah ţha takin a ke-ah chuan a va invuah fel thân a, Hluhlu-i erawh a ke khawsak dan chuan a ti lawm lo bawk nen, a tlukna ah. aha hmai a sawh bal kher nen lungchhe zet hian a ţap ta ruah ruah mai.
A thawmah chuan a nu leh pa te chu an rawn tho vat a, thil awmzia an han zawh chuan ţap ţawng zuah zuahin Hluhlu-i chuan a ke khawsak phung leh an veng leh an veng ţhenawm te keţhiah ti thlabar tu chu ama ke ngei a nih thu rilru na fe hian a lo hrilh a, sawi tur an hre lo tlang bawk a ni ang, boruak a reh tlawk tlawk, sana chek ri lah hriat tur awm lovin an sana battery a lo chhe bawk nen, khuavang mai ni lo Kutchuk kal lai ang mai chuan a reh tlawk tlawk mai a, a tawp a tawpah chhungkaw pa ber keţhiah chu a rawn ţawngchhuak ta.
'Hei, mitin mai hi kan nihna leh kan pianphung, kan neih rosum ah hian kan lungawi lo fo a, a nei te lahin neih belh zel an duhna, a nei lo zawk te lah chuti bawk, mahni mawina hi kan zawng vek a ni hrim a, Hluhlu-i ke pawh khan a bik takin lo ngaithla uluk la, keipawh ka mawiin ka famkim bik hauh lo, ka nu ke lah a mawi bik pawh a ni lo, nang aia ţha zawk leh mawi zawk te kha awt la, chu chu a pawi lo, mahse, anmahni aia i bet bik a ni emaw, an aia i lo rethei zawk emaw, i lo ţhing zawk a nih pawhin anmahni khûm ngei tumin ţan ila tur a ni, anmahni tibuai a rikrap lovin, hah leh rim takin thawk la, i tin te enkawl uluk la, a lanmawi na atan fai takin dah la, nail polish te pawh hnawih rawh, chutiang ni lova hmasawn tumna rilru pu si lova midang i er chuan, nangmah kha i hlim famkim thei chuang lovang.'
'I theihtawpin thawkrim la, mi zawng zawng chungah i leng thei kher lo ang, amaherawhchu, i thawhrim phawt chuan i rah seng kha mi neihnun leh mi neih tlem lam a ni lo, i thawhrim rah rawn chhuak chuan a tihlim em em dawn che a ni'. A ti dap dap a. Hluhlu-i keţhiah pawh chu a bu nghauh nghauh, inchhir tak hmel a pu a. Chutah Hluhlu-i chu rawn ţawng chhuak ve-in, 'Ka ke ini a, thui tak, kawng bumboh leh nâl, ke dang nalh tak tak, no tak takin a nei tu te an tluk pui naah pawh nang chuan ka tluk loh na'n min kal pui ţhin a, nghet takin i ding ţhin, i mawina diktak chu i pawnlam landanah a ni lova, a keţhiah a ţhing bik e tih tur nei ve lo kebul tamtak an awm laiin, kei hian ka zahpui phal hauh lo che, ka chhuang zawk em em che a ni. I ţangkaina turah tak i ţangkaina kha a ni i mawina dik tak chu.' A ti ve dap dap a, Hluhlu-i keţhiah pawh chuan a lo khawsak tawh dan vanga inchhirna tak tak rilru pu chungin a mittui a lo hru ve nuap nuap.
'Mahse, ih, pawnlam landan a ni lo, iti a, chhungril duhdan hi alawm pawnlamah par chhuak ţhin', a tih ve sup chuan Hluhlu-i chuan, 'a dik e, i pawnlam landanah chuan ţhingin mi angin nalh zuah lo mah la, i chhungril a huatna i pai te, i chhungrila mi itsikna i neih nasat tak te kha i paih bo vang vang a, mahni dinhmuna lawm nachang i hriat hun-ah i hlim ang a, i pawnlam landanah par chhuakin midangte'n i hlimna avanga i hmel eng sar sar chu hmuhnawm ti takin an la thlir ang', a tih chuan midangte rikrap tawh lo tur leh fel taka awm tlat a tum tawh thu sawiin Hluhlu-i keţhiah chu a intiam ta charh charh a.
🔥He thawnthu aia ho hi ka la hre lo e, Vala'n 'Hluhlu-i Kezungpui Hrâng' ziak la min ti a, ka keţhiah ah rau rau pawh inthlahrung ka Kezungpui bik ka ti phal lo a, a keţhiah ang zawngin ka ti ta mai, ho tik tek tak a ni, ho viau mah se ka kutzungpui, i thawkrim e, hei hi alawm i hna🔥
Comments
Post a Comment