ERZA

-
ERZA




By-Hluhlu-i Khiangte




(Short story,story pawh ni phalo,ka mumang)





'Elizabeth,rawn chhuak vat rawh,i tawmbo rei thei chuang lo ang,i rawn chhuah vat chuan hremna i tuar nep dawn ani mai,i duh lo anih erawh chuan',ti a nui sukin a pistol ken lai chu a tuai hauh hauh a,mittui tling pam leh hlauh luat vanga khur dar dar chunginchu mihring,tenawm lutuk Hmachhuana chu ka thlir a,au chhuak ţhawtin a pistol ken a hmet puak dur!



Mittui tla zung zung chungin ka hmui a hupbet a,ka insút ri ngam silo,hremhmun a awm ang maiah ka in chan hial,min hmuh veleh saw a pistol ken,nichin mai a ka ţhiannu a kahhlumna sawn min kap hreh dawn lo tih hi ka beng hi ka hnar a nilo tih ka chian tluk zet,nilo,a ai nasa mahin ka chiang.



Ngun zeta hawikual leh in a kal sawn a,a liam thleng chuan thinghnah phen aţang ka en kar,zawite,zawite tak takin ka thawchhuak siai siai a,ka awm ka dawm vang vang bawk.Hahdam tir tum in ka rilru in ka inhnem a,ka lungphu a rang sauh sauh thung.A suk hian a su dup dup nimai in ka hria.






Fahrah in a cheng kan ni a,ka ţhiannu Rosy nen hian,tette aţanga inkawmngeih fal bik kan ni,hrehawm tamtak tuarin kan seilian a,vuak leh tihduhdah kan tuar a,chawnghei tir anih loh leh pawn veranda a in riahtir te chen in kan tuar,nu leh pa kan nei lo a,vanduai vanga thihsan nilo in duhloh kan nih avanga fahrah in a dah kan ni zawk! Keini ho,nu leh pa te pawhin an duhloh chu enhniam bik kan ni a,fahrah au rau ah pawh kan fahrah bik ngawih ngawih.




Kan phutawk,kan chantawk ah kan vui ngailo a,khawvawt tuar a,khurh nasat vanga khabe inkhawng dat dat a lumna zawnga  inkuah khawm ve laih te chu ngaiah kan nei tawh.





Kum 16 mi kan ni ve tawh a,kan unau dangte chu chhungkaw hrang hrangin fa atan an la darh a, 'Nu leh pa ka nei ve dawn ta,chhungkua ka nei ve dawn ta' ti chungin hlim takin fahrah in chu an chhuahsan.





'Rosy leh Elizabeth rawn kal rawh u',tih thawm ah kan hawi phawk hra a,kan thlengsil lai dahin kan kut kan hru hul sawk sawk,eng hremna nge min pek leh ang tih ngaihtuah chunga min enkawl tu,'ka nu' ti a kan koh mai ţhin pindan a kn luh chuan mi pakhat,lian zet mai,hmel nelawm vak loh,nelawm vak loh nilo,a hmel en a sual tih hriat ngawih ngawih hi a lo ţhu ve kuau anih chu!




Bangbo zetin kan kal a,ka nu in a ţhutna bul a ţhu tura min tih chuan tím daiin kan ţhu,ka nu chuan,ka unaunu,ka ţhiannu ni bawk nen min melh in min nuih sàng a, lo awm ve pa chu melh leh in,'Hei hi in pa tur Hmachhuwna anih hi,in unau in in zui thei ang,in thawmhnaw va siam ula,minute sawm vel ah inpeih in tum dawn nia,va kal rawh ule',min tih chuan mak ti takin kan inmelh hà a, 'Vatin',fiak ţhak a ti ri kan hriat veleh harh chhuak zawkin kan pindan,kan thawmhnaw dah ve na,hmuhsit kan nih a,hrem kan nih reng avanga mut nan a kan hman ngai mangloh lamah chuan an tlan lut a,rang taka kan thuam neih chhun chhun suitcase pawh nilo,rambo polythene a kan thun a,kan suih fel meuh chuan hun min pek,minute sawm chu kan hmang zo der.





Hmachhuana chu zuiin a chenna in ah min hruai a,fahrah in a kan chen ai ngawt chuan kan nuamsa tawh anga ti a kan suangtuah ve na erawh,a in kan thlen ni la la in a chhe vek.Inhnuai ah bungraw hlui dahkhawmna a neih a,chulai hmun ah chuan Rosy-i nen min phuar hlawm in dim lo baksakin min sual ţhin anih chu! 






A in awmna hi ramhnuai anih avangin tumah kan hmu thei lo a,chaw min pek dawn ah bak min phuarna hrui a phelh ngai hek lo,duhthawh taka min sawngbawl laia a ţawng hmangah fahrah in(orphanage home) a 'ka nu' ti a kan koh ţhin ngei khan sum tamtham tak hmangin min hralh tih kan hria a,na leh tur chuang kan awm tawh lo.




Hmachhuana chu khawchhung lam ah a kal leh tawh ani mahna,a motor rúm ri dut dut pawh a reh ta,ka chemte ken,Hmachhuana'n zing a chaw eitur minpek lai a min phuarna hrui zai chah nan a a hman,a haihawt vang nge,a chesual ve hrim hrim,a theihnghilh tak,harsa tak chunga ka lak hmang chuan min phuarna hrui chu ka zai chat a,rang taka Rosy-i bula kal in ka chhuah ve a,inkuah a ţah dun na hun a awm lo,inhnuai thim zet,ni eng tlem te a rawn luh ve teng teng theihna,lalţin eng fiahlo zet min chhitsak ve na,sazu leh chukchu te nen a kan chenho na aţang chuan kan chhuak a,kalna lam tur hrelo in kan hmazawn ah kan tlan mawp mawp ringawt anih kha.





Kan awm lo tih hrechhuakin min um a,engthil emaw a puak rik dur rual a ka hnung lam a chau tak chunga rawn tlan ve dat dat Rosy-i ràk tuarh a a tluk chuan ka hawi let vat,a kà aţangin thisen a chhuak a,hnaih tum a ka ke ka pen chuan 'tlan rawh' tiin a au tuarh a,hreh zetin ka unaunu,ka ţhiannu kha ka tlansan anih kha.






Nasa zetin ka phu dawrh a,ka lawnna thingkung buk zet,ka taksa a khuhbo hneh em avanga kan misualpa pawhin min hmuh theih lohna aţang chuan ka tlak phah hial! Ni e,chhuk ngamlo in ka tawm ta reng a,ka taksa chau si chu ka awmna ngaihtuah lek lo in ka lo muhil chu niin! Thingkung ah ka muhil anih chu!




Thui vak lo ka lum deuh tap tap a,Khua a thim lek lek tawh,unau hmelhai hun awm vel ani a,thingkung a biru tawh lo in ka hma zawn ah chuan ka kal risk leh tawp.




Ke pilh deuh phang in ka kal tawh,ka hawi phawk hra a,ka tlanchhiatsan tawh lamah bawk ka kir leh anih chu! Hrep hian.






Ka hma lawk ah chuan nghaisak ka tawrh a,hrehawm tak tuartir a sual ka nih ţhinna in vhu a ding a,éng fiah lo riai a in chhi bawk,hnungtawlh hrat hratin chu in thlir reng chung chuan ka tawlh zel a,engthil nal emaw ral fuh in ka tlu thlawrh,inring hman lo in ka ràk ţhat a,ka hmui ka hup chuan ka tlai lutuk tih ka hre nghal,tho chhuakin ka tlan pawp pawp a,ka hnung fe a nui uarh uarh chung a min um tu chu ka rap lutuk.





A duh chuan min kap fuh thei,hla fe aţang pawhin ka unaunu Rosy kha a kap fuh tlat,min man a,hremna nasa thei ang ber min tuar tir a duh tih ka hria,min man ai chuan thih ka thlang zawk,khua a thim chiang tawh hle a,ka hnunglam a thawm chhuahtu pawhin min hnaih tawh hle tih ka hre thei.




Ka hma a kham awih bung vut mai chu ka thlir a, 'Elizabeth' ti a au ţhawt ri ka hriat rual a nui sakin kham hmawr ka pan hnai leh sauh ,'Zuangthla suh Erza' ti a Hmachhuanan a ka tenawm tak aţanga Rosy min kohna bik,ka tihtauh khum laia min thlem nan tak a hman ţhin hming a min koh chuan ka thin a ti so bulh bulh a,"I kiangah ka lo kal dawn e Rosy",ti a phun sapin kham ah chuan ka zuang thla!







(Ka mumangah Eliza-i ka hmu a,Hmachhuanan a um lai hian Elizabeth hi hlau in a thin a phu dawt dawt,mahse,keiman ka feel daih lawi,ka mang ram a mangang a min siak avangin ka mang takah Eliza-i hian chhantu nei hman mahse thih tir deuh tawp ka tum a,mahse,dawtsawi ka hreh ve tingtang si avangin zuang ngar ngar mai rawh se🙄😂)

Comments

Post a Comment

Popular posts from this blog

TERI MERI KAHANI 1

-
Image
TERI MERI KAHANI (Story of you and me) CHAPTER - 1 Hluhlu-i Khiangte "Mi fate nipui hi a va vawt tak", tiin ka phun hlak, ka mit a kham na urh a, ka thawk a sa ham ham bawk, tukin ah ngawt pawh ţum thum(3) lai ka luak tawh a, ka zawi tawh hle, chhun buai tak takah ka tlu mualpho thei mai dawna hriain ka huphurh hle a, inthlahrung tak chungin ka boss hnenah chawlh dil turin choka kawngkhar ka hawng a, ka ke ka pen pawh tha hman a ngai nasa kher mai, ka khur der der. Ka boss chuan min lo ngaihtuah viau mai a, "lo nghak rawh Nûte, pindanah lo va awm hahdam la, naupang ho hi card ka va lak tir ang e", tiin min tir lut leh a, keipawh pindan ka thlen veleh ka ţhu zawi hnawk, ţhutthleng nghenchhan neiah hahdam tum takin ka ţhu dar dar a, ka mit kham lutuk tih ziaawmna atan ka mit ka chhing riai riai, ka nu ka ngai kher mai. Rodawngkimi ka ni a, kum 25 mi ka ni, Nûte tiin min ko tlangpui, kohhran Hospital pakhata an canteen ah ka thawk a, choka ah awmin coffee leh special t...
Read more

TERI MERI KAHANI LAST

-
Image
TERI MERI KAHANI Chapter - 12(last) Hluhlu-i Khiangte Ka khum ah ka ţhu hnawk a, ka khur dawt dawt, ka thu hriat khan min ţhawng em a ni, ani kha thah ka tum maw? Ka hmangaih em em, ka pasal chu engvanga thah tum nge ka nih tehlul ang? Min hrilh teh u. Ka chhang thei miau lova, phone a dah leh hmak a nih kha, ka tha khur nasa zual a reh a, ani khan a duh ang angin min puh a, kei hian ngawi rengin ka lo pawm mai ang maw, a teuh lo mai. Ka thawmhnaw ka thlak sawk sawk a, ka chhuak nghal, kawngpui ka thlen thlak veleh taxi hman tur ka hmu nghal mai bawk a, ka kal duhna hmun ka sawi hnu chuan hmanhmawh turin ka to zui zat. Ka sa pup pup reng a, ka taksa pawh a thlan dapin ka hria, ka sam, ka khuih loh vanga thur deuh bâm mai, ka thlah mawl tawp chu ka tuai leh thuak ţhin. Ruatdika te in kawt kan thleng a, chuan man ka pek fel hnu-ah ka pan nghal, lawmthu pawh ka sawi hman lo, kawngka chu a lo inkhar lova, ka lut tlang nghal tawp. Nu Rami leh pa Buata(Ruatdika pa) chu ţhutkhawmna pindanah a...
Read more

TERI MERI KAHANI 2

-
Image
TERI MERI KAHANI (Story of you and me) Chapter - 2 Hluhlu-i Khiangte Ka insiam rak rak a, zan thum leh ni thum in lama kan awm hahdam takah chuan damdawi ka ei ţha bawk nen, damdawi min chawh ang la ei zo lo mah ila ka dam angreng tawh khawp a, luak leh taksa nâ te a kiang a, ka harh viau, mahni in lum nge nge chu damdawi pakhat a tling a, tin, an theihtawkin ka pa leh ka nauin min duatin chakna lam pai theitui leh ei leh in min hlui awl lova, ka thau belh hialin a nia ka hriat, dawr lamah an buai bawk nen damdawi chu khi lamah pawh a ei zawm theih tho a tiin chhoh ka tum a ni. In lama ka awm chhung hian kohhran ho ţawngţai puina ka dawng awl lova, kohhran hruaitute an beng a varin min kan a, ţawngţaina te hmangin ka lu chungah kut an nghat a, hriakthih rawngbawlna nen, ka thawhpuite leh ka boss te pawhin ka chin zawtin min phone awl lova, Pathian ţhat zia ka hre nawn awn awn a ni ber mai. 2wheeler Taxi hi hman bik ka neih vangin kan in leh ka hnathawhna hi chu a hre bel khawp a, ka ca...
Read more