PRISKY chapter-5

PRISKY

By-Hluhlu-i Khiangte

Chapter-5

*He chapter hi kan ţhianpa LALTHANSANGA(Pee Dee Kop Khiangte),túkin mai a chatuan ram min pansan ta tan tlawm tak chungin ka hlan e.Thlamuang takin chawl ang che u Pd.😪*

Ka hmangaih,ka Prisky chu tisa dang bei mai pu chung leh hmui duk deuh chur in,a lu leh a taksa dang aţanga thisen chhuak chungin na tuar chungin a lo let reng a,a kiang ah chuan ka khúp zaw in ka ţhingţhi thla hnawk.

Ka hmangaih hmél dàng lap mai chu ka thlir a,lungawi har ka va ti tehlul ém.A biang ka chúl riak riak a,thisen nen a a in chiahpiah nuai(h) chung pawh hian a tluk zo tumah ka hmu lo e.Rd-a chuan,"ka rangkachang",ti a phun supin a pawm kàng lawp a,car lam pan a a kal pui hmawk hmawk chu chawmawlh vek chungin ka zui a,a hnung seat a ţhu in ka mal ah a lu kan nghat a,ka kuah bet nghet viau,hmanhmawh zet a tlan in khawchhung kan lut a,new life damdawiin a kan in dah luh chuan doctor te'n an en zung zung hnu ah tihian min hrilh a,"A accident na hi a rei tawh a,a hlimchhawn anih loh vangin enkawl ve fé chu a ngai ang,a lu a sawh na a,a ke ruh hi a tliak bawk,a nàk ném thla vel hi a pilh nasa ve reuh khawp bawk a,mahse,ngaihtuahawm lutuk chu a nilo e,lo lungphàng lo ula,theihtawp kan chhuah anga,a dinhmun a ţha vat turah ngai ang,damlo hi hmuh phalsak in la ni lo bawk aw,lo ngaichang rawh u",tiin."E,taka,thisen hi pek a ngai dawn a,unit hnih vel kan mamawh,a blood group enge?"A tih chuan,"O+",ka lo ti vat a,awm sa a awm thu leh kan lei mai a ngaih tur thu a sawi nghal a,kan thaw huai mai.

Engvang tehhrep a kha lam lam a rawn tlan chhuak ngawt nge maw anih a,eng ti tih a chesual nge maw anih hrep ni!

"Ka nu te kan la be miah lo,han call teh",min tih chuan hawi à hau chungin ka melh a,ka phone  la chhuak rak rakin nu Marami(Prisky leh Rd-a nu)ka nu lo ni ve ta chu ka call a,phone call a lak veleh,"Prisky a accident a,new life-ah kan dah",ka ti nghal tàwng ringawt.Thaw hawkin phone a dah daih a,ka ner nawk ringawt.Rd-a bulah ka hrilh tawh thu ka hrilh sep a,a bu nghat a,Prisky scooty la turin midang a tir tih min hrilh ve sup.

Rei vak lo ah pa Ţanpuia(Prisky pa) nen an rawn lang vat a,nu Marami chuan min pan hnai vatin lo ngaichang tur a ka tho chhuak chiah chu ka biang ah min béng sawk anih chu!

Rd-a'n,"ka nu",a ti ţhawt a,pa Ţanpuia pawhin"ţhiani",a lo ti ve sup."Min lo khap reng reng suh u,amah vang vek hi anih hi,khalam lam a rawn kal tur khan i ko ani chiang lutuk,ni lo se,ţha té té in kan mu vek tawh a,khatiang zanrei lam tawh a rawn chhuah kha ama thu in ka fanu hian a tum dawn lo bur.Ruah leh thli tam lai lehnghalin",ti phiar phiarin min kawk sawk sawk a,sawi ve tur reng reng ka hre lo.

"A mak,ka nu,ani pawhin a ngaihtuah em em a,khati khan rawn tawngpawng puh ngawt suh",Rda chuan a lo ti leh nghut a,nu Marami lah chuan,"Min lo khap suh ka ti ani lo'm ni?Kan fanu in a duh zia leh a hmangaih zia a hrechiang a,a duh duh danin chawh kawi a tum anih hi",fiak ţhakin a ti leh a,pa Ţpa rúm nghutin,"enga",a ti nghut.

"A dik alawm,he nu tehhrep leh kan fanu hi an inngaizawng ţhin a,nasa taka ka ngen hnu ah kalsan awm ang taka langin an heti leh si anih hi,nizan pawh khan ko lo se chu Mamte-i kha a chhuak miah lo anga,hetiang tawhsual hi a tawk lo bawk ang",a ti leh hmiar hmiar a,pa Ţpa'n min en vung vung hnu ah a bu nghut nghut,"Bawiha neih i remtih chhan hi ani em?In inngaizawng ngai pawh a nilo a"a tih chuan ka thin a phu dawt dawt a,ţawng tumin ka kà ka àng ziai tawh tih ah Rda'n a lo khap vat a,"nunhlui chu nunhlui ani,kan in duh a,kan innei ani mai,dawt chiang lutuk a in puh mai mai tur a nei ka nilo ania,ka nupui ani tawh tih hre reng rawh u",alo ti bul ve hmuk thung,ka thaw huai a,chhan tu ka nei chu ka lawm takzet.

"Awle,insúm tlang ila,kha chu hun in liampui rawh se,Màmtei pawh a ţha vat turah ngai ang",pa Ţpa'n a tih chuan ka lawm takzet,nu Marami pawh a ngawi ve mai bawk a,Rd-a ka kiang ah rawn kal hnaiin ka biang a rawn chul zeuh a,a nat leh nat loh min zawt pah sup."Na lo",tiin ka chhang ve sep a,a bu nghut a,ka rilţam leh ţam loh min zawtin ţhutna ah chuan min nem ţhu a,ka ţam loh thu ţawngka a sawilo in ka lu ka thing nak nak ringawt."Ei tur engemaw ka'n lei ange,enge i ei duh ang?",a tih chuan ka rilţam loh thu ka sawi a,lu thing nghutin a kalsawn vut,kan ţhu ngawi chawrh chawrh hlawm a,ka ngaihtuahna ka kawm melh melh a,an in ah ka khawsa ve tawh dawn chu ani si a,hetiang chuan kan inpawh thei hauh lo ang le!

"Prisky chu enge a an tawh a?"Ti ri ah harh zawkin ka hawi chhuak a,thildang ka lo ngaihtuah ngut ngut bawk nen an rawn thlen lai ka hre miah lo,ka nu leh pa an rawn kal alo ni a,ka pa chuan min melh zeuhin pa Ţpa kiangah a ţhu a,ka nu erawh nu Marami nen an inbia a,"nia,hei,a ţha ve mai ang doctor te'n an ti ani awm a,an niin hmu lo se ka ngaihtuah ngamlo,Hluhlu-i pawh a chauh dawn tehlul nen kan heti ta mai si a,a zialo kher mai,Bawihi,Mama rawn let se nangni chu in lam lo va pan ula a ţha ang",a ti zat zat a,"chau lo ve",ka ti sap ringawt.

Khati tak a kan awmna hmun pawh ngaihtuah lo lék a min kawh sawk sawk hnu ah ka nu te rawn thlen hnu ah lém a naute duat ka ni ringawt!

Rd-a rawn thlengin eitur a rawn khai bawr lúk a,ka nu te a rawn be sawk sawk bawk.Nu Marami'n haw tur a min tih luih tlat vangin eitur pawh ngaihsak ta chuang lo in phúr lo leh tha tho lo zetin kan haw a,ka Prisky kianga awm ka duh tehlul nen hnial chiam a rem ţeuh si lo.Kalkawngah pawh inbe lo in kan ngawi dun ràn a,In kan thlen chuan ka lu a na deuh bawk nen ka mu nghal hnawk a,vawt ka ti ru viau bawk nen puan ka silh lum thàn a,ka mut erawh a chhuak lo viau thung,engvanga Prisky kha rawn kal nge anih?Tih ngawt chu ka ngaihtuah tluk tluk a,min ne thei silo kha a ngaihţha lo hi a rawn kal ani thei mai angem?Tih te ka rilru ah a lút zut zut a,ka hné takzet ani.

Ka puan sin lo keu sawt sawtin Rd-a a rawn inthawlh ve hlún in min rawn kuah a,ka phu deuh zuk nghe nghe.Ka lakah mawilo in a khawsa dawn lo tih ka hre bawk a,ka tàl bik lem lo,"ehe,i pang a sa anih hi,damdawi ei rawh",min tiin a tho vut a,damdawi min pek chu ka ei hnu ah a rawn mu leh a,min kuah lehnghal zat,"ka nu thusawi kha chu engahmah ngai suh aw,a rilru a na a,a fanu duat lai ani bawk nén a thla a phàng ah ngaih sak daih rawh",a tih chuan ka bu ve nghat nghat a,ka mit chhingin ka thaw siai siai.Nghet taka min kuahin a ban min kham tir a,ka bek a fawp vang vangin muhil turin min ti sup.Ka chau takzet ani mahna mangram ah ka lut riai riai.

"Hluhlu,engtinnge,engvangin nge min kalsan,min phatsan a,ka chan tur hi i dawn ve miah lo em ni?Ka hmangaihna che hi infiam na tur atan chuan a hlu asin,harsat huamin,na tuar huamin ka vuan che a,nang berin hetiang a min thlauhthlak leh si chuan engtinnge nun hi hmang ve ila itih hrep a?Ka u chu i hmangaih thei lo ang,keimah chauh hi i hmangaihna dawng tu tur ka ni,min hmangaih kha,hetiangin min kalsan thei lo ang,khawngaihin",ti a min au lawm lawm tu chu ka hnungchhawn a,thaw kawk a ţhu chhuakin ka harh hlawl!

Eng ang mangchhia nge maw ni tehhrep le,ka thlan in min bual huh zúih a,ka Prisky hi a tak chu sawi loh,ka mumang lam ramah pawh phatsan ka duh lo,ka hawi kual a,tui zetin ka kiangah Rd-a a lo mu ràn,a thaw sàk sàk a,a mut a tui hmel bik kher mai,a hmel pà hràk mai leh hriam hràk chu ka en a,tím daiin ka ban dà dà a,a biang chu ka chul sak riak riak,thlamuan hmel takin a muhil siai siai mai,a hnàr deuh sàk sàk bawk nen a ţha reuh hle,he pa hi mipa chhelo leh pa tak ni mahse engtikahmah ka hmangaih thei lo ang,nilo,ka Prisky tan chuan ka hmangaihna hian pàr a chhuang tur ani,a nat pawh pawi sa lo a min hmangaih tu hi engtikahmah ka phatsan thiang lo bur.

Khum bul dawhkan a Rd-a mobile dah a rawn ri ral ral a,a harh eih lo nia,a chàu ve hle ani mahna,a lo call tu ka en a,Hruaitea tiin a lo in save,chhan sak ngawt ka tum a,mahse,ni thei chiah a ka hriat loh vangin ka la lo ta ngawt a,mahse,a rawn rik nawn leh chuan Rd-a chu ka sawi che dat dat a,phak zetin a rawn tho a,aw hnawk ţuakin "enge ni a",a tih chuan ka nuih hak,a aw a hnawkin a ţial mawi lutuk🤣.

"Hruaitea ti a i save in a rawn call a,a rawn call nawn bawk nen a pawimawh ani ang,be lawk la",nuih la za tak chungin ka ti sap a,"engemaw a hriat reuh le,min call khat viau asin",ti nung nung pah chuan a pick-up a,ka zun a chhuah vangin bualin lam ah ka luh san daih,zunram ka thiar zo ka chhuak chu engmah sawilo in a lut ve nghal vut a,inphih fai sawk sawk in a rawn chhuak a,a thawmhnaw la chhuak a a insiam nghal sawk sawk chu mak ti zetin ka thlir a,"khawiahnge i kal dawn a?"Tiin ka zawt a,harh chhuak zawk ni awm takin,"Taka,kha,Hruaitea khan min rawn bia a,Pd-a a boral ani awm e,nimin lam khan ICU ah an lut an ti tak a,kan inneih boruak nen ka lo ngaihven teh vút lo a,a ngaihtuahawm lutuk loh an ti bawk nen,inneih han ţhulh ngawt chi a nilo bawk a,nichin lawk khan a chatthla ani awm e,ka va lan ve loh chuan",tiin insiam sawk sawk pah chuan min hrilh a,"ka lo kal ve dawn em?",ka tih chuan,"nakinah kan nupa in kan leng ţha leh dawn nia,i chau lutuk ang,i nuam chiah lo bawk nen,kan Pd-a chu aw...,a chhungte bakah a ui mawlh kha,an in ngai pú tú si a,an lainatawm mange",a ti leh sawk sawk a,a insiam zawh chuan hmanhmawh deuhin a chhuak a,a tlan chhuah hma in lo mu lum turin min ti leh hràm.

Rd-a chhuah hnu chuan Prisky bawk ka ngaihtuah a,ka mang khan ka ngaih a ti ţha lo ru viau,nu Marami te'n chanchin engmah an rawn sawi lo chu mak ka ti viau mai bawk.

Rd-a ţhianpa Pd-a ka ngaihtuahna ah a lo lut bawk a,thihna hi chu a nunrawngin a tawp takzet kan ti fo a chu thi tur a dam kan ni a,dam tur a thi tur kan ni leh lawi si anih hi!

(U Pd,itan thiam lo tak chung a ka ziah ve ka story a i hming thailan mai loh chu tihtheih ka nei silo😪)