PRISKY chapter-3

PRISKY

By-Hluhlu-i Khiangte

Chapter-3

Ka hmangaih ka thlah a ngaih chu sawi loh,an company mai nilo,an inchhung ah ka unaunu anga hrawn chu ka thei lo ang,nilo,thil theih a nilo bur!

Ka ngaihtuahna a vir zawk a,chhuak ta ila ka pa hian a hre leh anga,ka card a block leh ngei ang,mahse,chutiang thil chu pawi sa a,in dan tie thei ka ni lo,Ramdinsanga chu hmuh ngei ka ngai ang,ani pawh in kei hi min duh bik miah lo ang,nilo,ka chiang lutuk,min duh lo bur.A nau bialnu ka ni tih pawh a hre vek a,mahse,a nu leh pa angin min ţawngkhum ngailo a,kan inkawp min thlawp tihna ni kher lo in min hrethiam ani mahna,thu nawi a nei ngailo.Ka Mautuaite-i pawh a duat viau tak alawm,a nau neih chhun ani a,"Ka rangkachak",tiin chhuang takin a sawi hial ţhin.Kei,lesbian mai mai hi min duh teuh lo.

Jacket la in ka ha vat a,ka mobile la chhuak in call ka tum ngawt a,a number ka nei reng reng hleinem le.Prisky call mai ang tiin ka call a,min block ka rin nen a tlang hlauh!

Rei fe a in ring hnu ah a rawn pick-up a,aw hnawk ţiak in,"hello",a rawn ti thàm chhal,damsam lo aw ang mai ani.Hlauhthawnna in min bual khat nghal a,"i ţha em?I dam em?",ka ti zung zung a,ka phílí vek ani ber.Ţah aw ţiau in,"ka ţha lo,ka ţha lo takzet,ka na lutuk hi ka thi thei mai dawn in ka hria",a tih chuan keimah a na thei lai zawng zawng hi a na chhuak ve nghal vek!"Ka lo kal dawn",ka tih chuan a in sút ri hraih a,min chhanna nghak a ka beng ka dawh hà lai chuan eng thil emaw a ri rawk rawk a,"ka rawn hmu ang che,keimah Ds-a",mipa aw in thúm zawi ruih a a rawn tih chuan ka phu zawk mai,chhan let tumin ka àng hman ziai(h) tawh tih ah a tawp hmuk a,thinrim zet in ka hawi tau sawk a,chhuah tum a ka in tintuah uai(h) tawh ka ţhulh leh ringawt bawk.

Ehhh!Ka rawn kal dawn a ti tak,hmuh ka ngai ve tho bawk a,a ţha mai,mahse Prisky kha engtinnge a awm ang aw?Ka lo zawt mai aniang chu.

Rei vak lo hnu ah a rawn thleng a,ţhutkhawmna pindan a in biak duh lo in ka room balcony ah hruai in kan ţhu dun a,aw thian kharh in,"Prisky chu enge a an",ka ti sap a,ka inthlahrung ru ve viau,a nau a hmangaih zia ka hria a,ka tih nat sak chu ani si a,chutah,a thinrim nge rim lo pawh hriat loh in min melh ngur hnu ah"a ţha e,a la na deuh a,a zia vat mai ang",a tih sup chuan ka chhanna duhkhawp min pe hauh lo.Lawm lo awka zetin,"Kan innei dawn an tih kha i hria em?Ka nei duh miah lo che ania,chutiang bawk in nang pawhin min duh biklo ang",Ka ti leh thawr a,a nui hawk ringawt chu rum fahran in ka melh a,nuihza insum aw fé a min chhangin "kan la hria ang chu",a ti leh ringawt tawh.

"I nau bialnu ka nih hi i hria ani lo'm ni?",ka tih leh ţhat chuan,"in inţhen tawh",a ti hmuk a,ka lawm lo hmel lutuk min hmuh chuan,"chuvang chuan lawm kan inneih a ngaih,kan in a i awm a kan inneih chuan ka rangkachak nen a rukin in inkawp thei ang",min tih chuan mak ti zetin ka melh haw a,chutah,sawi zawm leh in,"ka nau na hmel hi hmuh reng ka duh hauh lo,kan inneih tawh ber chuan ka nu leh pa te'n ka nau pawh an thlah zalen deuh anga,fimkhur takin in inkawp thei ang,ka nau na hmel hmuh reng ai chuan a hlimna thlen thei tu nang hi kan in a hruai luh mai che ka duh",a tih chuan mak ti fahran in,"i nau leh ka tan maw?",tiin ka zawt leh a,ning hmel pu chungin,"ka nau vang zawk,ka hmangaih a,na tuar tir ka duh lo mai chauh ani.Nangmah ah hian eng thil tehhrep nge a hmuh a,a rilru zawng zawng i luah khah le?!Diktak chuan ka duh reng reng hleinem che,nang ang lesbian,mahni nihna a lungawi lo leh min duh miah lo tu,ka duh ni bawk silo hi ka nei peih bik reng reng lo che",a ti leh hmuk a,ka thinlung hi a lawm in a hlim viau thung!

Ka Prisky ka la kawp thei dawn anih chu!

Hlim hmel zet a ka nui var var chu min en dauh dauh in min rawn fawp zauh a,ka mengbial kawk!"Ramdinsang",ka ti ţhat a,nui hawk in,"ka nupui inih chuan kha ai thui pawh kha kan la thleng dun fo ang",ti sup in a tho vut a,rawn kun hniam leh in ka chal ah min fawp leh zeuh a,ban min vai khum in min kalsan nghal nul nul,kei erawh hamhaih lutuk in ka hmui ka khal niap niap a,Prisky nen kan inkawp leh theih nan min neih a duh a,a hnu lawk ah min fawp a,kha ai thui kan la thlen tur thu a sawi leh lawi si!Ka hrethiam teh nuai(h) lo e,mahse,ka lung hi a phu rang hle thung.

Ka Mautuaite-i nen kan inkawp leh theihna tur anih vangin engmah sawi buai lo in ka chhungte lakah ka awm a,sawi buai pawh ni ila awmzia a awm lo,tin,sawi buai chu sawi loh ka phur mah mah zawk.Ka chhungte chuan mak min ti tih ka hria,mahse,engahmah ka ngai hlawm nek lo e.

Ramdinsanga nen kan inneih ni chuan mo kawr var sar mai,thianghlim zet mai leh nalh fahran ka ha a,unau in ngeih hmel tak ang mai a lang a lemchangin ka u Sangzuala ban ah ka kuah a,hlim hmel pu sàng in ka u in inneihna kan hman na hmun ah min kai lut a,kei erawh ka zàm chhiava a,ka khur ru der der thung,ka Prisky zawng a hawi kual pawh ka thei lo,ka zàm ve ém ani.

 

                          PRISKY P.O.V

Ka hmangaih,thil ţha lo tih ka hre reng chung pawh a ka kawp luih tlat,ka u nupui ni tur a a u ban a kuah chung a a rawn lut hnak hnak chu mittui tling pam in ka en a,ka hlim vang ani zawk!

Ka u Rda'n Hluhlu-i a hmuh dawn zan khan an inneih chuan a ruk tal pawh a kan inkawp theih tur thu min hrilh miau a,a hnai tawh takzet si,ka tan hlim loh ngaihna a awm hleinem.

A sam dum hlap,sei sang chu nalh zet in an vial a,crown mawi zet khim in a nalh hle,ka lungdum tu,ka tan a hlu ber mai Hluhlu-i hi chu eng pawh in bel se,ka tan a mawi ber a,a mawi ber reng fo ang,a hmai,make-up reng reng a hnawih ngai loh na te chu an cheimawi sak a,a biang a tai ték a,a heh,lipstick in a tawh ve ngai hauh loh no chék mai ah te chuan lipstisk an hnawih sen vàm ham mai a,a mithmul er tan te chu a ti mawi zual turin mascara hmang in an hnawih mawi lehzual bawk a,eyebrow nen,hmeichhe tamtak te tluk loh,ni lo,piang tawh leh lo la piang leh tur te pawhin an tluk hauh loh tur ka lei lawmna chu mawi ka ti kher mai,duat tak a min kuah te kha ka ngai a,a ţang a bei a,a lak a ţanga thlamuanna dawn leh te kha ka thlahlel tawh ngawih ngawih.

Ani erawh a zàm nge,a khur ru der der tih ka hre thei,kan thinlung a in pawh miau a,engvangin nge ka hriat loh lém ang le.Vawi khat chauh pawh min melh lo in a kal a,khaw dang hawi lo lék in hma lam a melh ngar a,vawikhat chauh pawh min melh lo chuan ka rilru a ti na ringawt bawk.

Inneih a zo a,biakin chhuahsan in ka u ban a kaiin an chhuak dun a,an hnung ah mipui kan chhuak a,thlalak na hun hmangin mo neitu chhungte thlalak pui hun ah chuan a bul ah ka ding chat a,mo ţhian a a hman u Partei'n mak tih hmel zet a min en chuan lài zetin ka lei ka chhuah tet a,a ke a kham leh kham loh ka zawh chuan nui sak chungin a ke lang thei turin a mokawr a hlim zeuh a,karei,Crocs a lo bun anih chu!

Ka meng bial kawk a,ka nui hak hak bawk,a bun thiam lo réng ani.Vawikhat pheikhawk lei turin min bazarpui a,ka bun chhin tir tlat a,a bun duh loh vanga ka tihtauh khum bar bar hnu ah hreh zetin a bun a,khami ţum a kan nuih nasat zia mawlh kha,dawr nghak tu leh an customer dang te khan nui hawk hawk chungin min thlir vei ţhap anih kha.Chu thil ka ngaihtuah chhuah vang chuan a hun leh hun lo pawh sawi lo in za zetin ka nui hak hak a,Hluhlu-i pawhin ka thil ngaihtuah hria tih hriat takin a nui ve bawk,ka u in ka sam a min rawn chúlin awm ţha turin min ti sup a,nuihza insum fahran leh ka nuih nasat vanga mittui tling pam a ka hawi chhuah chuan ka nu in túr fé in minlo melh kal a,ka nui ri a zuih ral riai riai,midang erawh Hluhlu-i crocs bun an hmuh ve avangin an lo nui ve hawk hawk hlawm.In siamţha hlawm in thla kan la a,thlalak na hun kan neih zawh chuan pawimawh ti fel in kalphung pangngai in kan in,nuam leh zau zet kawt ah chuan party kan buatsaih a,hlim takin kan hmang hlawm in ka hria.Hluhlu-i leh kei a hlimna rawn tawng pha ve an awm erawh ka ringlo.

Kan inkawp leh thei dawn miau,ka u in min thlawp tlat!

Mizo dàn a lawi kawr te ha a engemaw hunserh kan hman zawh leh hnu chuan zanriah kan kil ho a,monu leh moneitu hun kaihruai tu in a kawm fiamna a zawhna a zawh erawh ka phu dawrh thei, "Zanin ah engtia chet lak nge i tum le",tiin ka u a zawt a,a nui har har bawk,mi à ka nilo a,ka hrethiam ve bawk,chu zawhna a hriat rual rual chuan kei ang tho in Hluhlu-i hmel a danglam nghal dawrh a,a ngaihtuah thleng pha bik miahlo tih ka chiang.Nuih hluah hluah hlawmin ka u chhanna an nghak ţhap a,kei leh Hluhlu-i erawh chil lem khalh in kan in melh ngawt ngawt ringawt.

"Chét nat viau ka tum",ti a ka u chhanna chu an nuih pui leh hluah hluah a,nuihzatthlak pawh ka ti nek lo e,thinrim zetin ka u ka en a,a kiai suk ringawt,ava han chak lo dawn mai mai tak.

"Ka lo kal ve dawn",ti a ka u ban a ka vawn ţai chuan lainat hmel zet a min en in min kuah a,"hlauthawng suh,ka nu leh pa te'n an rin ngam phawt che u a ngai",ka beng bul a a tih sup chuan ka thaw hawk a,ka bu nghat ringawt,an riahna hmun tur lam pan in an kal dawn a,ka huphurh lutuk,thil ţha lo thleng tur ang mai a ka rilru a ka ngaihtuah tlat chhan hi ka hrethiam bik lo.Ka nu aw in,"lut ang ule,hun nuam tak in hmang dawn nia Bawiha",a tih chuan hreh zet in ka nu leh pa ka zui lut hnak hnak a,Hluhlu-i pawh in ka huphurh ang tluk zetin a huphurh ve tho tih ka hre thei.

Note-A kal phung hi in ning em?🙄sawiselna ka pawm vek a,in duhdan leh ngaihdan sawi hreh lo ula,love you everyone.