PRISKY chapter-1

PRISKY

By-Hluhlu-i Khiangte

Chapter-1

 

"Prisky,kei ni chu in hmangaih viau mah ila a rem si lo a,hmeichhia leh hmeichhia chu inkawp tur a duan kan ni silo,harsa ti eng ang mah ila kan in thlah mai hi a ţha zawk.Ka chhung te zak a an kun ngawih ngawih hi hmuh harsa ka ti tawh emai,chutiang bawk in i chhungte pawh",tiin ka hmangaih Prisky chu in ti huaisen luiin ka en ngawih ngawih a,a hmel ţha zet leh a heh no chék mai,natural zet chu en in chil ka lem khalh a,a tawp na atan ti rilru chungin dimdawi zet in ka fawp zeuh.

Na zet a thaw hak in a mitmeng fiah zet chuan min en kal a,chutah,a mittui rawn hnàm ţiam ţiam in min vin ţhawt a,"Ni e,thil ţha chu a nilo alawm,mahse,thlah vang vang tur che hi chuan ka chak tawk lo tih i hria,mahse,i duhthlan na ani e,ka chelh bet lui lo ang che Lalnunhlu,ka tel lo in hlim chu tum ta che,kal rawh,ka tello chuan va hlim mawlh teh,min hmangaih ve miah lo anih kha,kei chuan ka chhungte thlauh thlak huam hial khawp a nasa in ka hmangaih che a,nang ve chu,huh,tenawm lutuk",ti a mittui luang ngiai ngiai chung a min an khum tu chu thinlung na tak chungin ka kalsan!

"Hluhlu,nang chu puitling zawk ini a,ka fanu hi i hmangaih anih chuan khawngaih in kalsan la,a hmakhua tur min dawn pui ve in nang tal chuan luhlul chhuah lo hram teh",ti a ka hmangaih Prisky nu,nu Marami'n mittui tla ţeuh chung a min ngenna khan ka beng a luah khat a,ni e,ka hmangaih a,kal tir tur ka ni,mipa pangngai a phu a,chhungkaw hlim tak din se,kei chu min theihnghilh se ka ti ta ber,keimah vang a kawh rawn leh sel rawn ni turin ka hmangaih kha ka phal hleinem,mahse,har ka va ti si ém!

Ka lehhawi zawk a,min hnungchhawn zawngin a awm a,lei ah ţhu sawp niaih in a awrawl tawp chhuah in a ţap rawng rawng.A sam dum hlap leh sei hniang mai,rimtui ti zet a ka hnim vang vang ţhin,duat tak a ka chul heuh heuh ţhin chu ţham nawk nawk in a ţé tuar(h),let leh mai tum in ke ka pen zet tawh a,mahse,tun a ka let leh anih chuan ka kalsan thei tawh lo ang,ka hmangaih chu ka kalsan ta.Ka awm chhung na lutuk chuan min hmet chau a,a hmuh phak loh,a ţap rawl ka hriat phak na si ah chuan ţhingţhi hnawk in ka ţhian Jpa ka call a,Prisky awmna hmun hrilh in hruai haw turin ka ti tawp.Engatinge?Engvang nge hetiang tur a khuanu hian min in tawn tir a,min lo duan ve kher le?

Ni e,a dik alawm,lesbian ka ni,nih loh a mipa hnaih ka tum ve pawh in ka hlawhchham ţhak ţhak mai ţhin.Ka riru leh thinlung put hmang ka thlak hleithei lo a,ka duh dan ni bik lo zet in mite hmuhsit rawn patil ti a sawi ka ni!

Kan in zau leh nuam zet,a chhung a cheng te erawh kan in nghirngho reng na leh nitin,darkar tin leh minute tin mai a hmanraw tel lo a kan indo na ah chuan  ka pen lut chhak chhak a,engtiklai in nge ka thlen pawh ka hre nek lo e!Ka rilru ah Prisky ngawt awm miau hek le.

"Lalnunhlu,kha i bialnu Prisky tehhrep kha iva hmu leh daw daw ani maw?Zilhhau na pawm thei lo leh pawm duh lo khawp hian i luhlul a,hetiang reng reng a i khawsa anih chuan i pasal tur ka zawng dawn khawp, ka ti mai mai hauh lo ania",ti a ka pa,mite'n a pa ropui ti a an sawi,pa atan a mi fa te'n an awh rawn leh khawtlang leh kohhran tan a mifel langsar,a in chhung ah erawh sakeibaknei ang mai a hàhum dum dum ţhin mihring,ks leh call girl nalh zet zet khawilai hotel leh fianrial emaw a in terek hran pui a sum hmang a nuam tawl ţhin pa lé lo,sumdawng hausa leh verther na a khat in a min lo rúm khum dur dur chuan ka hmangaih ka chan vanga ka rilru,ka thinlung na lutuk leh tawt lutuk chu min ti puak darh a,rilru nat vang a au chhuak ţhawt in bangkil sir a vase mawi zet chu la lawk in chhuat ah ka paih keh chuai(h)!

Chutih rual in ka bek a ri siah thung,a zat vang ni miah lo in,nilo,a zat loh lutuk vang zawk in ka nui hak a,ka pa in min hnek anih chu!

Eng ang a min hauh nasat pawh in,bak ah ruihhlo khawih a inchhung bungrua ti chhe zawng a ka khawsak leh ka awm khawloh viau chang pawh in kut min thlak ngai miah lo,ţawngkam a sawi a duhtawk mai ţhin,eng ang pawh in min ngur khum mahse ka chhanglet ngailo a,a thu ka zawm lem chuang hlei law!Mahse tunah khan kut min thlak,a vawi khat nan,ka rilru no chhuak in mittui tling pam chungin ka pa chu ka melh a,mahse,tih tlak ka tum hauh lo,a kut lian ţha zet mai chu a lo en chhuk ngur a,inthiam loh hmel fé a min en a ţawng tum a a ka a an zuai chuan rang fahran a ban vai nghek in ka room lam ka pan dawr dawr.

Ka room lam pan a ka tlan chhoh dawn a ka nu, lungngai hmel pu zet leh min lainat na mitmeng a khat pu chung a minlo ban ziai(h) tu erawh ka hmu lo der hmiah.Ka room ah lut in kawngka khar in ka kalh nghal a,ka thuamhnaw hlip sawk sawk in washroom ah ka lut a,shower on in tui vawt in ka in phuh tir sang sang,ka thaw kawk kawk a,ka lungngaihna ka bunruah ve na,ka nihna ang taka ka lan theihna,ka mittui thup bo miah lo a ka tih tlak ve theihna hmun ah chuan ţhu hnawk in ka mittui,chhuah chak a min nek min nek reng tawh tu chu ka chhuah zalen a,ka biang tui vawt in a phuh sang sang kar ah chuan inthlahrung miahlo in a luang lum nghal pap.

Ka ţap khur dar dar a,ka hmangaih Prisky ka kal tir mai bak ah kan inchhung khur nuam lo leh hrehawm zet te,ka nu vang chauh a la cheng ve mai chauh ka nih zia te ka ngaihtuah hian lungawi har ka ti a,ka na ngawih ngawih,insúm lek lo in ka ţap chhuak hawm hawm a,a hnu ah phei chuan ka ţap nasa lutuk chu thawk hrehawm khawp in ka hrawk a phui mup.Ka bing mum mum a,ka thaw ţha hleithei lo,ka awm ţham tawk in thawk tum in theihtawp ka chhuah a,awmzia a awm lo,mangang zet in ka ban ka vai ruai a,mahse,awmzia a awm lo,a tawp ah phei chuan zawi hnawk in bual in chhuat ah chuan ka let tawp a,ka room kawngkhar in chum ri deuh bur bur chu ka hre thei a,ţanpui ngaiin ka awm tih hrilh a au turin chakna ka nei lawi silo,thawk leh khatah a thim ta mup!

"Prisky,ka mautuaite,aih,kal suh,min kalsan lo hram rawh,i tello chuan engtin nge ka awm ang?Min kalsan lo teh,tihsual ka nei anih leh min hau in min ankhum la,kut hial pawh min thlak mai rawh,mahse khawngaihin,khawngaih takin min kal bo san lo hram rawh ka mautuaite,i tello a nun hmang turin min phal em ni?",ti a ka auh lawm lawm pawh chuan ka Prisky,ka mautuaitei khan min kalsan tum in ke a pen a,"Mautuaite,min hmangaih lo em ni?",Beidawng zet a ka tih leh chuan a rawn leh hawi zawk a,min huat hmel fé a min en hnu ah min hnungchhawn leh nghal zat!

"Prisky,ka naute,ka mautuaite",mangang zet a ti ruai chungin ka tlan a,khawiah tehhrep nge a bo hman?Ka awrawl tawp chhuah a lo kir tur a sawm a ka ngen ngawih ngawih pawh in alo let duh lo!Thaw kawk in ka harh hlawl a,ţhu chhuak zawt in à riai chungin ka hmangaih Prisky ka mit lén in ka zawng ruai ruai a,hmuh tur a awm miah lo!

"Ka lal",ti sep ri ah chuan ka hawi vut a,ka nu ani,mittui tling pam in min lo melh a,a kut chér riak chuan khur dar dar in minlo ban a,ka biang ah chul riak riak in"ka lal,ilo harh ta maw?",min ti anih chu.Mak ti leh hrilhhai zet in ka hawi kual a,ka room chhung ah kan awm!"Nu,eng thil nge thleng a?Khawiahnge Prisky kha?Min kalsan a tum a,nu,min kalsan lo turin hrilh rawh aw,ka awm thei miah lo ang,i hria tiraw?Nang chuan min hrethiam tiraw?",ka tih chuan min khawngaihna a khat mitmeng a min en chung in min kuah bet thlawp a,ka nu ţangném ah bei in ka hamhaih luat ah ka mittui pawh a tla thei lo!

Ka khum ah mu leh in thil hriat chhuah tum in ka mit ka chhing vang vang a,Prisky khan min kalsan ni lo in ka kal tir ani tih te,ka pa in kut min thlak leh bualin ah ka ţah lai te,thawk harsa ka tih lutuk vanga ka chet buai tak te ka hre chhuak zut zut a,"i room kawngkhar i kalh bawk si a,kan kik a kan chum dawt dawt pawh in i rawn hawng thei silo,i pa in kut a thlak che nen thil ţha lo itih mai hlau zet in i room kawngkhar kan kar chhia a,bualin ah nikhaw hrelo in ilo let reng a",tiin ka nu in min hrilh anih kha.

Prisky nen a kan hlim lai te ngaihtuah kir a ka mitthla a hmu chung in damdawi,ka nu in ka tan a ţha ti a min pek chuan min hneh deuh bawk nen mang ram ah ka lút riai riai a.