JOEL LALREMSIAMA chapter4

JOEL LALREMSIAMA

CHAPTER-4

By-Hluhlu-i Khiangte

"Tichuan,kha vai z*ng kha i lo cheh sak ṭhin a?",Ngeiawm lutuk in a chal a damdawi ka hnawih lai chuan a rawn ti chhuak hrawk! A rawl lian leh thum hlauhawm lutuk chuan min ti hlau a,ka petek dawrh!

Ka petek dawrh chu za lo tih hriat fé a min nuih lui hak in,"Nizan ah i riak bo bawk a,z*ng pakhat chiah i kham lo em ni,ka mipatna pawh hi i lo ìt ve hial lo maw,ka tih i duh ve em? Oh,mahse lungngai suh,duh eng ang mah la natna i kai lo ang tih pawh a sawi theih loh a,ka ti chak hran lo che,bak ah i vai mipa kawp te ang in sum ka vur hneh viau lo ang che",a tih chuan ka na vawng vawng.

Ka ngawi rán a,a chal pawh damdawi hnawih hleithei lo in ka khur dar dar a,ka mittui a tling pam bawk,luhlul zet in tih tlak loh tum in ka in pet ruh fan fan a,ka ban rèk ah na zet in a rawn hmer thut a,ka phu nasa teh e! "Inno hmel zet khan lan tum duh suh,i awle mittui phei kha chu ka hmu peih lo nasa ania,i hmel hmuh pawh tih tawh laiin",a tih chuan ka in phah hnuai na a phih thla hlawk!

"Tunge ka hmel hmu tur a rawn kal tur in ti che,a ngen in ka ngen che em ni? Ka kiang a awm tur hian ka ngen che em? Ka nun a in rawlh turin ka sawm che em ni? Eng ang ah nge ilo in ngaih a,min sel tur hian eng ang khawp a ropui nge i nih bik chai le",ka ti ṭhawt a.

Ala nui hawk hawk thei anih chu! Kei mittui nen ka in chiahpiah niai(h) tawh lai in! A nui ri te chuan ka thin a ti rim a,min hmusit viau tur hian engtiang a ropui nge a nih bik fakau le? Ka in seh ruh a,namèn lo in thinrimna in min tuam hlup hlup.

Ka ding hluai a,"Chhuak rawh,ka in chhung aṭang hian chhuak vat rawh,ka hmu tui bik nek hleinem che,i duh a i ankhum tur ka nih loh ang bawk in i kut thak hnawih na tur ka ni lo,i nuihzat tur ka ni lo leh zual",chang fe in ka ti chhuak hrawk a,a nui hmel tawp riai riai in min rawn kuah nawk,ka tal fat fat a,tal chhuah ka tum ruh hle,mahse mipa tha na na na chu hneh a lo har nasa,ràk chiam chung in min thlah turin ka ti a,min kuah khan ka thinrimna kha natna in a rawn thlak hlawk bawk,ṭap chhuak hawk in awmze nei lo zet in ka ràk nawk nawk a,ka sawi ber pawh a hre niau lo ang e!

Ka dar tawn tawn a vuan in min thing nawk nawk a,rilru fim pu turin min vin ṭhawt bawk,ka zawi hnawk a,tal tur in keimah ah hian chakna a awm tawh lo,amah ah ka tlu lut rawk rawk,ka chau,ka hah lutuk tawh,he na hian min hmet na lutuk,chhuat a ṭhu thla hnawk in chhuak zet in ka la ṭap hawm hawm tho! Duat zet a min kuah in min chul heuh heuh a,hahdam turin min hrilh sup reng bawk,a khat tawk in ka chal leh ka bek a fawp leh vawng vawng ṭhin.

Ri meuh in ka ṭap tawh lo a chu khawi a mittui zozai nge maw ka neih bik ni? Rawn luang chhuak tur ala awm cheu anih chu! Ka mit a thip hlur a,chutiang bawk in ka hrawk pawh,ka dang a ro lutuk a rawl chhuah tur pawh ka nei tawh lo,chu thil chu hria ni awm ziazang in min pawm tho nawlh in ṭhutthleng ah chuan dimdawi zet in min nghat a,choka lam ah va lut in tui min va laksak a,duat zet in min tulh leh lawi!

Hriatthiam har-a anih hi!

Tukṭhuan pawh ei lo in kan tlang ta vel mai mai a,lunch erawh hma zet ah kan ei,Joela'n rawng a bawl surh surh,ala tui phian leh ta nghal a,kan in be tam lo kher mai,kan in en a,kan nui leh suk ṭhin,kan ei mawp mawp a,kan puar hnu chuan keiin kan thil ei na hnawk vel ka ti fel a,thleng te ka sil fel hnu a Joel-a lam a ka va kal chuan thinrim hmel a lo pu leh der tawh!

"I ṭha em?",tiin ka zawt sap a,a lungawilo hmel thup in a bu vei nghut ringawt! Sawi tur hrelo lài zet in ka tawi ka tawi a,"beer i kawl em",a rawn ti nghut rì ah chuan ka phu zuk a,a phun hluk thung,ruihtheihthil hrim hrim a ti ngai silo a,mak ka ti viau a chu kei ang tho in in tih thawl na a zawng ve ani mahna.Kei erawh chuan Beer leh chips(sehhmeh) hi chu zan tin mut hma a ka in ziah avangin ka kawl reng,ka mini fridge aṭang ka va la chhuak a,chips ka la tel bawk,kan in dun rak rak a,kan in be tui tam chuang lo.

"Ka lal fanu,ka hmangaih zia che hi i hria em?",min ti sap a,a hmel ka en chho hà a,chal ti chuar deuh tap in minlo en ngur! Ka aw thian kharh kharh in,"ka hria alawm,kei pawn ka hmangaih lutuk che alawm",ka ti sep a,ka chal ah dim te in a rawn fawp zeuh.

"Ṭhianṭha tak ni mah ila i zawng zawng min hrilh hreh na chin a  awm dawn tih ka hria,mahse min ring ngam turin ka duh che,kan fight dun dawn alawm,i harsatna pawh Pathian nen ṭang ho in kan bei anga,kan hneh mai dawn lawm",a tih chuan ka sa phat!

A lak a ṭanga tal hrang hlawk in, "In Pathian,in Pathian nung sawi teh hrep hian engvanga min ensan a,min hawi duh lo nge anih?Mi nung zawng zawng te leh mitthi te Pathian,Pathian diktak in ti teh fo ani lo'm ni?",ti a rak tuar(h) in Joel Lalremsiama Chu Ka melh haw! 

"Shhh,in bengdai rawh,tlai ngailo Pathian ani alawm,keini chu sual eng ang mahila a hmangaih ban in min chelh tlat asin",a tih te chuan ka thinrim a ti zual sauh! Min rawn kuah a tum na chu ka lo tawlh hlat san dawrh a,chek hlut chung in min rawn phih dawrh!

Min kuah bet thlawp a,duh lo lutuk in ka tal nawk nawk,ka awm dan in a thin a ti ur ngang ani mahna min thlah nawk a,chhuat ah mawng sawh dawt in ka tlu thlawrh."Pathian i dem a maw? Eng harsatna pawh tawk la dem ngam tur ini in i in hria em ni? Tun thleng a nungdam a ila awm chhan te kha engvang nge ni a i hriat hrep le",ti chung in min kalsan leh anih chu!

Za lo lutuk in ka nui a,ni e,nunna min pe a,in enkawlna tur min pe leh duh si hleinem,beer lak chhuah belh in ka in leh khawlh khawlh a,ka duh khawp lo,whiskey bottle 1 ka kawl ve chu ka in karh karh a,ka tlak pap pap.Bottle chanve zet ka in hnu chuan kai ṭha tawh tak ka ni,ka room lam pai nawk nawk chungin ka pan a,Sanjay pawh biak ka ngai tak e,pawi lo,naktuk ah ani tawh mai.

Lu na bur in ka tho ṭuah ṭuah a,ka in ah hian chhimthlipui a tleh a nih loh pawh in hmarthlipui tal chu a thawk chiang alawm,a hnawk turu lutuk tlat,tha tho lo zet in ka ti fai a,nachhawkna hmawm hmak mai teh ang,damdawi ka ei zawh ah inbual fai in ka mu leh hmak,hna pawh ka kal peih nek lo e,manager ka call a,ka damlo tih ka chhuanlam hmiah,hna kal loh ka neih ngai zen zen loh vang leh keimah kher min duh customer ka ngah bawk a,staff dang te ai ngawt chuan min duhsak deuh! Min thik in min er hlawm phah rèng bawk,naga leh manipuri ho ka thawh pui a,mizo chu Ate-i leh kei bak kan awm lo,an zing a ka khawsak peih loh vang a flat hran la ka ni bawk,Sanjaya'n minlo provide bawk nen,ka zalen halh halh khawp.

Muthilh vei hmak ka tum nen ka muhil thei ṭhak lo,Sanjay thusawi ka hre chhuak a,"ka hmangaih che",min ti anih kha,zahthlak hian! Min duh tih chu ka hria,chu pawh mipat hmeichhiatna hman chung chang ah kei ai a ti lawm thiam an awm miau loh vang ani.Min hmangaih emaw a ti mai mai,ka nui hak hak a,Joel ka ngaihtuah chhuah rual in ka nui tawp riai riai.

"A Pathian dem lo turin min ti vel a,a chung ah a ṭha ani mahna,hleih nei a rorel ṭhin Pathian hi ka dem loh nachhan tur ka hrelo e",ti in keimah in ka phun nuah nuah! Muhil thei lo in ka let ka let a,khawvel hi chu aw,fair lo ngawih ngawih tak ava ni tehlul èm!

Kan in nghahna ka pa min laksak in fahrah in min siam phawt a,ka nu cancer natna vei tir leh in theihtawp a Khawzawl leh Champhai chho zawng zawng ka hrùt chung pawh in ka nu natna nunrawng zet enkawl na tur hmu lo in min siam leh a,mangang lutuk a ka theih ang tawk a ka zawn hnu ah thawh tur pakhat Champhai vengthlang north min hmuh tir ṭawk a,kha in ah lah khan an pa ber in min khawih luih a la tum cheu a,thlamuang thei ngang lo in Aizawl ka kal thawr!

Aizawl ah theih ang ang in hnathawh tur ka zawng a,ka theih na leh thiamna in a tlin lo zel si,hna rum thawk a in sakna ah te inhlawh tur a ka kal pawh in hmeichhe awm nèm ka ni bawk nen hnawl ka ni zel a,beidawng zet a ka awm hnu ah zankhat a cheng singkhat hlawh turin mi hausa zet pakhat in tenawm zet in min thlem anih kha!

Ṭap chung in ka ngen a,khatiang zawng kher lo a hna min pe turin,mahse hnawl sak ka ni leh,ka nu damdawiin ah ṭhenawm khawveng te'n an tlan luh pui thu min rawn hrilh bawk nen kawng dang dap hman ka ni tawh lo a,kha zan nunrawng zet ah khan ka thianghlimna ka hralh,zarkawt veng pa hausa zet,officer lian tak ani a,a sum min pek ang zawng zawng ka thawn nghal a,ala tlem lutuk cheu!

Atei'n min rawn be pawp hlawl in a thawhna ah staff an in daih loh thu min rawn hrilh a,hlawh pawh thla khat ah 22k a ka ṭan theih tur thu min hrilh,rang takin Ate-i thawhna lam bangalore ah ka kal ve thawr a,flight ticket min tum sak vek nen ka tan kawng a awlsam,a hmun ka thleng thla chu ka rin ang ani hauh lo!

Mipa taksa ka zût a ngai a,ka duh lo viau dawn a chu ka nu treatment lak na ka ngaihtuah a ngai a,ka nau Lalhruaizela leh Ramtharnghaki te school fee leh an ei leh in tur a la ngai cheu,ka tum loh leh ka duh loh dan zet in offer ṭha lutuk ka hmuh avangin ka ti ve tawl.

An private part te khawihsak in sum ka hlawh chhuak zel a,Ate-i kawng min kawhhmuh ani nghe nghe,ka ti chho zel a,Sanjay ka tawng ta a,ani nen phei chuan sex hman dun hial kan thleng chho a,vawi khat ka mut pui ah singkhat te,a chang in singhnih te min pe ṭhin!

Ka duham telh telh a,ka chhungte nghei lo a ka awm tir theihna anih hi ti a mahni thiam in chan tir chawp in ka ti zel a,harsa lutuk lo in ka chhungkua ka dah ve ta,ka nu in enkawlna pawh mi hmai èng zah chung chung a pùk chawp a tih a lo ngai ta lo a,hlim viau awm tak ka nih tehlul nen ka hlim chuang der lo!

Mangang leh lungngai tak a ka auh pawh a ka auh eih zawh loh kha mamawh in ka in hre lo ta hial a,sum ka thawk chhuak a,dik vak lo in,ka chhungkua ei leh in tur ka pe a,silhfen ṭha tak tak ka in bel bawk a,ka nu pawh a ngaihtuah awm ta lo,chuti chung chuan ka nun hian thildang mamawh a la nei cheu tho anih chu!

Joel call in ka flat a lo kal turin ka ti a,engmah sawi buai lo in a lo kal ve mai bawk! A thinrim a reh deuh tawh ani mahna le,ka hun tawn engkim ka hrilh a,ṭap hlawp hlawp chung in ka sawi zo hràm,ṭawngkam khat pawh chhak chhuak lo in min ngaithla a,ka tan ka ṭhian,ka unaupa kha ala ni reng,min kuah in min hnem a,thinrim in min ankhum tawh lo ringawt pawh chu mak ti viau mah ila ka tan thawk huai na tham ani lawi.

Ka thaw huai a,ka thawl hawk bawk,"tlùk luhna tur neih hi a lo va thlamuan thlak èm!",tiin ka phun sap a,ka nui seih bawk,Joel pawh a kiai ve suk a,chal ti chuar nùng a min en in min rawn fawp anih chu!

Ka hamhaih lutuk chu dan nachang pawh ka hre lo,ka dawh mawl tawp! Dimdawi zet in min fawp vawng vawng,tisa in ìt na tel map lo a fawh ka dawn hmasak ber ani a,hahdamna mak zet min thlen hial anih chu!

Min fawhna a thlah rual in "Ka hmangaih che",a ti sap a,ka kimki nghal chaih chaih thung!