JOEL LALREMSIAMA chapter-7

JOEL LALREMSIAMA

CHAPTER-7

By-Hluhlu-i Khiangte

Mangang zet in ka phì ruai a,Joel call leh ka tum a,a in switch off hmiah!

Bangbo zet in ka hawi à riai a,min iai in min kalsan ta mai em ni?a hnathawhna lam bia ila a ṭha ang,tak a,Lalmuanpuia number ka nei tak e,Mapuia(Lalmuanpuia) hi Joel ṭhianpa ngawih ngawih ani a,Lalmuanawma te nen an pathum hian in kawmngeih tak an ni,hotel khat ah an thawk ho vek bawk a,Mapuia hi bartender niin Muanawma hi front office a duty ve ṭhin tho ani bawk,an pahnih hian in an in luah ṭawm bawk a,hun an neih chang apiang in kan flat ah an rawn leng lut a,keini pawh kan leng ve fo tho,Joel-a ṭhiante an ni bawk a keipawh in ka nel hle,Mapuia chu ka call a,a ring na a min chhang thei chuang lo,Muanawma number ah ka try leh a,min chhang thei bik lo cheu!

Ka thinrim pawh a ni tawh lo,ka mang hi a ang takzet zet,message ka hnutchhiah ve ve ta ringawt a,nghah ngawt ngawt bak tih theih ka nei lo.

Message tone a ri tleng a,rang fahran in ka hawng vat,video bawk ani,club pakhat ah mi lam zi hut hut a lo lang a,ho ti zet in ka ner nawk,mahse ka hmuh duh loh lutuk thil ka hmu tel,camera chu in her in Joel leh  hmeichhe pakhat an lo in fawp ngawng ngawng anih chu! An duhthawh dun kher lehnghal,ka hai thei lo,ka hrechiang lutuk tlat ani,ka mit hian hmu thei lo pawh ni tehreng se ka thinlung hian a hrechiang tlat alawm,ka hmangaih kha ani tlat a. In kuah rial in club kawngkhar lam an pan a,club an chhuahsan chiah tih ah video pawh a tawp hmak!

Joela'n duhthawh zet a hmeichhe dang a fawp hlawih hlawih chu en hrehawm ka va ti tehlul èm,mizo ve tho niin ka hria,kan duty nen,tin,mizo kan tam bawk nen hriat ka nei lutuk lo bawk a,ka mamawh ber Joel ka hria in kan hunawl ah kan pahnih a hun hman dun kan duh ṭhin bawk nen tu a mah kan ngaihsak vak ngailo,video chu ka en leh ṭhin a,en hrehawm ti viau chung si in ka en nawn ka en nawn lawi!

Thawm ri rak hria in thawm awm na lam ka hawi a,Mapuia leh Muanawma bak ah mipa pakhat a lo tel bawk,Joel hmuh tum in an hnunglam ka en hà hà a,an rawn hruai ve pa ber chuan ka thil zawn hria ni awm takin "a rawn kal ve dawn lo,a rawn haw tawhlo ang",a ti nghut anih chu!

Rum zet a ka melh hnu ah ka tlan chhuak a,pawn ah pawh  a awm miahlo,tlan lut leh vat in,"Hey,nangni ho hian min prank ami a?",ka ti ṭhat a,ka thinrim takzet,beidawn hmel lutuk in Mapuia te pahnih chuan min en a,an rawn hruai ve pa chu engthawl hmel zet in ṭhutthleng ah a ṭhu a,a bawp a khawkherh nghal zat,thinrim nen zaktheilo hi ka ti ngawih ngawih,Mapuia te lam hawi in,"Sawi vat ta che u mawle,khawiahnge Lalremsiama pawh chu a awm a? In mak emai,fiamthu ah pawh chintawk a awm ngai",ka ti leh hlak hlak a,an rawn hruai pa bawk chuan "a rawn haw dawn tawh lo,a duh tawh lo che",a rawn ti ṭhawt anih chu! Mak ti lutuk in ka en a,min en ngur in "a ning tawh che",a ti leh sup bawk!

Mittui tling piau in Muanawma te lam ka hawi a,an lo bu nghut ringawt!

"Aih,min ning lo,min hmangaih alawm,in hresual anih kha,Joel-a te chuan min hmangaih lutuk,lo haw teh se vai hmunphiah darhsarh vek khawp hian ka vaw zuang er zawk zawk dawn",tiin ka nui hak hak a,ka nuih zat loh dan erawh pui tak ani.

"Zanriah tur ka siam anga,tumah kha ka bawl kep dawn lo che u,in nghei vek ang,duh leh order mai rawh u",ka ti hlaih hlaih a,chawchhum ka siam rak rak,chutah an rawn hruai pa chu ka lam rawn pan in nichin ka mobile a video ka en kha min rawn en tir leh kher anih chu!

Biang a mittui luang ngiai ngiai chung in a hmel ka en a,ka hmu phè vek,a tak ngei ani tih ring lo thei lo in min siam a,natna nasa lutuk in min bawm,ka mittui tuai hul in ka en kual a,an pathum chuan lainat hmel zet in min en a,an rawn hruai pa,pa lian zet takngial pawh chuan khawngaihna mitmeng nen min en!

"Aih,kha ti khan min en suh u,min khawngaih suh u,ka ṭha,ka ṭha lutuk,mi te pawh in ngaihzawng an nei a,an in ṭhen leh a,in ngaizawng chu sawi loh Pathian leh kohhran hma a thu tiam te meuh pawh an inṭhen ṭhin alawm,kei chu ka chak a,fahrah mai ka ni chung pawn hei chen hi ka kal theih hi,Joel-a pawh in fahrah neih neilo chu nupui atan min duh tak tak lo ang tih ka hre sa daih tawh alawm,a ho lutuk,ka ṭha,ka ṭha lutuk",ka ti chhuak nawk nawk.

Eng ang ah nge maw ka lo in ngaih a,kei ang nun hniam lutuk in Joel-a te ang mipa ṭha ka lo hnaih ve ngawt,ṭhian ah khan tawp mai tur kan ni a,ka lo hmangaih bawk nen ka tih loh tawp tur ka ti a,a tawp ah kalsan ka ni a,ka na leh a,ka dai loh tur ka dai chuan ka tlùk mai loh nàk ah!

An thusawi ka ngaihthlak duh miau loh vangin beidawng zet in min haw san ta ngawt a,mumal nei lo lutuk in ka khawsa tawp! 

Zanriah pawh chaw ka chhum bak ka siam lèm hlei lo a,ei chakna pawh ka nei nek lo e.

Engvangin nge hrilhhai tak leh hamhaih tak a awm turin min kalsan kher le? Tih zawhna ngawt ka rilru ah a awm a,ka zawh duh ber ka kiang ah a awm lawi silo! Ka rilru a zawhna awm chu ka zawt mawlh mawlh reng tho a,min chhangtu an awm bawk silo,insiam sawk sawk in ola ka book a,club hnai ber a min hruai turin ka ti hmiah.

Rui nghek ila a ka na tuar te hi a zia mahna!

Club ka lut chu a ri nuai(h) nuai(h) a,bar lam ka pan leh hmiah! Whiskey tak ṭha ngek ngawk no ruk zet ka tlak pap pap hnu ah pawh ka rilru a la fìm kar! No engemaw zah ka in leh hnu ah ka haw chhat chhat a,ke in ka kal miah miah,tlai zet ah in ka thleng a,inthlak peih tawh lo in khum ah ka mu nghal hnawk.

Ka lu na lutuk vang in ka harh a,natna in min luhchilh leh nghal ut ut,engati tehhrep nge ka nun hi a buai bik reng mai le? Hlimna tawng tur a duan ka ni ve lo ani mahna! In ti phur luiin hna lam ka pan a,tukṭhuan pawh ka ei leh chuang lo,hna ka thleng staff room ka lut chu mak ti hmel leh ten hmel zet in minlo en ṭhap a,a awm lo hran lo e,an boss kut ka thlak hmiah ania,ngai pawimawh lo fahran in hindi hla phuahchawp zet ka sa al al,thawven hmel zet in ka awm lui ngar ngar a,ka chhungril a hlim chai silo!

Hlim hmel chhuah in mi ka hmachhawn a,ka chhungril rùm ri hi a ring tawk lo nge tuma'n an hre thei lo!

Ka hma hun ngaihtuah dan ka thiam lo a,ka tun hun ah pawh hian buaina ka ngah lutuk tawh,Abhishek in min rawn koh tir a,peihlo zet in a room ka pan,a room ka va lut chu Ate-i a lo awm leh ràn tawh,nui lui sàng in,"Sir,mamawhna min nei em ni",ka ti a,ei loh hmel zet a Ate-i min lo ner khum sak ka hmuh rual in ka mit ka siai vei sak.

A meng ling leh hlar tawh,ṭawng tum a a ka a àng zuau hman tih ah Abhishek a rawn ṭawng a,ṭhu tur in min ti sup,phur hmel zet a ṭhu in "offer ṭha lutuk a nih loh chuan ka pawm lo nghal",ka ti ham ham,a nui hawk a,hriatthiam loh hmel zet in ka melh kiau.

Paper min pe a,engnge tih hriat tum a ka hawng chu flight ticket ani! Mak ti ru zet in ka en kual a,ka hming a book ani.

"Andaman ah maw",ka ti hliai a,a bu vei nghut,"engvangin",ka ti sap a,Abhishek ṭawng hma in Atei'n a lo ṭawng khalh nghal zat zat.

"A chhan chu sir nen hian min ti buai tu awm lo a khawsak kan duh a,Andaman and Nicobar Island ah a nupui leh a fa te an awm a,an hotel Fortune a thawk chungin i thlithlai ṭhin tur ani ang",a ti chu ka nui hawk hawk a,mak tih hmel zet in min en ralh ralh.

"Ka tello pawh in in ti thei awm tho si a",ka tih chuan,"thei tehreng mai,mahse ka bialpa chhelo zet hian a khawngaih che mawle,fahrah mai i nihzia te ka hrilh a,sum i mamawh vanga i in zawrh ṭhin thleng in,i bialpa pawn a kalsan tawh che a ni lo'm ni? I sex video kan kawl tih hre bawk la,duh thlang thei tur in i in ngai em ni? A leak out vaih chuan i nau te pahnih ngaihtuah tel la,an u hi an zahpui ngawt che in ka ring,kan duhdan a i awm chuan i hlawh a lèt in a pung ang",a tih zat zat chuan ka sa pup pup a,mahse chapo zet in "ka lo in ngaihtuah ang" tiin min biak leh hma in ka chhuak nghal zat.

Washroom ah tlan lut in tui ka herh haw a,ka mittui a tla tur a ni lo ti viau mah ila ka dang thei lo,darthlalang ah ka in en a,he hmel hian hlim hmel chhuah ṭhin in nui hmel pu ṭhin mahse a chhungril hi a ṭap a,mi hmuh hlau in hmun kilkhawr ah mittui a paih chhuak ṭhin ani si a.

Joel ka kiang ah a awm tawh lo a,ka nau te Israel leh Hruaia ka enkawl an ngai bawk,nu Ngaihi te hnen ah chuan ka dah reng thei bik lo ang,ka tan chuan Andaman kal chu a finthlak ber in ka hria a,mahse hemi te hian engahnge hman ṭangkai min tum phèt ni? Engnge Abhishek nupui pawh chu ka thlithlai kher a ngaih? Mahse ka hlawh ṭhat zawk na tur ani a,ka nau te pawh ka enkawl nawm phah thei deuh ang chu,Hrep hian! Ka nun buaichuar lutuk hi kalsan vang vang ka chak takzet,ka thei lawi silo hi ka hah ngawih ngawih.

Andaman kal tur chuan kan in ti fel a,ni hnih hnu mai a chhuk tur ka ni,kan flat ka singsa a,Joel lah a la reh vawng vawng mai si,mahse min ten in min diriam tawh a,min ning viau ani awm a,hman zan ah Lalawmpuia'n(mapuia te ṭhian pakhat kha)a sawi tak kha mawle,"a ten che,a ning che",min tih kha,a ṭhiante kiang ah hial min nin thu leh min ten thu a sawi a,amah pawh a ruk a ral a ka hmuh hman hlau a a chhuah bo chuan min hnaih a duh lo viau ani ta ve ang.

Ṭha vek e,ka nun ah hian ka nau te pahnih chauh hi tel tawh sela,buaina engmah neilo a nun hman ka duh ve tawh thlawt. Ka pa ah kan in nghat a,min kalsan a,ka nu in min awmloh san leh a,Joel a ni leh a,ka nun a bet te hi an bet rei duh lo emai,mahse Pathian pawh in ka nau te pahnih hi chu min lak sak a duh tawh bik lo ang,anni lehzel ka chan anih chuan ka à thei mai ang.

Naktuk ah mai ka kal tawh dawn a,Joel hmuh ka in beisei ru tlat anih chu,chhin te khat mah chhing eih lo in tlai ka var ṭhak a,ka mit a ṭhial ùrh mai,ka in siam fel vek tawh vangin ka awlsam angreng a,bungraw kalsan ka nei nual a,khu lam ah min pe ṭha tur ah ka ngai ngawt a,flight ah ka ṭhu lut a,engmah ngaihtuah lo in ka mit ka chhing vang vang,ka nun hman dan bawk mitthla ah a lo lang a,mahni in khawngaihna nei a ka mittui luan chhuah chak a za zek zek chu duh lo in ka lu ka thing nawk nawk a,ka mit meng in ka heh ka pet fan fan a,ka mittui ka hru tawk a,in ti chak hram hram tur ka ni tiin ka in fuih ru mawlh mawlh,har ka va ti si èm.

Andaman ka thleng a,ka chau takzet,Hotel Fortune lam in min lo hmuak a,ka room tur ah min thlah a,naktuk ah ka in report ang tih ka hrilh hmiah,an pu in min duhsak bawk a,hotel ah hian spa an dah thar a,therapist ni lo in manager ang in ka awm dawn ani.

Tlai ni nèm ah ka chhuak a,ola pawh awm lo,hmm,ṭhing reuh lutuk. Auto ka la a,bar a min hruai tur in ka ti hmiah,min hmu aoiang chuan min en deuh haw haw a,ka ner khum sawk zel! Vai ho mi en haw haw ching lutuk hi chu bin hrep ania ka chàk ṭhin ni. Light house an tih ah min hruai a,floor thum a sang ani a,a chung ber ah ka chho a,open air anih vang ani,beer ka lam hmiah,nuam reuh tak ani,khawthlir a nuam si a,beer vawt in pah in ka hawi kual dauh dauh a,"thingtlang reuh phian",tiin ka phun sup.

"Hello,ṭhiannu,mizo i ni mial em?",tih aw ri ka hriat na lam ka hawi vat a,mizo nupa ni awm tak leh an fanu ni awm tak ka hmu,min nuih sàng a,ka bu nghat ringawt,in thiam leh chiah lo in "vawiin ah ka lo thleng chiah a",ka ti sep a,a hmeichhia zawk chuan min nuih var var reng,light house nei tu pa nen sumdawnna lam a inhmuh an tum thu te a sawi a,mizo welfare join vat tur leh an in a leng turin min sawm dèr. Mobile number te in pe in hnathawk te'n an rawn koh tak avangin min kal san a,chhungkaw fel tak an nih ka ring ngawt.

Ka mobile a a number save chu ka en a,Naom-i nu tiin a lo in save kiau a,ka nui hak,a fanu chu a chhuang hle mai ti rilru rauh rauh pah in ka beer ka lem leh khawlh khawlh.