JOEL LALREMSIAMA chapter-11

JOEL LALREMSIAMA

CHAPTER-11

By-Hluhlu-i Khiangte

(Rawn dah loh tawp ai ah tawi fahran in ka rawn dah mai,in ning tawh em?A tawp ṭep aw)

Beiseina ka neih ve kha a thamral leh nghal vek!

Message rawn thleng chu Joel-a number aṭang ani.Message ka hawng chu "Joel bialnu ka nia,hna thil te anih lem koh chuan rawn be buai suh",tih hi a lo in ziak kuau.

Na zet in thawk ka la a,phur lo zet a inbual in ka khum ah ka let tawp.

Ka hun hman dan rilru in ka chhui kir rauh rauh a,lungawina tur rèng hi ka hmu lo!

"Nu,pa,Lalpa Pathian hnen ah khan khawngaihin minlo dil sak teh u,chak tak a ka awm theih nan leh ka hun tawn hi ka pawm thiam theih nan",ti sep in mutthilh tum in ka mit ka chhing riai riai.

"Engvangin nge min phatsan?Hneichhe dang nen a khawsak dun chu nuam iti em?Ka haw lutuk che",tiin ka rilru na chhete tal a kian theih nan pawh ankhum bawrh bawrh ka chak a,mahse ka nunhlui vang bawk in ka theilo.

Nawhchizuar kha ka ni miau alawm!

Ka nunhlui hian min vaw chau hneh lutuk a,a tuar tu chu kei tho ka ni lawi bawk si,ka tuh rah ka seng a,pawm harsa ti eng ang mah ila pawm lo ngam ka ni chuang silo.

Muhil thei ngang lo in ka tho chhuak leh a,Mapuia call in an hnen a ka kal tur thu ka hrilh hnu ah insiam sawk sawk in ka chhuak.

Auto pakhat ka hmu hlauh a,ani in min hruai a,Mapuia te room ka thleng chu Muanawma leh Lalawmpuia te nen zu in pah in playing card an lo khel. An kiang a ṭhu in zu ka in thlit ve nghal hmiah!

Ka in pawp pawp a,min dan tum viau mahse ka ti lui ve tlat,ka ruih fe hnu ah ka ṭah khum chiam! Ka thawk sak lutuk chu hrehawm tak ani,mahni in sitna ka neih zia te leh Joel-a'n min phatsan thu ka sawi mial mial a,Joel-a ankhum ka chak na kha an pathum chung ah ka hrithla a ni ber.

                       (JOEL POV)

Lu na bùr in ka meng ruai ruai a,ka kiang a mu ka hmuh chuan ka meng zau kawk,ka taksa ka en a,ruak ngal ngat in ka awm!

Loh theih loh in ka hmangaih Annie Lalruatdiki ka kalsan a,a mualpho ka duh lo,ani chauh an kawk dawn lo a,pawi sawi ve lo leh duhawm em em mai a nau Israel Ramtharnghaki leh Lalhruaizela pawh kha mi te kawh rawn an ni dawn! Chu mai ni lo in a nu leh pa,mitthi mai ni tawh thleng khan mi te nuihzat an ni anga,chu thil chuan ka hmangaih a ti na dawn tih ka chian èm vang a kalsan ka ni!

Kei mipa,Mipa ah pawh pa in ti ve tawk tak pawh hian harsa ka ti a,ka hmangaih Annie kiang a ka awm lo chiah chu ka nu leh pa min zirtirna zawm zo lo khawp in ka rilru na chhawk nan zu ka in phah hial,ka duh dan ni lo zet in he hmeichhia hi ka mutpui bawk.

Ka room kawngkhar ri bur lam ah chuan ka hawi phei a,ka ṭhian ṭha tak,Mapuia leh Muanawma bak ah Lalawmpuia te an rawn lut,tun ang hun ah eng thil nge maw an rawn tih dawn ni! Mapuia'n min rawn pan ding nalh in min ṭham tho nawk a,min hnek nghal siah!

Ka pai nawk a,thinrim tih hriat lutuk in Muanawma'n min lo melh rum ngang bawk!

Lalawmpuia pawh a dan ngai te in thawven hmel zet in min en ran a,min kiai khum suk.

Ka hmeichhe kawl Venhimi pawh kan thawm ah a rawn tho ṭiah ṭiah!

"Mahni hmangaih pawh venghim zo lo,mi nep lutuk,ka ṭhian ti a ka chhal che hi ka zak zawk",tih pah in Mapuia'n min hnek leh a,khawih let tum na ka nei miah lo chu mak ka in ti hial mai.

Venhimi a ràk chèl chùl a,vin lutuk in Muanawma'n in ha vat a,chhuak nghal tur in a au ṭhawt,zum dàk in a in ha sawk sawk a,hmanhmawh lutuk in a tlan chhuak dawr dawr. A hnung ah Lalawmpuia'n a lo nuih hawk.

"Ka hmangaih ti a i sawi hmeichhia kha natna nasa zet i pe a,a ni kan kiang a rawn kal a rilru na lutuk a a awm lai khan nang in nuam i lo tawl a",tiin min au khum leh ṭhawt!

"Annie a lo kal maw?",ka ti nghut a,mak ka ti ru viau mai.

"Kal e,nizan ah a call thu che leh hmeichhia in call a lo pick-up thu a sawi a,mahni in sit na nasa zet neiin thawk la ṭha theilo khawp a nasa in a ṭap",Mapuia'n a tih chuan ka thaw hrawk a,ka ṭhu hnawk,natna chauh ka pe a nih hi!

Ka ten leh ka sit vanga kalsan ah min ngai dawn a,chu pawh na a tih tawh tehlul nen hmeichhia ka awm pui lai kher a hre lehnghal chu inthiam lohna in ka khat nghal. Hawi a heu chung a bangalore kan flat kawngka bul a min hmuh tum a a hawi kual ruai te kha aw,ka kalsan a ngai si a,na tak chung in ka thlir ngawt ngawt tawp anih kha!

Ka sit lo a,chhete mah in ka iai hek lo,a nunhlui kha ṭha ka ti lo a,nat pawh min ti na ngut ngut,mahse siamṭhat theih tawh loh nunhlui vang a ka hmangaih ber kalsan ai chuan kan tun hun leh hma hun hlim tak a hman ka duh zawk daih.

Chu pawh chu phal sak kan ni chuang lo!

A chhungkaw tan a theihtawp chhuah tu,naupang te ni chung a chhungkaw enkawl a ko a in nghat a,a nu damlo cancer tan a ṭha leh ṭha lo pawh thliar thiam lo khawp a hrehawmna in a bawm khah nawhchizuar kha ka hmangaih ani!

Hmangaih chung si in na tak in ka siam a,mi nep ber ka ni.

Tho chhuak vut in ka insiam sawk sawk a,"engnge tih i tum",ti a min zawh chuan Annia ka hmuh a ngai tiin ka chhang nghut.

Insiam zo in ka chhuak nal nal a,ka room chu lo kalh ṭha hlawm mai teh se.

Annie te room ka thleng chu door bell ka hmet ri ral a,Israel-i'n kawngkhar rawn hawng in min hmuh chuan a u a ko chung.Nuih hawk in a lu ka tuai sak vut a,duhlo zet in a rak ve chùl.

Mit bui làk leh pawr fap a hlim hmel pu lui chung a rawn kal chu ka lo en a,ka hmel a hmuh rual a a mit a natna lang chhuak kha hmuh hmaih harsa ka ti thlawt.