JOEL LALREMSIAMA chapter-1

JOEL LALREMSIAMA

CHAPTER -1

By-Hluhlu-i Khiangte

( "In Pathian,in Pathian nung sawi teh hrep hian engvanga min ensan a,min hawi duh lo nge anih?Mi nung zawng zawng te leh mitthi te Pathian,Pathian diktak in ti teh fo ani lo'm ni?",ti a rak tuar(h) in Joel Lalremsiama Chu Ka melh haw! )

Ka taksa,Ka thisen leh Ka thlarau thleng in nuam a tuar a,mumal lo zet in Ka rak chhuak nawk nawk,ka sî hliam hliam a,nuam ti lutuk in Ka rûm chhuak leh hak thin.

"Fu*k! Rang tak in che rawh,pialral kawtchhuah chu min tem tir ta che zawng Sanjay",ka ti that.

Zawi zet in ka chungah a rawn bawk hnawp a,duat zet in ka lo kuah bei thlap,ka awm bawr a tham tâwk a,duhthawh leh uar fahran a min fawh leh nawk nawk hnu ah in ti fai turin washroom lam kan pan.

Sum kan in hlan fel hnu ah nui var var in ka flat luah lam ka pan a,ti hi chuan mangang in ka chhungkua an awm bik tawh tawp lo ang,ka au a,thingthi chung leh awrawl tawp a Ka auh pawh a ka mangang au aw hre pha lo Pathian bengngawng hian min pui lo mahse ka chhungkua chu riltam in an vakvai tawp bik lo ang.

Kei hi Annie Lalruatdiki ka ni a,kum 19 ka pum awrh chauh,Annie tiin min ko mai thin,ka pa in min boral san na pawh kum thum lai a lo liam ve ta! Ka pa boral atang kan khawsak harsat sa nen kan sum dinhmun a tlahniam leh zual a,ka nu in ka pa boral a tuar luat a a taksa chak lo emaw kan tih khan natna nunrawng CANCER a lo ni reng! Kan khawvel a zim zual sauh a,ka pa dam lai kha chuan mi neih ang nei pha lo mah ila chaw khawn em in kan khawsa ngai bik lo.Mahse an in sak lai mek chhawng chung ber atang a a tlak thlak meuh kha chuan a nupui fanau te nawmsakna pawh a tlak thlak pui ve nghal a,ka nu natna kan hre chhawm chho lehnghal nen khaw hawi a tawi tup vek.

Ka nau te 2 kum 9 mi leh kum 12 mi nen,ka nu nen chauh Khawzawl khua a kawnzar veng ah kan khawsa ve naw naw a,ka pa in min awm loh san tak avangin chhungkaw enkawl ka ko ah a tla lo thei ta lo! Ka nu thisen cancer ani tih ka pa boral hnu lawk ah kan hre leh si nen kan na nawn awn awn mai anih hi.

Eizawnna harsat avang in Bangalore ah kan khawsak nawm zawk nan tiin hna thawk turin ka thleng thla ve rawih a,zir sang ah pawh thiam filawr lo tan chuan kan ram ah hlawh thatna awm hek lo î! A thawhna Spa a thawk turin ka thian kawm ve ber Âte-i'n min sawihmuh ve bawk nen ka kal ve rawih.

Ka nu enkawl nan a sum thehchhuah tur ka neih loh ang bawk in ka nau te pahnih tan pawh barbie leh toys leina tur ka nei chuang lo! Chu chu thuhran,puar khawp a ei tur ka hmuh zawh miau loh avangin massage centre(spa) thawk pah in nawhchizuar ka ni pah bawk!

Ka flat ka thleng a,chau lutuk in ka khum zau fahran lo ah chuan bawk thlawp in mumang ram ah ka cheng zui nghal riai riai. Tui zet a ka mu chu tui vawt satliah nilo,vur tui hik tha zet a leih harh ang maiin chiang lutuk in ka harh a,ka tho chhuak zawk.

"Pa",ka ti sap a,ka mang mai ani tih ka hriat chuan lungchhe zet in ka tap hawk hawk,"Pa,min kalsan lo turin i nupui leh i fanau te'n kan rawl neih chhun chhun in kan au che a,mahse,i lo kir lo,i fak fo thin i Pathian hnen a thlamuang tak a i chawlh rual khan keini erawh chuan thlarau ram ni hauh silo in lei hremhmun kan tem a,ni e,ka thiltih hian a ti lungngai ang che,mahse kawng dang ka hre ngang lo,kan dam khaw chhuah ve nan,ka nu tan,nilo,i hmangaih i chhungkaw tan a ti ka ni tih i hria tiraw? Ka duh rèng vang a ni lo"

"Theih ni se maw pa,hlim tak a chhungkim a awm a,i Pathian kha fak a,kawr mawi tak nen ka nau te ban a kai chungin,biakin ah mi te rual pawl a,mi te tih ang tih ve bak ah,ka rual pui te ang a nu leh pa te kiang a duhzawng leh awh zawng te sawi a ngen in pangchang tak a in tang belh hi ka thlahlel ve asin,mahse i Pathian hnen ah khan ka dil a,min pe let leh tur che in,min pe let leh lo anih pawh in ka chhungkua ka enkawl theih nan a ka hma min hruai sak tur a ka ngenna te kha ngaihthlak sak ka nilo",tiin ka mang ram a thinrim zet a min ankhum tu ka pa khan min hre thei a ka rin vangin ka be mawlh mawlh,muhil thei tawh lo in ka tho a,aw,khua a var tawh bawk a breakfast tur siam ila,hna ka kal hma ve poh aniang chu!

Muangchang a insiam pah in ngaihtuahna ka kawm a.

A dik alawm,nawhchizuar tenawm min ti,ka nihna ani rèng bawk! Thianghlim tak a ka hlawh chhuah ve chhun chhun hmang a ka chhungkua enkawl ka tum ve ngial a,mahse ka nau te 2 zirna,an ei leh in tur,ka nu in enkawl na senso zawng zawng daih thei thlawt hek lo,mangang leh chau a rûm in Lalpa Ka au a,"min pui lul rawh,kei chu hrehawm mahila ka chhungkua hi hnuk lut tel ve lul lo teh",ti a ka au(h) na chhan a a awm miau loh chuan eng aì ah nge nawhchizuar tenawm ka nih mai loh ang!

Min sawi,min sèl,ka hai lo,mahse mi sawiselna leh diriamna pawi sa thei lo  khawp a rethei in min siam miau,buh fang khat chu sawiloh buh hum ngèt chhia takngial pawh min pe lo tu hian min sawi ve thak suh se.

Ka hun paltlang hre lèk lo a min dem tu te ngaihtuah a rilru ti no hman ka ni ve lo e ti rilru chungin ka mobile ri ral ral chu ka ban a,Joel call ani, phur zet a pick-up in "Hello,Jo",ka ti hliai a,a thu rawn sawi vang chuan ka in perh tho zawk!

"I fiamthu tiraw?dawt sawi suh aw",awih lo lutuk in ka ti a,na zet in thawk a rawn la hawk!