I TAN CHAUH - 5

I Tan Chauh

 Chapter-5

 Mittui lo in ka ṭap a,ka thinlung rûm ri hre pha khawp a bengvar tumah an awm lo😢

Ll

*I TAN CHAUH*

Chapter-5

By-Hluhlu-i Khiangte

KA THISEN AH HIV HRIK HMUH A NI LO!

"Doctor,hriat sual palh a awm ani ang,HIV ka ni ngei alawm,check ṭha leh rawh u",ka ti sap,"Ni lo e,vawi thum ngawt kan en nawn tawh a,hriat sual chu a ni thei lo",a ti bawk si.

Ka nui hak hak a,ka nui tawp riai riai a,ka mittui ka biang ah a luang lum pap.Cathy lam ka hawi a,a ṭhawng ve tho tih hriat zet in a hawi phawk hra,ka en reng tih hria in a in siamṭha vat a,hmuh nuam zet in a nui var var,ka kuah thlawp a,ka in sùt hlawp hlawp.

Min kaih ang ang in ka awm a,ka hamhaih a ni ber mai,min haw puiin room ah min awmpui a,khum ah ṭhu in min kuah hle hle.

Engemaw tal sawi teh min ti tu Cathy chu kuah in,"A na asin Cathy,ka nun hi an ni ho hian an khel kual mai mai ani,hlim tak a ka nu leh pa,ka hmangaih te kiang a tual chai a ka len ve na hmun ka in ngei pawh mahni in sit luat ah thiam thu vawikhat,vawikhat te mah sawi eih lo in ka chhuah san a,ka hmangaih,aw ka hmangaih ngei pawh kha a thianghlimna zawk turin ti bawlhhlawh thei hnawmhne tenawm ang a ka in ngaih avang in thinlung na lutuk chungin harsa zet in ka kalsan a ngaih phah",ṭap in sut hlap hlap chung in ka sawi a.

Kei hi bum in ka awm!

Heng thil hi ka nuhrawn leh a fanu rangkachak man tam-i ruahman na a ni tih ka beng hi sakawr beng a nilo tih ka hriat chian tluk zet in ka hre chiang!

Ka harh zawk a,madam hmuh ka ngai,Cathy,Madam kha Portblair ah a la cham em ka tih chuan a bu nghat.

Madam Mimi ka hmuh a ngai tiin ka tlan chhuak a,Cathy min auh na chu ka bengkhawn buai hman tawh lo.Kan zawng hura pawh khan a duh a hmu tur a ni lo ti rilru chungin ka tlan a,min auh zui na pawh hre mah ila ka hawi let lo,ka thawhna hotel Sea Shell ah chuan tlan lut in madam room ka pan ding nghal ngar ngar a,a room kawngka hawng rawk in"in biak kan ngai",ka ti thawr.

Guess feedback vel lo en in alo buai hle a,mahse engmah sawi buai lo in a thil tih lai dah in min ngaithla hmiah!

Ka chung a thil thleng zawng zawng ka hrilh fai kelh a,"ka hre tawh alawm,mahse i ngaih ang a ni lo ania,Ramdina hian kha thil kha a duh vang a ti a nilo,HIV chungchang phei chu a thawi pawn kan hrelo",a tih chuan engkhaw sawi set set lo in ka phih nawk.

"Tichuan,ka nun hi game a ni a,nangni a khel tu maw",sehchilh nak in ka tih chuan a lu a thing nar nar.

"Hrep hlawm cheu hian",ti a chhuahsan ka tum chu a thusawi vang in ka ding dat.

Thil theih a ni lo!

"Kha zawng hur,tenawm leh diriam tak a min sawngbawl tu,dimdawi na tel map lo a ka chung a khawsa kha ka unaupa maw",ka ti hrawk.

"A ni a lawm,Ramdina hi kum 2 mi lek a nih laiin a bo a,i nuhrawn te chhungkua hian an enkawl,in in a room kalh reng ṭhin,nangpawh luh an phalsak loh na che kha i u Ramdina room tur a an zuah ani,i nuhrawn leh i pa hi tleirawl lai a in ngaizawng an ni a,mahse i pa khan i nu a tawn aṭang khan hmangaihna a tlu lut in i nuhrawn hi a kalsan ani awm e,i nuhrawn pawh in pasal te neiin fanu Peki te a han nei ve ta a,mahse a thinlung a i pa cham reng chung si khan a pasal hmangaihna famkim pe theilo ta chu an inṭhen leh mai a,ṭhangkhat lian zet hnu ah engti tih in emaw i nuhrawn in i pa a hmu leh chu a thinlung ser nung kha alo dam famkim loh zia hria in ruahman na a siam ta ani"

"I nu boral thu a hre lehzel nen Lisa hmang ṭangkaiin a in hmelhriat tir a,i pa chuan a ngaihzawng hlui Lalnunhlu-i ani tih a lo hre tawh lo bawk nen a tan kawng a awlsam phah leh sawt! Ti chuan kal thui zel in an lo in nei ta hial a,a tawi zawngin sawi ila Pi Hlutei(ka nuhrawn) hmangaihna kha huat na ah chang tawh miau hek i pa kha a thih na turin ruahman na a siam ta ani",zuai raih a a tih chuan ka nghing dawt,ka na thar leh vawng vawng.

Sawi zawm zel in "Ti chuan i pa thih hnu deuh lawk ah Ramdina hian i pa kha a pa alo nih ve thu te leh pi Hlutei thuruk te chu a hre chhuak a,thinrim zet a pi Hlutei lam a pan chuan a ai a thu thinṭhawng in alo hmuak! I thihna tur ruahman na" a ti a,ka na nawn awn awn anih ber hi,ṭawng tum a ka ang zuai(h) chu min khap in a sawi zawm leh a.

"Ramdina hian a farnu,a nau ini tih a hriat khan a hmangaih nghal em em che,mahse kawng dang hawn sak lek lo in pi Hlutei khan a vau bet miau a,duhthlan tur dang a siamsak eih lo! I chung a khatiang a a che anih loh chuan hrehawm leh rapthlak thei ang ber a i thih theih nan ruahman na felfai zet alo nei diam tawh",kawngkhar ri kan hriat avang in kan hawi phei a,Ramdina,ka pute-a,nilo,ka unaupa ni a Mimi'n a sawi chu a rawn lut,rang zet a tho in ka pan phei a,inthlahrun na leh hrehawm tih na a khat mitmeng nen a min en tu chu ka beng a,ka kek a,ka ham khem niai(h) bawk,ka ṭap hlawp hlawp a,ka au tuar(h) tuar(h) a,a dawh mawl tawp,ka ṭap chau tur min lo kuah vat a,duh lo lutuk in ka tal nawk nawk a,mahse tha ka nei hlawl lo.

"Ka farnu,ka hmangaihna lan tir theilo che in,ka duat ve theih loh che pawh in vui tur ka ni lo a,mahse natna runthlak zet ka pek che avangin ka in haw ngawih ngawih a,ka in ten hle asin,aw,ka farnu,ka farnu ngei mai chung ah thih na ai a runthlak dam reng chung a thih na ka pe che ani si a,mipa nep tak ka ni",zuai ruih a tiin a rûm chhuak hrawih.

Ka kuah thlawp a,a thiam loh anih loh thu ka hrilh,Mimi office chu ṭap ri leh mipa thaw leh hrawih ṭhin thawm chauh in a luah khat a,kan na tlang anih hi.

"I chung a rawng tak a ka chet lai te khan ka na lutuk hi ka puak keh lo chauh a,i nuhrawn phiangsen leh a ṭhuihhruai te'n min veh reng bawk nen kawng dang ka hre thlawt lo,kha thil thlen lai pawh khan an awm ve reng a,ti chuan a thu zawm lo thei lo a min siam miau avang in Mimi-i hi ka nei ta a,hmangaih ka tum ngailo a,a hausak na hi chhuhsak a a fanu hnen a hlan turin i nuhrawn khan min duh,ka nei ta reng bawk a,ka tum loh zet in hmangaihna khur ah tlu lut in i u Mimi hi ka hmangaih takzet tawh,mahse i chung a ka chet dan le lo zet avang in mangchhia ka man phah fo a,ka mang lam ah min thah tum in ilo kal ṭhin",a tih chuan mittui tling piau in ka lo en ngawt ngawt.

"Zan khat ka mangchhia vang a ka ṭhangharh leh chu mimi-i hian min zawt ta a,in thup reng thei lo in ka in puang fai ta kelh a,mahse min hrethiam in min thlamuan tum in min enkawl reng,khawvel a nupui ṭha ber ani",tiin hmangaih tih hriat lutuk in a nupui chu a en a,ka lam lo hawi in,"Mate,Opa hi hnaih tum leh na rilru nei suh ang che",min tih chuan na lutuk in ka melh.

"Vanlalpeki nen hotel khawi khawi ah emaw ka hmu dun fo a,heng thil vel ah hian in rawlh na aneih ka rin vang ani",a tih chuan za lo lutuk in ka nui hak hak.

Zan ka mut hmun ah vawiin thil thleng ka ngaihtuah a,hriatthiam loh ka ngah lutuk!

Engvang nge ka nu leh pa te khan ka u chungchang an zep kher? Engati nge ka nuhrawn chuan min thah a tum ve kher le? Chu chu ka nu leh pa a huat vang ah dah ta pawh ni ila Opa leh Peki chu engvanga in hmu ṭhin nge an nih? Chu pawh hotel ah lehnghal! Op,ka rin ngam in awm hram rawh aw,ka beidawnna ti belh chhah turin khawsa lul suh tiin ka ngaihtuah a,in thiam lo lutuk in ka lu ah ka kuk ṭawlh! "Helen Lalthianghlim,a hmangaih che tih i hria ani lo'm ni? Ni lo lo in ring chhe suh",in ti mah ila ka ngaihtuah na a la buai tho.

Engkim thil in thup ka hriatthiam loh hi ka la hre fiah vek ang,minlo nghak rawh u,ka nat pawh pawi sa lo a khawngaihna tel lek lo a ka nun chawk let kual tu te hi ka ngaidam ngai lo ang,ka tuar ta sa sa,ka na ta sa sa,nat leh phah dawn pawh ni ila ka thawk tawp thleng in ka bei cheu anga,hremna ka pe ang che u!

Lengpui Airport ah chuan ka awm leh ta vang mai,nun beidawng lutuk leh natna nasa zet nen a ka chhuahsan ka ram,Mizoram chu ka thleng ve leh ta.