I TAN CHAUH - 2

 *I TAN CHAUH*

Chapter-2

By-Hluhlu-i Khiangte

"I tlawm mai dawn em ni?khawnge ka fanu huaisen leh chak tak kha a awm tak",lungngaih na a khat awrawl hian min au vau vau mai in ka hria,ka ding chawt a,ka hawi kual ruai,"Nu",tiin ka phun sap,thawm hriat tur a awm lo,ka beng chhe ri ani mahna! Ka hma zawn a khâm awih bung vut chu pan tum in ke ka chhep leh chiah tih in a hma ai chiang zawk hian "Ka fanu,hma bak tamtak i la nei,chak tak in awm rawh,i pa nen kan awmpui reng che",fiah zawi dam dap awrawl ka hre leh anih chu! Ka ṭhu hnawk a,"Nu,ka tawrh na te min hriat pui tiraw,ka natna hi i hria em?ka tisa leh thlarau hi a chau a,a beidawng ngawih ngawih asin,he khawvel hrehawm lutuk ai thlawt hi chuan an sawi ve fo hremhmun pawh hi a nawm zawk ka ring hial ṭhin asin",ṭap khur hlak hlak chung in ka ti ṭiau.

Rei fe che chang lo in ka ṭhu a,ka ṭap reng mai bawk a,hlimna hi ka tan awm ve in ka hre lo a,ka bei hi a dawng ngawih ngawih ani ber mai,ka beng a ka hriat,ka nu awrawl lah chu a chiang si a,eng hi nge ka tih tak anga?Eng hi nge ka hmabak chu?Eng natna nge ka tawn leh ang?Na leh chuang tur ka awm tawh lo asin,mahse ka nu,he khawvel a nu ropui ber mai,a hmangaih a fanu tan a in pumpek huam ṭhin kha alo la ngai reng,mit ka chhing a,ka nu hmel ṭha zet ka hmu a,"Bawihte,an ni chu i chak tir dawn em ni? Hlim tak in i nuih tir bik ang maw? I in aṭang ngei a hnawtchhuak tu che kha lawm in a nui bik ang maw?",Chu awrawl mawi tak chuan min ti hahdam sawng sawng,ka nu thlarau in min chenchilh ni in ka hre tlat a,ni lo,ka thinlung hian a hre chiang mah mah ani zawk,hmangaih tu nu ropui chuan a fanu thinlung na lutuk leh keh sawm vek tan pialral kawngkhar veng tu te dan hman rual loh in a fanu tan ke a rawn pen anih hi.

Ka nu aw hriat leh tum in ka beng ka chhi hrà a,a reh tlawk tlawk,perhpawng leh thereng hrâm ri chuan ka beng min luh a,ka nu leh pa ka ngaih a zual ngei mai,thinlung na em em chung khan ka hahdam huai lawi a,ke kham na ut ut chung chuan ka zàng hawk nia mawle! "Nu,ka lawm e",ti a phun sap chung in ka luggage lam ka pan hnak hnak a.

Kal na tur lam ka va han hre lo tak êm,mahse mak lutuk tak mai in thih mai duh na rilru ka put na aṭang ka zuang chhuak hlawl,huaisenna leh chak na thar ka nu in min rawn pe ni mai in ka hria,ka bag ka hai rak rak a,ka card leh ka mobile a awm hlauh(hloh) e,ka nu leh pa dam lai khan ka account ah thla tin pawisa min dah sak ṭhin a,a awm ve nual ka ring,he pawisa hmang hian bul ka ṭan anga,ka châk ṭhin em em sumdawn bul ka ṭan ve anga,ka dam khaw chhuak ve em em ang,beidawng thei leh na thei a siam mah ni ila beisei thei leh hlawhtling thei pawh ka ni alawm le,ka tlan thei lo anih pawh in ka kal anga,ka kal thei lo anih pawh in bawkvak chung pawh a in hai kaw tur ka ni lo'm ni? Ka ti rilru rauh rauh a,ka nui ver ver.

Darkar pawh la liam hma a ka awm dan tehhrep ka ngaihtuah a,ka nui tawp riai riai,mahni in fuih phur chawp in ka in thing harh a,khawchhung lam pan in ka kal a,taxi pakhat alo tlan hlauh mai,ka phar ding vat a,hotel man tam lutuk lo awm na a min hruai tur in ka ti thawr.Hotel kan thleng a,room ka la fel a,room ah lut in ka in ti fai a,naktuk aṭang bulṭan dan kawng ka dap ang ti rilru in muthilh tum in ka chhing riai riai a.

Ka muhil thei thlawt lo chu ka hui pap pap a,ka nun hman dan ka chhui kir neuh neuh a,hei hi ka nun chu ani......

Helen Lalthianghlimi ka ni a,Helen tiin min ko ṭhin,ka nu leh pa fa neih chhun ka ni a,Aizawl zuangtui veng ah khawsa in ka nun a hlim in hmeichhe zawiawi tak ka ni ṭhin,kum 22 mi ka ni a,ka nu hi thisen cancer vangin kum 14 ka nih kum in a boral a,ka nu hian wholesale dawr lian ve pangngai bazar bungkawn ah nei in a enkawl ṭhin a,ka nu boral hnu in enkawl tu awm loh vangin kan ti ral,ka pa erawh doctor ani,ka pa leh ka nuhrawn hi kum 17 ka nih kum in an in nei a,ka kum rual pui chiah a fanu Vanlalpeki a rawn chhawm lut bawk,ka pa hi Hope hospital ah a thawk a,ka nuhrawn leh ka pa pawh hi ka pa thawh pui nu leh HIV ka nih thu min hrilh tu doctor Lisa aṭang a in hria an ni nghe nghe.

Chutia laizawn ka han nei chu nuam ka ti a,Nu ti a koh/auh tur ka han nei ve leh ta chu ka lawm em em a,ka ngaina nghal em em bawk,mahse rin ang alo ni ta hauh lo,ka unaunu chuan min millo in ka neih ai ṭha neih duh reng reng in hun a hmang a,ka nuhrawn lah chuan ka pa kiang ah chuan min duat in a fanu Vanlalpeki ai mah pawh chuan min hmangaih zawk emaw tih mai tur in a khawsa a,ka pa awm loh hnu erawh chuan ramhuai pitar sual zet ang mai ani.

(Kai tawi mai ang)

Kum 20 ka tlin ni ka piancham ah ngei mai a hna bang chu a rawn haw kawng ah a car khalh leh truck lian in su in accident a tawk a,kâ pawh chhawn lo in a boral! Ka pa a boral chuan ka zir na leh ka hma hun a tan ka hmachhawp ve te ka nuhrawn in min nuai bo saknnghal hmiah! Ka pa thih na pawh sûn ve phal lo ni awm tak in ka nuhrawn chuan tih tur min tuk reng a,a fanu rangkachak man tam-i lah chu lal fanu ang mai a cheibawl in zan thla eng hnuai ah pawh nihliap a khum tir lo chauh!.

Ka bialpa, Lalawmpuia(Op-a) nen hian ka pa thih kum ah in tawng in kan in duh tawn em em a,mahse ka nuhrawn hian chhuah vah lutuk min phalsak ṭhin loh avang in kan in hmu khat viau,thingtlang lam aṭang a lehkha zir tur a rawn awm ani a,chhungkaw harsa zawk zawk erawh an ni lo,ka vawikhat ngaihzawng neih na ani bawk a,min duat a min thlakhlelh na a tih lan chang te hian ka hlim em em a,riang bik lua a in ngaih na pawh ka nei ta vak bik lo,ka hmangaih em em a,ka nuhrawn tih hrehawmna hnuai aṭang pawh in amah vang in ka nui in ka hlim ve ṭhin!

Ṭum khat chu ka nuhrawn leh ka unaunu awm loh laiin ka putea(ka nuhrawn unaupa) a rawn leng a,kan in chu a rawn lut chhuak reng,ka chung ah sual a chhuah ngai lem lo na a ka ngaina lo,zu rim a nam deuh lehnghal emaw ni,ngaihsak duh lo in hna ka thawk mawlh mawlh a,chhuat nawt a ka kun lai chuan ka chhip sam a rawn ṭham in min phih tho nawk!

Awmdan mawi pawh hre lo,min melh duh lo vel amaw tih pah in min beng ṭhuai a,ka khur zaih zaih,"Ka tihpalh",ka ti ṭiau a,a tlai tawh,awmdan mawi ka zirtir ang che tih pah in min hnuk dawt dawt,ka room lam a min hnuk lut in min sawisak chhunzawm char char,min beng a,min hnek a,theihtawp a ṭan ka lo khawh ve chung pawh in ka hneh ngang lo,a kut ka seh sak a,a tha thlah zeuh lai chuh in tlan chhuah ka tum nghal,kawngkhar hawn tum a ka ban chiah chu ka hnung lam aṭang min rawn pawm bet tlat,ṭan ka khawh na lam a ka taksa zawi lutuk tawh nen thahrui mang ka nei tawh lo,ka ban pahnih min hnungkhirh sak in "Khawnge kal i tum a,ka duh ka hmuh hma chu nang i kal lo anga,kei in ka duhtawk hek lo ang", ti a sawiin a kut lehlam in ka hnute a hrawm nawk nawk a,thaw huam huam chung in ka biang a rawn liak duai duai.

Ka tal ve fat fat a chu awmzia a awm lo kher mai,kha hun tluk a manganna in min bual khah awm kha ka la hrelo,Pathian ka au lawm lawm a,min chhan tur in,kha tluk a ka auh nasat kha ala awm kher lo ang le! Ka mangang lutuk in ṭap chhuak hawk chung in Op-a hming ka lam ruai a, "Hrep che hian,mipa hming i lam a maw?Tu phiangsen nge,i chh* i l*k tir tawh em?i taksa itawm zet hi nawmchen nan a hmang ṭhin em", tih pah in a thaw hrawih hrawih! Ka tukhum sam a ṭham in ka chal bang ah min tauh tir chawrh! Che leh tur chuang ka awm tawh lo,ka rilru a la harh vek si,ava hrehawm tehlul èm,Lalpa,Lalpa tiin ka rilru in ka ko mawlh mawlh reng,mahse ka mangang au rawl a hre pha lo nge a reh vung vung,ka pute-a chuan ka khum ah min mut a,ka thawmhnaw a phelh a saruak a min dah te chu ka hre vek,mahse ka che thei silo,ka taksa na lo lai reng a awm lo,min liak kual reng a,min fawh chhuah vek a tum emaw ni?ka taksa a kuai let a,a rem lai lai a fawp dawk dawk! Ka chung a thleng tur chunka hre ve thiam alawm PAWNGSUAL ka ni dawn.